عن قطع الكهرباء اتحدث

[maka]

ما تنساش كمان ان كل عمدان النور بتفضل منورة يوميا لحد الضهر او 10 الصبح على الأقل
:s

فعلا, بس صلب المشكلة بيكمن فى ساعات الليل

معلش استفسار بخصوص موضوع الفازة دى....يعنى انا لازم اغير العداد؟؟؟و نظامها ازاى يا محمد باشا...و هل الحكومة هتسمح انى اغير عدا الشقة باخر single phase

الاول انت عدادك 3 فيز ولا سينجل ؟؟؟

لو 3 مش هينفع الحل ده للاسف اما لو سينجل هينفع طبعا و العدادت السنجل اخرها على ما اتذكر 80 امبير

و السكينة دى بتبقى 3 اوضاع وضع common او زيرو وده بنوصل عليه احمال الشقة ووضع يمين تغذية كهرباء ووضع شمال تغذية كهرباء من مصدر اخر زى ال Selector و هى موجودة عند اى كهربائى

و تحت امرك يا باشا فى اى استفسار

[maka]

محمد باشاا ازيك يا جميل شرح جميل ومعلومات قيمه فعلا
وكل ما ببتكلمه عنه بيحصل وعندنا بالذات فى جمهوريه فيصل العظمى
يقطع وفى اقل من دقيقيه يجي ويقطعه معرفش ببيفكرونى لما بنتى بتقعد تلعب فى زارير النور بالضبط استبال وتهريج مالوش لازمه وناس معندهاش اي احساس واحد معايا فى عمارة ثلاجه وسخان طارو بسبب كدة لاحول ولاقوة الابالله.. ياجماعه اذا نور قطع فصل فيش كل الاجهزة كهربائيه ونور بس هوا اللى يكون متصل او اذا فى تضبيط فى لوحه كهرباء الرئيسيه للشقه ان بها تقسيم يجب غلقهم فوراا
لان نور لما بيرجع بيرجع بقوة اكبر فى فولت بتاعه ودة اللى بيخلي الاجهزة تتطير والله مستعان ...

يا باشا الله يكرمك ده من ذوقك و الله

و فعلا ادارة الازمة بتم بمنتهى التهريج و دلوقتى كل ما تزعق فى حد من بتوع 121 يقولك دى اوامر الوزير بقطع الكهرباء

و طبعا عند قطع الكهرباء لازم تفصل كل الاجهزة المهمة و متخليش غير الاضاءة بس

و كل سنة و انت طيب يا عادل باشا

على فكره كلام جميل وموصوع شيق وكلام حضرتك صح لان النور لما بيقطغ بفصل الأجهزه ده طير عندي الديب فريزر والسخان والكمبيوتر ومن يومها اول ما يقطع اشد الفيش او افصل من اللوحه بتاعه توزيع الكهربا الي في البيت مع ان فيها اتواماتيك فصل بس برده بوظت الأجهزه

يا باشا شكرا ليك

و الاتوماتيك ده مش هيفصل غير فى حالتين over load يعنى المفتاح 40 امبير و انت بتحمله 50

او S.C ( قفلة ) نتيجة تلامس خط الكهرباء مع المتعادل

و طبعا المفاتيح اللى فى بيوتنا كلها 220 ~ 380 يعنى لو الجهد جالك 380 الدنيا هتخرب و المفتاح مش هيتهزله شعرة

و ربنا يحمى الجميع

هههههههه
أيه يا باشا خفه الدم ديه
الموضوع جامد معلومات واسلوب وأنت عشره على عشره

هههههههههههه

شكرا ليك يا باشا

طيب ما نخلى الحاجه تدعى للحكومه ربنا يهديهم احسن

لو قعدت تدعى من هنا لبكرة الصبح , ديل ال &% عمره ما ينعدل

[maka]

انا بفكر في اختراع او يعني ممكن يكون حد فكر فيها قبلي ايه رايكو مش ممكن بما ان الجو زي ماانت ملاحظين حر اليام دي جدا وارتفاع درجه الحراره يكون عندنا مودلدات كهربا بالطاقه الشمسيخ في كل بيت ونستغني
عن الكهربا اللي بناخدها من الشركه القابضه وكل بيت يشتري المولد ده ويستخدمه في توليد الطاقه الكهربائيه لبيته زي فكره الطواحين واستخدام الرياح في توليد الكهربا ؟ ها ايه رايكوا

ياباشا علشان تولد كهرباء من الشمس بكمية حلوة هتحتاج مبلغ جامد لانها مكلفة و بتتولد d.c. و تضطر تخزنها فى بطاريات بعد كده تحولها a.c.

