ام بتعلم بنتها قلة الادب و البجاحة ... هي الدنيا جرى فيها ايه؟؟

[mohabelnegm]

بالطبع لا , سلوك الأم غير حضارى بالمره لكن الموقف كله خطأ فى رأيي .

أنا لست ضد ( تغيير المنكر ) كما ذكر بعض الاخوان الافاضل , لكن اعطاء النصائح لاناس لا اعرفهم ؟ هذا يعتبر تدخل فى شئون الغير بدون نقاش , أحيانا الناس تتقبل النصيحه بصدر رحب واحيانا رد الفعل يكون غير جيد و غير حضارى بالمره .

يعنى كمثال بسيط للأخوه ( الى بيعترضوا وخلاص ) , بالبلدى كده لو حد وقفك فى الشارع وانت متعرفوش و قعد ينتقد اى حاجه فى لبسك او فى شكلك وحاول انه ينصحك , رد فعلك هيكون ايه ؟ اعتقد اقرب كلمه ممكن تتقال " وانت مالك " .

يا جماعه بلاش نقفل دماغنا و نقعد نقول شعارات .

أتفق معاك

[kar!m]

أنا عاوز أعلق على نقطة :

موضوع الامر بالمعروف و النهى عن المنكر وان ناس بتقول ان المفروض ان احنا ننكر على الفئه اللى مش محجبة أو حجابها مش كويس .. أنا كشاب مش دورى ان أنا كلم ما أشوف بنت مش محجبة فى الشارع أوقفها و أنصحها .. لكن ربنا أمرنا ان احنا نغض البصر قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ {النور:30}. اللى بيحصل فى الجامعة و النوادى و خلافه ان الشباب قاعد بيبص على البنات عادى و بيضحك و يهزر معاهم عادى .. تخيل لو كلنا طبقنا موضوع غض البصر .. أول ما تشوف بنت لبسها مش كويس تدور وشك عنها .. تخيل دى هيكون رد فعلها ايه؟ هتحس انها غريبة و منبوذه و عامله مصيبه لدرجة ان الناس مش قادرة تبص لها .. انما هى شايفة الشباب بيجرى عليها كل ما تتعرى أكتر .. و أنا شايف ان ده أسلوب كويس جدا للأمر بالمعروف و النهى عن المنكر و ممكن يجيب نتيجة مع ناس كتير.

و ربنا يهدينا جميعا.

[احمد المصرى]

حسبى الله ونعم الوكيل

[أحمد علاء]

+1000000000000000000000000000000000000000

..
انا مصر علي رأي و هو مش رأي بل مبدأ ... ان كل واحد يخليه في نفسه افضل بدل ما يلاقي ان في ناس يوجهه له كلام جارح زي طبعا الست الكبيرة ما في وجهة نظر البنت انها جرحتها بكلامها مش كدين بل توجيه كلام يفرض علي حريتها الشخصية

أستاذ بيشوي ازيك؟
مع إحترامي الخالص لحضرتك كما تعلم و تعليقات حضرتك او تأيدك لكلام احد هنا كما تفضلت مبني على مبدأ بشري كما يقال او مبدأ شخصي حضرتك بتتبعه بس لما الكلام يكون على الدين ومبادئ واسس في الدين وخاصة ان حضرتك لا تنتمي له فالكلام يجب ان يكون فيه نوع من التأني قبل المشاركة حتى لاتفهم وجهة نظرك خطأ خاصة انها في غير محلها ومن غير أهلها (موضوع بدأ بسرد موقف عن واحدة لبسة حجاب وسيدة ترى ان فيه خلل في ملابس الأخت المحجبة وموقف والدتها ثم الكلام اصبح عن الأمر بالمعروف والنهي عن المنكر بين المسلمين).

في الإسلام الكل مطالب بنصح الناس بالحسنى كل قدر إستطاعته لان المسلم داعية إلى الله ...


واقول لإخواني الأعزاء
أن الأمر بالمعروف والنهي عن المنكر كما أخبرنا حبيبنا دكتور بحري هو فرض كفاية على المسلمين فلازم الناس تنصح بعض ولا يعتبر تدخل في شؤونهم الخاصة وللنصيحة فقة وحكمة لكن نترك النصيحة بالكلية بحجة تدخل!

