ضبطوا اتنين بيشموا أسمنت أبيض

[دموع الثلج]

ايه يا جماعه وحدوا الله

الموضوع دعابه او ترفيهى هو بور ت شتم فى الصعايده ولا حاجه ؟

انا من الصعيد والموضوع عادى ومفيهوش تعصب ولا غيره

ياريت تبقى روح التسامح والتفكير الايجابى موجود بين الناس اكثر من كده شويه
لكن لو فيه نصيحه تبقى بشكل بسيط ومن غير ما يكبر الموضوع

[Xpert]

من بني سويف يا حج ..
يا كينج .. انت ليه بقالك فتره كبيره كده مش بتظهر اونلاين عندي؟ اديني ايميلك تاني كده ..

[Xpert]

ههه ..كله هايطع من الصعيج .. لاء ده احنا كده نعمل توبيك للصعايده مخصوص نتعرف علي بعض بقي ..

[mostafabakry]

يا جماعه انتوا قلبتوا الموضوع جد اوى كده ليه اولا القصد من الموضوع انه موضوع فكاهى يعنى للضحك مش مقصود بيه انا احنا بنقول على صفات فعليه موجوده فى الصعايده طيب ما الدميطه كل النكت اللى بتطلع عليهم بتقول انهم بخلا هل كده نقدر نقول على الدميطه بخلا علشان سمعنا عنهم نكته انهم بخلا لأ طبعا و غيره و غيره من المدن المصريه فا كل اللى انا قصدى اقولوا ان الموضوع هنا قصدوا انه يضحك الناس ملوش اى غرض تانى وبعدين يا جماعه دا حتى معروف ان الصعايده جدعان جدا و رجاله وباورت مش قصده اى حاجه خالص

الهزار له حدود يا استاذ مصطفي و ما يوصلش للدرجة دي و بالشكل المقصود دا و يعني هو كل اللي عاوز يضحك الناس ما يعرفش غير الصعايدة عشان يتريق عليهم و يضحك عليهم الناس

[mostafabakry]

يعني كلكم من الصعيد بقي
دي تبقي مصيبة لو كان بورت كمان صعيدي ؟؟؟؟؟؟؟؟؟؟؟
يا جماعة انا مش ضد الضحك و الدعابة بس هو يعني ما فيش غير الصعايدة اللي بيضحكوا في الدنيا ؟؟؟
خلاص الضحك ما بقاش غير عندنا و بس !!!!!!!!

[theking2690]

بص يا استاذ مصطفى و ما كنش قصده استقصاد و لا حاجه و لو فيه حاجه زعلت حضرتك انا بقول حضرتك بانيابه عن اى حد حقك عليا

[mostafabakry]

من بني سويف يا حج ..
يا كينج .. انت ليه بقالك فتره كبيره كده مش بتظهر اونلاين عندي؟ اديني ايميلك تاني كده ..

يسمع من بقك ربنا يا اكسبرت بيه و احج لبيت الله و ابقي حج زي ما بتقول

[Dr Ahmed]

الموضوع اتحل يا اخواننا
العنوان اتغير والنكت بقت من غير هوية

[hussein]

ياعم الصعايده دول هما اللى واكلين البلد :)
دول اغنى ناس فى مصر

[hamedo0]

ايه يا شباب النكت دى بنسمعها من واحنا عيال يعني قديمه وراجل لا يقصد غير الضحك معنا ويخرجنا من حرق الدم الواحد فيها طول النهار


ومع الاعتذار لا كل الصعيده

[mostafabakry]

