ماهو اصعب قرار اتخذته في حياتك ؟؟

[aif]

كل منا فيه في حياته قرارات مصيرية وصعبة ومحورية في حياته - باستثناء الزواج طبعا -
انا ح ابدأ بنفسي
بالنسبه لي هما قرارين
1 - العودة من الخليج والاستقرار بمصر برغم عدم وجود وظيفة فعليه في مصر
2 - الاستقالة من وظيفتي السابقة والتفرغ لمكتبي برغم مميزات الوظيفة
والحمد لله ربنا وفقني في القرارين

[E_Farid]

السلام عليكم،

موضوع جميل يا أخ aif

والحمد لله ان ربنا وفقك فى اختيارك،

بالنسبة ليا ،

فأهم قرار فى حياتى على الإطلاق كان تحويل مجرى حياتى نفسه !!

يعنى من 3 سنين تقريبا كان الواحد عايش عادى زى كل الناس والحمد لله مبسوط ومفيش مشاكل فى الدنيا،

لكن حسيت انى أنانى جدا لأنى عايش حياتى بالطريقة دى، خصوصا ان الواحد مبيعملش حاجه لدينه،

والى أقصده هنا مش الصدقة وعمل الخير، لأن الحاجات دى لنفسك،

لكن انا بأتكلم عن اللى عملتة للإسلام كدين وكدعوة !

ومن ساعتها وربنا من عليا وبدأت أغير اتجاه حياتى بالكامل،

وأصبح ليا هدف عايز اعمله للإسلام وكل حياتى اتغيرت بجد علشان الهدف بتاعى لأنه ضخم جدا ومحتاج مجهود قوى جدا وصبر شديد.

ومن بعدها حياتى أخدت اتجاه تانى تماما،

صعب وشاق لكن بتحس فيه انك شغال عند ربنا !!

مش عارف أوصفها ازاى بس حاجه رائعه جدا رغم كل الصعوبات والمشاكل،

وادعولى ربنا يعينى وأوصل لهدفى ده.

[aif]

السلام عليكم،


صعب وشاق لكن بتحس فيه انك شغال عند ربنا !!

مش عارف أوصفها ازاى بس حاجه رائعه جدا رغم كل الصعوبات والمشاكل،

وادعولى ربنا يعينى وأوصل لهدفى ده.

ربنا يوفقك ويعينك
لكن ايه اللي بتعمله بالظبط يعني تعليم قرآن والا دعوه والا كفالة ايتام والا ايه .. ياريت تعرفنا يمكن نقدر نساهم معاك
حد يطول انه يشتغل عند ربنا ... ده امل وهدف في حد ذاته

[noni67]

انى على علاقة بواحدة متجوزة
مش مكسوف انى اقولها علشان اصارح نفسى قبلكم

[محمد عز]

انى على علاقة بواحدة متجوزة
مش مكسوف انى اقولها علشان اصارح نفسى قبلكم

اعذر طريقتى فى اللى هكتبه
اول حاجة هو ده قرار مصيرى بالنسبه لك

تانى حاجة الحقيقة ده حاجة تكسف

تالت حاجة اتقي الله ، كما تدين تدان

يعنى من دون الستات الموجودين فى مصر رايح تحب واحده متجوزة
واذا ابتليتوا فاستتروا يااخى
توب لربنا ، الدنيا مليانه ستات
عف نفسك بالحلال والحقيقة اللى تسيب جوزها علشان واحد تانى او ترضى ان يكون ليها علاقه مع واحد غير جوزها تبقى ست مش كويسه

راجع نفسك

[GoldenManEye]

قال الإمام الشافعي – رحمه الله


من يزني يُزنى به ولو بجداره ...... إن كنت يا هذا لبيباً فافهمِ

إن الزنا دين إن أقرضتـه ...... كان الوفا من أهل بيتك فاعلمِ

من يزني في بيت بألفى درهمِ ...... في بيته يُزنى بغير دراهمِ

[aif]

