لماذا يرفع بعض الرجال شعار: نار العزوبية ولا جنة الزواج؟

[omar-saad]

عليه افضل الصلاه والسلام
بس انا مضحكش عليك متخوف من الخطوه دي جدآآآآ
لي اسباب محستش اني وصلت لي طموحي وبقعد مع ناس اصدقائي اكبر مني سن متزوجين ويقوله ليه قبل ماتجوزش قبل ارضاء طموحك معني إرضاء الطموح مش حاجه حرام المقصود بيه حب الي تعمله عدل من حياتك كده اوصل بيها الي بر السعاده بس انا برضه ليه عذر اني مفكرش برضه في الزواج رغم الالحاح الدائم عليه بي البحث عن فتاه محترمه لي الخطوبه او يرشحه ليه بس انا برفض لي اسباب اولها ان عمري 20 وداخل علي مشارف ال21 ثاني شيئ اي نعم بشتغل في مكان محترم ومكان كويس جدآآ وكمان بدرس بس بفكر ميت مره لو اتجوزت وانتا صغير اكيد مش هتقدر توصل لي اعلي مرتبه تتمنها لي اني اعتبر ممشتش في الحياه التي توصل الي فوق كتير

الله ينور عليك واحب اضيف لكلامك كمان
ان الجواز فى حد ذاته بقى مسؤليه كبيرة جدا فى الظروف المنيلة اللى احنا عايشينها دلوقتى
انتا علشان تقدر تفتح بيت وتبقى مسئول عن عيله وكدة
موضوع كبير جدا وانا نفسى شايف انى مش قدة
يبقى ليه احط نفسى فى حاجة انا مش قددها
اما ابقى اكون نفسى صح
اعمل لنفسى كيان شخصى كويس اقدر اتقدم بيه احمايا مستقبلا
ابقى قد المسؤليه
يبقى ساعتها ربنا يكرمنا
مع ان الواحد والله نفسه انو يستقر ويرضى ربنا ويعف نفسة من البلاوى اللى الواحد بيشوفها كل يوم دى
وغير ان الاهالى مبقاش عندها رحمه لا فى التربية ولا فى تسهيل امور الجواز
والشروط التعجيزية اللى بسمعها من اصحابى اللى خطبوا وغيرهم كتير
يبقى انا ماقداميش غير الصبر
وربنا يوفقنا كلنا لما يحب ويرضى

[Donzi]

قال ( صلى الله عليه وآله وسلم ) : إلتمسوا الرزق بالنكاح.
قال ( صلى الله عليه وآله وسلم ) : من ترك التزويج مخافة العيلة فقد أساء الظن بربه ، لقوله سبحانه وتعالى : ( إن يكونوا فقراء يغنهم الله من فضله )

+11111111111

بغض النظر عن كون كاتب المقال عبيط أو بيهزر

إية العلاقة بين الأستمتاع بالحاجات الهايفة دي اثناء العزوبية وبين عدم تحمل المسؤلية ؟

يا ستي انا عازب وعايش لوحدي و مستمتع بحاجات كتير من الهيافات اللي قالها وبالرغم من كدة فانا بشتغل من 11 سنة مع بداية الكلية وعربيتي شاريها بطلوع الروح ،، وبرضو دة كلة مش معناة اني مش ناوي اتجوز يمكن لسة مجاش النصيب بس وأكيد دة الحال مع معظم الناس لأن كل حاجة وليها وقتها

فا بلاش الكلام الجامد دة لأن المقال أصلا هزلي إلي حد كبير والشباب مش عبيط علشان حد يضحك علية ويقولة متتجوزش علشان تاكل اللي انت عايزة و محدش يشخر جنبك وانت نايم

العلاقة يا استاذ سمير ان ماينفعش تكون هي دي الاسباب الفعلية اللي تخلي الشباب يمتنعو او ياجلو او يبتعدو عن الزواج عشانها ، يعني مثلا واحد يقدر انه يتزوج ماديا و صحيا و اجتماعيا و يقول لا انا مبسوط كدة عشان بنام في سرير لوحدي !!!

