مساعدة فى مشروع التخرج ضرورى

[youssefmustang]

بسم الله الرحمن الرحيم
السلام عليكم ورحمة الله وبركاته

ازيكم يا جماعة
الحمد لله نجحت ووصلت لنهائية الدراسة سنة رابعة (قسم نظم المعلومات الادارية)
وجه وقت الشغل الحقيقى وهو مشروع التخرج
دلوقتىمشروع التخرج فى اختيارات كتير زى :
انى ممكن اعمله بــــ
visual basic 2008 .net او oracle او الاتنين مع بعض او ملتيميديا او web design (تصميم موقع)
ومش عارف اختار ايه
لان فى ناس بتقولى ان مشروع تخرجك هو فى نص شغلك بعد التخرج يا ترى ايه اللى شغله حلو فى مصر وبره مصر
بجد محتاج رأيكم معايا
انا عندى كورسات كتيرة على الكمبيوتر فى كل ده
كورسات فيديو ودروس كتير جدا ودورات كاملة بس محتاج انى اخد قرار فى مجال معين
وعندى القابلية لفهم اى اجة من دول او لاغيرهم
منتظر ردودكم
اخوكم يوسف

[Eng_AmrAllam]

بص يا باشا الملتيميديا و الويب ديزين
دي عايزة حس فني عشان تشتغلهم
فجرب فيهم لقيت نفسك فيهم يبقي اعمل مشروعك بيهم
اما الاوراكيل و الدوت نيت فده شغله لذيذ ممكن تجرب بردة وتشوف هتحيه ولا لا
اهم حاجة تمشي في اللي هتحبه سيبك من اللي يقولك اص المجال دة فلوسه كتير
شوف انت بتحب اية وادرسة واثبت نفسك فيه
وان شاء الله ربنا هيوفقق

[Dr_Mido]

عن احتاك قوى بالمجال دة ترتيب اللى انت حاطه من ناحيه فرص العمل
1- oracle
2- visual basic 2008 .net
web design

ومن الاخر لوبتحب اى مجال فيهم اشتغله وملكش دعوة بحد اى مجال فيهم كويس جدا لو اتميزت فيه

[MOSHAKS]

ربنا يكرمك ان شاء الله وتعديها على خير
انا خريج 2009 نظم ومعلومات بردوا و لما جينا نعمل المشروع التخرج انا وزميلى عملناه قاعدة بيانات لمركز طبى شامل الحجوزات والاستشارة ومواعيد الكشف والاستعلامات وكده كان اغلب الشغل اللى عملناه كان
Microsoft Access وطبعا كان فى تداخالات من visual basic فأنت شوف انت ماشى فى ايه اكتر وايه اللى انت ميال ليه واعمل مشروعك على اساسه ومتكبرش المشروع اوى لان كله لما يكبر مش هتعرف تلمه وهتعدى منك حاجات كتير انما لما يكون مبسط ومنسق وفى نفس الوقت شامل كل المعلومات المطلوبة هيريحك وهيريح الدكتور اللى بتناقش معاه مشروعك . انما موضوع الشغل ده متشغلش بالك بيه دلوئتى لان هتلائى حاجه تانيه خالص فى الحياة العملية
وعن تجربة فانت اجتهد شويه فى حاجه معينه وخليك بروفشنال فيها بعد كده هترتاح انما هتشتت نفسك فى كذا حاجه يبئا مش هتعرف ولا شئ وان شاء الله ربنا هيكرمك للى فيه خير ليك

وبعدبن انت دراستك فين يمكن نطلع زمله ولاحاجه؟

[n_i_t_e]

اللى هيحدد هو ميولك...
الويب ديزاين بيجمع بين البرمجة المحدودة و فن التصميم الجمالى بتأهلك انك تكون Web developer
دوت نت دي بتعتمد على البرمجة بدرجة كبيرة و قدرتك على كتابة كود بتأهلك انك تكون developer
أوراكل ده تخصص مختلف و البرمجة مختلفة شوية هتحس بالفرق لو جربت البرمجة فى الأوراكل و الدوت نت...البرمجة فى الأوراكل مش هى الأساس مقارنة بتعلم ازاي تعمل Forms أو تكتب Reports ...الأوراكل يؤهلك أنك تكون Database developer أو Database administrator
بالنسبة للسوق فعلى حسب ما أعرف أن أقوي Position فيهم حتى من ناحية salary هو Database administrator