مذكرة من زوج كره الزواج والنساء جميعاَ (منقول)

[l0new0lf]

انا اول واحد شفت المقال ده و محبيتش ارد علشان اشوف الاول ردود الافعال
كاتب المقال ده تقريبا من المستشرقين اللى بيفتوا و يحاولوا انهم يهدموا و يشككوا فى ديننا و سنة نبينا و عاداتنا و تقاليدنا (غسيل مخ يعنى), و المقال ده اهانة لكل من الرجل و المراة على السواء

و الكاتب كمان بيشكك فى الاديان و بيقول لن الاديان بتجامل المراه, الاديان مابتجاملش حد على حساب حد بالعكس, الاديان بتحافظ على الحقوق و الواجبات و حددت العلاقه فى التعامل بين و الناس و بعضها
فاعتقادي أنها جاملت المرأة جدا، فلولا تحريم العلاقات غير الشرعية لما وجد الرجل مبررا لربط وجوده بامرأة.
طيب ما بره فيها اللى بيقولوا عليه الحريه و الثقافه الجنسيه و الدنيا بيييسس على الاخر و على الرغم من كده بنلاقى نفس الناس دى بتتجوز و تقدس العلاقه الزوجيه
هو برضه جاب امثله من حاجات ساعات بتحصل و لكنه عممها على كل الحالات وده حق يراد به باطل
و الاسلوب ده بتاع الاجانب (اللى انا شغال معاهم من اكثر من 15 سنه ) لما يحبوا يعملوا غسيل مخ لحد و يقنعوه بوجهة نظرهم
للاسف الدنيا بقت مليانه (ذكور و اناث) و ليس (رجال و نساء) و فى فرق كبير بين المعنيين

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ
اللى يقدر يفهم الايه دى هيفهم المعنى الحقيقى للزواج
يا اخواننا الزواج ده مؤسسة و كل فرد فيها له دور معين
و المفروض اللى مش مستريح فى بيته ياريت يبص على نفسه الاول بمنظور منطقى محايد و يحاول يغير سلبياتها قبل ما يهاجم الاخرين
(ان الله لا يغير ما بقوم حتى يغيروا ما بانفسهم)

[l0new0lf]

الكلام ده عالللللللللللللللللللللللللي و شديد و فل الفل بجد و شمعة منورة كمان :)

يعم جواز ايه و نيلة ايه :)

الف شكر

يا جماعه خلوا بالكم من ان كلما حد فيكم بيذم فى الزواج فانه بيذم فى سنة نبينا محمد صلى الله عليه و سلم من غير ما ياخد باله

عن الرسول الأكرم صلى الله عليه وآله وسلم:
"مَن ترك الزواج مخافة الفقر فليس منّا ... مَن ترك الزواج مخافة العيلة فقد أساء الظن بالله"
" النكاح من سنّتي، فمن رغب عنه فقد رغب عن سنّتي"
"من تزوج فقد احرز نصف دينه فايتق الله فى النصف الباقى (الاخر)"
"يا معشر الشباب من استطاع منكم الباه فليتزوَّج فانه اغض للبصر و احصن للفرج, و من لم يستطع فليصم فان له فيه وجاء"

[Nile_Storm]

ايه ياجدعان هتعقدونا ليه
ده انا كنت ناوي قريب :(

[زينة الله]

مفيش رد يقال عن كاتب هذا الموضوع الاصلي غير انه مريض نفسيا و عنده مشاكل كبيرة في قدرته على تحمل المسئولية و ان مسؤلياته كرجل اكبر مما تحتمله قدراته لدرجة انه بيحسد المرأة الام على كونها تتحمل مسئولية الاكل و الشرب و النظافة و رعاية الاطفال ( الرضيع - المريض - اللي بيذاكر ) دة فضلا عن الزوج الشرقي الغير قادر حتى على اعداد كوب من الشاي لنفسه بصورة تجعل تقريبا كل افراد الاسرة بيبدلو على الام او ربة المنزل لقضاء طلباتهم المادية و المعنوية و التربوية