مفيش اي مانع ان حضرتك تستمتع بالحاجات دي و انت عازب بس متقولش انك مش بتتجوز عشان كدة ؟ اكيد في اسباب تانية اكبر و اهم من كدة

انا كمان مستمتعة دلوقتي عشان معنديش مسئوليات و محدش بيخنقني و مفيش حاجة بتايد حريتي - في حدود المسموح طبعا - بخرج براحتي بنام براحتي باكل اللي على مزاجي لوحدي بس كل دي حاجات متخلنيش ارفض مبدأ الزواج عشان افضل مستمتعة بيها

انا عارفة والله ان المقال هزلي ، بس لما تلاقي الناس يؤيدو بجدية ما ذكر في مقال هزلي هو دة اللي يضايق حبتين لان النغمة دي بقيت منتشرة بقوة بين الشباب و دي حاجة مش كويسة لان مش هو دة اللي ربنا و رسوله الكريم اوصو بيه شباب الامة الاسلامية ؟؟ صح ولا ايه

و على فكرة بقى الرجالة هما اللي بيشخرو مش الستات

واضح ان حضرتك مش من المتابعين للمنتدي بشكل كامل
اكتبي كلمه من دول في البحث بتاع المنتدي وانتي تعرفي
زواج
مهر
شبكه
شنوري
عاوز اتجوز
نويت اتجوز
اريد حلا

حتطلعلك كل المناقشات اللي تمت في الموضوع ده

حاضر هاعمل بحث على الموضوع دة و بعدين ارد على حضرتك ان شاء الله

هي بتغلط غلطتي اول ما اشتركت في المنتدي و كنت رد بقلب جامد

بس عرفت بعد كده ان البعد عن المواضيع دي غنيمه

بقيت ادخل ابص بس و ماتكلمش و علشان كده نصحتها :)

ليه بس غلطة الخلاف في الراي لا يفسد للود قضية ، هو حضرتك جرالك ايه بالظبط ؟

جميع ما سبق يا برنس
بجانب اني معنديش استعداد اشتري راديو مفيهوش زرار باور ولا اي طريقه ممكن تطفيه بيها
ولا تتحكم في درجه الصوت
ليك انك تقفله 3 مرات بس في حياتك وبعد كده تجيب محلل
دا غير انك حتفضل تصرف علي صيانته مدي الحياه

اكيد اكيد حضرتك اللي غلطان في اختيارك لنوع الراديو

لان دلوقتي الدنيا اتطورت و بقى فيه راديو ديجيتال و كمان فيه تايمر ممكن تظبطه بعد ساعة يطفي بعد ساعتين يطفي زي ما حضرتك تحب دة غبر ان عمره طويل و مابيحتاجش صيانة اصلا و كمان لما حضرتك اللي هاتحتاج لصيانة هاتلاقيه جنبك

دة غير انك لو بتحبه صيانته هتبقى على قلبك زي العسل بالظبط زي ما بتحب عربيتك و بتهتم بيها عشان لما تحتاجلها تلاقيها

المهم ان حضرتك ماتتنازلش في اختيارك و تجيب راديو اي كلام لانك كل ما هتجيب راديو فيه اوبشنز اكتر كل ما هايريحك و على اد ما هاتحافظ عليه هايعيش معاك و يسعدك

.

[ashouhdy]

اية الهبل دة !!!!!!! الكلام اللى مكتووب دة

قصر ديييل !! نوم اية وموسيقى و هجايس اية وعبط اية !! لما تبقى عديت ال25 وبتشتغل و بتقبض معقول ومعقوا دى يعنى مثلا 800جنية متتجوزش لية !! مستنى لحد امتى ! لو عندك الامكانيات وساكت يبقى انت بتعمل حاجة غلط او خايف و جبان

[pro_samir]

و على فكرة بقى الرجالة هما اللي بيشخرو مش الستات :m_yes[1]:

ههههههههههههههههههههههههههههههههههه

ماشي هعديها ومش هرد عليكي

[pro_samir]

