تتصرف ازي معه...

[LORD.ADeL]

دلوقتى وبدون اي مقدمات لاقيت صوت خرفشه وحركه غيربيه فى مطبخ هوب
كائن غير مرغوب فيه اللى يسمى فــــــــــــــــــــــــــــــار
وطبعا الفيران انواع والنوع اللى لاقيه كان من نوع متوسط
وانا اصلا بقرف من الفار وصراصير والبرص كائنات مقظظة
طبعا عصرت ع نفسي لمونه وعملت فيه شجيع ودخلته مطبخ وابن التيت دخل فى قطعه المطبخب مع الحلل (: وعسكر فيها واضرب مفيش رزع عليه مفيش صوت مشكله ان بنتى عامله تعيط لانها شفته وهوا بيجري ودخل مطبخ ومراتى معها برضو صرخت ودخلتهم اوضه نوم ورحت بقا قررت افتح باب الشقه وقفله كل ابواب الاوض عندي قلت يا ان يا انتا وانا طبعا مشمائز؟وبعد تكسير وخبط ورزع فى الحلل والاطباق وكم كوبايا كان ع قطعه مطبخ طلع ابن التيت دة وجري وكل ما يخش ع حاجه يتخبط لحد ما شاف باب شقه مفتوح بيقوله اهلا وسهلا راح غار فى داهيه وبعدها قعدت 10 دقائق لحد ما استوعبت ورجعت لحالتي تانى مهم اني لحد دلوقت معرفش دخل الشقه اززززززززززززززي؟ كله مقفول سلك استحاله يقرضه لانى كبير وصلب جيه منين واعاذكم الله من دة كائن تشوفه فى البيت وللعلم العمار جديدة ومفيش اي وسيله لجلب الفئران؟
سؤال
علل؟؟
ايه تصرفك اذا لاقيت الزائر الغير مرغوب فيه دة عندك وانت لا عندك مصيدة ولا سم ومينفعش تنزل وتسيبه؟ وهل حد بيقرف ويخاف منهم زي ولا انا لوحدى كدة ؟ ومش عايز تريقه ؟ ((:

[aliabutaleb]

مهم اني لحد دلوقت معرفش دخل الشقه اززززززززززززززي؟ كله مقفول سلك استحاله يقرضه لانى كبير وصلب جيه منين واعاذكم الله من دة كائن تشوفه فى البيت وللعلم العمار جديدة ومفيش اي وسيله لجلب الفئران

خللي بالك ممكن يكون دخل من فتحة التواليت من خلال مواسيرة الصرف
حصلت معايا مرة في شقة إسكندرية وملقيتش تفسير غير ده
عشان كدة من يومها وإحنا بنسيب الشقة بنحط حاجة تقيلة على غطا التواليت

[mrwho1982]

بص احسن حل في الحاجات دي شبشب الحمام اللي بيلسوع

وتلبس شبشب في رجللك والاحسن يكون في حد معاك وبصراحة انا مابحبهمش برضو بس لازم اقتلو مش يهرب

انا مرة قعدت مع فار 2.30 ساعتين ونص

وفي الاخر جبت اجلو

[ahmed4000]

ياااه ده بيبقى لعنة فى البيت
مرة قعد عندى شهر فى المطبخ مش عارف هو فين ولا عارف اطلعه ولا بينفع معاه سم ولا غيره

لغاية لما مرة مصادفة كان عندنا عزومة لعدد كبير والمطبخ مفهوش تهوية كويسة والجو حر والبوتجاز عمل عمايله لقيت الفار طالع بيترنح جبت مقشة وفضلت ضاعط عليه لغاية لما مات بس كانت حاجة اخر قرف

[noble911]

كان زمان عندنا فار قبل ما نركب سلك علي الشبابيك
استخدمنا المادة اللاصقة و حطناها في المطبخ و قفلناه و تاني يوم الصبح لما فتحنا لاقينه لازق فيها
الفكرة انك تشيل اي اكل من المطبخ و تجيب كرتونة تحط عليها المادة اللاصقة و في النص جبنة رومي او خيار او طماطم
هيجي ياكل بالليل يلزق في المادة اللاصقة و كل ما يحاول يفلفص حيلزق اكتر