مما يجعل الزوجة المسكينة تقع في حيص بيص كيف تكون ال 24 ساعة كافية لقضاء احتياجات كل هؤلاء الا بانها تيجي على نفسها و على راحتها و على مطالبها الشخصية و صحتها ايضا . لأ و كمان بيتفضل عليها بانه بياكلها و يشربها و يلبسها على اساس انهالو فضلت قاعدة في بيت اهلها من غير جواز ماكنتش هاتلاقي اللي يصرف عليها دة على فرض ان هو مابيشغلهاش و ياخد مرتبها اول كل شهر بحجة المشاركة في مصروف البيت من غير ما يكلف نفسه عناء المشاركة في اعمال البيت بالمقابل وحتى على فرض انه مش بيشغلها فا كونو بيصرف عليها دة مش تفضل بل دة اول واجباته الشرعية

و ياتي هذا الزوج كاتب الموضوع ليدعي ان المجهود المضني الذي يبذله في عمله لا يضاهيه اي شىء اخر بالرغم من ان من المفترض ان الرجل يعمل سواء كان متزوج و يعول او لا ، فهو لا يعمل و يكد و يكدح في الحياة من اجل الزوجة و لكن لان هذه هي " طبيعة الرجولة" التي ترتبط بتحمل المسئولية في الحياة عموما

اما موضة التنصل من المسئوليات العائلية داخل المنزل بحجة الاجهاد في العمل طوال اليوم فهي موضة قديمة ينفرد بها الزوج المصري و السبب في ذلك انه اتعود على كدة بسبب وجود ام مضحية براحتها لاجله و زوجة شاطرة عارفة تمشي كل حاجة بيه او من غيره

و اكبر دليل على كدة ان الأسر اللي بيموت فيها الزوج و الاب بتستمر في مشوارها بقيادة الام لحد ما الولاد بيكملو طريقهم على اكمل وجه
و العكس يحدث عندما تموت الام و بالتالي ينشغل الاب بمن سيتزوج لكي تؤمن له احتياجاته و ينشغل عن الابناء و تفشل معظم هذه الاسر في الاستمرار بتماسك

يبقى بالذمة مين اللي محتاج لمين و مين اللي ميعرفش يمشي حياته بدون مين ؟؟

اما بالنسبة لموضوع النكد فارجو من السادة الرجال الاجابة على مجموعة الاسئلة التالية عشان نعرف ليه زوجته بتنكد عليه :
1- امتى اخر مرة صحي قبلها من النوم و لبس الولاد و نزلهم الباص ؟
2- امتى اخر مرة ماتخنقش لما لاقها تعبانة و معملتش اكل و قالها مش مشكلة ناكل اي حاجة ؟
3- امتى اخر مرة قعد من غير ما ينشغل بالفرجة على القنوات الرياضية و ماتشات الكورة سواء مباشرة او معادة ؟
4- امتى اخر مرة كوى لنفسه قميص او غسل حتى شراب لما لاقاها مضغوطة ؟
5- امتى اخر مرة لاقاها مصدعة فتكرم هو وعملها كوباية شاي ؟
6- امتى اخر مرة اتصل بيها من شغله يطمن عليها ؟
7- مش عاوزة اقول كمان امتى اخر مرة جابلها هدية - بلاش فضايح ؟
8- امتى اخر مرة قالها تسلم اديك يا حبيبتي الاكل يجنن ؟
9- امتى اخر مرة قالها ودي الاولاد عند مامتك عشان نتعشا برة و نروح السينما ؟
10- امتى اخر مرة نادلها باسم الدلع اللي كان بيناديلها بيه ايام الخطوبة ؟

بقى بالذمة واحدة مش لاقية اي حاجة من دول و كمان خدعوها و خلوها تخرج من بيت اهلها اللي كانت فيه معززة مكرمة و بيتعملها كل حاجة و تروح بيت جوزها عشان تبقى هي خادمة مقيمة ببلاش ليه و لعيالو و كماااااااااااان ولا حمد و لا شكرانية

و المفروض تبقى مبسوطة و فريش و بتضحك دايما !!!! دة على اساس ان جوزها ماجبتوش ولادة فيكي يا مصر

انا دلوقتي عرفت ليه البنات في مصر بيمتنعو عن الزواج باختيارهم ..... لان البلد مليانة "ذكور" كتيييييييييييييير لكن "رجالة" ماحناش لاقيين !!

