أسعار تبدأ من مليون جنيه!!

[Mzeid]

موضوع العرض و الطلب ...

مش فاهم إيه علاقة الردود بحسبى الله و نعم الوكيل بالموضوع ؟؟؟

الموضوع كله شركة بتقدم إسكان فاخر جدا .... و إللى عايز يشترى يشترى ..ز

مع إحترامى إنتم مالكم ؟؟؟

ما إللى يعوز يسكن يسكن ...

تقولى البلد مافيهاش موارد ... و إنت مالك ... دى حاجة ملهاش علاقة بأى حاجة ... ناس معاها فلوس و عايزة تعيش عيشة كويسة ....

محدش يعرف بيفرلى هيلز فى أمريكا ... قمة الأغنياء ... و فى بيوت عادية .. و فى فقرا ...

بيأجروا شقة بيسموها room ... فيها حمام صغير ... غرفة واحدة فقط ... صالة صغيرة جدا فيها جزء معمول مطبخ ...

أتمنى تفكروا شوية قبل م تردوا

معاك في كل اللي قلته

بس برضه معلش مش يبقى نص الأهرام إعلانات عن إسكان فاخر بالآلاف و الملايين
و حتى الشقق في العمارات العادية برضه بقت غالية
معنى كدة بقى إن إحنا عايشين في موناكو مش في مصر
اللي ما شوفت إعلان واحد لإسكان رخيص في الجرنال الظاهر الناس دي نسيت أن نسبة كبيرة من المصريين من الطبقة المتوسطة و تحت المتوسطة

[adelmof40]

معاك في كل اللي قلته

بس برضه معلش مش يبقى نص الأهرام إعلانات عن إسكان فاخر بالآلاف و الملايين
و حتى الشقق في العمارات العادية برضه بقت غالية
معنى كدة بقى إن إحنا عايشين في موناكو مش في مصر
اللي ما شوفت إعلان واحد لإسكان رخيص في الجرنال الظاهر الناس دي نسيت أن نسبة كبيرة من المصريين من الطبقة المتوسطة و تحت المتوسطة

ولا ح تشوف حاجة الشركة اللي تدفع 30000 او 100000 جم علشان اعلان تفتكر تجيب
ثمنه منين اكيد من القادرين اما الطبقة المتوسطة اللي بتتكلم عليها كفايه يقرأوا الاعلان....................ده لوكان لسه باقي حد من الطبقة المتوسطة

[Ahmed Samy]

اللي عايز يبني مدينة و يبيع الوحدة بلميار ....هو حر اهلا وسهلا

بس سيب الشاب الصغير هو كمان يبني صحراء "بلده" على قده

[Mzeid]

بس سيب الشاب الصغير هو كمان يبني صحراء "بلده" على قده

و متاخدش أراضي البلد كلها حتى الصحراء لحسابك لوحدك

[Car's Sniper]

سؤال سريع
هو البلاد التانية معندهاش شقق وفيلات بارقام ب6 و7 اصفار؟ ولا احنا بس فى العالم اللى كده
ومعندهمش فى نفس الوقت ناس تانية معهاش فلوس

طيب ليه هنا كل مبنسمع فيلا بكام مليون نقعد نصرخ ونشتم وطبيعى نوصف صاحب الفيلا ده انه حرامى وفاسد...

ودى بقت مشكلة غريبة فى المجتمع ان الواحد يبقى لسه متخرج ويقولك بصوا بيجيبوا عربية بكذا او الشقة فى ميدنتى بكذا...

طيب وانت مالك؟ اللى معاه فلوس يشترى زى مهو عايز

طيب مفى ناس بتقدر تشترى مرسيدس بنص مليون ايه المشكلة منقولش احنا مش لاقين صينى وده حرام وكلام من ده

والمجتمع سواء متقدم او متخلف حتلاقى فيه واحد معاه ملايين ومن حقه يسكن فى حاجة بملايين

احنا نقدر نتكلم ونقول ان الناس المفروض الدولة تشجع الاسكان المتوسط يعنى زى مبيحصل دلوقتى تخصص اراضى معينة وتقول اللى حيتبنى عليها يكون شقق متوسطة فقط (زى مشروع مبارك المعمول فى 6 اكتوبر دلوقتى) تديهم اعفاء ضريبى بحيث تخلى الشقة باسعار صغيرة

لكن مش حنحجر على الشركات التانية انها مبتبنيش فيلا ب30 مليون حتى احنا مالنا ده عرض وطلب