[aly_hosny]

انا مموتلي اربعة خمسة قبل كدا
بس كل مرة كنت بكسر كل حاجة في سكتي
كنت اقفل عليا الاوضة معاه واعيش معاه بقى لغاية ما اجيبه

[shaddadfalcon1]

الفيران دي كانت اصدقائي لما كنت في البلد وقبل مااتجوز عشان بيتنا كان في وسط الأراضي الزراعيه

يعني عادي الواحد ييجي ينام يلاقيهم بيلعبو تحت السرير او علي الحيطه

ابويا بقي لما كان يشوف واحد يقفله بالشومه لان دي اللي كانت بتسلك مع الأرانب قصدي مع الفيران
والله كنت اخبطه بالنبوت من علي الحيطه البسه في الحيطه التانيه وينزل يكمل جري

بس مره بقي لبست في دماغي انه اصيده وكان سيسي صغير وقمت قافل الأوضه ويانا يانت

تقريبا قعدت ساعتين كل مااشيل المرتبه والحاجات اللي تحت السرير واحطها علي الأرض يقوم هو داخل فيهم وهكذا لحد مالوح السرير علم علي قفاه

[LORD.ADeL]

خللي بالك ممكن يكون دخل من فتحة التواليت من خلال مواسيرة الصرف
حصلت معايا مرة في شقة إسكندرية وملقيتش تفسير غير ده
عشان كدة من يومها وإحنا بنسيب الشقة بنحط حاجة تقيلة على غطا التواليت

والله ياغالي باب التوليت مقفول ع طول وحتى الغطاء مقفول ديماا
هوا انا شكيت فى حاجه انه ممكن يكون فعلا زي ما حضرتك ما بتقول دخل من خلال حاجه فى مجاري وانا عندي مسورة صرف للغساله ومفتوحه ممكن يكون دخل منها ؟

[LORD.ADeL]

بص احسن حل في الحاجات دي شبشب الحمام اللي بيلسوع

وتلبس شبشب في رجللك والاحسن يكون في حد معاك وبصراحة انا مابحبهمش برضو بس لازم اقتلو مش يهرب

انا مرة قعدت مع فار 2.30 ساعتين ونص

وفي الاخر جبت اجلو

ههههههههه طب ازي شبب واجيبه بيه ؟ بقولك اذا كان عصايه مقشه وغيرها وضرب ومش عايز يطلع وبعدين انا اصلا هلحقه ازي دا تربو يا معلم

[أبو صلاح]

مرة كان يوم حر شوية
فسيبت الشباك على المنور مفتوح
وانا نايم حسيت بحاجة ماشية على ظهري رحت بهرش بايدي لقيتني ماسك حاجة بايدي
ببص فيها لقيته فار وانا ماسكه من ديله
طبعا اتفزعت جدا ورميته
انا في الطبيعي مش بخاف منهم
المهم صحيت قلبت الغرفة كلها عليه اني الاقيه
فص ملح وداب
المهم ظبت حالي ودخلت الحمام ورجعت الغرفة علشان البس هدومي ولبست
كان في بليزر كت بعد لما لبسته بحط ايدي في جيبي لقيتني ماسك الفار في ايدي
قلتله انت وقعت ولا الهوا رماك؟

مسيكته من ذيله باحكام ورحت مخرجه ورزعته في الارض لغاية لما مات

ودي احدى مغامراتي مع الفيران

[LORD.ADeL]

ياااه ده بيبقى لعنة فى البيت
مرة قعد عندى شهر فى المطبخ مش عارف هو فين ولا عارف اطلعه ولا بينفع معاه سم ولا غيره

لغاية لما مرة مصادفة كان عندنا عزومة لعدد كبير والمطبخ مفهوش تهوية كويسة والجو حر والبوتجاز عمل عمايله لقيت الفار طالع بيترنح جبت مقشة وفضلت ضاعط عليه لغاية لما مات بس كانت حاجة اخر قرف