عن تميم الداري رضي الله عنه أن النبي صلى الله عليه وسلم : قال :الدين النصيحة قلنا : لمن ؟ قال : لله ولكتابه ولرسوله ولأئمة المسلمين وعامتهم .
درجة الحديث صحيح - صحيح مسلم

وقال تعالي في سورة الأنعام
(كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ) الأنعام ايه 110

[Pharaoh]

هو ده اللى جايبنا ورا
الأمر بالمعروف والنهي عن المنكر فرض عين على المسلمين جميعا،

اسمحلى
مش هو دا اللى جايبنا ورا
جاينا ورا حاجات اكتر بكتير من التدخل فى خصوصيات الاخرين

[النوبي]

أستاذ بيشوي ازيك؟
مع إحترامي الخالص لحضرتك كما تعلم و تعليقات حضرتك او تأيدك لكلام احد هنا كما تفضلت مبني على مبدأ بشري كما يقال او مبدأ شخصي حضرتك بتتبعه بس لما الكلام يكون على الدين ومبادئ واسس في الدين وخاصة ان حضرتك لا تنتمي له فالكلام يجب ان يكون فيه نوع من التأني قبل المشاركة حتى لاتفهم وجهة نظرك خطأ خاصة انها في غير محلها ومن غير أهلها (موضوع بدأ بسرد موقف عن واحدة لبسة حجاب وسيدة ترى ان فيه خلل في ملابس الأخت المحجبة وموقف والدتها ثم الكلام اصبح عن الأمر بالمعروف والنهي عن المنكر بين المسلمين).

في الإسلام الكل مطالب بنصح الناس بالحسنى كل قدر إستطاعته لان المسلم داعية إلى الله ...


واقول لإخواني الأعزاء
أن الأمر بالمعروف والنهي عن المنكر كما أخبرنا حبيبنا دكتور بحري هو فرض كفاية على المسلمين فلازم الناس تنصح بعض ولا يعتبر تدخل في شؤونهم الخاصة وللنصيحة فقة وحكمة لكن نترك النصيحة بالكلية بحجة تدخل!

عن تميم الداري رضي الله عنه أن النبي صلى الله عليه وسلم : قال :الدين النصيحة قلنا : لمن ؟ قال : لله ولكتابه ولرسوله ولأئمة المسلمين وعامتهم .
درجة الحديث صحيح - صحيح مسلم

وقال تعالي في سورة الأنعام
(كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ) الأنعام ايه 110

بارك الله فيك وعليك اهم مافي هذه المواضيع انها بتخلينا نتعرف علي شخصيات محترمه زي حضرتك

[M.Radwan]

اسمحلى
مش هو دا اللى جايبنا ورا
جاينا ورا حاجات اكتر بكتير من التدخل فى خصوصيات الاخرين

طيب سؤال بعد اذنك
لو فرضنا ان مكان الست الكبيرة دي كان النبي صلى الله عليه وسلم هو اللى بينصح
حضرتك هتقوله لأ، دي خصوصياتي؟
بس لو سمحت متهربش من السؤال، في انتظارك،

[تامر.محمد]

سبحان الله

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ
سورة آل عمران

و اول مصيبة جت لنا كلمة انا حر و وراها كلمة و انا مالي , اللي أفسدوا مفهوم خير أمة ده

[Pharaoh]

طيب سؤال بعد اذنك
لو فرضنا ان مكان الست الكبيرة دي كان النبي صلى الله عليه وسلم هو اللى بينصح
حضرتك هتقوله لأ، دي خصوصياتي؟
بس لو سمحت متهربش من السؤال، في انتظارك،

لا زنقتنى...وههرب ليه من سؤال سياتك

اعتقد ان لو النبى -صلى الله عليه وسلم - كان مكان الست دى كان عرف يتصرف احسن منها


نيجى بقى لحاجة غريبه
هو لما كلنا كنا بنغير الحاجات الغلط اللى حوالينا و ما شاء الله كل الاخوة اجمعوا على ذلك...امال البلد دى ضاعت ليه؟؟؟!!!!!!!
وليه بقى كلنا بنأمر بالمعروف فى الحاجات (اللى من وجهه نظرى شخصيه جدا) و سايبين الحاجات العامه جدا جدا محدش بينهى عن المنكر فيها

حاجات كتيرة طبعا زى تزوير الانتخابات
زى الظلم اللى واقع على معظم شرائح المجتمع
الفقر المدقع اللى الناس عايشة فيه
رمى الزباله فى الشارع
الطرق المظلمه

