مين هيجي حفلة teisto ؟؟؟ انا 100% رايح

[M.almaghraby]

لا يا باشا الالبوم الاصلي :))

[M7amD_7amDy]

أنا حاسس انى عايش فى الكهف ومعنديش اى علم باللى حواليا

وانا اللى كنت مفكر انى عارف كل حاجة وراجل بقعد على النت ومقطع السمكة وديلها

اتضحلى انى مش فاهم اى حاجة فى اللى انتوا بتقولوه ده :))

ممكن توضيحات للجهلة اللى زيى :))))

مين الناس دول

[slim_shika]

بص يا باشا أستاذ شنوري شرح الدنيا دي كلها في سطرين...هاهاهاااا...

[slim_shika]

لا يا باشا الالبوم الاصلي :))

جامد جدا على فكرة...ال Progressive أنا ممكن أقعد اسمعه بالساعات من غير ماازهق...عكس ال House..

بس أستاذ...

[mr_safwt]

دة بيبع اية الراجل دة

[mahmoudysf]

معلش يا جماعة بعيد عن موضوع باتيستو او مش عارف ايه ده
وبعيد عن موضوع الغناء والموسيقى اللي خد جدل هنا حرام ولا حلال
انا اللي شغلني فعلا واتوقفت قدامة موضوع التذكرة ام 700 جنية دي عشان فى الاخر استمع لخبط ورزع مع احترامي للي بيحبو الموضوع ده عشان صاحب الموضوع ما يزعلش
انا شايف من وجهتى نظري ان موضوع حفلة ب 700 جنية ده ابتلاء
والحديث بيقول واذا ابتليتم فاستترو
مش اسفز الناس وارجع ااقول محدش يستظرف واللي ملوش والكلام ده
الاولى انك ما تعرض موضوع مستفز
عموما انا حاولت اخلى ردي هادي على قد ما اقدرت

[mahmoodallam]

ربنا يهدى الجميع

امين
هو مين تياستو ده ؟
اه الاشكال اللي احنا بنجري وراها دي ؟
عملنا ايه نافع ابن ال ....... ؟
ولا قدم لبلدنا ايه ولا نفع الناس اللي بتروحله دي شخصيا في ايه ؟
يا ناس فوقو ، كفاية والله اللي انتو بتعملو في نفسكو ده .

[Moe86]

امين
هو مين تياستو ده ؟
اه الاشكال اللي احنا بنجري وراها دي ؟
عملنا ايه نافع ابن ال ....... ؟
ولا قدم لبلدنا ايه ولا نفع الناس اللي بتروحله دي شخصيا في ايه ؟
يا ناس فوقو ، كفاية والله اللي انتو بتعملو في نفسكو ده .

ببساطة كدة تيستو دة واحد من أحسن الناس فى العالم بيعملوا موسيقى
احنا مش بنجرى وراه ولا واخدينه مثل أعلى ولا حاجة
احنا بنحب نسمع أغانيه زى ملايين البنى أدمين فى العالم كله, و حفلاته بيبقى فيها show مميز جدا
اية المشكله لما يكون شاب ربنا فاتح عليه شوية ماديا و معاه 350 جنيه و يروح حفلة فى الصيف زى بقية جيله ؟
ليه بقى الناس اللى كانت بتحضر حفلات أم كلثوم مثلا زمان ناس محترمه و بتفهم انما الناس اللى بتروح حفلات الأيام دى وحشين و مجانيين ؟!

عموما, مين تانى رايح يا جماعة ؟

[mahmoodallam]

ببساطة كدة تيستو دة واحد من أحسن الناس فى العالم بيعملوا موسيقى
احنا مش بنجرى وراه ولا واخدينه مثل أعلى ولا حاجة
احنا بنحب نسمع أغانيه زى ملايين البنى أدمين فى العالم كله, و حفلاته بيبقى فيها show مميز جدا
هو علشان ملايين البني ادمين في العالم بيسمعوه أسمعه انا كمان ! طيب فين تقييمك انت وفين ذوقك انت اللي بيعتمد على اسس ومبادئ لو ما اتوفرتش يبقى خلاص تسيبه من الاساس حتى لو كان على هواك .
وبعدين ما هو غالبية الناس مش مسلمين قال تعالى : {ولا تجد أكثرهم مؤمنين}
اية المشكله لما يكون شاب ربنا فاتح عليه شوية ماديا و معاه 350 جنيه و يروح حفلة فى الصيف زى بقية جيله ؟
عندي سؤال هو كل اللي معاهم فلوس دول معاهم لان ربنا فاتح عليهم ؟ مايمكن دا اختبار من ربنا ليك ؟ قال تعالى : {ونبلوكم بالشر والخير فتنة }
ليه بقى الناس اللى كانت بتحضر حفلات أم كلثوم مثلا زمان ناس محترمه و بتفهم انما الناس اللى بتروح حفلات الأيام دى وحشين و مجانيين ؟!
ومين قالك انهم كانو ناسو محترمين وبيفهمو ؟
ما يمكن ما كانوش فاهمين ، وطبعا ده مع مراعاة الفرق الشاسع بين ام كلثوم ومغنيين اليومين دول بس في الاخر كوووووووووووله غلط

