ايه هى ماركه التكييف صاحبه اوطى صوت للوحده الخارجيه

[eLcTrOn]

السلام عليكم
ازيكم يا شباب انا جديد معاكم هنا فى المنتدى .. وعاندى سؤال مهم جدا اتمنى حد يفيدنى فيه فى اسرع وقت
انا عايز اعرف اى ماركه تكييف سبليت صاحبه اوطى صوت بالنسبه للوحده الخارجيه 1.5 حصان
للاسف انا لسه شارى كاريير بس شايف صوت الوحده الخارجيه عالى شويه مش عارف انا بيتهيألى عشان اول مره اشترى تكييف وكدا طبيعى ولا هو فعلا صوته عالى وسامع اصوات غريبه ..
يارتنى كنت سألتكم الاول ):
الجهاز كتبريد ووحده داخليه جميل جدا وملهاش صوت . مشكلتى مع الوحده الخار جيه
عشان انا استخدامى للجهاز بيكون ف اوقات الليل يعنى من 3 الفجر لحد الصبح و فى فترات الهدوء دى صوت التكييف بيكون واضح جدا .. وربنا واعدنى بجيران مشكله ..
ارجوكم تردوا على استفسارى عشان يفرق معايا كتير قوى
الاوضه عاندى صغيره جدا اى ماركه تكييف هتقوم بالواجب من ناحيه التبريد اهم حاجه صوت الوحده الخارجيه دلوقتى
وياترى الشركه اللى اشتريت منها الجهاز ممكن توافق انهم يبدلوا الجهاز بواحد تانى وطبعا هدفع تمن
المواسير اللى تم استخدمها وكدا ولا مش هيوافقوا ..
مشكورين مقدما . واسف جدا على الاطاله بس انا حبيت اوصلكم الموقف معايا بالظبط

[K.LOTFY]

انا فى رأيى ان اى تكييف حيكون صوته عالى لأن دى حاجه بتكون بره الشقه هو اهم حاجه اللى جوه ميكونش صوته عالى ولو الصوت عامل مشكله قوى ممكن تركب شباك عازل للصوت بدل متغير تكيف لسه جديد

[dr.hazem]

بص ياعزيزي

انا اول اما ركبت التكييف (بس كان شباك مش سبيليت) كان صوت الجهاز عالي جدا بعد لما مشيو بتوع التركيب

وكلمتهم تاني وجم وكان في مسامير لازم تتظبط وظبطوهالي والصوت اختفى واصبح عادي
مسامير بتكون مثبته الكبباس ودي المفروض تتفك عشان الكباس يهز من غير صوت
هما بيتربطو بس اثناء نقل التكييف


اما عن الجيران
فعندي ليك نصيحه
لان احيانا بيبقى الموضوع غيره او حقد... الخ
فانتا اللي يكلمك تقوله حاضر هكلم الشركه وتنفض ولو كلمك تاني زعقله وقوله الشركه مشغولين ومحدش جالي لحد دلوقتي اعمل انا ايه اولع من الحر؟؟؟!!!
ههههههههههههههه
انا والله عملت كده وازعجوني رحت مره عامل نفسي انهم صحوني من النوم وعملتلهم هولليله وقلتلهم روحو ركبو تكييف واقرفوني انا راضي اسمع صوت تكييفكم
ههههههههههههههههههه


تحياتي

[cheetos_892005]

بالنسبه لاوطي صوت بره و جوه الكاريير عن تجربه 8 سنين لحد دلوقتي
و معملتلوش صيانه و شغال زي الفل

[Hondawy_2008]

يونيون اير

[AshTurbo]

ممكن تغير مكان الوحدة الخارجية وتمد طول المواسير مترين ثلاثة بحيث الأزعاج يقل قدر الأمكان مش فاكر متر المواسير في حدود 100 جنيه تقريباً وأشتري دماغك .