وهى مش كل دى حاجات محتاجة امر بالمعروف احسن من اننا نتكلم فى التماثيل العريانه و كلام البنات عن لبسها

عجبى

[بحري]

الناس اللي بتقول ليه بننهى فقط عن الحاجات الشخصية مش الحاجات العامة وبتعتبر ده سبب لترك النصحية في الأمور الشخصية...
- الأمور الشخصية فيما يتعلق بالملبس والسلوكيات تكون شخصية في البيت فقط والأماكن الخاصة بالإنسان..لكن طالما خرجت إلى الشارع فأصبحت سلوكيات عامة تحتاج إلى تدخل من الجميع للمحافظة على حقوقه...من حقي إني لا أرى منظر خارج في الطريق العام
- لا أدري كيف يجزم البعض بأن كل من ينصح غيره في هذه الأمور هو تارك للنصيحة والإصلاح في الأمور العامة السياسية وغيرها..أراها جرأة عجيبة وقفز غير مبرر على استنتاجات غير دقيقة
- بافتراض أن الإنسان قصر في باب من الأبواب هل يعد ذلك عذرا للتقصير في البقية...لا أصلي..فسأشرب الخمر وأزني وأسرق وأقتل وحينما يلومني أحد سأقول له لا تلمني لأنني أصلا لا أصلي،.،،هي جت على دي؟
- بنفس المنطق المعكوس فأنا لا أرى من يعترضون على النصيحة يقومون بواجبهم على النحو الأمثل تجاه الفساد السياسي وغيره وإلا فما سبب انتشار الفساد السياسي طالما عندنا هذا الكم من الواعين المدركين لحقائق الأمور الذين يرون النصيحة لعموم الناس معوقة للنصيحة لما يعد فسادا أكبر في نظرهم

[Pharaoh]

الناس اللي بتقول ليه بننهى فقط عن الحاجات الشخصية مش الحاجات العامة وبتعتبر ده سبب لترك النصحية في الأمور الشخصية...
- الأمور الشخصية فيما يتعلق بالملبس والسلوكيات تكون شخصية في البيت فقط والأماكن الخاصة بالإنسان..لكن طالما خرجت إلى الشارع فأصبحت سلوكيات عامة تحتاج إلى تدخل من الجميع للمحافظة على حقوقه...من حقي إني لا أرى منظر خارج في الطريق العام
- لا أدري كيف يجزم البعض بأن كل من ينصح غيره في هذه الأمور هو تارك للنصيحة والإصلاح في الأمور العامة السياسية وغيرها..أراها جرأة عجيبة وقفز غير مبرر على استنتاجات غير دقيقة
- بافتراض أن الإنسان قصر في باب من الأبواب هل يعد ذلك عذرا للتقصير في البقية...لا أصلي..فسأشرب الخمر وأزني وأسرق وأقتل وحينما يلومني أحد سأقول له لا تلمني لأنني أصلا لا أصلي،.،،هي جت على دي؟
- بنفس المنطق المعكوس فأنا لا أرى من يعترضون على النصيحة يقومون بواجبهم على النحو الأمثل تجاه الفساد السياسي وغيره وإلا فما سبب انتشار الفساد السياسي طالما عندنا هذا الكم من الواعين المدركين لحقائق الأمور الذين يرون النصيحة لعموم الناس معوقة للنصيحة لما يعد فسادا أكبر في نظرهم

وقفز غير مبرر على استنتاجات غير دقيقة...الللل

اقولك على الاستنتاجات دى جت منين

اللى رد على الموضوع دة تقريبا 47 عضو
اللى كان معترض على تقديم النصيحة دى بالشكل دة 5 افراد
واللى مع الست الكبيرة 42 عضو
اللى هما بيدعو للامر بالمعروف فى الموضوع دة

يعنى لو افترضنا ان النسبه دى هى هى نسبة المواقفة والرفض فى المجتمع يبقى نقول ان

89% من المجتمع مع تصرف الست الكبيرة بالنصيحة
و 11 % مع عدم وجوب تصرفها بهذة الطريقة

(طبعا محدش من ال 11 % دول مع تصرف ام البيت بالاسلوب دة برده)

يبقى لما الاقى 89 % من المجتمع مجمعين ما شاء الله على محاربة الفساد بشتى انواعه

امال يبقى البلد باظت من ال 11 % ؟

دة المنطق العدل مش المعكوس اللى حضرتك بتشير اليه

[بحري]

إنت قلت..