يا بختك عندك الاهل بس هما اللي بيزنوا عليك
انا بيزن عليا الاهل والاصدقاء والجيران والمعارف وحتي كمسري الترام (لو ركبته)
ويا سلام بقي لو روحت فرح ووالدتي معايا او مش معايا
بفتح علي نفسي باب مش بيتقفل

انا بقي بعاني من الأتنين

لسة من شوية قبل ما اروح بعدي علي الجماعة اقعد معاهم كل يوم واتغدي ، وانهاردة وانا ماشي بغلس علي امي كالعادة بهزار يعني فا بتقولي ماشي بس لما تيجي هحكيلها (قصدها علي المسكينة زوجة المستقبل) وبعدين راحت قايلالي يالا بقي يا محمد بنبرة حزن خلتني عايز اتجوز علشان ارضيها بس :S

[waelfarid]

العزوبية تاج علي روؤس العزاب لا يراه الا المتزوجين
الزواج فيه ميزات جامدة جدا معرفهاش الا اللي اتجوز واحدة نكدية حوالي 99% من المتزوجين
وهي بتخليك تمر بالصعاب والاهوال وصعود الجبال ومصارعة التنين الناري فبكدة تكون جهزتك لمواجهة الحياة وصعابها

[SHNORY]

انا بقي بعاني من الأتنين

لسة من شوية قبل ما اروح بعدي علي الجماعة اقعد معاهم كل يوم واتغدي ، وانهاردة وانا ماشي بغلس علي امي كالعادة بهزار يعني فا بتقولي ماشي بس لما تيجي هحكيلها (قصدها علي المسكينة زوجة المستقبل) وبعدين راحت قايلالي يالا بقي يا محمد بنبرة حزن خلتني عايز اتجوز علشان ارضيها بس :s

ماهو انت ممكن تفرح قلبها بهديه حلوه او فسحه برضه وتختفي نبره الحزن
احسن ما تفرح قلبها وتختفي انت
كمان الناس الي متعلقه في موضوع ان الواحد ينام لوحده في السرير ده
محسسني ان الواحد حيتجوز علي سريره ومش حجيب سرير كبير
هههههههههههههههههههههههههههههههههههههههههههههههه

[Donzi]

ههههههههههههههههههههههههههههههههههه

ماشي هعديها ومش هرد عليكي

تقدر تنكر ؟؟

انا بقي بعاني من الأتنين

لسة من شوية قبل ما اروح بعدي علي الجماعة اقعد معاهم كل يوم واتغدي ، وانهاردة وانا ماشي بغلس علي امي كالعادة بهزار يعني فا بتقولي ماشي بس لما تيجي هحكيلها (قصدها علي المسكينة زوجة المستقبل) وبعدين راحت قايلالي يالا بقي يا محمد بنبرة حزن خلتني عايز اتجوز علشان ارضيها بس :s

والله انت مش متخيل فرحة الام و الاب بتبقى اد اييه لما ابهم او بنتهم يتجوزو و يشوفو احفادهم ، دي اكتر حاجة بتفرحهم في الدنيا و من حقهم عليك انك تريحهم حتى لو هاتتعب انت شوية

.

[SHNORY]

تقدر تنكر ؟؟



والله انت مش متخيل فرحة الام و الاب بتبقى اد اييه لما ابهم او بنتهم يتجوزو و يشوفو احفادهم ، دي اكتر حاجة بتفرحهم في الدنيا و من حقهم عليك انك تريحهم حتى لو هاتتعب انت شوية

.

ومتتخيليش قهرتهم وحسرتهم علي ابنهم لما يشوفوه متضايق من المشاكل
او ضغطه عالي او مش بينام

ياما ناس اتجوزوا علشان اهلهم ومش مرتاحين
وياما بنات اتجوزت بسبب ضغوط الاهل وبرضه مش مرتاحين وبعضهم رجع تاني اللي بعياله والي من غيرهم
فاللي يتجوز ميفرحش اوي ويطلعلنا لسانه اول ما يتجوز
بس ممكن اسمحله يطلعلي لسانه بعد 5 او 10 سنين من جوازه
-----------------------------------------------------------------------------