ينصر دينك يا دونزى بصراحة مافيش كلام بعد اللى قولتيه يتقال

لكن هروب الشباب من المسئولية و انكارهم لوجود اي مصلحة ليهم من الزواج حاجة مؤسفة بجد و لو رجعو لكلام ربنا سبحانه و تعالى و سنة رسوله الكريم ( صلى الله عليه وسلم ) و فهموه صح ماكنوش فكرو كدة و كانو عرفو ليه الزواج سترة لكل من الرجل و المرأة و سنة عن النبي عليه افضل الصلاة و السلام و ليس شر لابد منه زي ما البعض بيقول

لما مفهوم الشباب يتقلص و يبقى سطحي للدرجة دي بجد حاجة تحزن

.

للاسف الحملات اللى بتشجع على التحلل من المسئولية و الانحلال و العزوف عن الزواج ورفع سنة تحت شعار الحرية ما أكثرها وكأنها حرب على الأمة لتدمير شبابها و القضاء على مستقبلها و ربنا يرحمنا

يا جماعه خلوا بالكم من ان كلما حد فيكم بيذم فى الزواج فانه بيذم فى سنة نبينا محمد صلى الله عليه و سلم من غير ما ياخد باله

عن الرسول الأكرم صلى الله عليه وآله وسلم:
"مَن ترك الزواج مخافة الفقر فليس منّا ... مَن ترك الزواج مخافة العيلة فقد أساء الظن بالله"
" النكاح من سنّتي، فمن رغب عنه فقد رغب عن سنّتي"
"من تزوج فقد احرز نصف دينه فايتق الله فى النصف الباقى (الاخر)"
"يا معشر الشباب من استطاع منكم الباه فليتزوَّج فانه اغض للبصر و احصن للفرج, و من لم يستطع فليصم فان له فيه وجاء"

جزاك الله كل خير و لعلنا نتعظ و نفيق فعلا قبل انهيار المجتمع

[م. عصام مهنى]

