الشقة لازم تكون ايجار قديم

[yahiahelaly]

ده مش استقرار

ده قلة ايمان بربنا و بالرزق

يعني ايه اوقف حال بنتي على شقة تمليك

طيب و لو اتجوزها و دخل بها و تاني يوم باع الشقة هاعمل ايه هاخلعها منه؟

و لا لو مرض و اضطر يبيعها و يتعالج بتمنها؟

مفيش حاجة مضمونة .... الضامن ربنا .... ممكن يتجوزها فقير و يغتني ..... و ممكن يتجوزها غني و يفتقر .....

و مش ممكن جوز بنتك يفلس و لا يتداين و لا يمرض و لا يسيب شغله فيضطر يبيع التمليك و لا العمارة تقع ؟؟؟؟؟!!!!!!!

أبرك النكاح أيسره ...... ارحموا الشباب شوية بقى !!!!!

+11111111

اسمحلي
كلامك علي راسي من فوق بس ده خروج عن المألوف انت لو عندك بنت وواحد اتقدملها حتساله عندك شقة ولا لأ وحتسأله كمان هي تمليك ولا لأ يا تري لو انت فعلا اب ترضي تدي بنتك لواحد مستقبله علي كف عفريت او بلاش كف عفريت دي عشان انت ممكن تزعل
مستقبله في علم الغيب؟
هو مين مستقبلة مش في علم الغيب انا مش ضامن هعرف اعمل البوست دة للاخر ولا لأ
انت لك اللي ادامك والباقي زي ما انت قلت الضامن هو ربنا
تعمل اللي عليك والباقي علي ربنا
يعني تختار لبنت راجل مناسب
وهو الراجل المناسب من وجة نظر حضرتك شقتة تمليك مالة الايجار كفر على فكره انا عندي شقتي بس بقيت الشباب تعمل اية حرام بأحنا بنقول نيسر ع الشباب وكان الطبيعي انة يبقى شقة ايجار الوقتي بقيت ملك يعني الوقتي بقى الجواز حكر على المليونريات لانة الي يقدر يجيب شقة ملك ويجهزها ويعمل فرح هيصرف حوالي700 الف ولاحاجة
خدوهوم فقراء يغنيكم الله
ومستقبله بيحدده ربنا

[yahiahelaly]

الي عايز يجوز بنتة في شقة تمليك يبقى يخليها جنبة احسن سوري بجد
اي الاسلوب دة انت مالك ومال الشقة ايجار قديم ولاا جديد
اوعى تفتكر للحظة انك كدة بتأمن مستقبل بنتك بلشقة التمليك
انتة بتأمنها بلراجل واخلاقه ودينة وتربيتة والتزامه بيها
طيب مانا اول ما ولدي اتجوز ولدتي كان ف شقة ايجار قديم وكانت الشقة مش مجهزة اوي والقتي والدي وولدتي اتوفوا وسبولي شقة تمليك
اقسم بلله العلي العظيم واحدة اعرفها اتجوزت واحد ومن غير اي اشترطات وكان عندة شقة ايجار قديم وبعد 6 شهور تم الانفصال لاسبابا لا داعي لذكرها وبعدها ربنا رزقها بزوج صالح وسكنة في شقة اوضة وصالة في حتة شعبية ايجار جديد وف ظرف ستنين كان باني وعندة شقة يرمح فيها الخيل

[ahmed1981]

طيب كده هيريح الشباب كلهم احب اذكرك ان لو خاتم من حديد بس شبكتها مفروض ترضى

ليه مفروض ترضى ؟؟
من حقها ترضى ومن حقها ترفض

الموضوع فيه حرية تامة ولا يوجد فيه إلزام

لما واحدة راحت لسيدنا محمد عليه الصلاة والسلام
قالت له خطبني فلان وفلان ؟(تطلب مشورته)
فقال أما فلان فصعلوك لا مال له (رغم إنه صحابي لكن هذا نقص فيه وضحه لها النبي عليه الصلاة والسلام)
وأما فلان فلا يحمل العصا عن عاتقه . (وهو صحابي أيضاً لكن من صفاته أنه كثير السفر أو كثير ضرب أهل بيته)

المقصود إن حتى الصحابة الكرام كان كل واحد عليه ملاحظات لابد توضح
والعروس يا تقبل يا ترفض

لو هنقول الدين فقط يبقى الصحابي مينفعش نسأل عليه

القصد إن المسألة مسموح فيها بالإختيار دون حرج وإبداء شروط دون حرج وفي النهاية النصيب هيصيب