طب الحمدلله انه طلعلك بس جالك قلبه ايبه شهر من غير ما تفتش عليه وتجيب اجله

[LORD.ADeL]

كان زمان عندنا فار قبل ما نركب سلك علي الشبابيك
استخدمنا المادة اللاصقة و حطناها في المطبخ و قفلناه و تاني يوم الصبح لما فتحنا لاقينه لازق فيها
الفكرة انك تشيل اي اكل من المطبخ و تجيب كرتونة تحط عليها المادة اللاصقة و في النص جبنة رومي او خيار او طماطم
هيجي ياكل بالليل يلزق في المادة اللاصقة و كل ما يحاول يفلفص حيلزق اكتر

يارت توضحلى ايه هيا مادة اللاصقه دى؟ واجيبه منين وبكام للطوارئ يعنى

[LORD.ADeL]

انا مموتلي اربعة خمسة قبل كدا
بس كل مرة كنت بكسر كل حاجة في سكتي
كنت اقفل عليا الاوضة معاه واعيش معاه بقى لغاية ما اجيبه

جدع وغلع انا كسرت كتير امبارح

الفيران دي كانت اصدقائي لما كنت في البلد وقبل مااتجوز عشان بيتنا كان في وسط الأراضي الزراعيه

يعني عادي الواحد ييجي ينام يلاقيهم بيلعبو تحت السرير او علي الحيطه

ابويا بقي لما كان يشوف واحد يقفله بالشومه لان دي اللي كانت بتسلك مع الأرانب قصدي مع الفيران
والله كنت اخبطه بالنبوت من علي الحيطه البسه في الحيطه التانيه وينزل يكمل جري

بس مره بقي لبست في دماغي انه اصيده وكان سيسي صغير وقمت قافل الأوضه ويانا يانت

تقريبا قعدت ساعتين كل مااشيل المرتبه والحاجات اللي تحت السرير واحطها علي الأرض يقوم هو داخل فيهم وهكذا لحد مالوح السرير علم علي قفاه

دا انتا واخد حصانه بقا ومتعود خبرة بتنفع برضو

[LORD.ADeL]

مرة كان يوم حر شوية
فسيبت الشباك على المنور مفتوح
وانا نايم حسيت بحاجة ماشية على ظهري رحت بهرش بايدي لقيتني ماسك حاجة بايدي
ببص فيها لقيته فار وانا ماسكه من ديله
طبعا اتفزعت جدا ورميته
انا في الطبيعي مش بخاف منهم
المهم صحيت قلبت الغرفة كلها عليه اني الاقيه
فص ملح وداب
المهم ظبت حالي ودخلت الحمام ورجعت الغرفة علشان البس هدومي ولبست
كان في بليزر كت بعد لما لبسته بحط ايدي في جيبي لقيتني ماسك الفار في ايدي
قلتله انت وقعت ولا الهوا رماك؟

مسيكته من ذيله باحكام ورحت مخرجه ورزعته في الارض لغاية لما مات

ودي احدى مغامراتي مع الفيران

ياقلبك يا ابو صلاح والله شكلي انا اللى بخاف منهم لوحدى
بقاا لاقيته فى ايدك عادي كدة انا جسمي كله اشعر منه من قبل ما اشوف

[windofchange]

اهم حاجة لم تيجي تقتله تقتله باسلوب رحيم مش زي ناس والعياذ بالله اتحكاللي في اسكندرية عمال تقريبا حلة مياه مغليه وبعدين رموه فيها بعد ماغلت وبرده موضوع اللصق والغرا اللي يلزق فيه في ناس تسيبه لازق بالتلات ايام او يومين لغايه ميموت لوحده وده تعذيب هو المفروض يضرب بحاجة قويه عرأسه تاني يوم وده مخالف لسنة حبيبنا صلي الله عليه وسلم كما قال"ان الله كتب الإحسان علي كل شيء فإذا ذبحتم فاحسنوا الذبح واذا قتلتم فاحسنوا القتل وليحد احدكم شفرته وليرح ذبيحته" بس هو الخوف والرعب والواحد ميعرفش الحديث ده يخللوك تعمل فيه العمايل