قد رغّب الإسلام في الزواج وحث عليه في القرآن وفي أحاديث الرسول صلى الله عليه وسلم لما وراءه من أهداف وما يحققه من مقاصد في الحياة الإنسانية، أولاً الزواج هو شرعة كونية، كل شيء في الكون قائم على الازدواج، الله تعالى يقول (ومن كل شيء خلقنا زوجين لعلكم تذكرون)، (سبحان الذي خلق الأزواج كلها مما تنبت الأرض ومن أنفسهم ومما لا يعلمون) يعني التقابل هذا بين الموجب والسالب، حتى في الذرة التي هي قاعدة البناء الكوني هي فيها إلكترون وبروتون أو شحنة كهربائية سالبة وأخرى موجبة، فهذا التزاوج هو سنة كونية، فالإنسان لا ينبغي أن يشذ عن هذه السنة الكونية، ولذلك منذ خلق الله الإنسان الأول آدم وأسكنه الجنة لم يدعه وحده في الجنة، لأن ما معنى أن يسكن الإنسان في الجنة وحده ولا أنيس له ولا جليس، ولذلك خلق الله آدم وخلق من جنسه زوجاً (يا أيها الناس اتقوا ربكم الذي خلقكم من نفس واحدة وخلق منها زوجها)(ليسكن إليها) كما في آية أخرى (وقلنا يا آدم اسكن أنت وزوجك الجنة) فهذا أول شيء أن الزواج يتآلف مع السنة الكونية، من ناحية أخرى هو السبب الوحيد لبقاء هذا النوع، الله سبحانه وتعالى خلق الإنسان ليعمر الأرض ويكون له خليفة في هذه الأرض وكيف يبقى الإنسان؟! لابد أن يزودج مع امرأة أخرى حتى يحدث التناسل، والقرآن يشير إلى هذا بقوله (والله جعل لكم من أنفسكم أزواجاً، وجعل لكم من أزواجكم بنين وحفدة) والحديث يقول "تناكحوا تناسلوا" فهذا أيضاً مقصداً هاماً جداً، هناك مقصد آخر أن الله ركَّب في الكيان البشري ما نطلق عليه الغريزة الجنسية أو الدافع الجنسي الفطري، إن الرجل يميل إلى المرأة، والمرأة تميل إلى الرجل بحكم الفطرة البشرية، فلابد أن تشبع هذه الفطرة، فجاءت الأديان تنظم إشباع الغريزة، لا تطلق لها العنان، الناس وقفوا من هذا الأمر مواقف ثلاثة: هناك ناس كبتوا هذه الغريزة "نظام الرهبانية" وهناك ناس أطلقوا لها العنان بلا ضابط ولا رابط "فلسفة الإباحية"، وهناك النظام التي جاءت به الشرائع السماوية وختمها الإسلام، وهو أنه نظم هذا بأن يكون ذلك عن طريق هذا الزواج الذي سماه الله تعالى في القرآن (ميثاقاً غليظاً) وهذه كلمة قالها عن النبوة، قال عن الأنبياء (وأخذنا منهم ميثاقاً غليظاً) وقال عن الزوجات (وأخذن منكم ميثاقاً غليظاً) رباط متين مقدس، فلابد للإنسان لكي يشبع هذه الرغبة الفطرية من هذا الزواج، وهذا جاء في الحديث "يا معشر الشباب من استطاع منكم الباءة فليتزوج فإنه أغض للبصر وأحصن للفرج" والله تعالى يقول (أحل لكم ليلة الصيام الرفث إلى نسائكم هن لباس لكم وأنتم لباس لهن) أي حاجة الرجل إلى المرأة وحاجة المرأة إلى الرجل، كحاجتهم إلى اللباس والثوب الذي يحقق له الستر والزينة والوقاية والقرب واللصوق والدفء فهذه مكان الزوجية من كلا الطرفين.
أيضاً من أهداف الزواج إيجاد الأسرة المسلمة التي هي الخلية الأولى لقيام المجتمع المؤمن، أن يوجد البيت ومن مجموعة البيوت يتكون المجتمع ومجموعة المجتمعات تتكون الأمة الصالحة، فلابد أن يوجد هذا البيت بأركانه التي أشار إليها القرآن في قوله تعالى (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة) فهذه هي القواعد الأساسية، السكون النفسي، سكون كل واحد إلى الآخر، وقيام المودة، الزواج الحقيقي لابد أن يقوم على التواد ـ لا على الشجار ـ والرحمة ثم من ناحية أخرى الزواج رباط اجتماعي، حينما أتزوج من عائلة أو من عشيرة أو من قبيلة فقد انعقدت بيني وبينها آصرة ورابطة هي رابطة المصاهرة، هناك رابطتان طبيعيتان، النسب والمصاهرة، النسب وهي رابطة الدم ـ أخي وابني، وابن عمي، وعمي .. والمصاهرة التي تأتي عن طريق الزواج، أصهاري أصبحوا أقارب امرأتي ـ أبوها وأخوها وأقاربها ـ أصبحوا أصهاراً لي، والقرآن يقول (وهو الذي خلق من الماء بشراً فجعله نسباً وصهراً) فبهذا تتسع دائرة المودة والترابط بين الناس بعضهم وبعض، فمن أجل هذا كله حث الإسلام على الزواج ورغًب فيه، والنبي صلى الله عليه وسلم قال: "وأتزوج النساء فمن رغب عن سنتي فليس مني".

[l0new0lf]

ايه ياجدعان هتعقدونا ليه
ده انا كنت ناوي قريب :(

بس انت اصدق النيه و توكل على الله

عن أبي جعفر عليه السلام قال : قال رسول الله صلى الله عليه وآله وسلم : مايمنع المؤمن أن يتخذ أهلاً لعل
الله أن يرزقه نسمه تثقل الأرض بلا إله إلا الله
وقال صلى الله عليه وآله وسلم مابني بناءَ في الإسلام أحبّ إلى الله من التزويج

وقال صلى الله عليه وآله وسلم من أحبّ فطرتي فليتسنّ بسنّتي ومن سنّتي النكاح ( أي الزواج )

وقال صلى الله عليه وآله وسلم من كان له ما يتزوج به فلم يتزوج فليس منا

وقال صلى الله عليه وآله وسلم : ألتمسوا الرزق بالنكاح

عن الصادق عليه السلام قال : من ترك التزويج مخافة العيلة فقد أساء الظن بربه ، لقوله سبحانه وتعالى : إِن يَكُونُوا فُقَرَاء يُغْنِهِمُ اللَّهُ مِن فَضْلِهِ32۝ النور
وقال النبي صلى الله عليه وآله وسلم : يا شاب تزوّج وإياك والزنى ، فإنه ينزع الإيمان من قلبك