و لو كانت رخيصة كانوا عملوها فى مصر اللى مفيهاش اكتر من الشمس و الارض الفاضية

و توليد الكهرباء بالرياح برضه مكلف جدا و ميغركش مشروع الزعفرانة ده معونة يابانية المانية

و من الاخر توليد الكهرباء من الطاقات المتجددة غالى جدا جدا مقارنة بالطاقات الاخر نووية بخارية غاز و سولارو .........

[حاتم فوزى]

حسبى الله ونعم الوكيل ....انا كل لما انسى الموضوع ده النور يقطع افتكر تانى ضغطى يعلا
تسلم ايدك يامحمد على المجهود وبجد فعلا معلومات قيمة كلها جديدة بالنسبالى .معلش اصل اخوك ميكانيكى

[samcar]

نبداء كلامنا بالصلاة على سيدنا محمد

و نتكلم براحة و بهدوء و انا هتكلم من واقع دراستى

دلوقتى كلنا بنعانى من قطع الكهرباء بصفة مستمرة تصل الى يوميا او مرتين فى اليوم انت و نصيبك

و طبعا الكل بيتضيق و فيه ناس مصالحها بتتعطل و ممكن تقف بسبب القطع

والكل عارف ان القطع نتيجة ان الاحمال المستهلكة اكبر من الانتاج - و متخليش حد من بتوع 121 يضحك عليك و يقولك اصل الشبكة ضعيفة و الكابل سخن و المحول هيتحرق و الهجس ده كله -

وشوية معلومات كده على الماشى :

1- 60% من احمال مصر احمال سكنية - يعنى الحكومة عارفة كده من زمان -

2- وقت الذروة فى مصر بيبدا تقريبا من 6 انتهاء ب 11 تقريبا - و اكيد الوزير عارف الكلام ده من زمان مش الشعب فجاءه و قرر يغير وقت الذروة -

يعنى الحكومة عارفة الوضع بالكامل مصحيتش من النوم لقيت الوضع كده

نيجى بقى للى بيقولك اصل احمال مصر بتزيد زيادة مستمرة و متزايدة هقوله امين بس هقوله فيه مادة بتتدرس لطلبة الهندسة اسمها التنبؤ بالاحمال المستقبلية - وده علم مش دجل - و هى عبارة عن تسجيل لاحمال السنوات السابقة و عن طريق شوية معادلات تقدر تحدد الاحمال فى السنين القادمة , يعنى وزارة الكهرباء مصحيتش على مصيبة لا كانت عارفة و متوقعة و كان فيه دكتور ايام الكلية توقع اللى هيحصل لو فضل الانتاج ثابت

نيجى لحوار ساعتيين و 16 مليار جنية , اولا فيه طرق ارخص من بناء المحطات الا و هى الربط الكهربى مع دول الجاور لاختلاف وقت الذروة زى الربط ما بين مصر و السعودية اللى متوقف لاسباب سياسية لا يعلمها الا الله

و فيه نظام اسمه b.o.t ) build operate transfer) و متبع علا فى بعض المحطات و هو ان مستثمر - قطاع خاص - هيبنى محطة توليد و الربح هيكون ليه و يسلمها للحكومة بعد عدد من السنيين حسب الاتفاق

و اخيرا نفرض ان كل ده مش متاح و الحل هو البناء الحكومى اقولك ما فيها ايه ما الوزارة هتاخد ال 16 مليار ترميهم فى البنك و تسند البناء لمقاول و كل ما يخلص جزء تسلمه شوية فلوس و بناء المحطة اقل وقت ممكن تاخده سنتين و نص حسب ما اتذكر

و طبعا فيه وسائل اخرى الدول بتتبعها لتقليل الاستهلاك فى ساعات الذروة - علشان العملية متخرجش من تحت ايديهم زينا كده - :

1- فصل الصناعات الشرهة لاستهلاك الكهرباء فى ساعات الذروة- مش بتطبق فى مصر تماما -

2- يغلى قيمة الكيلو وات فى ساعات الذروة و ده بيجبر الناس على تخفيض الاحمال

3-وضع قانون يجرم استخدام السخانات و التكيفات مثلا فى ساعات الذروة و فيه دول بتجبرك على توصيل اجهزة معينة بوصلة خاصة بعيدة عن وصلة المنزل نفسه علشان فى وقت معين يقدر يفصل عندك احمال معينة مش البيت كله