انى على علاقة بواحدة متجوزة
مش مكسوف انى اقولها علشان اصارح نفسى قبلكم

طبعا انا حزين عليك
لكني مقدر شجاعتك واعترافك
واعتقد ان الاعتراف بالمشكلة هو اول خطوة لحلها
وباب التوبه مفتوح حتي يصل الانسان الي الغرغره يعني سكرات الموت .. لكن الموت ح ييجي امتى هو ده مربط الفرس
انا ح اقولك علي اتنين سمعت عنهم من اصدقائي
الاول مات في المسجد قبل صلاة المغرب وهو منتظر الصلاه
والتاني كان عاصي والعياذ بالله وكان بيتقيء في الحمام وقبضت روحه ورأسه في المرحاض وظل علي ذلك الحال الي ان اكتشوا وفاته

[noni67]

زنا ايه اعوز بالله
خلاص خليتوا الموضوع زنا
انا الحق عليا انى باتكلم
افهموا اللى تفهموه
اعوز بالله من كلامكم

[GoldenManEye]

زنا ايه اعوز بالله
خلاص خليتوا الموضوع زنا
انا الحق عليا انى باتكلم
افهموا اللى تفهموه
اعوز بالله من كلامكم

أخى العزيز معنى الأبيات كما تدين تدان.

وهذا هتك لحرمة مسلم.

كما إستعذت بالله من الزنا إستعذ بالله من هذه العلاقة.

وربنا يهدينا و يهديك إن شاء الله.

[mars3v]

انا بالنسبالى اصعب قرار كان انى اسيب مصر، انا كنت فى هندسة اسكندريه ميكانيكا و خلصت هناك اربع سنين بتفوق و كان باقيلى سنه واحده بس و اخد البكالريوس، رحت باعت ورقى لجامعات فى استراليا و اتقبلت فيهم، رحت اخترت جامعة ملبورن عشان هيه اكبر جامعه فى استراليا و كان العرض بتاعهم انى اجى ادرس سنه و نص عشان اتخرج, و ادينى لسه و اخد البكالريوس فى شهر 12 مع مرتبة الشرف و بالنسبه لمشروع التخرج بتاعى، قدرت انى اعدى الاختبارات عشان التحق بفريق السباق بتاع الجامعه، و طبعا كان صعب جدا انى اقدر اقنعهم انهم ياخدو واحد لسه جاى من مصر و همه بيدوروا على نخبة الطلبه فى الجامعه، بس نجحت و بقيت فى قسم الAerodynamics و اتيحت ليا الفرصه انى اشتغل مع مهندسين من فورملا 1 فريق رينو و كانت تجربه حلوه لكن صعبه جدا و دلوقت بعمل ماجيستير فى الAerospace...بس كان اصعب وقت لما سبت مصر و انا عندى عشرين سنه و نص و معرفش حد خالص فى استراليا و معرفش اذا كنت هنجح ولا هفشل و لو فشلت يبقى ضيعت هندسة اسكندريه برضو ، ده غير انى مبتدئ فى مهارات الطبخ و اخرى كباية شاى تزقى بيها الزرع :)

[cpt_shawky]

انا بالنسبالى اصعب قرار كان انى اسيب مصر، انا كنت فى هندسة اسكندريه ميكانيكا و خلصت هناك اربع سنين بتفوق و كان باقيلى سنه واحده بس و اخد البكالريوس، رحت باعت ورقى لجامعات فى استراليا و اتقبلت فيهم، رحت اخترت جامعة ملبورن عشان هيه اكبر جامعه فى استراليا و كان العرض بتاعهم انى اجى ادرس سنه و نص عشان اتخرج, و ادينى لسه و اخد البكالريوس فى شهر 12 مع مرتبة الشرف و بالنسبه لمشروع التخرج بتاعى، قدرت انى اعدى الاختبارات عشان التحق بفريق السباق بتاع الجامعه، و طبعا كان صعب جدا انى اقدر اقنعهم انهم ياخدو واحد لسه جاى من مصر و همه بيدوروا على نخبة الطلبه فى الجامعه، بس نجحت و بقيت فى قسم الAerodynamics و اتيحت ليا الفرصه انى اشتغل مع مهندسين من فورملا 1 فريق رينو و كانت تجربه حلوه لكن صعبه جدا و دلوقت بعمل ماجيستير فى الAerospace...بس كان اصعب وقت لما سبت مصر و انا عندى عشرين سنه و نص و معرفش حد خالص فى استراليا و معرفش اذا كنت هنجح ولا هفشل و لو فشلت يبقى ضيعت هندسة اسكندريه برضو ، ده غير انى مبتدئ فى مهارات الطبخ و اخرى كباية شاى تزقى بيها الزرع :)