وقال صلى الله عليه وآله وسلم : تزوجوا النساء فإنهن يأتينَ بالمال

عن الصادق عليه السلام قال : أفضل الشفاعات أن تشفع بين اثنين في النكاح حتى يجمع الله بينهما

وقال صلى الله عليه وآله وسلم : تزّوجوا ، فإني مكاثر بكم الأمم يوم القيامة حتى أن السقط ليجيء محبنطئاً ( اي انتفخ جوفه وامتلأ غيظاً ) على باب الجنة ، فيقول لا ، حتى يدخل أبواي الجنة قبلي

وقال صلى الله عليه وآله وسلم : لركعتان يصلّيهما متزوج أفضل من صلاة رجل عزب يقوم ليلة ويصوم نهاره

وقال صلى الله عليه وآله وسلم : أراذل موتاكم العزّاب

وعن الصادق عليه السلام قال : ركعتان يصلّيهما متزوج أفضل من سبعين ركعة يصلّيهما عزب

وعنه عليه السلام قال : أكثروا الخير بالنساء

وعنه عليه السلام قال : رفقا بالقوارير

وعنه عليه السلام قال : تزوَّجوا ولا تطلّقوا فإن الطلاق يهتزّ منه العرش

وعنه عليه السلام قال : تزوَّجوا ولا تطلّقوا ، فإن الله لا يحب الذوّاقين والذوّاقات ( أي الذين يكثرون الزواج والطلاق)

وعنه عليه السلام قال : تزوَّجوا في الحجز ( أي العشيرة ) الصالح ، فإن العرق دسّاس

وعنه عليه السلام قال : ثلاثة أشياء لا يحاسب عليهن المؤمن : طعام يأكله وثوب يلبسه ، وزوجة صالحة تعاونه ويحصن بها فرجه

وقال النبي صلى الله عليه وآله وسلم : من سرَّه ان يلقى الله طاهراً مطهّراً فليلقّه بزوجة صالحة

قال علي بن الحسين عليه السلام : من تزوج لله عز وجل ولصلة الرحم توّجه الله تاج الملك

عن النبي صلى الله عليه وآله وسلم قال : من كان موسراً ولم ينكح فليس مني
قال النبي صلى الله عليه وآله وسلم : أفضل نساء أمتي أصبحهن وجهاً وأقلهن مهراً

عن أبي عبد الله عليه السلام قال : من بركة المرأة قلة مؤونتها وتيسير ولادتها ومن شؤمها شدة مؤونتها وتعسير ولادتها

وعنه عليه السلام قال : الشؤم في ثلاثة أشياء : في الدابة والمرأة والدار ، فأما المرأة فشؤمهما غلاء مهرها وعُسر ولادتها ، وأما الدابة فشؤمها قله حبلها وسوء خلقها وأما الدار فشؤمها ضيقها وخبث جيرانها . وروي أن من بركة المرأة قلة مهرها ومن شؤمها كثرة مهرها

[ابوهاشم]

معنى الرجوله......تحمل المسؤليه
واى شاب قادر ماديا للزواج وبيتهرب منه هو فى الحقيقه المؤسفه
بيتهرب من تحمل المسؤليه
انا عن نفسى لو رجع بيا الزمن سنين ولقيت نفسى مش متزوج
هرجع اتزوج برضه
مافيش حياه بدون مشاكل لكن بتستمر الحياه
وانا بناشد الشباب اللى بتتهرب من الزواج وخايفين منه
الزواج هو الاستقرار واجمل شئ فى الدنيا هو القدره على تحمل المسؤليه
اسعد لحظه فى حياة الزوج لما يرجع بيته بعد عناء يومه
يلاقى زوجته واولاده فى انتظاره واولاده يجرو عليه
وعمر الدين ماقال حاجه غلط ولا جامل حد على حساب حد
لو كل زوج وزوجه عرفوا ايه المطلوب والواجب منهم تجاه بعض
والله هيكونو اسعد زوجين
يبقى المشكله فى الزواج حاجه واحد بس
الاختيار الصحيح والتوافق والتفاهم
دعوة لكل عازب من رجل متزوج من اكثر من 12سنه وعنده ماشاء الله 4أطفال
اجمل شئ فى الدنيا الزواج والاستقرار
قمة السعاده والرضا عن نفسك ان تكون على قدر المسؤليه
اولادك هما اللى بيذودو حياتك طعم الامل فى بكره
هتعرف يعنى ايه المتعه انك تسعدهم حتى ولو حساب نفسك
هتعرف يعنى ايه تحس بالالم لو طفل عندك مريض وتتمنى تشيل عنه المرض
بس هو يبقى سليم
هتعرف يعنى ايه معنى السعاده لمجرد انك تشوفهم مبسوطين
.................................................. ..........................................