ومسألة إشتراط شقة ملك ممكن تكون شرط معقول عند مستوى معين
وممكن تكون شرط خيالي عند مستوى تاني من الشباب


وأنا قلت مثال هكرره

طبيب بيقول لأبو العروسه إنه هيتجوز في إيجار جديد
ولديه سيارة وعيادة خاصة ويجهز لتأسيس عيادة أخرى
ومرتاح
أبوها قاله لأ يا تمليك يا لأ

رغم إن أبوها لم جاله عريس بظروف أخرى قبل منه شقة إيجار

يعني الموضوع يفرق حسب الظروف

السادة اللي بيعمموا التعميم مينفعش
كل عريس وجوازه ولهم ظروفهم

[abdulmageed]

انا عندي بنت

و لو اتقدم لها واحد محترم و ابن ناس

بس ظروفه ما تسمحلوش يشتري شقة حاليا هاقبل بالايجار و الارزاق على الله

الاخذ بالاسباب في انه متعلم و عنده مؤهل و وظيفة بدخل معقول يكفي فتح البيت

انما ربط الموضوع بشقة تمليك غلط طبعا .....

لو هو بقى ظروفه تسمح يشتري و رفض يشتري يبقى بيستعبط و ما يلزمنيش

----------

على فكرة اللي يهمني واحد يحافظ على بنتي و يراعيها زي مانا محافظ عليها و مراعيها ...... مش واحد معاه شقة و لا لأ

و كلنا مستقبلنا في علم الغيب و ملياردير النهاردة ممكن يبقى شحات بكرة و العكس بالعكس

مش حتة شقة حمضانة هي اللي تقول مستقبله ايه

عين العقل

[Ahmed_Ramadan]

يا بنى انا هقولك كلمة حكمة
ايلي يشتريك شيله فوق دماغك
و إيلي يبيعك متعبروش ولو جزمة في رجلك
عشان انا مريت بظروف زيك كده بالظبط و يمكن أكتر منك كمان و الله
و بجد هتحس بفرق كبير جدا بين الناس ايلي شريالك و الناس ايلي بتشتري مديات و مش مهم الشخص عندهم
و انا متهيقلي ايلي ترفضك أو أهلها يرفضوك عشان ظروفك ايلي هى ظروف كل شباب مصر يبقي ميستحقوش منك تفكر فيهم اساسا و حاول تدور علي ناس تانية يشتروك انت و بس أى كانت ظروفك و سعتها تبقي أفتكرني بدعوة صالحة

+111111111

[ahmedsameir]

انا ممكن ارد عليك بتجربتى الشخصيه يمكن تفيدك
انا اول ماتجوزت اتجوزت فى ايجار جديد و حمايا كان موافق قالى :
( انا مديلك بنتى اللى اهم من اى حاجه و قالى رجاءا صون البنت زى ما كانت فى بيتى )
و بذلت مجهود فى الشغل و ربنا رزقنى بشغل تانى بعد الظهر و ده طبعا ( رزق الزوجه )
و اشتغلت صبح و ليل و مراتى بقت حامل و خلفت بنت اسمها يارا ( يارا ) و فصلت من الشغل بدون سبب و اصبحت اعمل ليلا فقط و جلست فى المنزل حوالى 6 شهور بدون عمل صباحى و ربنا صبرنى على ما بلانى و رزقنى بشغل احسن من الاول بكتير و بدخل اكبر مرتين وده كان ( رزق بنتى ) و فى خلال سنتين كان عندى شقة تمليك فى مدينة الشروق و كملت المبلغ من والدى و الحمد لله سديت المبلغ بالكامل لوالدى بس ده كان مبلغ المقدم و الاقساط انا بدفعها و رزقت بولد اسمه ( حمزه ) و زاد مرتبى بعد زيادة الاعباء الماليه و مصاريف البيت و الاولاد و ده كان ( رزق حمزه ) و الحمد لله على كل حال
معلش انا طولت عليكوا
بس بقصد بكلامى ان الرزق بتاع ربنا و الزوجه و الاولاد بيجوا برزقهم
وربنا وفقنى و الحمد لله لانى صونت الامانه اللى اديهالى حمايا
و كان الراجل محترم جدا ولا اتشرط و لا حاجه

[yahiahelaly]

