ماكنة حلاقة جديدة من جيليت !

[SHNORY]

فى ناس دائما رابطة كلمة حرام بالتدين ... فبيتلككو فى أى حد يقول إنها حرام

حنقاطع المنتجات الصهيونيه علشان فلوسها بتروح لاسرائيل وحرام
حنقاطع الفاكهه علشان المبيدات والهرمونات
حنقاطع الخضار مع الفاكهه
حنقاطع شغل الحكومه علشان كافره وفلوسها حرام
حتي حلاقه الدقن حنقاطعها
----------------------------------
موقف حصلي من كام سنه كده وانا واقف في الكليه
جالي واحد وقعد يقولي السجاير حرام
وانت كده غلط
واول خطوات الايمان واتباع السنه انك تعمل طبق سلاطه كبير وتملاه بصل وتوم
فقولتله فعلا لما املاه بصل وتوم ريحتي حتبقي منيله ومحدش حيعرفني
وساعتها ولا حعمل صح ولا غلط
المهم فضل نص ساعه يقنعني ان الرسول كان بيعمل كده
وشويه كان حيقولي ان السلطه بالتوم والبصل من اركان الاسلام
ولما ملاقاش مني استجابه ليه
قالي ان باين عليك شيوعي
قولتله طيب تعالي يا تيت علي مكتب الامن لحد ما يظهرلك صاحب
راح سايبني وجري من قدامي

[elassar2010]

هي ليه الناس معترضين علي حلاقه الدقن؟؟؟؟؟؟؟؟؟
ولا هو اعتراض وخلاص وعلشان نعرف ان فيه ناس متدينين اكتر مننا وبيربوا دقنهم سنه
ولا ربايه الدقن حتعز الاسلام
ولا حلاقه الدقن حتقلل منه

بالظبط كدة كل حاجة لازم يدخل الدين فيها علشان يعرفهك ان هو راجل تقى ومش بيفارق سجادة الصلاة

نفسى اعرف اية حكم الدين فى الى بيتظاهر بايمانة وعايز يعرف الناس انة تقى؟
ياخوفى يايكون زى الى بيروح يحج علشان الناس تقولة ياحاج ويسافر وماياخد اى حسنة ولا اكنة سافر

[zkralla]

أنا بعتذر لصاحب الموضوع أنى هخرج عن الموضوع شويه
أنا مش عارف بصراحه الناس معترضين على أيه
يعنى هى الذقن مش سنه على اقل تقدير
وايه عرفكم نيه الراجل الى بيتكلم أنه عاوز يتمنظر عليكم
خلاص مفيش حسن ظن بالناس
يعنى مفيش اى احتمال أنه عاوز يذكر بجد وينصح لوجه الله
ولا كل الناس خلاص بقت عاوزه تتمنظر والسلام ومفيش حد بيعمل حاجه لوجه الله
أنا لا مربى ذقنى ولا عمرى ربتها عشان محدش يقول على أنى داخل اتمنظر واعمل متدين
ودخلت على الموضوع فى اوله ورديت عادى يمكن ثالث واحد ارد
بس السلخ الى نزل على الراجل معرفش سببه أيه هو عمل جريمه هو ما خرجش عن الموضوع ولا حاجه رأيه أن احسن حاجه لحلاقه الدقن أنك تسيبها ... ما ده صحيح .... ريحت نفسك وسنه
المشكله هتبقى فى الشغل او فى مشاكل مع الأمن ... الخ
كمان وحتى لو غلط هو مكفرش
هو اختار وقال رأيه .. وما غلطش فى حد ... واتكلم بكل ادب

[windofchange]

أنا بعتذر لصاحب الموضوع أنى هخرج عن الموضوع شويه
أنا مش عارف بصراحه الناس معترضين على أيه
يعنى هى الذقن مش سنه على اقل تقدير
وايه عرفكم نيه الراجل الى بيتكلم أنه عاوز يتمنظر عليكم
خلاص مفيش حسن ظن بالناس
يعنى مفيش اى احتمال أنه عاوز يذكر بجد وينصح لوجه الله
ولا كل الناس خلاص بقت عاوزه تتمنظر والسلام ومفيش حد بيعمل حاجه لوجه الله
أنا لا مربى ذقنى ولا عمرى ربتها عشان محدش يقول على أنى داخل اتمنظر واعمل متدين
ودخلت على الموضوع فى اوله ورديت عادى يمكن ثالث واحد ارد
بس السلخ الى نزل على الراجل معرفش سببه أيه هو عمل جريمه هو ما خرجش عن الموضوع ولا حاجه رأيه أن احسن حاجه لحلاقه الدقن أنك تسيبها ... ما ده صحيح .... ريحت نفسك وسنه
المشكله هتبقى فى الشغل او فى مشاكل مع الأمن ... الخ
كمان وحتى لو غلط هو مكفرش
هو اختار وقال رأيه .. وما غلطش فى حد ... واتكلم بكل ادب