[ahmad5997]

براحة يا دونزي انتي وامه الله ده هزار

ربنا يخليكي ليا يا مراتي يا حبيبة قلبي وشريكة حياتي وام أولادي ( والمدام مش جنبي والله) ههههههههه

[pro_samir]

وداعا للعزوبية

.

[Donzi]

وداعا للعزوبية

.

اشمعنى هنا بقىىىىىى ؟؟

يا جماعه خلوا بالكم من ان كلما حد فيكم بيذم فى الزواج فانه بيذم فى سنة نبينا محمد صلى الله عليه و سلم من غير ما ياخد باله

عن الرسول الأكرم صلى الله عليه وآله وسلم:
"مَن ترك الزواج مخافة الفقر فليس منّا ... مَن ترك الزواج مخافة العيلة فقد أساء الظن بالله"
" النكاح من سنّتي، فمن رغب عنه فقد رغب عن سنّتي"
"من تزوج فقد احرز نصف دينه فايتق الله فى النصف الباقى (الاخر)"
"يا معشر الشباب من استطاع منكم الباه فليتزوَّج فانه اغض للبصر و احصن للفرج, و من لم يستطع فليصم فان له فيه وجاء"

+11111111111111111

للاسف الحملات اللى بتشجع على التحلل من المسئولية و الانحلال و العزوف عن الزواج ورفع سنة تحت شعار الحرية ما أكثرها وكأنها حرب على الأمة لتدمير شبابها و القضاء على مستقبلها و ربنا يرحمنا

والله انا بزعل على الشباب اللي بيقتنعو بالكلام دة و بيمشو وراه بجد


.

[Donzi]

براحة يا دونزي انتي وامه الله ده هزار

ربنا يخليكي ليا يا مراتي يا حبيبة قلبي وشريكة حياتي وام أولادي ( والمدام مش جنبي والله) ههههههههه:c_laugh[1]:

ماهو للاسف في ناس بتصدق الكلام دة بجد . و ربنا يخليلك المدام يا رب

[pro_samir]

اشمعنى هنا بقىىىىىى ؟؟


.

هو انا قلت حاجة تتعارض مع الكلام دة ؟

[waelfarid]

أبو أم الهرمونات اللي تعمل في الرجالة كدة
قبل مالواحد يتنيل كان الواحد بيفكر يلغي الفكرة من جدورها بس نقول ايه لازم الواحد يلبسعلي رأي تمورة في عمر وسلمي
وقلبي معاك ياخويا حاسس بيك وبمشاعرك تجاه الجنس ال ال ال ناعم قال
قلبي مش مطاوعني اكتبها بس الدنيا ابتلاءات
حسبنا الله ونعم الوكيل في كل الحريم اللي مطلعين عينينا
ممكن حد يقول ازاي واحدة تطلع عين راجل بسيطة جدا خد اللي عندي وانت حتعرف او اي حد زيي

[Donzi]

هو انا قلت حاجة تتعارض مع الكلام دة ؟

مش انت مستمتع بالعزوبية في الموضوع التاني ؟؟ بتودعها هنا ليه بقى ؟

[pro_samir]

مش انت مستمتع بالعزوبية في الموضوع التاني ؟؟ بتودعها هنا ليه بقى ؟

مستمتع لحد ما الفاس تقع في الراس

وساعة القدر يعمي البصر

حطيت اللينك للإفادة وعلشان الناس اللي قلقانة من موضوع الرزق