عموما, مين تانى رايح يا جماعة ؟

اتمنى ان ما حدش يضايق من رأيي
وفي الاخر كل واحد مننا حر وهيعمل اللي هو عايزه على حسب فهمه ، بس ما ننساش ان في حساب يوم القيامة .
ويا جماعة اللي معاه فلوس يصرفها في مكانها مفيش مانع انك تتفسح وتروق نفسك بس بشرط انك ما تدخلش دايرة الحرام والشبهات . وما تنساش ان في ناس مش لاقيين ياكله وما تنساش ان 350 جنيه دول اس رة كاملة بتعيش شهر كامل عليهم وعلى اقل منهم .
ما تنساش الناس اللي باعت نفسها ومالها واهلها لتحرير اراضينا المغتصبة من اليهود والامريكان اللي احنا رايحين نشجعهم ونسقفلهم ونديهم فلوسنا وهما يدونا فوق دماغنا .
انا اسف لو اسلوبي قاسي شوية بس حاولت اخلي هادي ولين قدر الامكان
وربنا وحده يعلم انا مسحت كام كلمة علشان اهدي الكلام .

[Moe86]

اتمنى ان ما حدش يضايق من رأيي
وفي الاخر كل واحد مننا حر وهيعمل اللي هو عايزه على حسب فهمه ، بس ما ننساش ان في حساب يوم القيامة .
ويا جماعة اللي معاه فلوس يصرفها في مكانها مفيش مانع انك تتفسح وتروق نفسك بس بشرط انك ما تدخلش دايرة الحرام والشبهات . وما تنساش ان في ناس مش لاقيين ياكله وما تنساش ان 350 جنيه دول اس رة كاملة بتعيش شهر كامل عليهم وعلى اقل منهم .
ما تنساش الناس اللي باعت نفسها ومالها واهلها لتحرير اراضينا المغتصبة من اليهود والامريكان اللي احنا رايحين نشجعهم ونسقفلهم ونديهم فلوسنا وهما يدونا فوق دماغنا .
انا اسف لو اسلوبي قاسي شوية بس حاولت اخلي هادي ولين قدر الامكان
وربنا وحده يعلم انا مسحت كام كلمة علشان اهدي الكلام .

لو فكرنا بالطريقة دى
يبقى اللى يبات فى فندق ب500 جنية فى الليلة حرام, لأنه ممكن يبات ب100 جنية
و اللى يشترى عربية ب200 ألف جنية حرام لأنه ممكن يشترى عربية ب 50 ألف, و هكذا
رأيى الفرد اللى بيشتغل و يجيب فلوس عليه يدفع الذكاه و صدقة للفقراء, بعد كدة يرفه عن نفسه زى ما هو عايز فى حدود المعقول طبعا خصوصا ان الحفلة دى مثلا مرة واحدة فى السنة, و لما قلت ان ملايين من العالم كله بيسمعوا تيستو (هو ألمانى على فكرة مش يهودى!) كان قصدى ان الموسيقى بتاعته حلوة فعلا و ملهاش علاقة اللى بيسمعوه مسلمين أو لأ
و حضرتك تشكر انك مسحت كلام علشان الموضوع مايخرجش عن مساره (هو خرج فعلا) و يقلب بخناقة بين الأعضاء

[ahmed76]

معلش ممكن نتكلم براحة

ايه علاقة ان صاحب الموضوع لسه عضو جديد و ان الاعضاء القدامى يعرفو بعض هو الراجل غلط فى حد فيكم؟

وايه علاقة ان فى حفلة فى الساحل و ان كان فى موضوع بيتكلم عن مصروف البيت؟

معلش ايه المشكلة ان التذكرة ب700 جنيه

طيب ما فى ناس ربنا يزيدها من نعيمه و يكرمها راكبة عربيات بمئات الالاف

اعتقد ان الموضوع عادى مفهوش حاجة تزعل حد

شكرا على رد حضرتك واحنا فعلا بنتكلم براحه من غير معلش ولا حاجه

1- طبعا ليه علاقه : تخيل حضرتك واحد صاحبك قالك كلمه تهريج تقيله شويه هاتزعل صح ؟ طيب لو واحد غريب قالك نفس الكلمه هاتزعل بنفس الدرجه ؟؟؟؟؟؟؟؟؟
وتلاحظ ان العضو القديم المشارك فى الموضوع ما تنرفزش خالص بل ضحك لانه عارف زمايله فى المنتدى
شفت بقى ان ليها علاقه

2- هو الراجل غلط فى حد فيكم : حضرتك تقصد مين بكلمه فيكم ؟؟؟؟؟؟؟؟
3- الخطأ نسبى يعنى ممكن الشتيمه عند ناس هى الغلط ( طيب لما واحد يقولك بطل استظراف واللى مالوش فى الموضوع مايدخلش يبقى ايه بيشكر فيك)
4-مافيش مشكله ان التذكره ب 700 جنيه برده ان شىء غالى او رخيص ده موضوع نسبى

