ايه رأيكم بمناسبة رمضان

[azmeralda]

كل واحد يكتب اعمال الخير الجديدة والمبتكرة اللى سمع عنها او شافها
ومش شرط يكون عملها لن الدال على الخير كفاعله

وممكن يكتب اسماء وعناوين الجمعيات الخيرية اللى فى بلده وانشطتها

[n_i_t_e]

فى جمعية أسمها الرسالة و دي مشهورة جدا فى مصر و أسكندرية مش عارف موجودة فى باقى المحافظات و لا لأ.
بصراحة نظامها ممتاز جدا و منظمين أوي و بيقبلوا أي حاجة على كلامهم حتى ورق الجرايد!
الحاجة اللى الواحد بيوديها لهم بيصنفوها الأول (ممكن تدخل تحت بند لبس - أدوات منزلية- و هكذا)
دا غير التبرعات المالية المباشرة ممكن الصدقة تتوجه لرعاية أيتام أو أسر محتاجة أو ...
مكانها فى اسكندرية فى سموحة تانى أو تالت شارع متفرع من الشارع الواصل بين ميدان على ابن ابى طالب و كوبري كليوباترا

[n_i_t_e]

اه افتكرت كمان فى شنطة رمضان .. فى بعض المساجد بتعمل الموضوع ده و أعتقد شفت الشنطة نفسها بتتباع جاهزة فى فتح الله ماركت من رمضان اللى فات أو اللى قبله. بس للأسف مش فاكر أسماء حاليا.
الفكرة أن الواحد ممكن يدفع تمن الشنطة نقدا أو يشتريها و يسلمها للجهة اللى بتجمع..شنطة رمضان بتكون عبارة عن مثلا كام كيلو أرز..كام كيلو سكر..كيلو تمر و هكذا و أتذكر انها كانت سعرها بين ال50 و 100 جنيه بيتم توزيعها على الأسر الفقيرة فى شهر رمضان الكريم