انا ممكن ارد عليك بتجربتى الشخصيه يمكن تفيدك
انا اول ماتجوزت اتجوزت فى ايجار جديد و حمايا كان موافق قالى :
( انا مديلك بنتى اللى اهم من اى حاجه و قالى رجاءا صون البنت زى ما كانت فى بيتى )
و بذلت مجهود فى الشغل و ربنا رزقنى بشغل تانى بعد الظهر و ده طبعا ( رزق الزوجه )
و اشتغلت صبح و ليل و مراتى بقت حامل و خلفت بنت اسمها يارا ( يارا ) و فصلت من الشغل بدون سبب و اصبحت اعمل ليلا فقط و جلست فى المنزل حوالى 6 شهور بدون عمل صباحى و ربنا صبرنى على ما بلانى و رزقنى بشغل احسن من الاول بكتير و بدخل اكبر مرتين وده كان ( رزق بنتى ) و فى خلال سنتين كان عندى شقة تمليك فى مدينة الشروق و كملت المبلغ من والدى و الحمد لله سديت المبلغ بالكامل لوالدى بس ده كان مبلغ المقدم و الاقساط انا بدفعها و رزقت بولد اسمه ( حمزه ) و زاد مرتبى بعد زيادة الاعباء الماليه و مصاريف البيت و الاولاد و ده كان ( رزق حمزه ) و الحمد لله على كل حال
معلش انا طولت عليكوا
بس بقصد بكلامى ان الرزق بتاع ربنا و الزوجه و الاولاد بيجوا برزقهم
وربنا وفقنى و الحمد لله لانى صونت الامانه اللى اديهالى حمايا
و كان الراجل محترم جدا ولا اتشرط و لا حاجه

ربنا يكرمك ويرزقك برزق زوجتك والاولاد وربنا يرزقني بحمى زي حما حضرتك وزوجة صالحة بأمر الله

[ahmedsameir]

ربنا يكرمك ويرزقك برزق زوجتك والاولاد وربنا يرزقني بحمى زي حما حضرتك وزوجة صالحة بأمر الله

اشكرك شكرا جزبلا و يارب يرزق المسلمين جميعا يارب

[ams]

فى حاجة محيرانى جدا جدا
ياريت حد يفسرهالى و يريحنى

هو احنا ليه دايما مختلفييييييييين قوى كده ؟
ليه كل واحد فينا براى ؟ و فى كل موضوع و فى اى موضوع
ليه مش متجمعين ناحية توجه معين نشوف فيه الصواب حتى ولو كان نسبى كمجتمع واحد
ليه كل واحد فى ناحية ؟
مع ان ثقافتنا واحدة و مرجعيتنا واحدة و مستوى التعليم متقارب و الاجتماعى كمان
ده ممكن يكون عيب فى الفكر الجمعى او الوجدان الجمعى ؟! اللى انا معرفش هم ايه بالظبط

انا مش بنكر اختلافات الناس ده شىء طبيعى
بس احنا مختلفين قوى قوى
صحيح كل رأى بيبقى ليه مهما كان وجاهه و منطق
بس ليه بحس ان فيه تشوش فى التمييز بين الصح و الغلط و الاصح

انا احيانا ببقى نفسى نتفق حتى لو هنتفق على شىء غلط بس نتفق

يعني المفروض كل إنسان بيكون ليه شروطه التي يرى أنها يكون أدى بها واجبه بحسن الإختيار لبنته أو أخته
وبالتالي عندما يحاسبه الله تعالى يكون من الناجين

لكن لو جوزت بنتي لواحد أنا شايف إنه معندوش سكن مستقر وتاني يوم رماها في الشارع فهنا ألوم نفسي ألف مرة
أكون أمام الله مذنب

الرسول صلى الله عليه و سلم بيقول
: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
واضح
واضح جدا
اوضح من انه يتوضح

ربنا يكرمك ويرزقك برزق زوجتك والاولاد وربنا يرزقني بحمى زي حما حضرتك وزوجة صالحة بأمر الله

آمين

[dramir1]

ممكن يرضو بالايجار الجديد لو العريس ابن ناس محترمه ومؤهلاته مبشره بالخير واخلاقه ومعاملاته مشهود له فيها
واللي بالمواصفات دي ان شاء الله ربنا هايكرمه وهايحافظ على بنتي ويعيشها بعد كده في قصر.... بس ياريت برده يبقى فيه توافق اجتماعي بين الاسرتين

[ahmedsameir]

الرسول صلى الله عليه و سلم بيقول
: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

صدقت يا رسول الله

[factorialx]

أنا على فكرة واحدة مش واحد.

أنا أكيد مكنتش مكسوفة عشان متجوزة في ايجار جديد, بس كل واحد و ظروفه. يعني أنا جوزي كانت ظروفه متسمحش يشتري شقة, و أنا كنت بحبه جدا و مستعدة أستحمل أي ظروف معاه. و ربنا كرمنا أن أهلي وافقوا مع اني كنت متوقعة اعتراضهم و مستنياه بس هما كمان احساسهم اني عايزاه و انه انسان كويس و يستاهل خلاهم متساهلين جدا.