[m_elkhishin]

التكييفات اليابانية هي اكتر تكييفات هادئة ولكن قوتها أقل نسبيا من الامريكي.
انا جربت التوشيبا الشباك ، صوته اهدأ بكتيييير جدا من أي ماركة امريكية. طبعا الكلام ده في السعودية. معرفش هل توشيبا العربي في مصر له نفس المواصفات ولا لأ

[night_whisper]

انا عندى تكيفات شارب مفيش ليها اى صوت خالص للتكيف و مفيش اى صوت للوحدة الخارجية لدرجة انك مش بتعرف أذا كان شغال و لا لآ الا اذا وضعت ايدك على الوحدة الخارجية
و ربنا يوفقك فى تكيف جيد

[adelmof40]

دايكن
شارب
كاريير


بعد كده كله وجع قلب
بمناسبة الجيران انا مركب اسبليت
كاريير الجار اللي تحتي مركب شباك ( حاجة زي جاك تقريبا )
بعد ما مشي بتوع التركيبات بحوالي 4 ساعات
طلع لي وقاللي
علي فكرة التكييف بتاعك بايظ خللي بالك
باين عليك شاريه قديم .....
سألته ليه
قللي بينقط ميه ....
رديت عليه
قلت له شكرا وسوف اتصل بالسوبر ماركت اشتري
له بامبرز .......................
في نفس اليوم الساعه 2.3 ليلا
طلع دق الجرس يقوللي ايه ..... لو سمحت مش عارف انام ........
ليه يا حبيبي
.. اصل تكييف حضرتك بنقط ميه ع التكييف بتاعي
قلت له الله يحرق التكيف بتاعي علي ام التكييف بتاعك امشي
وقول يا مسا
وتاني يوم طلبت الشركة تركب خرطوم صرف بعيد عن تكييفه النونه لحسن يعيط
ده كلام ............................ده مشاكلي من تكييفي المحترم جدا

[gebreel]

الشارب ممتااااااااااااز خدمة ما بعد البيع و صيانة و كفائة
انا عندي ال 2 كارير و شارب الشارب ما شاء الله عليه ثلاجة و ملوش ايييييي صوت خالص بس لو على موضوع الجيران انت ملكش ذنب في صوت التكييف تعملهم ايه يعني
انا الكارير في اوضة نومي الكومبريسور ورا الشباك اللي انا نايم تحته و بنام عادي جدا بدون اي مشاكل و دول فوقك ولا تحتك و مضايقين؟!!!

[omar-saad]

انا عندى تكيفات شارب مفيش ليها اى صوت خالص للتكيف و مفيش اى صوت للوحدة الخارجية لدرجة انك مش بتعرف أذا كان شغال و لا لآ الا اذا وضعت ايدك على الوحدة الخارجية


و ربنا يوفقك فى تكيف جيد

+1111111111111111111111111111111

[ali.mahmoud]

انا عندى يونيون اييير خارجى وامريكول داخلى محدش يسألنى ازاى بص صوته عامل زى الجرارفى الوحدة الخارجية بس و هو اربعة حصان

[ameerahmad]

sharp is the best

[eLcTrOn]

طيب مشكورين جدا يا جماعه على الردود
بالنسبه للردود الخاصه بالسؤال بتاعى .. شايف ردود كتير بتقول الشارب اوطى صوت
انا هحاول اشوف اى حد مركب شارب 1.5 موديل 2010 واشوف صوتع اوطى من الكارير ولا لأ
وكمان هرفعلكم فيديو لصوت الكاريير عاندى ...

[akramlail]

كنت عاز اسال لو حد بيعمل تنضيف للفلاتر بنفسة كل شهر ممكن يشرحلنا ازى الطريقة؟ انا عندى كاريير n3 بقالة شهر
ومكتوب فى الكتالوج فى نوعين فلاتر ؟؟
وهل فى صيانة كل سنة وتتكلف كام؟