كلمنا شوية بقا عالـ Angle of Attack :D

[Ahmed Samy]

انا باتخذ حاليا قرار نصف العمر
الذي يقسم عمرك الى ما قبل القرارو ما بعد القرار

[mars3v]

كلمنا شوية بقا عالـ Angle of Attack :D

هههههه ، خليها 90 و انت فى نص الجو و ابقى احكيلى حصلك ايه :D

[aif]

بس كان اصعب وقت لما سبت مصر و انا عندى عشرين سنه و نص و معرفش حد خالص فى استراليا و معرفش اذا كنت هنجح ولا هفشل و لو فشلت يبقى ضيعت هندسة اسكندريه برضو ، ده غير انى مبتدئ فى مهارات الطبخ و اخرى كباية شاى تزقى بيها الزرع :)

هو مش قرار صعب وبس دي مجازفه بصراحة انا لو مكانك ما كنتش قدرت آخذ القرار ده... احييك

[H.ibrahim]

[B]السلام عليكم ورحمة الله و بركاته [/B]
اولا: انا بكالوريوس ادارة فندقية و عملت بها لمدة 3 سنوات بالغردقة و القاهرة الى ان احسست ان كل مكاسبى منها حرام و هدانى الله الى ان اتركها بدون ان يكون لى مورد رزق اخر و اخذت قرارى فى ليلة واحدة لم اذق فيها النوم اطلاقا - المشكلة ان الاسرة واصدقائى فى ذلك الوقت كانوا يسخرون منى لدرجة انهم كانوا يطلبون منى ان اذهب الى الصحراء و ارعى الغنم و اعيش فى خيمة:( ولكن الله سبحانه وتعالى اختبرنى فى ايمانى و قدرتى على تحمل القرار بالرغم من ان موهلى بالاضافة الى خبرتى كانت مطلوبة جدا فى هذا الوقت- وقد وفقنى الله بعد ذلك و رزقنى من حيث لم احتسب فقمت ببعض الاعمال البسيطة الى ان وفقت فى العمل بشركة كبرى بالمبيعات و كانت حجم مبيعاتى عالية فتمت ترقيتى مرتين فى خلال عام واحد و بدات دورات حرة فى مجال ادارة الاعمال و السكرتارية التنفيذية و خدمة العملاء و كان بعضا منها على حساب الشركة نظرا لتفوقى - واعتقد اننى حتى الان لم اندم على هذا القرار و اذا كان ممكن ان الزمن يعود للوراء فسوف اخذ نفس القرار باذن الله:) .
ثانيا : عندما سافرت الى الخليج لمركز مرموق اكثر و + زيادة الدخل خاصة مع زيادة النفقات بعد الزواج و كذلك اقساط شقتى التى اتملكها و عدت بعد 6 شهور فقط من السعودية حيث ان الكفيل الخاص بى لم يحترم التعاقد تماما بالاضافة الى اخذه حقى الذى تجاوز 30000 ريال سعودى عن هذه المدة البسيطة مما اضطرنى الى تركه و السفر الى القاهرة فى خلال احدى رحلاتى المكوكية بين الدول العربية بعد ان وصلت الى طريق مسدود معه تماما و قد اشتكيته فى مكتب العمل السعودى و لكن لاحياة لمن تنادى - و اعتقد اننى كنت غير موفق فى قرار السفر الى الخليج و لكننى كسبت عمرتين و حجة لبيت الله الحرام و زيارة سيدنا رسول الله صلى الله عليه وسلام و الحمد لله .
اسف على الاطالة يا اخوانى