الكهرباء بتقطع وانا فى عز الشغل معقول الاستهتار بالناس دة ؟!!

[Haitham10]

انا بستني الليل عشان الواحد يترحم من الشمسه وحرها لغاية الفجر
وعينك ماتشوف الا النور بيقطع يوميا علي 9 او 8 ص ومن يومين قطع 1 الضهر .... المشكلة انه بيقعد اقل حاجه ساعتين والواحد بيفطس بجد

[ahmed-moga]

انا لا متعاطف معاها ولا عاجبنى قطع النور
انا قولت وحفضل اقول احنا فى امر واقع ..حضرتك اتقطع عليك النور فى الاسانسير علشان غيرك فاتح التكييف ومش قاعد فى الاودة اصلا ...يبقى لما الناس تبدأ توفر على الاقل الحالات اللى زى دى "حتقل" اكيد مش حتنتهى

وحرجع واقول تانى لو حد يقدر يغير الواقع يغيره...مش حنقدر يبقى نوفر شوية علشان ميبقاش للحكومة حجة فى قطع النور (مهو برده لو بصينا الناحية التانية اكيد هو مبيقطعش النور غلاسة..اكيد بيقطعها علشان الكهرباء مش كفاية..يبقى احنا نحللهم الحجة دى اننا نوفر الكهربا شوية وخاصة باليل من 8 ل10

معلش يااستاذ احمد انت ليه مصر ان قطع النور والأحمال الزياده بسبب التكييف

وبعدين بالعقل كده واحد مشغل التكيف علشان الحر يروح يسيبه ويقعد في الحر استخسار يعني

فيه اكتر من سبب لزياده الأحمال شوف مترو الأنفاق بجميع مراحله بيستهلك كهرباء قد ايه

شوف المصانع الكبيره والصغيره بتستهلك قد ايه شوف القري السياحيه والفيلات وغيرها

مشاريع استثماريه كبيره جدا بتستهلك جامد جدا وطبعا محدش يجرؤ ويقطع عنها

الكهرباء نظرا لما تدره من دخل يدخل جيوب الكبار ولو حصل هتلاقي فعلا دعواي

قضائيه مرفوعه علي الدوله تتطالبها بالتعويض وتتهمها بأنها السبب في

خسارةالمشروع بسبب هذا القطع المستمر للكهرباء

لو الشعب كله قام بترشد استهلاكه صدقني هيتوجد مبرر باردو لقطع الكهرباء والفائض

هيتصدر لبره والفلوس باردو هتخش جيوب الكبار

والواقع محدش هيقدر يغير الواقع الا لما الحكومه بأكملها تتغير والواقع كمان اللي

بيقطع النور مش غلاسه ده لمصلحه لناس تانيه الحكومه شايفها احق منا واحنا اللي

لازم نضحي عشنهم ماهو كله لازم يضحي من اجل بناء البنيه التحتيه اللي عمرها

ماهتتبني ابدا

[الريس]

معلش يااستاذ احمد انت ليه مصر ان قطع النور والأحمال الزياده بسبب التكييف

وبعدين بالعقل كده واحد مشغل التكيف علشان الحر يروح يسيبه ويقعد في الحر استخسار يعني

فيه اكتر من سبب لزياده الأحمال شوف مترو الأنفاق بجميع مراحله بيستهلك كهرباء قد ايه

