مقالب كتيرة --- تغيير المود

[Eng.Geo]

كنت من فترة كدة في حالة
أقل ما يقال عنها أني بموت والسبب في توقيعي
وقعدت فترة مشاركتش في المنتدي ومنزلتش من بيتنا ولكن حسيت أني خلاص هطق
قلت أفضفض شوية مع حبايبي بتوع نايل موتورز
والناس كانوا قمة في الزوق والأحترام وحب الغير
ونصحوني بحاجات كتير جميلة نفذتها وكل ما أشوف نفسي دلوقتي بدعيلهم
منهم اللي كلمني واللي بعتلي رسايل واللي قالي هجيلك البيت و حاجات كتير جميلة
قررتمن فترة أروح أسكندرية ولقيت ناس كتير في المنتدي بيقولولي تعالي و أحنا نفسحك هنا
بجد ناس قمة في الأحترام
منهم Hany_ Mohamed و شنوري وميسو أليكس وناس تانية بجد أسف ناسي الأسماء .... عايز علاج ... ساعات بنسي اسم والدي :) مش عارف في أيه
وكان في القاهرة ناس بتكلمني ومتابعة معايا الطريق زي Gabrial
كان بيكلمني كل شوية يتطمن
وانا رايح أسكندرية عند قرايبي كنت قايل مش هسوق عربيات تاني وبابا هو المفروض يوصلني
خرجنا الساعة 8 بالليل و أتمشينا شوية بالعربية

وصلنا الساعة 2 بعد نص اليل

بعد خناقة علي الطريق

فجأة لقيت بابا بيقولي اه انا تعبان

ضغطي عالي مش قادر

وركن علي جمب وانا عارف ان عنده السكر بس معندوش ضغط

أتخضيت ومش عارف أعمل أيه

طاب طمني قولي أعمل أيه وسألت ماما ومكنتش عارفة تعمل حاجة زيي

المهم أخدت قرار أني لازم أسوق

وبعد كدة مش هسوق تاني

ركب مكاني وانا سقت

شوية ولقيتني جايب 180 /190

وطاير مش حاسس باللي بيحصل من الخضة

لقيت بابا بيقولي بالراحة انا كويس خلاص معنديش حاجة

هديت وركنت علي جمب

وبقوله طاب كان في أيه

قالي لأ دانا كنت خايف عليك لا متسوقش تاني وتجيلك عقدة

فعملت فيك مقلب

نعمممممم

وقعدنا كتير واقفين بنتخانق

انا مكنتش عايز أسوق لفترة علي الأقل أرتاح من اللي حصلي

بس بعد كدة هو ساق ووصلنا هناك وانا متدايق بس مش منه

من نفسي

انا عارف كويس انه خايف عليا

بس مكانتش تبقي كدة الطريقة

بس انا زودتها

المهم وصلنا هناك

تاني يوم كان Hany_Mohamed بيكلمني ننزل مع بعض

قابلني تحت البيت عندي وكان معاه واحد صاحبه

ورحنا جرين بلازا

وعزمني علي أكل

ولعبنا هناك ألعاب كتير

أقل ما يقال عن هاني أنه من أكتر الناس الجميلة اللي شفتها

زوق أيه و أحترام أيه وخفة دم ومودة و طيبة و وووووووو

مش عارف أقول أيه

من أحسن الناس اللي شفتها

شكرا نايل موتورز أنك عرفتني بواحد زيه

واحنا راجعين قالي تسوق

أصريت لأ

وبعد ما أتحرك 20 متر ( لسة جوة جرين بلازا ) وقف وقالي مش هقدر أسوق عشان رجلي الشمال وجعاني ومخبوط فيها من الكورة

طاب مالعربية أوتو

مفيش

هو لازم أسوق

برده كان عارف اني مش هسوق تاني وكان عايزني أسوق

نزل من العربية وقالي لازم تسوق وبعد شوية لقيت نفسي قدام الدركسيون

وسقت العربية لغاية ما وصلنا البيت عندي وهو كمل عشان كان رايح مشوار

بجد كانت من أجمل الساعات في حياتي لما شفته

وشنوري كلمني لما كنت مع هاني وكنا هنقابله بس محصلش نصيب

كان نفسي أشوفك يا شنوري

وانا هناك عند قرايبي برده عملوا فيا مقلب

وخلوني أسوق حاجة مكنتش أتوقعها

مشروع ( مكروباظ باللغة القاهري )

تويوتا hiace موديل 2008

مشغلنها عربية مشروع

وعملوا حركة كدة بس كانت ملعوبة قوي

ولقيتني سايقها

بجد يا جماعة انا بشكركوا كلكوا

أعضاء نايل موتورز

انتوا اللي خرجتوني من اللي فيه

بشكركوا جميعا وبشكر كل واحد ساعد وتعب عشاني

و أسف لو ضايقت أي حد

انا في ناس كتير عايز أكتب أشكرهم لمساعدتهم وتعبهم معايا

زي

hany_mohamed
Gabrial
NoRmAl
fady.bekatcho
AhMeD EzZ
gebreel
النوبي
وفي ناس كتير قوي
معلش انا أسف عشان عارف اني ناسي أسمائهم
ياريت مايزعلوش مني
شكرا ليكوا جميعا
ربنا يديم الود والمحبة

[تامر.محمد]

الحمد لله انك تجاوزت الحالة اللي كنت فيها دي
و ربنا يجعل الناس لبعضها و يجمعهم على الخير دايما
:)

والدك بصراحة كتر خيره انه عمل معاك كده
بس انت رديت له المقلب و خدته على 190 و رعبته شكلك كده
:)))))))))))))

[Eng.Geo]

الحمد لله انك تجاوزت الحالة اللي كنت فيها دي
و ربنا يجعل الناس لبعضها و يجمعهم على الخير دايما
:)

