جواز عتريس من غير النيش باطل

[م. عصام مهنى]

عندنا فى الصعيد أهم حاجة الدهب
وكل عروسها حسب العيلة والنسب والتعليم
ومهما الدهب سعره يزيد
مش مهم عندهم
المهم هتجيب كام جرام ...................!!؟

[شريف]

عندنا فى الصعيد أهم حاجة الدهب
وكل عروسها حسب العيلة والنسب والتعليم
ومهما الدهب سعره يزيد
مش مهم عندهم
المهم هتجيب كام جرام ...................!!؟

من فتره كان في مشروع كده و الاهل كانو من المنيا
المهم كانو عايزين الشبكه ب 50 الف جنيه

[blazer]

من فتره كان في مشروع كده و الاهل كانو من المنيا
المهم كانو عايزين الشبكه ب 50 الف جنيه

لو مكانك اقلهم انا ادفعهم مقدم bmw وعنى ما اتجوزت

[زينة الله]

موضوعك جميل يا دكتور أحمد
و مبروك على السفرة اللى بعتها و على فكرة ناس كتير من زمايلى فعلا مابيستخدموش السفرة الا ما ندر
وكذلك الصالون
و فعلا موضوع التجهيز للجواز بقى غبى جدا ........بس الناس غريبة و أفكارهم حجرية و كله نظام الأمعة و زى ما فلان بيعمل أعمل هو يعنى أحسن منى ...نضيع عمرنا عشان شوية كراكيب و شوية الكراكيب دول عليه قايمة والقايمة بعشرات الألأف و المؤخر و الشبكة

و بعدين لو اختلفنا والنصيب خلص تبدأ المعارك على كل ماسلف و بدل ما الواحد أو الواحدة يطوى الصفحة ويبدأ صفحة جديدة مع حد جديد لأ يضيع باقى عمره على الخناق و المشاكل على القايمة والنايمة و هلم جرا

فى الدول العربية ما فيش غير المهر ،، بس أجارك الله ممكن يكون كيلو دهب كدة ولاحاجة (مش عارفة حزام دهب و صدرية دهب و ابصر جنزير دهب تلبسه فى رقبتها) أما البيت وتأسيسة فالراجل بيأخذ العروسة بالفستان اللى عليها فى بيته و مش بيكون فى شروط عفش ولا قايمة زى عندنا وأعتقد هما أقرب للشريعة الاسلامية منا ،،لولا غلو المهور كانوا يبقوا 100 100

أحنا لما جينا جوزنا أختى كان على نظام النص بالنص و العريس ,أهله هما اللى بيغالوا وقلنا ماشى ...
و لما جينا جوزنا أخويا بردوا نفس النظام النص بالنص و العروسة وأهلها هما اللى كانوا بيغالوا وخلوه يستلف و يتداين لدرجة أن رفايع النيش قاربت ال 15 الف و قلنا معلش المهم يتجوز ويستقر ...و قايمة قاربت ال 80 ألف ......

فعلا حاجة تخنق و عليه الواحد مش لاقى لكل هذه الأمور قيمة فعليه دى كلها تبذير و طاقات مهدرة و محتاجة شجاعة لتغيير هذه الأوضاع و لو كام واحد بدأ و ما همهوش كلام الناس بعد كده الناس كلها حتقلدهم زى عادتهم فى التقليد الأعمى

بس المهم يكون الطرفان متفقين على كدا و يواجهوا أهلهم لأن دى حياتهم هما و بس
و المبالغ المهدرة دى ممكن تجيب شقة صغيرة يكبروها مع الوقت ويوفروا الايجار و يعيشوا كويس

ممكن يبدأوا باوضة نوم وانترية و غسالة وثلاجة وبوتاجاز لا أكثر ولا أقل وأنا عن نفسى أقبل بكده بس يكون راجل بجد ... رادل يا أماى ...أسد .. ليث..غضنفر ...هههههههههه من بتوع زماااااااان و لما بقول الكلام دا بسمع تريقة للصبح و البطران يلاقى قطران وما الى ذلك ..........

بصراحة الواحدة أهم شئ فى شريك حياتها إنه يكون إنسان محترم خلوق مسئول تحس بالأمان والاطمئنان بجانبه إنسان يقدر يحميها و يحافظ عليها و يجنبها أى إهانه و فعلا لو كلوها بدقة فى بداية حياتهم و يكبروا واحدة واحدة وهى بردوا تطيعه فيما يرضى الله ، لكن يا فرحتى بكل الكراكيب و هو منكد عليها صبح وليل أو سئ الطباع والخلق .