على فكرة فلل اعمار دى فى المقطم مش فى الصحرا

على رأى احمد فؤاد نجم:اى حد غنى فى بلد زى دى يبقى حراااامى
وعلى فكرة اللى معاه مليون جنيه ده مش غنى ...دول دلوقتى يادوب يجيبوا ارض وممكن ماتكفيش لاعمال البناء
احنا فى كارثة وخصوصا وسط الاحتقان الحالى , ظهر الوجه القبيح لحكومتنا

[osoliman88]

أسأل هنا فقط عن تأثير هذا الإعلان على شاب حديث التخرج فى إحدى كليات القمة فى الجامعات المصرية كالطب أو الهندسة أو الاقتصاد والعلوم السياسية أو الإعلام، يحفر الأرض بحثا عن عمل يضمن له الحد الأدنى من الدخل، ليعلن نفسه رجلا للمرة الأولى، ويتوقف عن تلقى المصروف الشهرى من والده، ثم تصدمه الشركات العقارية المصرية بهذا الاستفزاز الهستيرى بأن الحد الأدنى الذى يمكن أن يضمن له أحلامه، لن يقل بأى حال عن مليون وأربعمائة ألف جنيه؟

شاب حديث !!!!!!
تعرف يا سيدي الفاضل أن مرتب أستاذ جامعي في كلية العلوم قسم الرياضيات (يعني عالم رياضيات) مرتبه الشهري 1300 (الف وثلاثمائة جنيها مصريا لا غير) ، هذا العالم الحاضل على الدكتوراه وله أبحاث منشورة في كبرى المجلات والدوريات العالمية لكي يحصل على شقة (مش فلة) من اللى حضرتك بتتكلم عنها محتاج 89 سنة لو كان حيوفر كل مرتبه ومش حيأكل ولا يشرب ولا يلبس ولا يعلم أولاده وكمان الشركة مش حتحاسبه على فوائد التقسيط .... كفاية لحسن مش قادر أكمل

إن لله وإن اليه راجعون

[viper911s]

شاب حديث !!!!!!
تعرف يا سيدي الفاضل أن مرتب أستاذ جامعي في كلية العلوم قسم الرياضيات (يعني عالم رياضيات) مرتبه الشهري 1300 (الف وثلاثمائة جنيها مصريا لا غير) ، هذا العالم الحاضل على الدكتوراه وله أبحاث منشورة في كبرى المجلات والدوريات العالمية لكي يحصل على شقة (مش فلة) من اللى حضرتك بتتكلم عنها محتاج 89 سنة لو كان حيوفر كل مرتبه ومش حيأكل ولا يشرب ولا يلبس ولا يعلم أولاده وكمان الشركة مش حتحاسبه على فوائد التقسيط .... كفاية لحسن مش قادر أكمل

إن لله وإن اليه راجعون

اخيرا لقيت حد فاهم الواحد بيتكلم فى اية
الشقة الصغيرة 65 و75 متر فى عمنارة قديمة بقيت 170000و 180000 والمطلوب منى انى كشاب اشتغل ووفر المبلغ دة
وانا مرتبى اقل من الالف
اظن دة ميبقاش عدل
طبعا الحمد اللة على كل شىء انا مع ذلك بحاول
عاوز اتجوز قلت ايجار قديم
وبدور علة شقة فى المتوسط بتاعى صعب ايوة لكن بحاول

بلاش تحسسواالناس ان المشكلة فينا احنا
المسئلة اصعب بكتير فى مصر عليك انك تختار يا تعمل مشروع وتستنى تكسب او تخسر يا تتجوز
يا تجيب عربية يا تفكر فى جواز بردوا
لازم تختار واحدة بس علشان لما بتختار كل الى معاك بيروح والى جاى رايح على اختيارك يبقى المسئلة صعبة


على الشباب الاختيار ودة مش سهل دة صعب

[elassar2010]

شاب حديث !!!!!!
تعرف يا سيدي الفاضل أن مرتب أستاذ جامعي في كلية العلوم قسم الرياضيات (يعني عالم رياضيات) مرتبه الشهري 1300 (الف وثلاثمائة جنيها مصريا لا غير) ، هذا العالم الحاضل على الدكتوراه وله أبحاث منشورة في كبرى المجلات والدوريات العالمية لكي يحصل على شقة (مش فلة) من اللى حضرتك بتتكلم عنها محتاج 89 سنة لو كان حيوفر كل مرتبه ومش حيأكل ولا يشرب ولا يلبس ولا يعلم أولاده وكمان الشركة مش حتحاسبه على فوائد التقسيط .... كفاية لحسن مش قادر أكمل