والدك بصراحة كتر خيره انه عمل معاك كده
بس انت رديت له المقلب و خدته على 190 و رعبته شكلك كده
:)))))))))))))

هو الحقيقة كتر خيرة قويييي
هو فعلا أترعب
بس انا مجريتش عشان أخضه
ده عشان كنت مخضوض عليه
وبعد ما خدت غرزة كدة هو حس اني منفعل جامد راح مفهمني :))

معلش يا شنوري وانا بكتب الأسماء
والله كنت كاتب أسمك
بس معرفش وانا بعمل copy paste راح فين
معلش يا شنوري
انت عارف بقي محبتك عندي :)

[Gabrial]

نشكر ربنا على سلامتك يا جيو ،عقبال متفرحنا بالنتيجة ،شكراً لرجالة اسكندرية و خصوصاً أستاذ هاني ،تجربة و عدت يا جيو و أكيد هتستفد منها رغم صعوبتها .
بلاش السرعات الجامدة ده يا جيو :)

[A.Saad]

مع انى النهاردة حزين ومضايق
بس خبر انك بقيت كويس بسطنى يا جورج

[Eng.Geo]

نشكر ربنا على سلامتك يا جيو ،عقبال متفرحنا بالنتيجة ،شكراً لرجالة اسكندرية و خصوصاً أستاذ هاني ،تجربة و عدت يا جيو و أكيد هتستفد منها رغم صعوبتها .
بلاش السرعات الجامدة ده يا جيو :)

الحمد لله
والله يا رامي معرف عملتها أزاي
بس الحمد لله
هكلمك عشان نخرج ان شاء الله

مع انى النهاردة حزين ومضايق
بس خبر انك بقيت كويس بسطنى يا جورج

مالك بس في ايه؟
متدايق من ايه ؟
كدة انا زعلان :(

[A.Saad]

الحمد لله
والله يا رامي معرف عملتها أزاي
بس الحمد لله
هكلمك عشان نخرج ان شاء الله

مالك بس في ايه؟
متدايق من ايه ؟
كدة انا زعلان :(

لا يا جورج ما تزعلش انت
زعلك ده بيوقف المنتدى على رجل
هيا شوية مشاكل فى البيت والعمل

[AhMeD EzZ]

الحمد لله يا جورج انك عديت المحنة دي علي خير
متتصورش سعادتي كانت قد ايه لما لقيتك بتشارك تاني في المنتدي و تهظر و اكتر لما عرفت انك في اسكندرية
و ياراجل لا شكر علي واجب
الحمد لله انك بخير

[icehearted girl]

الشعب المصري تآمر عليك علشان ترع تسوق تاني

ربنا يستر

سيبك انت

والله سعيدة جدا انك خرت دريجيا ملمود ورجعت تشارك بروحك القديمة تاني

[MoHaMed HaMeD]

اهم حاجه يمان انك بقيت كويس وحالتك ومودك تمام ايه رايك بقى نتقابل كلنا زى شباب المنتدى الاسبوع الفات كانت جامده نتقابل كده ونظبط يوم جميل ان شاء الله ايه رايك

[amr100]

الحمد لله على السلامة واهم حاجة انك قدرت تتغلب على حالتك النفسية السيئة وقدرت تخرج من المود

[Eng.Geo]

لا يا جورج ما تزعلش انت
زعلك ده بيوقف المنتدى على رجل
هيا شوية مشاكل فى البيت والعمل

ان شاء الله كله يتحل
طمني كدة علي أخبارك
ويا رب مفيش حاجة تدايقك تاني
طول مانا حاسس انك زعلان هبقي زعلان

الحمد لله يا جورج انك عديت المحنة دي علي خير
متتصورش سعادتي كانت قد ايه لما لقيتك بتشارك تاني في المنتدي و تهظر و اكتر لما عرفت انك في اسكندرية
و ياراجل لا شكر علي واجب
الحمد لله انك بخير

انا بجد سعيد اني أتعرفت عليك
مش هتعملوا مقابلة تانية ؟

الشعب المصري تآمر عليك علشان ترع تسوق تاني

ربنا يستر

سيبك انت

والله سعيدة جدا انك خرت دريجيا ملمود ورجعت تشارك بروحك القديمة تاني

الحمد لله علي كل شئ
اللي حصلي ده بينلي حاجات كتير
بس الحقيقة كانت مأمرات جميلة
عشان حسيت هما كانوا بيحبوني قد أيه
ربنا يخليهملي

اهم حاجه يمان انك بقيت كويس وحالتك ومودك تمام ايه رايك بقى نتقابل كلنا زى شباب المنتدى الاسبوع الفات كانت جامده نتقابل كده ونظبط يوم جميل ان شاء الله ايه رايك

موااااافق

الحمد لله على السلامة واهم حاجة انك قدرت تتغلب على حالتك النفسية السيئة وقدرت تخرج من المود

البركة فيكوا
لما لقيتها وقفت قدامي جيتلكوا

[Car's Sniper]

الحمد لله على سلامتك
شكلك زودتها ياخلبوص
ربنا يسعدك كمان وكمان

[Eng.Geo]

الحمد لله على سلامتك
شكلك زودتها ياخلبوص
ربنا يسعدك كمان وكمان

الله يسلمك
معلش لسة واخد بالي
وبعدين بقولك كنت في أسكندرية مش مارينا

[misoalex]

يعنى جيت اسكندريه وانا معرفش :(

وانا وعيش نمرتك والله عشان اكلمك اعرف اذا كنت جيت اسكندريه فعلا ولالا

والحمد لله انك خرجت من المود الى كنت فيه

ودى عمايل تعملها مع والدك 190 يا مفترى هههههه