مشكلة في هارد ديسك خارجي

[islamnabil]

السلام عليكم و رحمة الله
عندي هارد ديسك خارجي WD My Passport وقع من من ارتفاع متر تقريبا و دلوقتي مش بتقرأ على الكمبيوتر
الجهاز بيكون شايف انه هارد ديسك لكن مش موجود في My Computer
مش عارف كده المشكلة ممكن تكون في ايه حد عنده فكرة ؟ و هل ينفع يتصلح ولا لأ ؟
ولو عايز اخد داتا من عليه و مش شرط انه يشتغل تاني حد يعرف حد و جربه قبل كده بيشتغل في الموضوع ده ؟

شكرا

[pro_samir]

صعب نظريا كدة

بس عموما كليك يمين علي my computer وادخل علي Manage

وبعدين من علي الشمال اختار Disk management

المفروض هتلاقي فيها الهاردات اللي راكبة وتقسيمة البارتشينات بتاع كل هارد ، لو شايفة لكن مفيش بارتشينات يبقي احتمال كبير الداتا ترجع بس المهم متلعبش فية ومتجربش ترجعها ودية لحد متخصص

لو مش شايف الهارد أصلا يبقي طلعة من الراك بتاعة وجرب توصلة علي الكمبيوتر نفسة وشوف هيقراة ولا اية يمكن الراك نفسة هو اللي باظ

[islamnabil]

شكرا على رد حضرتك
هوا فعلا مش بيتشاف في Disk management في windows XP لكن في vista شافه كهارد بس شايفه 0 MB
هوا الهارد على فكرة USB صغير بس متقفل جاهز WD
انا عارف طبعا ان لازم حد متخصص عشان كده عايز اعرف لو فيه حد مجرب شركة او حاجة يقولي عليها
و جزاك الله خيرا

[pro_samir]

ماهو عبارة عن راك برضو وبداخلة هارد لابتوب ، هو بيبقي مقفول كلبسات فكها وطلع الهارد وجرب توصلة بأي وصلة USB Converter