صباخ الخير يا جماعة عليكم كلكم
انا حبيت ادخل بسرعة دلوقتي و اشوف الموضوع وصل لإيه لأني نمت الليلة اللي عدت دي و انا مضايق و متعصب لكن الحمد لله الواحد صاحي رايق
شوفوا يا جماعة انا عارف و متأكد انا الأخ بورت ما يقصدش حاجة و لكن انا بصراحة اللي ضايقني ان كل النكت كانت مكتوبة علي الصعايدة و شكلها يوحي بشئ من القصد او السخرية
انا عارف ان بورت راجل محترم وانا شوفت له اكتر من مشاركة جميلة في المنتدي و الراجل محترم جدا
انا مش ضد الضحك و الهزار بالعكس انا دايما بحب اضحك لكن انا لقيت ان الموضوع بقي نظام تريقة و سخرية مش من الموضوع دا لا لأني انا عارف ان بورت ما يقصدش كدا خالص ولا اي حد من اعضاء المنتدي المحترمين لكن انتو لو دخلتوا في اي منتديات تاني حتلاقي الكلام دا لدرجة ان المنتديات العربية الخليجية مليانة نكت علي الصعايدة
يا جماعة في ناس في مصر من كتر ما بتسمع نكت علي الصعايدة صدقوها و فاكرين الصعايدة دول ناس من كوكب تاني او من العصر الحجري
او فاكرينهم ما يعرفوش غير القتل و التار و العنف مع انهم عكس كدا خالص و اكتر ناس مسالمين
الحاجة اللي بضايق فلا هي لما واحد صعيدي لابس عمه علي راسه يسافر القاهرة لقضاء مصلحة تلاقي التريقة و السخرية و نظرات الإستغراب من الناس بشكل كبير
و يا سلام لما بتاع التاكسي يشوفوا يقولك دا زبون سقع اوي و يصيع بالراجل لو طلب منه يودية مشوار ولا حاجة تلاقية يفضل يلف بالراجل ساعتين في شوارع القاهرة ويكون المشوار قريب جدا لكن هو عنده انطباع ان الناس دي مش بتفهم و يسلي نفسة شوية
و علي فكرة الكلام دا انا بواجهة شخصيا لما اكون في القاهرة في شغل و باخد تاكسي اول ما السواق ما بيعرف اني صعيدي مش من القاهرة و يعرف اني مش عارف في شوارع القاهرة تلاقيه بقي ابتدا يصيع بيا في الشوارع عشان ياخد اجرة كبيرة و عشان كدا لما باركب تاكسي و يسألني من فين بقوله من القاهرة وافضل اصيع عليه انا كمان
عموما انا طولت عليكم وانا إتأخرت علي الشغل بتاعي
و عشان ما تقولوش عليا نكدي و ما بحبش الضحك هقولكم نكتة علي الصعايدة
كان فيه 8 صعايدة مسافرين و راحوا موقف العربيات و راحوا ياخدوا عربية بيجو فالسواق قال لهم ان العربية 7 راكب بس و انتوا 8 مايفنعش تركبوا كلكم عشان في لجان مرور في الطريق بيسحبوا الرخص فقعدوا يحاولوا معاه يمين و شمال عشان يقنعوه بانهم يركبوا كلهم الراجل رافض تماما فراحوا سألوه معاك حبل طويل قالهم معايا حبل ليه عاوزينه في ايه قالوله احنا هنركب سبعة معاك في العربية و محمدين ولد عمنا هتربطه في ايدة بالحبل اللي معاك و تجره وراك الراجل قالهم انتوا مجانين ولا ايه ما ينفعش دا خطر علي الراجل قالوله مالكش صالح احنا بنقولك اكده و احنا هندفع لك اجرة 8 مش 7 الراجل قال وانا مالي ان شاءالله يتحرقوا هما احرار و قام رابط محمدين و توكل علي الله بقي يمش بسرعة 10 كم/س فلقي محمدين ماشي وراه كويس زودها ل20 لقية بيجري كويس ل30 ماشي تمام ل40 مافيش مشاكل والراجل مستغرب راح خلاها 60 محمدين وراه زي القطر راح خلاها 80 محمدين شغال الله ينور وحش وراه راح خلاها 100 كم/س و بص وراه لفي محمدين وشه احمر و عنيه و سعت اوي و منخيره زي الشكمان بتاع العربية مدخنة و عمال يفتح و يغمض في عنية باستمرار فالراجل خاف احسن يكون بيطلع في الروح و يموت و يروح في داهية راح السواق راكن علي جنب و قالهم ال7 اللي معاه يخرب بيوتكم هتودوني في داهية الراجل بيموت ورانا و راح نازل من العربية و راح لمحمدين ولقيه متعصب و مضايق اوي اوي قاله مالك يا بلدينا انت تعبت ولا ايه حاسس بحاجة تعباك قاله لع يا بوي قاله طب ليه عمال تغمض و تفتح في عنيك كتير اوي كدا قاله يا بوي انا عمال من الصبح بديك رعاااااش و فلااااااااااشر عاوزك تعديني وانت قافل عليا الطريق يا ولد عمي

يلا بقي انا اتأخرت علي الشغل و صباحكوا قشطة

[TAG_Turbo0]

ههههههههههههههههههههههههههههه
تسلم ايدك يا بورت

[LUX]

حلوين اوي
_____

[tarekkasaby]

كان فيه 8 صعايدة مسافرين و راحوا موقف العربيات و راحوا ياخدوا عربية بيجو فالسواق قال لهم ان العربية 7 راكب بس و انتوا 8 مايفنعش تركبوا كلكم عشان في لجان مرور في الطريق بيسحبوا الرخص فقعدوا يحاولوا معاه يمين و شمال عشان يقنعوه بانهم يركبوا كلهم الراجل رافض تماما فراحوا سألوه معاك حبل طويل قالهم معايا حبل ليه عاوزينه في ايه قالوله احنا هنركب سبعة معاك في العربية و محمدين ولد عمنا هتربطه في ايدة بالحبل اللي معاك و تجره وراك الراجل قالهم انتوا مجانين ولا ايه ما ينفعش دا خطر علي الراجل قالوله مالكش صالح احنا بنقولك اكده و احنا هندفع لك اجرة 8 مش 7 الراجل قال وانا مالي ان شاءالله يتحرقوا هما احرار و قام رابط محمدين و توكل علي الله بقي يمش بسرعة 10 كم/س فلقي محمدين ماشي وراه كويس زودها ل20 لقية بيجري كويس ل30 ماشي تمام ل40 مافيش مشاكل والراجل مستغرب راح خلاها 60 محمدين وراه زي القطر راح خلاها 80 محمدين شغال الله ينور وحش وراه راح خلاها 100 كم/س و بص وراه لفي محمدين وشه احمر و عنيه و سعت اوي و منخيره زي الشكمان بتاع العربية مدخنة و عمال يفتح و يغمض في عنية باستمرار فالراجل خاف احسن يكون بيطلع في الروح و يموت و يروح في داهية راح السواق راكن علي جنب و قالهم ال7 اللي معاه يخرب بيوتكم هتودوني في داهية الراجل بيموت ورانا و راح نازل من العربية و راح لمحمدين ولقيه متعصب و مضايق اوي اوي قاله مالك يا بلدينا انت تعبت ولا ايه حاسس بحاجة تعباك قاله لع يا بوي قاله طب ليه عمال تغمض و تفتح في عنيك كتير اوي كدا قاله يا بوي انا عمال من الصبح بديك رعاااااش و فلااااااااااشر عاوزك تعديني وانت قافل عليا الطريق يا ولد عمي

يلا بقي انا اتأخرت علي الشغل و صباحكوا قشطة

اهى دى بقه اللى تحفه فعلا ههههههههههههههه
روق كده و ماتزعلش نفسك

[theking2690]

جامده جدا النكته ديه يا استاذ مصطفى