+11111111111

[SHNORY]

أنا بعتذر لصاحب الموضوع أنى هخرج عن الموضوع شويه
أنا مش عارف بصراحه الناس معترضين على أيه
يعنى هى الذقن مش سنه على اقل تقدير
وايه عرفكم نيه الراجل الى بيتكلم أنه عاوز يتمنظر عليكم
خلاص مفيش حسن ظن بالناس
يعنى مفيش اى احتمال أنه عاوز يذكر بجد وينصح لوجه الله
ولا كل الناس خلاص بقت عاوزه تتمنظر والسلام ومفيش حد بيعمل حاجه لوجه الله
أنا لا مربى ذقنى ولا عمرى ربتها عشان محدش يقول على أنى داخل اتمنظر واعمل متدين
ودخلت على الموضوع فى اوله ورديت عادى يمكن ثالث واحد ارد
بس السلخ الى نزل على الراجل معرفش سببه أيه هو عمل جريمه هو ما خرجش عن الموضوع ولا حاجه رأيه أن احسن حاجه لحلاقه الدقن أنك تسيبها ... ما ده صحيح .... ريحت نفسك وسنه
المشكله هتبقى فى الشغل او فى مشاكل مع الأمن ... الخ
كمان وحتى لو غلط هو مكفرش
هو اختار وقال رأيه .. وما غلطش فى حد ... واتكلم بكل ادب

يا سيدي الفاضل
ردودنا مش موجه لشخص معين علي قد ماهي موجهه لفكر موجود ومنتشر
الا وهو ان كل موضوع مهما كانت درجه شرعيته وان كان لا يمت للدين بصله
لازم تلاقي حد بيقول راي معارض او مخالف
مهما كان الراي ده صح
بس مش مكانه الموضوع ده
صاحب الموضوع دخل وقال ان فيه ماكينه حلاقه جديده
دخلت ناس للتذكير بان حلاقه الدقن فيها كلام في الشرع (انا مشفتش الفيديوهات ولا سمعتها ولا اعرف هي بتتكلم علي ايه)
المشكله ان فعليا جزء كبير من المواضيع لازم يدخلها اراء دينيه حتي لو مكانش مكانها ولا زمانها
واحد يقول عاوز اعمل فرحي تلاقي اللي بيرد عليه ويقوله اطلع عمره بالفلوس
كريم يعمل موضوع تكييفات مساعده لجامع تلاقي الي بيقوله طيب ما نلم تبرعات للايتام
تلم للايتام تلاقي اللي داخل يقولك نستر ميت
تستر ميت
تلاقي اللي بيقولك نسد ديون واحد حي اولي من الميت
ناقص اقول وقعت وانا طالع علي السلم الاقي الي بيقولي علشان مقولتش بسم الله وانت طالع
فيه طريقه للنصح
وطريقه للدعوه
وطريقه للتقويم
وكلهم طرق ليست منفره
اللي عاوز ينصحنا ييسر علينا ولا يعسر
ينصح بود ورحمه مش بسكين تقطع سياق الكلام في اوجه وتنفر الناس من النصيحه
فيه فرق لما حد يقول لواحد قوم صلي علشان متتحرقش في جهنم مع الزاني والسكير وتبقي زيك زي الكفار
وواحد يقول قوم صلي معايا علشان ناخد ثواب الجماعه وتعمر بيت الله بدخولك

اتمني تكون وجهه نظري وصلت لحضرتك من غير ما يكون فيها حاجه زعلتك

[Deshahcoka]

هوا الناس ملاحقة على المكن التاني علشان ينزلوا ديه ! انا ادبست في الفيوجن ايام كان عليها عرض بموسها لما جيت اشتري مواس الاقي يا معلم ال الاربعة ب 100 جندي :) خدلك يا معلم :)

بيقلك الشفرة الوحد تستخدم 4 مرات بس :) قال صحة و الموس بيبرد :) ديه فيها 5 مواس ياراجل يبرد ايه :)

الصارحاة المكن انضف بكتير من الحلاقين الي الوحد بيقلق منهم !