5- اهلا بحضرتك وبالاخ صاحب الموضوع فى المنتدى

[beautiful0mind]

لو فكرنا بالطريقة دى
يبقى اللى يبات فى فندق ب500 جنية فى الليلة حرام, لأنه ممكن يبات ب100 جنية
و اللى يشترى عربية ب200 ألف جنية حرام لأنه ممكن يشترى عربية ب 50 ألف, و هكذا
رأيى الفرد اللى بيشتغل و يجيب فلوس عليه يدفع الذكاه و صدقة للفقراء, بعد كدة يرفه عن نفسه زى ما هو عايز فى حدود المعقول طبعا خصوصا ان الحفلة دى مثلا مرة واحدة فى السنة, و لما قلت ان ملايين من العالم كله بيسمعوا تيستو (هو ألمانى على فكرة مش يهودى!) كان قصدى ان الموسيقى بتاعته حلوة فعلا و ملهاش علاقة اللى بيسمعوه مسلمين أو لأ
و حضرتك تشكر انك مسحت كلام علشان الموضوع مايخرجش عن مساره (هو خرج فعلا) و يقلب بخناقة بين الأعضاء

انا مش عارف هو فى اية ..انا مع الراجل ده ومع صاحب الموضوع ........

اية الغريب ان اعضاء معانا فالمنتدى رايحين حفلة لشخص هم بيحبه ( انا والله معرفه ) وحبه يجمعه بعض ويروحه سوا
وانا شايف انى فى بعض الاعضاء عندهم فكرة عن الموضوع وبداءة يتنقشه مع بعض مين احسن ومين بيقدم مزيكا أفضل

واية اللى دخل 700 جنيه ثمن التذكره فالحرام والحلال ....لو بنكلم ع حرام وحلال الفلوس اللى بتتصرف ع السجاير والشيشة حرم ولا حلال .... ولا اللى بتتصرف فى مرواح الاستاد عشان تتفرج ع كوره ...ونفضل نشتم فبعض مين اهلاوى ومين زملكاوى

ياريت نكون متقبلين شوية افكار غرنا .حتى لو مختلفين معاهم اكيد هم كمان مختلفين معانا .....الافضل نسيب الموضوع يسير بدون اى خلاف .....ولو مش عجبك متشركش فى ...وسيب اللى مهتم وفاهم يشرك ويضيف

وياريت ياشباب تجبولنا كام حاجة للناس دى عشان نسمعها ......

[M.almaghraby]

والله انا علي استعداد اجمع كام اغنية و ارفعهم علي اي سايت

استنوني كدا و حجيبلكم كام واحدة حلوين

عالعموم اسمع دي و قولي


http://beemp3.com/download.php?file=...26+Out+Of+Love

http://beemp3.com/download.php?file=7063942&song=Radio+Crash

ودي كمان

http://beemp3.com/download.php?file=7063941&song=Feel+You

http://beemp3.com/download.php?file=7602390&song=Flashback%40

[SHNORY]

بصوا يا جماعه
احنا بنتعامل كاننا اخوات ومتكبروش الموضوع
اللي عاوز يروح يروح
احنا مش حنقول للناس يصرفوا فلوسهم ازاي
دي راحتهم وحريتهم
وانا مقتنع تمام الاقتناع ان اللي رايح يدفع حتي لو 7000 جنيه في حفله نص ساعه
دي راحته ودي فلوسه
هو مش واخد فلوس من ايتام ولا زكاه مال ورايح يصرفها

احنا وجه اعتراضنا انكم اخواتنا الصغيرين او الكبار علي حسب اعماركم
وانكم قدوه لناس تانيين
ممكن حد من مدعي الروشنه ومدمنيها يروح يسرق مثلا علشان يروح الحفله دي
لانه عاوز يبقي في مستوي الناس اللي رايحين ويبقي روش ومش اقل من اصحابه

-ممكن يكون في الحفله حاجات مجتمعنا مش بيقبلها زي خمور او اختلاط بشكل غير اخلاقي
ومن خوفنا عليكم بنحاول نقولكم متروحوش
بمناسبه التشبيه بالليله في فندق
اللي بيدفع كتير في الفندق فهو واحد معتود علي مستوي معين في عيشته وفي الرفاهيه وميقدرش ينزل عنه
انما مش حيروح يسمع دي جي ويدفع مبلغ كبير فيه
لان ده العادي بتاعه كل ما بيروح فندق
انما مش ده العادي بتاعنا كل ما نسمع دي جي او مغني او ايا كان نوع المزيكا
كل واحد حر في حياته طالما مش بيضر حد
بس برضه يشوف ويحاول يفكر ان كان اللي بيعمله صح ولا غلط
وفي الاخر لو صح فهو لنفسه مش لينا
ولو غلط فبرضه لنفسه مش لينا
اتمني ان الناس تهدي شويه وتفكر
وكل سنه وانتم طيبين رمضان علي الابواب

[Abo_Lina]

الغريب إن الناس لما بترفض تلاقيهم بيرفضوا الموسيقى النظيفة المتطورة ..
لو الموضوع كان عن شريط أبو الليف كان الموضوع بقى لذيذ و عادي ..