زيادة ارقام الموبايل من 10 ال 11 موضوع مستفز اوي !

[Deshahcoka]

يارجالة :)

الموضوع ده ملوش دعوة بالعربيات بس هوا بصراحة مستفزني قوي :) و قلت ادردش فيه معاكم

دلوقتي يعني ايه رقم الموبايل حيبقى 11 نمرة ؟ و ليه الناس القديمة متفضش زي ما هما و الخطوط الجديدة تبقى 11 نمرة مثلاً ؟

و دلوقتي هل في بلد في الدنيا نمرتها 11رقم ؟ ( انا معنديش فكرة بس عاوز اعرف هل ده اختراع مصري و حاجة عالمية )

الف شكر

[د.محمود صلاح]

عشان يقدروا يستوعبوا الزيادة في المشتركين

الرقم الزائد سيتم التحويل له تدريجيا خلال فترة زمنية طويلة

السعودية سبقت الى ذلك وشركة نوكيا نزلت برنامج خاص لإضافة الرقم الزائد اوتوماتيكيا الى قائمة الكونتاكتس في موبايلاتها

[ahmad5997]

هو حضرتك عرفت المعلومة دي منين

[NoraMagdy]

طيب الناس الى طابعه رقمها على كروت وموزعاه على ناس خارج مصر

(مثلاً فى مؤتمر: الناس بتتبادل ارقام التليفون، وبيكون فى ناس من جنسيات مختلفه)

يعملوا ايه؟

[Dr.Karim Emam]

هو حضرتك عرفت المعلومة دي منين

الموضوع ده بقاله اكثر من شهرين و كل الارقام الجديده اللي اولها 015 بقت 11 رقم

و الأرقام القديمه سيتم إضافة 0 بعد اول 3 ارقام
يعني 010 هتبقى 10100
و 012 هتبقى 0120

[Dr.Karim Emam]

طيب الناس الى طابعه رقمها على كروت وموزعاه على ناس خارج مصر

(مثلاً فى مؤتمر: الناس بتتبادل ارقام التليفون، وبيكون فى ناس من جنسيات مختلفه)

يعملوا ايه؟

المفروض يعملوا رسالة مسجلة زي اللي كانت عملاها المصرية للإتصالات لما زودوا الأرقام الأرضيه رقم زيادة لفتره معينة عشان الناس تعرف