[elassar2010]

يا سيدي الفاضل
ردودنا مش موجه لشخص معين علي قد ماهي موجهه لفكر موجود ومنتشر
الا وهو ان كل موضوع مهما كانت درجه شرعيته وان كان لا يمت للدين بصله
لازم تلاقي حد بيقول راي معارض او مخالف
مهما كان الراي ده صح
بس مش مكانه الموضوع ده
صاحب الموضوع دخل وقال ان فيه ماكينه حلاقه جديده
دخلت ناس للتذكير بان حلاقه الدقن فيها كلام في الشرع (انا مشفتش الفيديوهات ولا سمعتها ولا اعرف هي بتتكلم علي ايه)
المشكله ان فعليا جزء كبير من المواضيع لازم يدخلها اراء دينيه حتي لو مكانش مكانها ولا زمانها
واحد يقول عاوز اعمل فرحي تلاقي اللي بيرد عليه ويقوله اطلع عمره بالفلوس
كريم يعمل موضوع تكييفات مساعده لجامع تلاقي الي بيقوله طيب ما نلم تبرعات للايتام
تلم للايتام تلاقي اللي داخل يقولك نستر ميت
تستر ميت
تلاقي اللي بيقولك نسد ديون واحد حي اولي من الميت
ناقص اقول وقعت وانا طالع علي السلم الاقي الي بيقولي علشان مقولتش بسم الله وانت طالع
فيه طريقه للنصح
وطريقه للدعوه
وطريقه للتقويم
وكلهم طرق ليست منفره
اللي عاوز ينصحنا ييسر علينا ولا يعسر
ينصح بود ورحمه مش بسكين تقطع سياق الكلام في اوجه وتنفر الناس من النصيحه
فيه فرق لما حد يقول لواحد قوم صلي علشان متتحرقش في جهنم مع الزاني والسكير وتبقي زيك زي الكفار
وواحد يقول قوم صلي معايا علشان ناخد ثواب الجماعه وتعمر بيت الله بدخولك

اتمني تكون وجهه نظري وصلت لحضرتك من غير ما يكون فيها حاجه زعلتك

+9999999999

[M.almaghraby]

يعني ايه " انتا بتحلق دقنك ليه " دي انا مش فاهمها ؟؟؟؟؟؟؟؟؟!!!!

وايه الي دخل حكم اللحية فالموضوع؟؟؟

وليه المشرف مش بيدخل؟؟


بصراحة الجيليت فيكتور دي ازبل من الزبالة

انا بستخدم الماك 3 الباور حلوة اوي

[ahmad5997]

واحده واحدة عليا يا شنوري باشا ( مع اني عارف انك ما بتحبش كلمة باشا دي عشان تواضعك)
الموضوع وما فيه اني رديت علي موضوع زي كتير من مواضيع المنتدي
ورديت علي اخواتي اللي قاعد معاهم طول النهار
انا مش جاي اتمنظر علي حد اني ملتحي
ومش جاي اقول انتو حرام وانا حلال
حضرتك رديت وقولت انك بستعمل ماكنة كذا وغيرك قال ان بيفضل ماكنة كذا واخر قال انه بيفضل ماكنة تالتة غيرهم وانا دخلت ورديت

الحمد لله اطلقت لحيتي وريحت دماغي من العذاب ده

لم انطق بكلمة حلال ام حرام
لم انطق واقول سنة ام فرض
ثم وجدت منها فرصة لتذكير اخوتي فوضعت اللينكات لمن اراد
عايز تشوف اللحية وهل هي سنة ام فرض هل هي حلال ام حرام حطيت اللينكات بتاعة المشايخ الكبار تقدروا تشوفها
ثم اعتذرت لصاحب الموضوع

واسف لصاحب الموضوع بس لقيتها فرصة لتذكير الناس

لماذا كل هذا الهجوم
هو انا قولت حاجة غلط
هو انا طلبت من احدكم شيئا عشان تقولوا اني بتمنظر عليكو اني ملتحي

[mahmoud5777]

انا باستعمل الماك 3 وكويسة خالص بس فعلا مفيش حاجة بتنعم وتنضف غير المكنة بتاعت زمان اللى بيتحطلها موس بتاع ( قسم يالورد واطلع يا لورد ) بس هى محتاجة شوية خبرة علشان متعورش نفسك ده غير ان المكن الجديد كله لو دقنك طلعت ليها يومين مثلا مينفعش تحلق بيها علشان الموس بيتسد