شوف المصانع الكبيره والصغيره بتستهلك قد ايه شوف القري السياحيه والفيلات وغيرها

مشاريع استثماريه كبيره جدا بتستهلك جامد جدا وطبعا محدش يجرؤ ويقطع عنها

الكهرباء نظرا لما تدره من دخل يدخل جيوب الكبار ولو حصل هتلاقي فعلا دعواي

قضائيه مرفوعه علي الدوله تتطالبها بالتعويض وتتهمها بأنها السبب في

خسارةالمشروع بسبب هذا القطع المستمر للكهرباء

لو الشعب كله قام بترشد استهلاكه صدقني هيتوجد مبرر باردو لقطع الكهرباء والفائض

هيتصدر لبره والفلوس باردو هتخش جيوب الكبار

والواقع محدش هيقدر يغير الواقع الا لما الحكومه بأكملها تتغير والواقع كمان اللي

بيقطع النور مش غلاسه ده لمصلحه لناس تانيه الحكومه شايفها احق منا واحنا اللي

لازم نضحي عشنهم ماهو كله لازم يضحي من اجل بناء البنيه التحتيه اللي عمرها

ماهتتبني ابدا

اتفق معاك في ان الهدف الاساسي للحكومة مش راحتنا و لا تظبيتنا

بس انقطاع الكهرباء في اوقات الذروة ظاهرة شبه عالمية
بتحصل حتى في امريكا و انجلترا
بس مش بنفس القدر اكيييييييييييييييييييييد
بتكون دقائق انما هنا هما عاملينها تباديل و توافيق ما عدا مناطق معينة
يعني الكهرباء تقطع عن التجمع التالت كله ماعدا الguc
شيء طبيعي


و على فكرة واحد معرفة انجليزي جايب مولد كهربائي من الرياح زي اللي عندنا في الزعفرانة و زارعه في الجنينة و مظبط حاله اخر دلع ... و العهدة على الراوي

[thedeveloper87]

الخلاصة الترشيد علي العين و الراس
لكن تحميل الشعب عجز و بخل الحكومة في تطوير البنية التحتية غير مقبول اطلاقا

+111111111111
ده الكلام اللي يخش الدماغ.

حكومة رشيدة فاشلة 100%

[ahmed-moga]

اتفق معاك في ان الهدف الاساسي للحكومة مش راحتنا و لا تظبيتنا

بس انقطاع الكهرباء في اوقات الذروة ظاهرة شبه عالمية
بتحصل حتى في امريكا و انجلترا
بس مش بنفس القدر اكيييييييييييييييييييييد
بتكون دقائق انما هنا هما عاملينها تباديل و توافيق ما عدا مناطق معينة
يعني الكهرباء تقطع عن التجمع التالت كله ماعدا الguc
شيء طبيعي


و على فكرة واحد معرفة انجليزي جايب مولد كهربائي من الرياح زي اللي عندنا في الزعفرانة و زارعه في الجنينة و مظبط حاله اخر دلع ... و العهدة على الراوي

أديك قلت لدقائق مش بالساعات وانا في الأسانسير قلت لو فرضنا واحد او واحده سنهم

كبير وعندهم مشكله في التنفس او بيعانوا اي مشكله من مشاكل الصحيحه وخاصة

في الأماكن المغلقه وادي هذا الأنقطاع لحادث مآساوي او لوفاة هيكون رد الفعل ايه

بره ممكن نرفع دعوي قضائيه علي الحكومه ونطالبها بتعويض يجاوز ال50 مليون دولار

هنا هيتقال انه راح ضحية الأهمال في صيانة الأسانسير ومش هتاخد معاهم حق

ولاباطل وكبيرك5000 جنيه ده الواقع المرير اللي هنفضل نعيشه

[ahmed4000]

ولا يهمكم احنا شعب رشيد بنستهلك مواردنا بنضج
وعمرنا مبنسهتلك مياه زيادة ولا بنغسل بيها عربيات ولا بنرميها فى الشارع للترطيب
والكهرباء بنستخدمها اقل من المعتاد ولا حد عمره بيفتح اى نور الا لما يحتاجه
والبنزين برده بنستهلكه بالعقل ولا حد بينزل يلف فى الشوارع بالعربية
والموبيل استهلاكه عندنا متحضر جدا وبيستخدم فى الضرورة فقط
حتى شوفوا رمضان قرب وشوفوا كمية الاكل البسيطة اللى بنستهلكها فى رمضان

كله تمام وعشرة على عشرة بس عيبنا الوحيد فى الحكومة فقط
لكن احنا طبعا اكتر شعب متحضر فى العالم