[elassar2010]

من فتره كان في مشروع كده و الاهل كانو من المنيا
المهم كانو عايزين الشبكه ب 50 الف جنيه

اصل الصاعيدة والفلاحين ليهم مبدا غريب فى الجواز
الى انت هتتجوزها ابوها عندة ارض زراعية مثلا بعد عمر طويل نصيب البنت الى هى مراتك المستقبلية كذا فدان فا هو بيدفعك فلوس كتيرررر جداااااااااا جدااااااااااااااا لانك انت الى هتاخد الارض وهتسيطر عليها بعد ماهو يموت

يعنى زى ماتقول بياخد منك تمن الى بنتة هتورثة منة

[زينة الله]

اصل الصاعيدة والفلاحين ليهم مبدا غريب فى الجواز
الى انت هتتجوزها ابوها عندة ارض زراعية مثلا بعد عمر طويل نصيب البنت الى هى مراتك المستقبلية كذا فدان فا هو بيدفعك فلوس كتيرررر جداااااااااا جدااااااااااااااا لانك انت الى هتاخد الارض وهتسيطر عليها بعد ماهو يموت

يعنى زى ماتقول بياخد منك تمن الى بنتة هتورثة منة

دا إذا رضيوا أخوتها الرجال اساسا إعطاءها ميراثها أو شراءه منها بأبخس الاسعار
الهم اكفنا الظلم فإن الظلم ظلمات يوم القيامة

[Ahmed A Rahman]

موضوعك جميل يا دكتور أحمد
و مبروك على السفرة اللى بعتها

وأنا عن نفسى أقبل بكده بس يكون راجل بجد ... رادل يا أماى ...أسد .. ليث..غضنفر ...هههههههههه من بتوع زماااااااان و لما بقول الكلام دا بسمع تريقة للصبح و البطران يلاقى قطران وما الى ذلك ..........

بصراحة الواحدة أهم شئ فى شريك حياتها إنه يكون إنسان محترم خلوق مسئول تحس بالأمان والاطمئنان بجانبه إنسان يقدر يحميها و يحافظ عليها و يجنبها أى إهانه و فعلا لو كلوها بدقة فى بداية حياتهم و يكبروا واحدة واحدة وهى بردوا تطيعه فيما يرضى الله ، لكن يا فرحتى بكل الكراكيب و هو منكد عليها صبح وليل أو سئ الطباع والخلق .

الله يبارك في حضرتك واحييكي على طريقة اختيار عريسك ان شاء الله
ومتغيريهاش
الواحد لما بيختار صاحبه بيختاره كده امال لما يختار اللي حيقعد معاه 95 سنة حيعمل ايه؟؟؟

[شريف]

اصل الصاعيدة والفلاحين ليهم مبدا غريب فى الجواز
الى انت هتتجوزها ابوها عندة ارض زراعية مثلا بعد عمر طويل نصيب البنت الى هى مراتك المستقبلية كذا فدان فا هو بيدفعك فلوس كتيرررر جداااااااااا جدااااااااااااااا لانك انت الى هتاخد الارض وهتسيطر عليها بعد ماهو يموت

يعنى زى ماتقول بياخد منك تمن الى بنتة هتورثة منة

فكرتنى بحاجة اصل الاب قال ان احنا (ابوة و اخواتة) عايشين على خير الجدود
وانا مش واخد بالى

[زينة الله]

الله يبارك في حضرتك واحييكي على طريقة اختيار عريسك ان شاء الله
ومتغيريهاش
الواحد لما بيختار صاحبه بيختاره كده امال لما يختار اللي حيقعد معاه 95 سنة حيعمل ايه؟؟؟

بس أنا كده حعنس و تبقى أنت السبب بقى ههههههههههههههه

بضحك معاك طبعا أنا مقتنعة إن كل شئ نصيب وأن ربنا بيختار لنا أصلح حاجة بس الناس وحشة قوى وما بتسبش حد فى حاله يا أما يعيبوا عليه يا أما يحسدوه وربنا يرحمنا

ادعى لى بقى بصلاح الحال و قضاء الحاجة إن شاء الله
تقريبا أنا النهاردة بس طلبت الدعاء دا يمكن 100 مرة من الزملاء هههههههههه لعله خير إن شاء الله

[icehearted girl]

مبتستخدموش السفرة؟؟

أمال بتاكلوا علي أيه؟؟!!!!!!

[زينة الله]

مبتستخدموش السفرة؟؟

أمال بتاكلوا علي أيه؟؟!!!!!!

الطبلية

[icehearted girl]

طبلية ايه هوا حد بقي فيه ركب علشان يقعد ع الارض

كحححححح كححححححح

[elassar2010]

مبتستخدموش السفرة؟؟

أمال بتاكلوا علي أيه؟؟!!!!!!

المطبخ عندنا كبير وفى ترابيزة بناكلوا عليها