إن لله وإن اليه راجعون

يعنى دكتور جامعة ميقدرش يشترى شقة من دى؟؟؟؟؟؟؟؟
ياراجل انا اعرف اتنين مدرسين وسافروا الامارالت يشتغلوا مدرسين هما الاتنين وماعندهومش عيال وقاعدوا 18 سنة بيشيلوا فى فلوس
لما بيشوفوا الاسعار دى بيضحكوا وبيقولوا انا نفسى اشوف مين بيشترى
انا اعرف مهندس بقالوا 25 سنة فى المقتاولين العرب ومدير منطقة فى المدينة الى هو فيها لما فتح لمراتة صسدلية فتحها بقرض من البنك
مش راح يشترى شقة ب1.5000000

اعرف واحد قريبى بيشتغل فى شركة الكهرباء وراح خد دكتوراة من اليابان راكب عربية 128 وقاعد فى شقى امة
ولا فى شركات عبرتة ولا بمرتبة قدر يجيب شقة

واحد صاحب ابويا رجل اعمال وحوت عندنا(بس محترم) لما بيشوف الاسعار دى بيضحك يقولك ازا كنت انا الى شغال اعمال حرة ومحتكر توزيع بعض المنتجات مقدرش افكر انى ممكن اسكن هناك نفسى اشوف مين الى بيسكن هناك
واحد انا اعرفى خريج نظم ومعلومات وبعد الوسايط والرشاوى اشتغل فى شركة منطقة حرة فى العامرية وكان بيتفتش فى الداخلة والخارجة هو وعربيتة وكل داة على 650 جنية فى الشهر دة يشترى 2 متر فى المدينة دى بعد كام سنة
ساب البلد وهج
كل الامثلة الى ذكرتها ناس وحشة وكسولة ومش بتسعى على رزقها!!!!!!!!!!
احنا هنشتغل بعض

يبقى مين الى هيروح يشترى شقى بمليون ونص على المحارة

[M.almaghraby]

ممممم

المشكلة ان في ناس فالموضوع بتدافع عن الاسعار دي

يا رجال المشكلة مش فالفيلل الفخمة و لا مدينتي ولا الرحاب ولا ان سعرهم عالي جدا جدا و مغالي فيه

فعلا دا عرض و طلب .........

لكن السفاحين الي عاملين السكن دا من امثال طلعت مصظفي و اعمار و غيره دول واخدين المتر بكام؟؟؟

المتر في مدينتي بحوالي 700 جنيه !!!! تخيلوا

والواحد لو عايز يبني بيت ولا حاجة فالشروق بياخد المتر بكام؟؟؟؟؟؟؟؟؟؟؟

دي بلد ظالمة و دا شيء مفيهوش جدال

و مش علي حساب الناس الشباب الغلابة الي مش لاقيين سكن و " استوديو 50 60 متر " زي ما العضو الكريم بيقول....

اساسا الشباب مش لاقي اي حاجة ..... و مش كله عايز السكن عالجاهز زي ما بتقولوا .......... بلاش نكون ظالمين

البلد دي مش لينا.....البلد دي للي معاه اكتر من 4 5 مليون جنيه ثروة ........... و علي ايه يا خويا ... مش عارف " لو كنا بلد محترمة كنا عملنا ايه "


اذا كان انا في كلية الطب و خايف لو فضل المستوي المادي للدكاترة كدا ملاقيش اكل حرفيا ...

[kh_talaat]

موضوع العرض و الطلب ...

مش فاهم إيه علاقة الردود بحسبى الله و نعم الوكيل بالموضوع ؟؟؟

الموضوع كله شركة بتقدم إسكان فاخر جدا .... و إللى عايز يشترى يشترى ..ز

مع إحترامى إنتم مالكم ؟؟؟

ما إللى يعوز يسكن يسكن ...