بس كوني انا كنت راضية بحاجة مش معناها ان اللي ميرضاش بنفس الظروف يبقى وحش. كل واحد من حقه يختار اللي يريحه سواء العريس أو العروسة و زي ما حضرتك شايف من الردود فيه رجالة كتير برضه مترضاش تتجوز في أيجار جديد. كل واحد ليه تفكيره و كل جوازة و ليها ظروفها.

سوري مخدش بالي مع إن مشاركتك واضحه من الأول

بس آديكي قلتي إنك جوزك إنسان كويس و يستاهل يبقى الشقه الإيجار مش عيبه و مش حاجه تقلل منه خالص

[أحمد كمال]

انا ممكن ارد عليك بتجربتى الشخصيه يمكن تفيدك
انا اول ماتجوزت اتجوزت فى ايجار جديد و حمايا كان موافق قالى :
( انا مديلك بنتى اللى اهم من اى حاجه و قالى رجاءا صون البنت زى ما كانت فى بيتى )
و بذلت مجهود فى الشغل و ربنا رزقنى بشغل تانى بعد الظهر و ده طبعا ( رزق الزوجه )
و اشتغلت صبح و ليل و مراتى بقت حامل و خلفت بنت اسمها يارا ( يارا ) و فصلت من الشغل بدون سبب و اصبحت اعمل ليلا فقط و جلست فى المنزل حوالى 6 شهور بدون عمل صباحى و ربنا صبرنى على ما بلانى و رزقنى بشغل احسن من الاول بكتير و بدخل اكبر مرتين وده كان ( رزق بنتى ) و فى خلال سنتين كان عندى شقة تمليك فى مدينة الشروق و كملت المبلغ من والدى و الحمد لله سديت المبلغ بالكامل لوالدى بس ده كان مبلغ المقدم و الاقساط انا بدفعها و رزقت بولد اسمه ( حمزه ) و زاد مرتبى بعد زيادة الاعباء الماليه و مصاريف البيت و الاولاد و ده كان ( رزق حمزه ) و الحمد لله على كل حال
معلش انا طولت عليكوا
بس بقصد بكلامى ان الرزق بتاع ربنا و الزوجه و الاولاد بيجوا برزقهم
وربنا وفقنى و الحمد لله لانى صونت الامانه اللى اديهالى حمايا
و كان الراجل محترم جدا ولا اتشرط و لا حاجه

ربنا يخليلك حماك و زوجتك و اكيد اللي تفكيره كده يبقى ربى بنته احسن تربية ربنا يخليهملك هما الاتنين و اولادك و يبارك لك فيهم و يحفظهم من العين

و اكيد انت ابن اصل و هتعمل باصلك و اكيد عشان هو عمل معاك كده انت تتكسف انك تزعل بنته مش عشان خايف منه لأ عشان بتحبه و ما تقدرش على زعله منك

يا ريت كل الاهالي تفهم و ربنا يديني طولة العمر و يقدرني على المجتمع و الأسرة و اعمل زي حماك في جوازة بنتي

[أحمد كمال]

الرسول صلى الله عليه و سلم بيقول
: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

صدقت يا رسول الله

صدق رسول الله صلى الله عليه و سلم

للاسف الاهالي دلوقتي شعارهم بقى اذا جاءكم من ترضون ماله و جاهه و تتفشخروا بيه على خلق الله زوجوه غير كده زحلقوه

[ahmed1981]

الرسول صلى الله عليه و سلم بيقول
: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
واضح
واضح جدا
اوضح من انه يتوضح

هو واضح ومشهور عند العامة وأعرفه منذ زمن
لكن الحقيقة أنه لا يصح عن النبي عليه الصلاة والسلام هذا الحديث
يعني حديث ضعيف
وبالتالي لا تلزم أحد إنه يعمل بيه ولا تفرضه على أحد لأنه حديث ضعيف

والعلماء قالوا إن العمل بظاهر هذا الحديث خاطيء
لأنه ليس الدين والخلق هما الأمران الوحيدان في الزواج فهناك أمور أخرى لا ينكرها عاقل مثل القبول بينهما والرضى بالمظهر والراحة النفسية والأمور الإجتماعية والمادية أيضاً

لذلك فليس أوضح من أنه يتضح بل الحقيقة هو أضعف من أنه ينشر بين الناس