وحتى علشان مفيش شعب فى الغنى بتاعنا تلاقى الناس بره فى دول الخليج الغلبانة ودول اوروبا التعبانة وامريكا الفاشلة بيتكلموا على ترشيد الكهرباء وبيعمل حملات توعية للناس..دول فقرا فعلا لكن احنا مش محتاجين نوفر حاجة

[ahmed-moga]

ولا يهمكم احنا شعب رشيد بنستهلك مواردنا بنضج
وعمرنا مبنسهتلك مياه زيادة ولا بنغسل بيها عربيات ولا بنرميها فى الشارع للترطيب
والكهرباء بنستخدمها اقل من المعتاد ولا حد عمره بيفتح اى نور الا لما يحتاجه
والبنزين برده بنستهلكه بالعقل ولا حد بينزل يلف فى الشوارع بالعربية
والموبيل استهلاكه عندنا متحضر جدا وبيستخدم فى الضرورة فقط
حتى شوفوا رمضان قرب وشوفوا كمية الاكل البسيطة اللى بنستهلكها فى رمضان

كله تمام وعشرة على عشرة بس عيبنا الوحيد فى الحكومة فقط
لكن احنا طبعا اكتر شعب متحضر فى العالم

وحتى علشان مفيش شعب فى الغنى بتاعنا تلاقى الناس بره فى دول الخليج الغلبانة ودول اوروبا التعبانة وامريكا الفاشلة بيتكلموا على ترشيد الكهرباء وبيعمل حملات توعية للناس..دول فقرا فعلا لكن احنا مش محتاجين نوفر حاجة

ياأستاذ احمد أرجوك متزعلش انت ليه زعلت من النقاش مش هو ده الواقع

عايز اقولك حاجه ودية أصبحت فعلا ظاهرة ملموسه الترشيد منا اصبح اجباريا بسب الحكومه

البقيه المتبقيه من الطبقه الوسطي والطبقه الفقيره اصبحوا بيحملوا هم وقت أصدار

الفاتوره الشهريه للكهرباء والماء وانا واحد منهم وغصب عني بقيت برشد الأستهلاك

في كل حاجه علشان اعرف اعيش عيشه مش عايز اقول اقل من الكريمه

التكييف مبقتش اشغله الا في وقت الحر وطبعا عمري ماهسيبه شغال واخرج اقعد في

الحر واقصي درجه ظبطها 27 والميه بتستخدم طبقا للأحتياجات اليوميه دون تبذير والعربيه عمري مغسلتها

بأيدي ديما في الكار كير وكل فين وفين فوطه زفره بتقوم بالغرض وعمري مارشيت

ميه قدامي واللي قدامي اللي كان بيرش بطل يرش لما جتله فاتورة الميه 100 جنيه والعربيه بقيت اركنها 3 او 4 ايام

وأستخدمها للضروره استغنيت عن المشروبات الغازيه والعصائر والبيرل اللي كنت

بشربه بدل الميه وقفت موضوع الدليفري تماما وعلي فكره مش انا لوحدي اللي بقه كده

ناس كتير جدا بقوا علي ده الحال وكتير جدا حملين هم مصاريف رمضان واذاي هيقضوه

موضوعك مفيد وهادف في حتة الترشيد بس ارجوا منك سعة الصدر انا شيفك

متعاطف مع الحكومه زياده عن اللزوم وده لحظته من خلال كلامك ومواضيعك

ارجوك متزعلش من كلامي احنا بنتناقش بموده وأخوه مش اكتر وتقبل تحياتي

[SunSet]

الصراحة عندنا مش بيقطع يوميا لان اعتقد هم بيوزعوا القطع على المناطق
فبالتالي حنلاقي القطع بشكل دوري

كل يومين كل ثلاث حسب الخطة بتاعتهم

وفعلا انا اعرف ناس بيسيبوا التكييف مفتوح ويخرجوا يطبخوا مثلا ومش كدة وبس لأ يسيبوا الباب مفتوح