نيجى بقى لحاجة غريبه
هو لما كلنا كنا بنغير الحاجات الغلط اللى حوالينا و ما شاء الله كل الاخوة اجمعوا على ذلك...امال البلد دى ضاعت ليه؟؟؟!!!!!!!
وليه بقى كلنا بنأمر بالمعروف فى الحاجات (اللى من وجهه نظرى شخصيه جدا) و سايبين الحاجات العامه جدا جدا محدش بينهى عن المنكر فيها

- لا أدري كيف يجزم البعض بأن كل من ينصح غيره في هذه الأمور هو تارك للنصيحة والإصلاح في الأمور العامة السياسية وغيرها..أراها جرأة عجيبة وقفز غير مبرر على استنتاجات غير دقيقة

حبيت بس ألفت نظرك ونظر من وافقك أن التعميم بأن (كل) ينصح غيره في هذه الأمور يترك النصيحة في غيرها هو استنتاجات غير دقيقة

فإذا بك تؤكد صحة رأيي بتقديم هذا النموذج الإحصائى غير الدقيق والذي قمت بتحليله والاستنتاج منه بطريقة غير دقيقة مرة أخرى..هل هكذا تتم الإحصائيات الاجتماعية؟!..حتى الإحصائيات التقريبة لا تتم بهذا المنطق

اقولك على الاستنتاجات دى جت منين

اللى رد على الموضوع دة تقريبا 47 عضو
اللى كان معترض على تقديم النصيحة دى بالشكل دة 5 افراد
واللى مع الست الكبيرة 42 عضو
اللى هما بيدعو للامر بالمعروف فى الموضوع دة

يعنى لو افترضنا ان النسبه دى هى هى نسبة المواقفة والرفض فى المجتمع يبقى نقول ان

89% من المجتمع مع تصرف الست الكبيرة بالنصيحة
و 11 % مع عدم وجوب تصرفها بهذة الطريقة

(طبعا محدش من ال 11 % دول مع تصرف ام البيت بالاسلوب دة برده)

يبقى لما الاقى 89 % من المجتمع مجمعين ما شاء الله على محاربة الفساد بشتى انواعه

امال يبقى البلد باظت من ال 11 % ؟

دة المنطق العدل مش المعكوس اللى حضرتك بتشير اليه

[champoo]

بصراحة انا عمرى ما اسمح لحد يكلم بنتى تدخل مالوش اى لزمة

[Pharaoh]

إنت قلت..



حبيت بس ألفت نظرك ونظر من وافقك أن التعميم بأن (كل) ينصح غيره في هذه الأمور يترك النصيحة في غيرها هو استنتاجات غير دقيقة

فإذا بك تؤكد صحة رأيي بتقديم هذا النموذج الإحصائى غير الدقيق والذي قمت بتحليله والاستنتاج منه بطريقة غير دقيقة مرة أخرى..هل هكذا تتم الإحصائيات الاجتماعية؟!..حتى الإحصائيات التقريبة لا تتم بهذا المنطق

عزيزى
الاحصائية دقيقة ويمكنك التاكد من الارقام ان اردت
لكن قد نختلف فى تفسيرها

ودى مش احصائية اجتماعيه ولا حاجة
لكن كانت رد على كلام حضرتك لما استغربت اوى من ربطى بين رقى وتقدم المجتمع و سلوك افراده اذا كان معظم افراده من الشريحة اللتى تسعى لاصلاح الباطل...

الرد على الظلم اهم بكثير من حزام البنت المحجبة

[Akram]

من تدخل فيما لايعنيه سمع ما لا يرضيه

روى مسلم في صحيحه، عن تَمِيم بن أوس الداري رضي الله عنه، أن رسول الله صلى الله عليه وسلم قال: "الدين النصيحة، الدين النصيحة، الدين النصيحة". قال تميم: قلنا: لمن يا رسول الله؟ قال: "لله، ولكتابه، ولرسوله، ولأئمة المسلمين، وعامتهم"[

و ده موقع بيشرح الحديث ده بإستفاضة
ظ…ظˆظ‚ط¹ ط§ظ„ظ‚ط±ط¶ط§ظˆظٹ - ظ…طط§ط¶ط±ط§طھ ط¹ط§ظ…ط©



ببساطة لو الناس مابقتش تنصح بعض على الخير , امال مين اللي هيعمل كده ......