[بحري]

واحده واحدة عليا يا شنوري باشا ( مع اني عارف انك ما بتحبش كلمة باشا دي عشان تواضعك)
الموضوع وما فيه اني رديت علي موضوع زي كتير من مواضيع المنتدي
ورديت علي اخواتي اللي قاعد معاهم طول النهار
انا مش جاي اتمنظر علي حد اني ملتحي
ومش جاي اقول انتو حرام وانا حلال
حضرتك رديت وقولت انك بستعمل ماكنة كذا وغيرك قال ان بيفضل ماكنة كذا واخر قال انه بيفضل ماكنة تالتة غيرهم وانا دخلت ورديت

لم انطق بكلمة حلال ام حرام
لم انطق واقول سنة ام فرض
ثم وجدت منها فرصة لتذكير اخوتي فوضعت اللينكات لمن اراد
عايز تشوف اللحية وهل هي سنة ام فرض هل هي حلال ام حرام حطيت اللينكات بتاعة المشايخ الكبار تقدروا تشوفها
ثم اعتذرت لصاحب الموضوع


لماذا كل هذا الهجوم
هو انا قولت حاجة غلط
هو انا طلبت من احدكم شيئا عشان تقولوا اني بتمنظر عليكو اني ملتحي

لو كنت قلت إن أحسن وأشيك وأروش وأوفر حاجة وأكثرها جاذبية وأناقة وأبعدها عن العذاب المرير الذي يشتكي منه البعض إنك تسيب لحيتك أوتهذبها بالمقص أو بالمكنة لأقل درجة وإن ده بيديك منظر خرافي زي الممثل الفلاني أو الستار العلاني مكنش حد كلمك أساسا ولا قال لك الهوا..بالعكس كنت هتلاقي ترحيب وتأييد واقتراحات وتجارب وتعديلات...الله غالب

[SHNORY]

لو كنت قلت إن أحسن وأشيك وأروش وأوفر حاجة وأكثرها جاذبية وأناقة وأبعدها عن العذاب المرير الذي يشتكي منه البعض إنك تسيب لحيتك وتهذبها بالمقص أو بالمكنة لأقل درجة وإن ده بيديك منظر خرافي زي الممثل الفلاني أو الستار العلاني مكنش حد كلمك أساسا ولا قال لك الهوا..بالعكس كنت هتلاقي ترحيب وتأييد واقتراحات وتجارب وتعديلات...الله غالب

يعني هو انا لو ربيتها حبقي شبه الواد اياه في المسلسل الفلاني ؟؟؟
والبنات حتجري ورايا يا بحري؟؟؟
طيب بمناسبه التجارب
ممكن اربي نصها اليمين واسيب الشمال ؟؟
او اعمل قصه العفريت ؟؟

بقي اتصل بيك اقولك تعالي تطنشني
ماشي يا بحري
ههههههههههههههههههههههههههههههههههه
خليك فاكرها
محروم من الطواجن 70 سنه
مع اني روحت اضرب طاجن الساعه 7 الصبح ولقيت المطعم مقفول

-----------------------------
يا احمد 5448
والله العظيم انا ما قصدي امس شخصك باي حاجه
انا بتكلم عن فكر عام بس
دون توجيه الكلام لاي شحص بعينه ولا برجله حتي

[بحري]

مع اني روحت اضرب طاجن الساعه 7 الصبح ولقيت المطعم مقفول

هههههههههههههههههه
ياشنوري ارحم نفسك..طيب بالليل الساعة واحدة ماشي...إنما الساعة ٧ الصبح؟؟!!..إنت حصلك إيه بس...ربنا يسامحني إني عرفتك سكة الطاجن ده...هههههه...خد بالك الإدمان مش مخدرات بس..بعد كده هابقى مضطر أحجزلك في (جماعة مدمنين الطواجن المجهولين ) TAWAGEN ANONYMOUS
حاجة كده زي الـ Narcotic anonymous
وخلي قصة العفريت تنفعك ساعتها

[kar!m]

هي ليه الناس معترضين علي حلاقه الدقن؟؟؟؟؟؟؟؟؟
ولا هو اعتراض وخلاص وعلشان نعرف ان فيه ناس متدينين اكتر مننا وبيربوا دقنهم سنه
ولا ربايه الدقن حتعز الاسلام
ولا حلاقه الدقن حتقلل منه

بغض النظر سنة ولا فرض .. اللحيه (الدقن) من الفطره .. معنى الفطرة السليمة انك تشوف الصح صح و الغلط غلط.