4 - وضع عدد معين من الكيلو وات للمحلات شهريا عن طريق العداد ابو كارت - و لو خالصهم ذنبه على جانبه - و طبعا الوضع ده بيجبر اصحاب المحلات على تخفيض الاضاءة و احمال التكييف

5- الكل عارفها و هى تخفيض اضاءة الشوارع , حتى دى بتم فى مصر غلط يعنى النور ميبقاش منور زى الظهر فى شوارع المنطقة الصناعية باكتوبر ليلا و طافى فى شارع الهرم ولا البحر الاعظم

6- فيه طرق كتيير بس الواحد مش فاكر

7- فصل الاحمال عن بعض الاحياء نتيجة عدم القدرة على مواجهة الاستهلاك - و بالمناسبة بيعتبروها طريقة غير ادمية -

و طبعا الفصل فى مصر مش عادل يعنى يتكاء قوى على المناطق الشعبية و المتوسطة مقابل انه يدلع المناطق الراقية - فى يوم من الايام النور قطع فى ساقية مكى 4 ساعات و فى نفس الوقت قطع فى البحر الاعظم و رجع بعد تلت ساعة مش 4 !!!!!! -

طاب احنا هنقف مكتوفى الايدى ولا ايه يا جدعان , طبعا لا فى حلول و هى

1- حل غالى جدا : و هو انك تروح تسكن فى شارع فيه وزير او راقصة مشهورة او لاعيب كورة مشهور

2- حل غالى بس : هات لك مولد و شغله لما النور يقطع

3- حل رخيص : هات لك سكينة قلابة بس ينفع لو الكهرباء بتقطع عندك فازة و فازة و يعنى قاطع عندك و الشقة اللى جانبك منورة و لازم يكون عددك سينجل فيز , و السكينة ال 60 امبير ب 30 جنية

4- حل سهل : كتر من الدعاء على الحكومة و اللى جاب ابوها و اوعى تزعل الحاجة لتطسك الدعوة النور يقطع يوم بحاله

و اخيرا ياريت اصحاب مقولة ابداء بنفسك و اطفى التكييف و نور لمبة سهراية و شغل التليفزيون بالمنافلة يمتنعون لاننا عاملينا زى ما يكون واحد مديون بمليار دولار و بنلم من بعض بالشلن و التعريفة و اللى هيعمل كده هيعذب نفسه طول اليوم و فى الاخر النور هيقطع برده لان المنظومة بتدار بطريقة غلط من الاول

و متحاولش تكلم 121 لانك هتضيع وقتك و فلوسك ما بين انتظار طويل جدا او السكة تتقفل فى وشك او تقل ادبك على موظف بارد ملوش ذنب الا ان دى شغلته اللى بياكل منها عايش


و اسف على الاطالة

للاسف وزير فاشل - قضى على انجازات المرحوم ماهر اباظه- قطاع الكهرباء - دخله تضاعف 10 مرات عن ايام ماهر ومع ذلك التطوير والصيانه كانوا فى الهجايس- كلمه صيانه عندهم هى تنضيف الاكشاك والكابلات فى الشتا- ودمتم- وعلى كده بتتصرف حوافز ومكافات بالملايين للبهوات طبعا- وما تغركش كلمة تنضيف- ده هى فرشه ومقشه ليف كحيانه بيشيلوا بيها التراب من الاكشاك فى ساعتين زمن واقلب

معلشض المواطن مش ناقص علشان نتكلم عن شرائح جديده فى التكلفه زى ساعات الذروه- الحل اللى ما قلتوش- ان ضميرهم يصحى شويه ويخفوا اللهف شويه-
والمصانع اللى بيملكها البهوات ترشد هى استهلاك الكهربا - وبلاش استرخاص فى معدات الانتاج

التوصيلات العشوائيه والهرجله فى التوصيلات الجديده- بتضيع احمال كتيره

فيه بقى سؤال - مين المسئول عن تخلفنا 20 سنه عن ادخال المحطات النوويه للحصول على الطاقه - !!!!!!!!!!