فعلا انا مع ان الناس برضه زي الحكومة الرشيدة مقصيرين


لكن فعلا الافضل الايام دي نبطل نركب اسانسيرات احسن

[Car's Sniper]

دة حظك بس انها رجعت بعد 10 دقايق ، بتوع الكهرباء مابهمهووووووووووووووووووووووووووووووووووووومش
قطع الكهرباء و تخفيض انارة الشوارع بقرار من الوزير نفسه و مش هايفرق معاهم اي تهديد صدقني الكلام دة من مصدر موثوق بس بلاش اقول مين عشان ماتكرهونيش

.

+111
فعلا ده مجرد حظ لأن القرار ده قرار وزارى
لو عايز تشتكى روح للموساد(عدوك) ...ممكن يكون بيقدرنا عن حكومتنا
وييجى يقولك الجواسيس كتروا ليه ؟؟هههههههههههههههه
والله حكومة زى العسل

[elassar2010]

عندنا بدؤا الهبل واحد صاحبى امبارح الكهرباء اتقطعت عندهم 2 ساعة
وواحد تانى برضة اتقطعت عندهم

عندنا بيقطعوا مناطق مناطق

[ahmed4000]

ياأستاذ احمد أرجوك متزعلش انت ليه زعلت من النقاش مش هو ده الواقع

عايز اقولك حاجه ودية أصبحت فعلا ظاهرة ملموسه الترشيد منا اصبح اجباريا بسب الحكومه

البقيه المتبقيه من الطبقه الوسطي والطبقه الفقيره اصبحوا بيحملوا هم وقت أصدار

الفاتوره الشهريه للكهرباء والماء وانا واحد منهم وغصب عني بقيت برشد الأستهلاك

في كل حاجه علشان اعرف اعيش عيشه مش عايز اقول اقل من الكريمه

التكييف مبقتش اشغله الا في وقت الحر وطبعا عمري ماهسيبه شغال واخرج اقعد في

الحر واقصي درجه ظبطها 27 والميه بتستخدم طبقا للأحتياجات اليوميه دون تبذير والعربيه عمري مغسلتها

بأيدي ديما في الكار كير وكل فين وفين فوطه زفره بتقوم بالغرض وعمري مارشيت

ميه قدامي واللي قدامي اللي كان بيرش بطل يرش لما جتله فاتورة الميه 100 جنيه والعربيه بقيت اركنها 3 او 4 ايام

وأستخدمها للضروره استغنيت عن المشروبات الغازيه والعصائر والبيرل اللي كنت

بشربه بدل الميه وقفت موضوع الدليفري تماما وعلي فكره مش انا لوحدي اللي بقه كده

ناس كتير جدا بقوا علي ده الحال وكتير جدا حملين هم مصاريف رمضان واذاي هيقضوه

موضوعك مفيد وهادف في حتة الترشيد بس ارجوا منك سعة الصدر انا شيفك

متعاطف مع الحكومه زياده عن اللزوم وده لحظته من خلال كلامك ومواضيعك

ارجوك متزعلش من كلامي احنا بنتناقش بموده وأخوه مش اكتر وتقبل تحياتي

لا ابدا والله مزعلتش ولا حاجة ولا عمرى حيأس من النقاش والحمد لله الناس كلها محترمة وبتتكلم بأدب

وانا سعيد باللى حضرتك واكتر من حد طلعوا بيعملوه انهم يحافظوا على الفلوس وميبذروش فى الاستهلاك بدون داع

ياريت كلنا وانا اولكم نعمل كده

وانا مش متعاطف مع الحكومة بالعكس شايف ان التقصير والفساد موجود بصورة كبيرة

بس اولا: هل معنى كده ان المشكلة الوحيدة فى الحكومة؟ ومفيش اى مشاكل تانية؟ يعنى احنا كمصريين 100% بس ناقصنا الحكومة؟