اقولك يا باشا احنا مالنا

- لما بلد صحراوي زي مصر لا يملك غير نهر النيل كمصدر مائي و80 % من القمح فيه مستورد والحكومة بتعلن انها هتققل زراعة الأرز عشان بيستهلك ميه كتير

وفي المقابل تلاقي اعلانات عن مساكن وفيلل تطل على ملاعب جولف واشي بورتو مارينا واشي بورتو السخنه دة تسمية اية ؟؟؟؟؟؟

- لما شقة في مدينتي في آخر الصحراء ومساحتها 90 متر أو 100 متر تتباع بـ900 ألف جنية وفي المقابل تكتشف ان طلعت مصطفى اخد الأرض وهي حوالي 8 آلاف فدان بدون ما يدفع ولا مليم (تقدر قيمة الأرض بـ2.2 مليار جنية ) وذلك مقابل 7% من اجمالي عدد الوحدات في مدينتي للحكومة

- لما بلاد عربية شقيقة تمنعك من شراء اي عقارات واراضي في بلادها بحجة انك اجنبي وفي المقابل يأتي لبلدك ويشتري شقق واراضي ويرفع الأسعار (اعرف واحد سعودي شاري عمارة كامله من بابها في مدينة الرحاب)

كفاية كدة ولا اكمل ؟؟؟؟؟؟؟؟؟؟؟؟

[aliabutaleb]

اللي عايز يبني مدينة و يبيع الوحدة بلميار ....هو حر اهلا وسهلا

بس سيب الشاب الصغير هو كمان يبني صحراء "بلده" على قده

طبعاً حر أهلاً وسهلاً
بس متديلوش الأرض بـ 150 جنيه المتر
ومتقدملهوش المرافق ببلاش

[elassar2010]

اقولك يا باشا احنا مالنا

- لما بلد صحراوي زي مصر لا يملك غير نهر النيل كمصدر مائي و80 % من القمح فيه مستورد والحكومة بتعلن انها هتققل زراعة الأرز عشان بيستهلك ميه كتير

وفي المقابل تلاقي اعلانات عن مساكن وفيلل تطل على ملاعب جولف واشي بورتو مارينا واشي بورتو السخنه دة تسمية اية ؟؟؟؟؟؟

- ؟

وياريتهم سايبنا فى حالنا بيقطعوا المياة عننا علشان تروح المدن الجديدة دى علشان يعرفوا يرشوا النجيلة
ويقولولنا انتوا ياعامة الشعب وفروا المياة الى انتوا بتشربوها

الكهربا الى احنا بنقول بتتقطع بتتقطع من عندنا احنا علشان تفضل عندهم ويشغلوا التكيفات المركزية وعامة الشعب ماعندهاش كهربا علشان تشغل حتت التكيف اليتيم الى عندهم

لو الحكومة سيبنا فى حالنا ماشى انما دى هتحرمنا احنا علشان تكفيهم هما

[ahmedbeirut123]

سؤال سريع
هو البلاد التانية معندهاش شقق وفيلات بارقام ب6 و7 اصفار؟ ولا احنا بس فى العالم اللى كده
ومعندهمش فى نفس الوقت ناس تانية معهاش فلوس

طيب ليه هنا كل مبنسمع فيلا بكام مليون نقعد نصرخ ونشتم وطبيعى نوصف صاحب الفيلا ده انه حرامى وفاسد...

ودى بقت مشكلة غريبة فى المجتمع ان الواحد يبقى لسه متخرج ويقولك بصوا بيجيبوا عربية بكذا او الشقة فى ميدنتى بكذا...

طيب وانت مالك؟ اللى معاه فلوس يشترى زى مهو عايز

طيب مفى ناس بتقدر تشترى مرسيدس بنص مليون ايه المشكلة منقولش احنا مش لاقين صينى وده حرام وكلام من ده

والمجتمع سواء متقدم او متخلف حتلاقى فيه واحد معاه ملايين ومن حقه يسكن فى حاجة بملايين

احنا نقدر نتكلم ونقول ان الناس المفروض الدولة تشجع الاسكان المتوسط يعنى زى مبيحصل دلوقتى تخصص اراضى معينة وتقول اللى حيتبنى عليها يكون شقق متوسطة فقط (زى مشروع مبارك المعمول فى 6 اكتوبر دلوقتى) تديهم اعفاء ضريبى بحيث تخلى الشقة باسعار صغيرة

لكن مش حنحجر على الشركات التانية انها مبتبنيش فيلا ب30 مليون حتى احنا مالنا ده عرض وطلب

على فكرة فلل اعمار دى فى المقطم مش فى الصحرا

+1111111111111111

عادى جدا فامريكا نفسها فيه متسولين من اللى هما بيعدو عالرصفان ويعزفو وفيه ناس معاها مليارات