عن عائشة رضي الله عنها قالت: قال رسول الله صلى الله عليه وسلم : "عشر من الفطرة: قص الشارب وإعفاء اللحية، والسواك، واستنشاق الماء، وقص الأظافر، وغسل البراجم، ونتف الإبط، وحلق العانة، وانتقاص الماء، يعني الاستنجاء" قال الراوي: ونسيت العاشرة إلى أن تكون المضمضة. رواه مسلم.


و عكس الفطرة السليمة .. الفطرة غير السليمة .. و دى اللى بتشوف الغلط كأنه شىء عادى و ممكن كمان تنفر من الصح .. وده مرض اسمه مرض انتكاسة الفطرة و ده له أسباب كتير منتشرة فى مجتمعنا للأسف و له علاج كمان ..

هديك مثال على فطرة سليمة حصل لها انتكاس .. شاب عادى راح اشتغل فى مدينة ساحلية معروفه .. أول ما راح ذهل من منظر البنات اللى على البجر و الخلاعة اللى هناك .. و قعد يقول الناس دى عايشه كده ازاى و أهلها فين .. بعد شهر الموضوع بأه بالنسبة له عادى و بأه بيتكلم و يهزر معاهم عادى .. و بأه لما يشوف بنت محجبه يستغرب شكلها .. ده جاله مرض انتكاسة الفطرة نتيجة الف (التعود على) المعصية.. والأمثلة على كدة كتير .. من المعروف ان اللحية من الفطرة بأحاديث صحيحة كلها .. أنا بتكلم على الفطرة مش على حكم دينى .. يعنى لو كنا نشأنا فى مجتمع كل الناس فيه ملتحين .. كنا هنستغرب جدا لو شفنا واحد مش بلحية .. بالضبط زى لو انت اتولدت و عشت فى مجتمع الناس كلها بتصحى من النوم تحلق حواجبها .. و بعدين جيت فى مجتمع الناس زينا كده .. كنت هتستغرب جدا من شكلهم مع ان ده الطبيعى .. ده بالضبط اللى بيحصل دلوقتى لما نشوف حد بدقن .. عشان ده اللى اتعودنا عليه بالاضافه لعوامل تانيه زى الاعلام اللى شوه لنا منظر أى شخص بلحية و ربط بينه و بين التشدد و التعصب.

السبب التانى: اللحية (الدقن) حكمها ايه؟ لو قلنا الأحكام الفقهية "واجب و مستحب و مباح و مكروة و حرام" .. اللحية أقل قول فيها انها مستحب .. ده أقل قول .. يعنى ايه مستحب؟ يعنى ربنا سبحانه و تعالى اللى خلقك و أنعم عليك و رزقك و فى ناس كتير معندهمش عشر النعم اللى عندك بيحب كده .. ربنا سبحانه و تعالى بيحب شكلك كده .. لأن دى حاجه هو ميزك بيها عن النساء .. الله سبحانه و تعالى لا يستحق انك تعمل حاجة بيحبها؟ لو بنتك أو أمك أو زوجتك قالت لك ربى شنبك أو سكسوكة عشان بحب شكلك كده؟ مش هتعمل كدة؟

السبب التالت: تعال نبص للموضوع من الناحيه التانية .. لو كان ربنا أمرنا اننا نحلق دقننا كل يوم .. كنا هنقول ليه يارب بتشق علينا كده .. انما ربنا عايز ييسر علينا "يريد الله بكم اليسر ولا يريد بكم العسر" .. "لا يكلف الله نفسا الا وسعها" .. انما ربنا عايز ييسر علينا الامور .. وواضح جدا ان عدم حلق اللحية تيسير على الناس.