طيب الحاجة التانية هل ده معناه ان كل قرار بيتاخد غلط ...فى حاجات بتبقى صح ومدروسة حتى لو كانت صغيرة..يبقى مش كل حاجة ننتقد عنداً فى الحكومة منفكر شوية بحيايدية يمكن يطلع قرار صغير صح وفى مصلحتنا والاهم من كده ان العند مياخدنيش انى أذى نفسي عندا فى الحكومة


مهو فى الاخر اهى الحكومة مرتاحة ولا خسرانة حاجة وتقولك أهو أسهل حاجة نقطع النور (واحنا اللى بنتاذى مش هما) والمياه اهى الحكومة بتقولك نقص المياه مش حيظهر دلوقتى (يعنى عيالنا مش مشكلة يلاقوا مياه المهم احنا لاقيين)


طيب اذا كانت الحكومة بنت ستين فى سبعين وجلدها تقيل ومش حتتحرك مهما عملنا..

طيب منقلل الاثار السلبية شوية...وده انتوا بتعملوه فى حاجات كتير ..بتدوروا على حلول بعيد عن الحكومة على اد مقتدروا ...بتجيبوا عيش كويس بدل العيش المدعم..بتعلموا ولادكم فى مدارس خاصة بدل المدارس التعبانة...بتركبوا عربيات بدل متركبوا مواصلات مقرفة...طيب منكمل بقى ونقلل استهلاك الكهرباء (شوية) علشان بدل ميقعوا على 10 احياء يقطعوا عن 8 بس

ولو انت متحركتش ولا حتفرق معاهم حاجة وبكرة انت اللى ممكن تكون الكهربا بتتقطع عليك

[NoraMagdy]

http://www.nilemotors.net/Nile/152684-a.html

[ahmed-moga]

لا ابدا والله مزعلتش ولا حاجة ولا عمرى حيأس من النقاش والحمد لله الناس كلها محترمة وبتتكلم بأدب

وانا سعيد باللى حضرتك واكتر من حد طلعوا بيعملوه انهم يحافظوا على الفلوس وميبذروش فى الاستهلاك بدون داع

ياريت كلنا وانا اولكم نعمل كده

وانا مش متعاطف مع الحكومة بالعكس شايف ان التقصير والفساد موجود بصورة كبيرة

بس اولا: هل معنى كده ان المشكلة الوحيدة فى الحكومة؟ ومفيش اى مشاكل تانية؟ يعنى احنا كمصريين 100% بس ناقصنا الحكومة؟

طيب الحاجة التانية هل ده معناه ان كل قرار بيتاخد غلط ...فى حاجات بتبقى صح ومدروسة حتى لو كانت صغيرة..يبقى مش كل حاجة ننتقد عنداً فى الحكومة منفكر شوية بحيايدية يمكن يطلع قرار صغير صح وفى مصلحتنا والاهم من كده ان العند مياخدنيش انى أذى نفسي عندا فى الحكومة


مهو فى الاخر اهى الحكومة مرتاحة ولا خسرانة حاجة وتقولك أهو أسهل حاجة نقطع النور (واحنا اللى بنتاذى مش هما) والمياه اهى الحكومة بتقولك نقص المياه مش حيظهر دلوقتى (يعنى عيالنا مش مشكلة يلاقوا مياه المهم احنا لاقيين)


طيب اذا كانت الحكومة بنت ستين فى سبعين وجلدها تقيل ومش حتتحرك مهما عملنا..

طيب منقلل الاثار السلبية شوية...وده انتوا بتعملوه فى حاجات كتير ..بتدوروا على حلول بعيد عن الحكومة على اد مقتدروا ...بتجيبوا عيش كويس بدل العيش المدعم..بتعلموا ولادكم فى مدارس خاصة بدل المدارس التعبانة...بتركبوا عربيات بدل متركبوا مواصلات مقرفة...طيب منكمل بقى ونقلل استهلاك الكهرباء (شوية) علشان بدل ميقعوا على 10 احياء يقطعوا عن 8 بس