[pro_samir]

ماهو انت ممكن تفرح قلبها بهديه حلوه او فسحه برضه وتختفي نبره الحزن
احسن ما تفرح قلبها وتختفي انت
كمان الناس الي متعلقه في موضوع ان الواحد ينام لوحده في السرير ده
محسسني ان الواحد حيتجوز علي سريره ومش حجيب سرير كبير
هههههههههههههههههههههههههههههههههههههههههههههههه

يا راجل خليك واسع الأفق ،، انا دلوقتي بعدي عليهم شوية كل يوم لكن لما اتجوز هبات عندهم يوم ويوم يعني هي عايزاني ارجع اقعد معاهم فا هتجيبلي حد يطفشني من الشقة اللي انا فيها ههههه

وبعدين مهما كان السرير كبير هيتملي مع الوقت ههههههههه

حتى لو هاتتعب انت شوية
.

اخيرا اعترفتي بالحقيقة

[Donzi]

ومتتخيليش قهرتهم وحسرتهم علي ابنهم لما يشوفوه متضايق من المشاكل
او ضغطه عالي او مش بينام

ياما ناس اتجوزوا علشان اهلهم ومش مرتاحين
وياما بنات اتجوزت بسبب ضغوط الاهل وبرضه مش مرتاحين وبعضهم رجع تاني اللي بعياله والي من غيرهم
فاللي يتجوز ميفرحش اوي ويطلعلنا لسانه اول ما يتجوز
بس ممكن اسمحله يطلعلي لسانه بعد 5 او 10 سنين من جوازه
-----------------------------------------------------------------------------

ما انا قلتلك انت اللي بتختار راديو غلط من الاول ، و انا مش مع ان اي حد يعمل اي حاجة بالضغط
اللي يعمل حاجة لازم يكون مقتنع بيها و عارف هو بيعملها ليه و ازاي

انا لو منك ماخليش حد يطلعلي لسانه و لو بعد 30 سنة جواز

يا راجل خليك واسع الأفق ،، انا دلوقتي بعدي عليهم شوية كل يوم لكن لما اتجوز هبات عندهم يوم ويوم يعني هي عايزاني ارجع اقعد معاهم فا هتجيبلي حد يطفشني من الشقة اللي انا فيها ههههه

وبعدين مهما كان السرير كبير هيتملي مع الوقت ههههههههه



اخيرا اعترفتي بالحقيقة

مفيش حاجة بتيجي من غير تعب و زي ما انت هاتتعب شوية هي كمان هاتتعب شوية

زي ما بتحب شغلك و بتتعب فيه عشان تنجح لازم تكون بتحب زوجتك و اسرتك و تتعب معاهم عشان تنجحو كلوكو ( مفيش نجاح من غير تعب و هي دي المتعة )

.

[ashrafsadany]

اكيد اكيد حضرتك اللي غلطان في اختيارك لنوع الراديو

لان دلوقتي الدنيا اتطورت و بقى فيه راديو ديجيتال و كمان فيه تايمر ممكن تظبطه بعد ساعة يطفي بعد ساعتين يطفي زي ما حضرتك تحب دة غبر ان عمره طويل و مابيحتاجش صيانة اصلا و كمان لما حضرتك اللي هاتحتاج لصيانة هاتلاقيه جنبك

دة غير انك لو بتحبه صيانته هتبقى على قلبك زي العسل بالظبط زي ما بتحب عربيتك و بتهتم بيها عشان لما تحتاجلها تلاقيها

المهم ان حضرتك ماتتنازلش في اختيارك و تجيب راديو اي كلام لانك كل ما هتجيب راديو فيه اوبشنز اكتر كل ما هايريحك و على اد ما هاتحافظ عليه هايعيش معاك و يسعدك

فكرتونى بمسلسل عروسه بلكومبيوتر كان بيجى فى الراديوه زمان ايام المراهقه وكنت متابعه علشان اعرف همل ايه ساعه الجواز

[shaddadfalcon1]