و برده فيه شقق فامريكا بتوصل ل4 و 5 مليون دولار واكتر

يعنى الفكرة ان مش مصر بس

فى مصر واحد بيدور على شقة ب 100 الف و التانى عايز حاجة فرنج ال 2 مليون

عادى جدا

الصراحة الحقد الطبقى والاجتماعى هيولع البلد

[Ahmed Samy]

طبعاً حر أهلاً وسهلاً
بس متديلوش الأرض بـ 150 جنيه المتر
ومتقدملهوش المرافق ببلاش

يا سيدي انا مواق يدوهم الأرض ببلاش و المرافق ببلاش

بس سيبو الشاب المصري ياخد أرض بنفس التسهيلات و يبني بيت يتنبل يتجوز و لا يعيش فيه

هي مش صحرا ؟؟؟ وواسعة أهي !!!

+1111111111111111

عادى جدا فامريكا نفسها فيه متسولين من اللى هما بيعدو عالرصفان ويعزفو وفيه ناس معاها مليارات

و برده فيه شقق فامريكا بتوصل ل4 و 5 مليون دولار واكتر

يعنى الفكرة ان مش مصر بس

فى مصر واحد بيدور على شقة ب 100 الف و التانى عايز حاجة فرنج ال 2 مليون

عادى جدا

الصراحة الحقد الطبقى والاجتماعى هيولع البلد

حضرتك أمريكا فيها متسولين ....و مصر فيها متسولين

دول شحاتين جهلة ...مالهومش لازمة في المجتمع لا هنا و لا هناك


و الشقق أو البيوت اللي في أمريكا اللي 4 و 5 مليون دي عادية ...مش غالية اساسا

النقطة يا أستاذي مش في سعر السكن ...الفكرة في قدرة غالبية الشعب على الحصول على سكن كريم


مرتب الدكتور هنا كام و في امريكا كام

المحامي كام و في أمريكا كام

بتاع الهوت دوج اللي في الشارع هنا كام و هناك كام


الله يكرمك بلاش تقارن بلدنا بأي بلد اجنبي علشان بطني بتوجعني لما باكتب الفروق

اللي عايز يقارن مصر بأي بلد تانية ....يعمل حد أدنى للأجور زي البلد دي و نتكلم بعدها ...

مش ندفع زيهم و ناخد على قفانا


أما الحقد الطبقى اللي هايفرتك البلد فدي حقيقة

لأن اللصوص خلقوا طبقات لم تكن موجودة و ان كانت فهي ليست لهم و ده اللي خلا الكل متخيل ان اللي اغنيى منه حرامي و لا يستحق ...بداية من مشاركتي أنا في الموضوع ده

و حتى العيل اللي بيسرق ماركة العربية يحطها لى مكنته الصيني مدعيا ان "كفاية عليك العربية"



و لأي واحد بيحاول يجنب الحكومة أو يعفيها من المسؤولية

الحكومة هي اللي بتمشي الأمور و هي المسؤول الأول عن أي حاجة كويسة و أي حاجة و حشة

و بلاش نحاول نخبي حقيقة واضحة زي الشمس و نقول العيب فينا

حتى لو العيب فينا ....يبقى من بعدهم

[Mzeid]

+1111111111111111

عادى جدا فامريكا نفسها فيه متسولين من اللى هما بيعدو عالرصفان ويعزفو وفيه ناس معاها مليارات

و برده فيه شقق فامريكا بتوصل ل4 و 5 مليون دولار واكتر

يعنى الفكرة ان مش مصر بس

فى مصر واحد بيدور على شقة ب 100 الف و التانى عايز حاجة فرنج ال 2 مليون

عادى جدا

الصراحة الحقد الطبقى والاجتماعى هيولع البلد

حضرتك بالمسبة لأمريكا اللي بتقارنا بيها


كنت قرأت في أحد إصدارات صحبفة الأهرام في بريد القراء عن دكتور صيدلي كان ذكر أنه عنده عمله الخاص و مستريح و عنده عربية و زوجته عندها عربية و الاولاد مستريحين ففيوم كان بيحسب الضرائب اللي عليه علشان يدفعها و دفه فوجأ بعدها بكام يوم بظرف جايله في جواب و 3 آلاف دولار و مكتوب في الجواب انه يستحق دعم من الدولة لنه في فئة معينة

القصة قد تكون من تأليف محرر الجريدة بس أحب أوصلك أن مفيش أوجه مقارنة بتاتا بين مصر و أمريكا