ولو انت متحركتش ولا حتفرق معاهم حاجة وبكرة انت اللى ممكن تكون الكهربا بتتقطع عليك

ا

شكرك يا جدا ياأستاذ احمد علي سعة صدرك وعلي كلامك الأيجابي والموضوعي

بس الموضوع كله مش نقد للمجرد النقد الموضوع ان احنا شايفين الحكومه بتكيل

بمكيالين واحد الكفه بتاعته راجحه ناحية الطبقه العليا اصحاب الأموال والسلطه

والنفوذ والكفه التانيه فين وفين علي ماالحكومه تبصلها بعين الرضي وهما طبعا

البقيه المتبقيه من الطبقه الوسطي والفقراء

وطبعا أكيد احنا عندنا مشاكل بنحاول بقدر الأمكان ان احنا نحلها بعيد عن الحكومه

بس فيه مشاكل كبيره تقع علي عاتق الحكومه ومينفعش غير الحكومه هي اللي تحلها

بس للأسف بنلاقيها سلبيه ومبتتخدش اي اجراء ايجابي انما لو اي مكان من اماكن

الطبقه اللي فوق وجهته مشكله بمكالمه صغيره الدنيا كلها في خلال ساعه بتبقي بمبي

انما احنا ممكن نقعد بالأيام والشهور عما المشكله ممكن تتحل وعلي سبيل المثال

البيت بتاعنا في منطقه تعتبر نوعا ما شعبيه حدث ان كبل من كابلات الكهرباء

المدفونه تحت الأرض محتاج انه يتغير بسبب المشاكل اللي بدأ يسببها وبعد بعت

كثير من الشكاوي وبعد 3 شهور جت هيئة الكهرباء المحترمه وغيرت الكبل بس

الموضوع لم ينتهي علي كده حفروا حته ودفنوها وقالوا هنيجي بكره نكمل وبقالهم

دلوقتي اكتر من 3 ايام لاحس ولاخبر وادي الصوره دليل علي صدق كلامي وده

جزء من الكابل انما الكابل اكبرمن كده بكتير وضغط عالي يعني والعياذ بالله اي

غلطه من اي حد هنروح ضحيتها

انما لو حصل حاجه زي دية في مكان هاي لاين في ظرف ساعه المشكله كلها هتتحل

عرفت قصدي ايه حضرتك من موضوع الحكومه بتكيل بمكيالين وايه سبب زعلنا منها

وانا مع حضرتك وغيري وغيري عندنا حته الخوف المستقبلي من نقص المياه

ونقص موارد الطاقه والغذاء علشان كده بنطالب الحكومه انها تحل المشاكل دية

دلوقتي بدل ماتواجه اولادنا والجيل القادم اللي مش عارف ايامه هتكون ايه

وزي حضرتك ماتفضلت مشكورا قلت اننا عرفنا نحل جزء من مشاكل صغيره بحلول وببدائل بدل مانحتاج للحكومه

فيه كتير كتير جدا مبيقدرش علي الحلول والبدائل دية طبقا لحالته الماديه

فأكيد عمرنا ماهنقدر نحل هذه المشاكل الكبيره التي يقع عبئها اساسا علي عاتق

الدوله وهي المنوطه بحلها وبالنسبه لموضوع ان احنا ندعو الناس كلها بترشيد الأستهلاك

وذلك خوفا من المستقبل المبهم معتقدش كل الناس هتفهم وهتعمل فيه ناس مش عامله

اي حساب لأي حاجه ذو عقليه متحجره ومتأخره وصعب جدا انك تقنعهم بس بنحاول

يمكن حد يفهم وصدقني انا زي زي الناس التانيه بينقطع عنها الكهرباء باردو

بالساعتين وساعات الموضوع ده بيأثر علي شغلي جامد لأنني لست من ذوي الدخل
الثابت حالي كحال عامة الناس

معلش طولت علي حضرتك بس حولت اوصلك الصوره علي قد ماقدر تقبل خالص تحياتي وشكرا جزيلا علي سعة صدرك