ساجد يروح فين؟

[esam_comm]

السلام عليكم

ارجو المساعده للاهميه القصوي انا ابني ساجد عنده 3سنين وعايز اشوف ايه المدارس او التعليم المناسب له للعلم انا من سكان الشيخ زايد 6 اكتوبر وعايز حد يفهمني المدارس الانترناشونال وموضوع الigcseبس براحه عليا وواحده واحده اخوكم تعليم حكومي ومسقط الحاجات دي خالص ارجو بالله عليكم اللي يعرف حاجه بخصوص الموضوع ده يرد عليا ضروري جدا

[esam_comm]

شكرااا للمشاراكات والمساعده جزاكم الله خير

[A7MED_PHARMA]

أنا لو عندي فكرة ....كنت ساعدتك
وبعدين عنوان الموضوع لا يوضح معناه

إطلب من الإدارة تغيير إسم الموضوع...علشان إلي يقدر يساعدك..يقدر يفهم كده من عنوان الموضوع

[Fouad Ezz]

السلام عليكم

ارجو المساعده للاهميه القصوي انا ابني ساجد عنده 3سنين وعايز اشوف ايه المدارس او التعليم المناسب له للعلم انا من سكان الشيخ زايد 6 اكتوبر وعايز حد يفهمني المدارس الانترناشونال وموضوع الigcseبس براحه عليا وواحده واحده اخوكم تعليم حكومي ومسقط الحاجات دي خالص ارجو بالله عليكم اللي يعرف حاجه بخصوص الموضوع ده يرد عليا ضروري جدا

بص يا ابو ساجد
أفضل أنواع التعليم حاليا بالترتيب من الأفضل للأدني هو الأتي
1- المدارس الإنترناشونال زي المدرسة البريطانية والألمانية وغيرهم ودول بعشرات الألاف من الدولارات سنويا ولهم إشتراطات تانية خاصة جدا
2- المدارس الخاصة اللغات (إنترناشونال وناشونال) .. إنترناشونال يعني مناهجها من برة .. وناشونال يعني مناهجها من جوة بس يزيد عليها الرياضة والعلوم بالإنجلش ومستوي لغات أعلي + لغة تانية من 2 إبتدائي ودي مصروفاتها للناشونال من 5000 إلي 8000 ج
3- المدارس الأزهرية لغات ... ودي ناشونال+ لغات + مناهج أزهرية .. بس أنا مش بحبذها لإن معظمها هدفها الربح ولا تقدم تعليما جيدا (والله أعلم)
4- المدارس القومية (جمعيات أهلية تحت إدارة حكومية) 3000 ج تقريبا
5- مدارس المستقبل (حكومية لغات) 3000 ج تقريبا
6- المدارس التجريبية (حكومية لغات) 400 ج
7- المدارس العامة ...........

أي حاجة من إللى فوق دول تقدر تعمل بحث عليهم فى جوجول هايجبلك تفاصيل كثيرة

وتقدر برضوا تسأل فى أي حاجة ومستشارك التعليمي (إللى هو أنا) يجيب وتحت أمرك ...
وربنا يخليلك ساجد

في مدارس جديدة تتبع مجلس الوزراء تعليم

[esam_comm]

شكرا د/ احمد لاهتمام حضرتك
م عصام بدوي

[esam_comm]

شكرا ا/فؤاد وجزاك الله كل خير بس في استفسار بالنسبه
2- المدارس الخاصة اللغات (إنترناشونال وناشونال) .. إنترناشونال يعني مناهجها من برة .. وناشونال يعني مناهجها من جوة بس يزيد عليها الرياضة والعلوم بالإنجلش ومستوي لغات أعلي + لغة تانية من 2 إبتدائي ودي مصروفاتها للناشونال من 5000 إلي 8000 ج
مصروفات الانترناشونال تبقي كام وايه المدارس ذات السمعه الجيده وخصوصا في اكتوبر وشكرا لحضرتك
م/عصام بدوي

[goge]

ظ…ط¯ط§ط±ط³..ظ…ط¯ط§ط±ط³..ظ…ط¯ط§ط±ط³: ظ…ط¯ط§ط±ط³ 6 ط£ظƒطھظˆط¨ط± ده اسماء المدارس اللى فى اكتوبر ادخل و شوف اراء اولياء الامور
Egypt School و ده موقع اخر
و ده موقع جميل بيساعدك اكتر
ظ…ط¯ط§ط±ط³ ظ…طµط±

[MaZaGAngeE]

أحسن حاجة أقرب مدرسة للبيت و مهم جدا تكون عربي مش أجنبية عشان تحافظ على اللغة الأم اللغات التانية ممكن يتعلمها لما يكبر شوية .... لكن أهم حاجة ترحمه من ركوب أوتوبيس مدة طويلة

[amohsen]

3- المدارس الأزهرية لغات ... ودي ناشونال+ لغات + مناهج أزهرية .. بس أنا مش بحبذها لإن معظمها هدفها الربح ولا تقدم تعليما جيدا (والله أعلم)

سؤال بالنسبة للأزهري لغات، دول ميقدروش يحولوا مدارس حكومية بعد كده، ولا يقدروا يدخلوا كليات حكومية، إما جامعة الأزهر أو جامعة خاصة .... صح ولا أنا فاهم غلط؟

[goge]

ممكن يحولوا الى التعليم العام لغات او عربى زى ما انت عايز قبل 2 اعدادى بس هما مسموح انهم يدخلوا جامعة الازهر و الجامعات الخاصة و الكليات العسكرية اما بالنسبة للكليات الحكومية لالالالالالالالالالالالا بس مين عارف ممكن الحال يتغير و ده متوقع فعلا

[zouba92]

السلام عليكم , أنا متخرجة من التعليم البريطانى IGCSE, بجد التعليم دا أكتر من رائع و غير التعليم المصرى خالص, بس هو بصراحة مكلف, فنصيحتى أنك تدخله الأول مدرسة لغات خاصة ( ناشونال= National ) و بعد كدة لما يوصل أولى أعدادى ممكن تحوله
.IGCSE
Hope i have been of some help

[Abdo_Eldesokey]

أنا الصراحة معنديش فكرة عن موضوع المدارس ده

أنا بس حبيت أبدي إعجابي باسم "ساجد" ... ربنا يباركلك فيه وينبته نباتاً حسناً

[Fouad Ezz]

مصروفات الانترناشونال تبقي كام وايه المدارس ذات السمعه الجيده وخصوصا في اكتوبر وشكرا لحضرتك

معلوماتي (الغير أكيدة) إن مصروفات المدارس الإنترناشونال تصل إلي 20 أو 30 ألف
لكن
بما إن "ساجد" لسة 3 سنوات ... ممكن تقدملة السنة القادمة فى "مدارس النيل المصرية" ولها فرع فى أكتوبر وهي مدارس تتبع مجلس الوزراء وتعليمها إنترناشونال ودي مصاريفها من 6 ألاف إلي 14 ألف ... وانا كنت عامل موضوع هنا عنها

[esam_comm]

بصراحه انا عاجز عن الشكر وربنا يباركلي فيكم