السبب الرابع: الرسول عليه الصلاة و السلام أمر بحاجات كتير و نهى عن حاجات كتير .. و كل شوية العلم بيثبت ان اوامر و نواهى الدين فيها خير ليك فى الدنيا قبل الاخره .. مثلا السواك .. الشرب على تلات مرات .. عدم شرب الخمر .. عدم أكل لحم الخنزير .. منع الربا و القمار و الميسر .. أكل عسل النحل .. أكل حبة البركة.. و كان فعل الصحابة انهم بيعملوا اللى الرسول عليه الصلاة و السلام بيأمرهم به من غير ما يعرفوا الفائده الدنيوية منه .. و مؤخرا الابحاث العلمية بتبين لنا فوائد القران أوامر و نواهى الرسول عليه الصلاة و السلام من فروض و سنن .. بالنسبة للحية هل هنستنى لما نعرف الفائده الطبية من اللحيه و بعدين نعملها؟ ولا يكون عندنا يقين ان دى حاجة كويسة و اعملها؟ لو بكرة العلم اثبت ان اللحية لها فوائد طبية هنقول اه كويس .. ده الدين بتاعنا بيدل على حاجات كويسة .. لسه هنستنى؟ ولا احنا من الاول متيقنين ان كل اوامر الدين فيهل فوائد دنيوية قبل الاخره.

فَمَنِ اتَّبَعَ هُدَايَ فَلَا يَضِلُّ وَلَا يَشْقَى* وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا (123-124) سورة طـه

مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وّلنجزينّهم أجرهم بأحسن ما كانوا يعملون .. سورة النحل

دى ثمرة الأعمال الصالحة فى الدنيا قبل الاخرة .. لازم نكون متيقنين ان أى عمل صالح بعمله هيعود عليه بالخير فى الدنيا قبل ما ربنا يجازينا عليه يوم القيامة و العكس صحيح طبعا

أًمْ حَسِبَ الَّذِينَ اجْتَرَحُوا السَّيِّئَاتِ أّن نَّجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاء مَّحْيَاهُم وَمَمَاتُهُمْ سَاء مَا يَحْكُمُون .. سورة الجاثية (الايه 21)

طبعا جزاء من يعمل السيئات بيشوفه فى الدنيا قبل الاخره .. وده أكيد شفناه كتير فى حياتنا.

دى كانت مجموعة خواطر منى و لو فيها خطأ فانا مسؤل عنه و والله أنا لا أقصد الاساءه لأحد ولا أنكر على أحد .. انما أنا حبيت أقول وجهة نظرى و ربنا يهدينا جميعا لما يحبه و يرضاه سبحانه و تعالى.

[zkralla]

يا سيدي الفاضل
ردودنا مش موجه لشخص معين علي قد ماهي موجهه لفكر موجود ومنتشر
الا وهو ان كل موضوع مهما كانت درجه شرعيته وان كان لا يمت للدين بصله
لازم تلاقي حد بيقول راي معارض او مخالف
مهما كان الراي ده صح
بس مش مكانه الموضوع ده
صاحب الموضوع دخل وقال ان فيه ماكينه حلاقه جديده
دخلت ناس للتذكير بان حلاقه الدقن فيها كلام في الشرع (انا مشفتش الفيديوهات ولا سمعتها ولا اعرف هي بتتكلم علي ايه)
المشكله ان فعليا جزء كبير من المواضيع لازم يدخلها اراء دينيه حتي لو مكانش مكانها ولا زمانها
واحد يقول عاوز اعمل فرحي تلاقي اللي بيرد عليه ويقوله اطلع عمره بالفلوس
كريم يعمل موضوع تكييفات مساعده لجامع تلاقي الي بيقوله طيب ما نلم تبرعات للايتام
تلم للايتام تلاقي اللي داخل يقولك نستر ميت
تستر ميت
تلاقي اللي بيقولك نسد ديون واحد حي اولي من الميت
ناقص اقول وقعت وانا طالع علي السلم الاقي الي بيقولي علشان مقولتش بسم الله وانت طالع
فيه طريقه للنصح
وطريقه للدعوه
وطريقه للتقويم
وكلهم طرق ليست منفره
اللي عاوز ينصحنا ييسر علينا ولا يعسر
ينصح بود ورحمه مش بسكين تقطع سياق الكلام في اوجه وتنفر الناس من النصيحه
فيه فرق لما حد يقول لواحد قوم صلي علشان متتحرقش في جهنم مع الزاني والسكير وتبقي زيك زي الكفار
وواحد يقول قوم صلي معايا علشان ناخد ثواب الجماعه وتعمر بيت الله بدخولك

اتمني تكون وجهه نظري وصلت لحضرتك من غير ما يكون فيها حاجه زعلتك

وصلت يا أستاذ شنورى وفيه حجات متفق معاك فيها وحاجات مختلف والاختلاف مش هيفسد للود قضيه
المهم أن الموضوع الاساسى كان الهجوم على المداخله بحكم اللحيه وحضرتك وضحت وجهه نظرك فيها
اتشرفت بردك وباشكرك على اسلوبك المحترم