مع اني مش مواقف علي كل الهبل اللي في المقال ده بس ده ميمنعش اني لما ببقي بايت لوحدي في الشقه ومراتي عند والدتها ببقي مستمتع في النوم علي السرير لوحدي من غير ماالاقي العيل الغلس ابني نايم بالعرض وجابر مراتي انها تنام علي الأرض ولا علي حرف السرير

الجواز ممكن يكون بداية النكد والقرف لبعض الناس لكن علي الجانب الأخر بيكون سعاده وانجاز لكثير من الناس وكل الناس عارفه كده لكن في بعض الناس بتبقي مستمتعه بحياتها جدا وهي لسه متجوزتش ومش عايزه تتجوز اصلا وبتفضل بقي تتحجج بحجج زي دي

والله انا فاكر مره كنت راكب اتوبيس واحنا في الكليه وواحد صاحبي بيقولي انت لما هتتجوز حياتك هتقف وساعتها خفت من الجواز وبقيت مش عايز اتجوز لان احيانا كلام الاصدقاء بيلزق - بس لما اتجوزت لقيت اني حياتي بدأت بعد الجواز

انا برده عايز اقول اني متجوزتش عشان عايز اتجوز - انا اتجوزت عشان والدتي كانت واقفه علي دماغي في كل حته اني لازم اتجوز ولو جيت اعمل او اشتري اي حاجه ترفض وتقول تتجوز الأول وبعدين تعمل االلي انت عايزه
يلا بقي اللي يسامحها - ههههههههههههه

[viper911s]

طب الى عاوز يتعب نفة واهلة مش عاوزينة يتعب يعمل اية
يعنى انا اخترت انى ارتبط وانا عارف انى هيتضغط عليا
بس انا موافق علشان عايز اكون اسرة وانا سنى صغير وشايف انى قد المسؤلية دى
ومتأكد انا ربنا هيكون جنبى وهيساعدنى
اهلى رافضين لمجرد انك هتتعب كتير واكيد اهلها هيطلبوا طلبات كتير (رغم انهم ميعرفوهمش وعمرهم ما شفوهم قبل كدة )
اعمل اية انا خلاص

[SHNORY]

ما انا قلتلك انت اللي بتختار راديو غلط من الاول ، و انا مش مع ان اي حد يعمل اي حاجة بالضغط
اللي يعمل حاجة لازم يكون مقتنع بيها و عارف هو بيعملها ليه و ازاي

انا لو منك ماخليش حد يطلعلي لسانه و لو بعد 30 سنة جواز

.

واضح انك لسه مدورتيش علي المواضيع اللي قولتلك عليها
ودا اول موضوع للجواز تشاركينا فيه

عموما لو الراديو طلع فيه مشكله فانا عندي مركز صيانه اصلا واعرف اسكته ازاي
فيه مليون طريقه للتعامل مع جميع انواع الستات والمليون طريقه مش بيخربوا البيت
ثانيا
جميل انك بتقولي ان الي يعمل حاجه يكونه مقتنع بيها
انا بقي مش مقتنع انهم يحطولي واحده في فاترينه واروح اتفرج عليها في بيت اهلها علشان ابقي اتجوزها مع احترامي لناس كتير بتحب جواز الصالونات
بس ممكن افكر فيه لو عديت 37 سنه مثلا وكنت عاوز اتجوز ساعتها

ثالثا :
انا محدش يقدر يطلعلي لسانه يا افندم
------------------------------------------------------------
اللي عاوز الشباب تتجوز
ميكلمش الشباب
يكلم الاهل الي كل واحد فيهم عنده اميره ولا كونتيسه في البيت
ومش عاوز يجوزها غير للي يتاقلها بالمال
انا حتي لو معايا المال مش حشتري بيه واحده ست
اللي حاخدها تكون علشان بتحبني وبحبها
جواز لهدف التكاثر لا
بهدف حد يسليني لا ابقي اشتري قرد يسليني
بهدف اني لازم اعمل كده لا
ومن كتر المناقشات في المواضيع دي
ومحاولات الناس لاقناعي بالجواز بشتي الطرق والضغوط ففعلا الواحد جاله نفور منه