حد سمع عن مشروع عمائر مدينة نصر

[wasta]

وعلى كل ده والناس بتقول موقعها وحش وبتبص على المقابر والمشروع لسه متعملش والدنيا ضلمه فيها وباصه على صحراء وتيجى تسأل الشركة سعر الشقة كام يقولك 3 مليون وتعسوميه وتمانين وإتنين مليار وتمنوميت ألف وديه اللى بتبص على شارع جانبى أما اللى بتبص على الترب الرئيسى قصدى الشارع الرئيسى السعر هيزيد حاجه بسيطه حوالى 3 أضعاف والإستلام شهر خمسه فى سنة 3000 وعليكوا خير

مش عارف أنا الشباب هيجيبوا فلوس منين أنا مش عارف حسبنا الله ونعم الوكيل

[Adham]

ههههههههه و الله معاك حق

بس الشقق دي مش معمولة للشباب دي معمولة للي اكبر شوية و حوشوا قرشين او سافروا برة و عملوا خميرة

الشباب بقى الحكومة حاجزالهم في المقابر اللي قدام المشروع

[wasta]

الشباب بقى الحكومة حاجزالهم في المقابر اللي قدام المشروع

هههههههههههههههههههههههههههههههههههههههههههههههههه ههههه طيب ماتعرفش بندفع مقدمه كام للتربى هههههه

[hazemhany]

الشباب بقى الحكومة حاجزالهم في المقابر اللي قدام المشروع

ههههههههههههههههه لأ جامدة بجد ...

بس بالنسبة للشباب هما عاملينلهم الشقق بتاعت المرشدي اللي في اكتوبر والشقة 80 متر. صافي 67 باين واخر سعر ليها شفته كان 103 الف كاش بس معرفش قسط كام ...دي ممكن تبقي مناسبة للشباب الغلبان اللي زي حالتنا ..

"" والله مابعمل دعاية لحد بس ده للتوضيح مش اكتر""

[sameh_mooty]

شركة نصابة بتسرق في مساحات الشقق

شركة نصابة وبتسرق في المساحات وايه الفايدة لما انت تكون واخد شقة 115 متر والصافي بتاعك يكون 71 متر

وبينك وبين المقابر 500 متر ... يعني لو المتر 2300 كاش وهو سارقك في 44 متر تحت شعار المنافع وكلام النصابين يبقى

يعني انت مسروق في أكتر من 90 الف جنيه فما بالك لو واخدها تقسيط تبقى مسروق في اد ايه

واقسم بالله يا جماعة ليا صديق كان حاجز فيها لغى الحجز واتخانق معاهم علشان موضوع المساحة المسروقة دي

وان شاء الله انا تحت امر أي حد يحتاج إثبات بالرسومات وخرائط المشروع علشان أأكد لكم السرقة اللى هما فيها

وبالمناسبة يا جماعة أقسم بالله العظيم الكلام اللى انا بقوله مفيهوش اي شىء خاطىء واللى مش مصدق ممكن ارفعله صور اي حاجة هو عايزها او هو يروح بنفسه يشوف مستوى التشطيب الزبالة اللى بيقوله عليه سوبر لوكس والمساحات العشش اللى بيقولوا عليها

وأي حد حاجز عندهم يجرب بس يقولهم عايز الغي علشان موضوع المساحة هيقولوا ملناش دعوة انت وافقت اننا نسرقك

[wasta]

أى نعم هما نصابين بس العيب موش فيهم العيب فى اللى بيشترى

أنا روحت شركة مدينة نصر للإسكان والتعمير الراجل بيقولى لو دفعت 200 ألف جنيه كاش هتستلم على طول بعد سنتين

[sameh_mooty]

شايف يا واسطة الاية الكريمة بتقول ( ما يلفظ من قول الا لديه رقيب عتيد )
يعني انا وانت والناس اللى بتشتري المفروض تكون بتشتري وهي مغمضة علشان في إسلام وفي دين بيجبر الناس انهم ميسرقوش ومينصبوش

لكن لما تتسرق متتهمش نفسك اتهم الحرامي واتهم اللى سايب الحرامي وانا فعلا ببعت حالا لمصراوي والمصري اليوم واليوم السابع علشان الناس كلها لازم تعرف الفضيحة بتاعت النصابين دول