السد العالى - زمان قالوا- ايام المكحوم عبد الناصر انه حيخلى الكهربا ببلاش- هههههههههه
دلوقت اللى طالع منه مش مكفى مصنع الالمونيوم فى نجع حمادى

نفسى افهم اللى بيحكم البلد دى ويكون اصلا مصرى - ليه دايما يعمل ضد مصلحتها - الله يرحمك يا محمد على- عايزين ريس تايوانى يا خونا - التجميع المحلى فشل

[hemalotfy]

انهارده النور قطع من الساعة 7.30 المغرب لحد الساعة 1.15 صبـــاحا في جميع انحاء المركز في جميع الشوارع وكل ما اتصل 121 الاقيهم رافعين السماعة وكنت هفرقع

حسبــــــــــــــــــــــــــــي الله ونعم الوكيـــــــــــــــــــــــــــــــل

[M.Osman]

كنت في مشوار امبارح في القاهرة
و كان طريقي معدي على الزقازيق (و الشرقية عموماً)

المنظر بصراحة كان مؤسف
كل القرى في الشرقية كانت الكهرباء فيها مقطوعة
الزقازيق نفسها كانت معظمها مقطوع فيها الكهرباء ..غير عند المحافظة طبعاً (لازم تكون منورة يعني)

و بعدين عايزين من الشعب ده انتماء ؟؟!!

[M.almaghraby]

5 ساعات امبارح فاسماعيلية

[تامر.محمد]

ممكن حد يجاوبني على السؤال ده ؟

http://www.nilemotors.net/Nile/171656-a.html

[motoxp]

تكملة لكلام م/ محمد قاسم

احب اضيف معلومة ان overload ممكن الاجهزة و الكابلات تستحمله فترة زمنية قصيرة


اما short circuit - sc تيار تدمير للكابلات و الاجهزة لابد من فصل المفتاح الاوتوماتيك مباشرة و لحظيا واسباب الsc كتيرة منها تلامس ال3 فازات مع بعض وده اخطر حالة او تلامس فازة مع الارضى و دى حاجة منتشرة فى البيوت

م/ محمد صلاح

[motoxp]

وفيه مشكله كمان محدش واخد باله منها خالص احنا داخلين على شهر رمضان يعنى التليفزيونات هتزيد عشان المسلسلات و اجهزة التكييف عشان الناس راجعة من الشغل وصايمة عايزة ترتاح قبل الفطار

يعنى بالعربى كده الفترة القادمة قطع الكهرباء هيبقى اكتر واكتر والله اعلم برضه


الحل : بدل ما نخفف الاحمال نزود انتاج الكهرباء بمحطتين نوويتين بقدرات عاليه مثلا 2000 ميجا وات او
انشاء محطة غازية كل سنتين لمواجهة زيادة التحميل و ثمنها يزيد على فاتورة الكهرباء بدل من قيمة الزبالة و المخلفات اللى ملهاش لازمة

[maka]

للاسف وزير فاشل - قضى على انجازات المرحوم ماهر اباظه- قطاع الكهرباء - دخله تضاعف 10 مرات عن ايام ماهر ومع ذلك التطوير والصيانه كانوا فى الهجايس- كلمه صيانه عندهم هى تنضيف الاكشاك والكابلات فى الشتا- ودمتم- وعلى كده بتتصرف حوافز ومكافات بالملايين للبهوات طبعا- وما تغركش كلمة تنضيف- ده هى فرشه ومقشه ليف كحيانه بيشيلوا بيها التراب من الاكشاك فى ساعتين زمن واقلب

ما هو لو كان ناجح و بيريح الناس مكنش عمر فى الحكومة

انا مش قادر انسى يوم ما خرج علينا بافتكاسة تغيير لمض الشوارع بموفرة لان المبات الموفرة اخرها اول عن اخر 8000 ساعة تشغيل اما لمبات الصوديم الموجودة حاليا بتصل الى 24 الف ساعة تشغيل فبالتالى اللى هيوفره كهرباء هيدفعه فلوس


معلشض المواطن مش ناقص علشان نتكلم عن شرائح جديده فى التكلفه زى ساعات الذروه- الحل اللى ما قلتوش- ان ضميرهم يصحى شويه ويخفوا اللهف شويه-
والمصانع اللى بيملكها البهوات ترشد هى استهلاك الكهربا - وبلاش استرخاص فى معدات الانتاج


معاك حق يا باشا و النقطة دى كانت غايبة عن فكرى

التوصيلات العشوائيه والهرجله فى التوصيلات الجديده- بتضيع احمال كتيره

فيه بقى سؤال - مين المسئول عن تخلفنا 20 سنه عن ادخال المحطات النوويه للحصول على الطاقه - !!!!!!!!!!


المحطات النووية مش هتخش الدول العربية و لا بالطبل البلدى حتى , مع المحطات النووية قدرتها عالية جدا و بتشتغل بشكل متواصل و قليلة التلوث لو تم تشغيلها بشكل صحيح و الدول المتقدمة كلها معتمدة عليها زى فرنسا 80 % من طاقتها نووي

السد العالى - زمان قالوا- ايام المكحوم عبد الناصر انه حيخلى الكهربا ببلاش- هههههههههه
دلوقت اللى طالع منه مش مكفى مصنع الالمونيوم فى نجع حمادى

السد العالى حسب اخر دراسة قريتها اصبح يغذى 13% من احمال مصر فقط


نفسى افهم اللى بيحكم البلد دى ويكون اصلا مصرى - ليه دايما يعمل ضد مصلحتها - الله يرحمك يا محمد على- عايزين ريس تايوانى يا خونا - التجميع المحلى فشل

بيعمل لمصلحة جيبه فقط

[maka]

انا لسه راجع الان من راس البر الكهرباء كانت قاطعه من المنصوره كفر شكر
تخيلو المسافه دي كلها
وكام مركز الكهرباء قاطعه عنها
بجد البلد علي حافه الانهيار
شويه الخدمات اللي كانو بيزلونا بيها
خلاص في الضياع لدرجه الفلاحين مش لاقيين مياه يرو الارض
يعني مش كهرباء بس

و نص بيوت مصر مش بتلاقى مياه مع قطع الكهرباء لانها معتمدة على المواتير

و فعلا بيزلونا مع ده حقنا و حسبى الله و نعم الوكيل

[maka]

حسبى الله ونعم الوكيل ....انا كل لما انسى الموضوع ده النور يقطع افتكر تانى ضغطى يعلا
تسلم ايدك يامحمد على المجهود وبجد فعلا معلومات قيمة كلها جديدة بالنسبالى .معلش اصل اخوك ميكانيكى

يا باشا , انت الهندسة كلها و شكرا ليك

بس الكهرباء بتقطع عندك بالكامل ولا فازة و فازة

انهارده النور قطع من الساعة 7.30 المغرب لحد الساعة 1.15 صبـــاحا في جميع انحاء المركز في جميع الشوارع وكل ما اتصل 121 الاقيهم رافعين السماعة وكنت هفرقع

حسبــــــــــــــــــــــــــــي الله ونعم الوكيـــــــــــــــــــــــــــــــل

121 اما رافعين السماعة او مبيردوش او بياخد منك البلاغ و ربنا يسهل

و بصراحة هما معزورين لانهم فى وش المدفع من غير ذنب الذنب ذنب الوزير

كنت في مشوار امبارح في القاهرة
و كان طريقي معدي على الزقازيق (و الشرقية عموماً)

المنظر بصراحة كان مؤسف
كل القرى في الشرقية كانت الكهرباء فيها مقطوعة
الزقازيق نفسها كانت معظمها مقطوع فيها الكهرباء ..غير عند المحافظة طبعاً (لازم تكون منورة يعني)

و بعدين عايزين من الشعب ده انتماء ؟؟!!

انتماء مين يا باشا , ده الناس كرهت البلد بسببه و بسبب الحكومة من زمان اوى

5 ساعات امبارح فاسماعيلية

انا مرة النور قطع عندى من 11 بالليل ل 7 الصبح

تكملة لكلام م/ محمد قاسم

احب اضيف معلومة ان overload ممكن الاجهزة و الكابلات تستحمله فترة زمنية قصيرة

الله يفتح عليك يا هندسة

بس معظم ال over load اللى بيحصل فى بيوتنا بيتم عن طريق تزويد اجهزة جديدة بدون تغيير المفتاح الرئيسى لاعلى و المعظم مبيبقاش فاهم اللى بيحصل و المفتاح بيفصل - من خبرة مع جيرانى -

اما short circuit - sc تيار تدمير للكابلات و الاجهزة لابد من فصل المفتاح الاوتوماتيك مباشرة و لحظيا واسباب الsc كتيرة منها تلامس ال3 فازات مع بعض وده اخطر حالة او تلامس فازة مع الارضى و دى حاجة منتشرة فى البيوت

م/ محمد صلاح

علشان كده بينصح ان ميبقاش مفتاح حماية واحد فى الشقة او فى التوزيعات بل 2 على الاقل علشان لو واحد معطوب التانى يلحق الدنيا

وفيه مشكله كمان محدش واخد باله منها خالص احنا داخلين على شهر رمضان يعنى التليفزيونات هتزيد عشان المسلسلات و اجهزة التكييف عشان الناس راجعة من الشغل وصايمة عايزة ترتاح قبل الفطار

يعنى بالعربى كده الفترة القادمة قطع الكهرباء هيبقى اكتر واكتر والله اعلم برضه

ربنا يستر