ضبطوا اتنين بيشموا أسمنت أبيض

[CryptonX]

صباخ الخير يا جماعة عليكم كلكم
انا حبيت ادخل بسرعة دلوقتي و اشوف الموضوع وصل لإيه لأني نمت الليلة اللي عدت دي و انا مضايق و متعصب لكن الحمد لله الواحد صاحي رايق
شوفوا يا جماعة انا عارف و متأكد انا الأخ بورت ما يقصدش حاجة و لكن انا بصراحة اللي ضايقني ان كل النكت كانت مكتوبة علي الصعايدة و شكلها يوحي بشئ من القصد او السخرية
انا عارف ان بورت راجل محترم وانا شوفت له اكتر من مشاركة جميلة في المنتدي و الراجل محترم جدا
انا مش ضد الضحك و الهزار بالعكس انا دايما بحب اضحك لكن انا لقيت ان الموضوع بقي نظام تريقة و سخرية مش من الموضوع دا لا لأني انا عارف ان بورت ما يقصدش كدا خالص ولا اي حد من اعضاء المنتدي المحترمين لكن انتو لو دخلتوا في اي منتديات تاني حتلاقي الكلام دا لدرجة ان المنتديات العربية الخليجية مليانة نكت علي الصعايدة
يا جماعة في ناس في مصر من كتر ما بتسمع نكت علي الصعايدة صدقوها و فاكرين الصعايدة دول ناس من كوكب تاني او من العصر الحجري
او فاكرينهم ما يعرفوش غير القتل و التار و العنف مع انهم عكس كدا خالص و اكتر ناس مسالمين
الحاجة اللي بضايق فلا هي لما واحد صعيدي لابس عمه علي راسه يسافر القاهرة لقضاء مصلحة تلاقي التريقة و السخرية و نظرات الإستغراب من الناس بشكل كبير
و يا سلام لما بتاع التاكسي يشوفوا يقولك دا زبون سقع اوي و يصيع بالراجل لو طلب منه يودية مشوار ولا حاجة تلاقية يفضل يلف بالراجل ساعتين في شوارع القاهرة ويكون المشوار قريب جدا لكن هو عنده انطباع ان الناس دي مش بتفهم و يسلي نفسة شوية
و علي فكرة الكلام دا انا بواجهة شخصيا لما اكون في القاهرة في شغل و باخد تاكسي اول ما السواق ما بيعرف اني صعيدي مش من القاهرة و يعرف اني مش عارف في شوارع القاهرة تلاقيه بقي ابتدا يصيع بيا في الشوارع عشان ياخد اجرة كبيرة و عشان كدا لما باركب تاكسي و يسألني من فين بقوله من القاهرة وافضل اصيع عليه انا كمان
عموما انا طولت عليكم وانا إتأخرت علي الشغل بتاعي
و عشان ما تقولوش عليا نكدي و ما بحبش الضحك هقولكم نكتة علي الصعايدة
كان فيه 8 صعايدة مسافرين و راحوا موقف العربيات و راحوا ياخدوا عربية بيجو فالسواق قال لهم ان العربية 7 راكب بس و انتوا 8 مايفنعش تركبوا كلكم عشان في لجان مرور في الطريق بيسحبوا الرخص فقعدوا يحاولوا معاه يمين و شمال عشان يقنعوه بانهم يركبوا كلهم الراجل رافض تماما فراحوا سألوه معاك حبل طويل قالهم معايا حبل ليه عاوزينه في ايه قالوله احنا هنركب سبعة معاك في العربية و محمدين ولد عمنا هتربطه في ايدة بالحبل اللي معاك و تجره وراك الراجل قالهم انتوا مجانين ولا ايه ما ينفعش دا خطر علي الراجل قالوله مالكش صالح احنا بنقولك اكده و احنا هندفع لك اجرة 8 مش 7 الراجل قال وانا مالي ان شاءالله يتحرقوا هما احرار و قام رابط محمدين و توكل علي الله بقي يمش بسرعة 10 كم/س فلقي محمدين ماشي وراه كويس زودها ل20 لقية بيجري كويس ل30 ماشي تمام ل40 مافيش مشاكل والراجل مستغرب راح خلاها 60 محمدين وراه زي القطر راح خلاها 80 محمدين شغال الله ينور وحش وراه راح خلاها 100 كم/س و بص وراه لفي محمدين وشه احمر و عنيه و سعت اوي و منخيره زي الشكمان بتاع العربية مدخنة و عمال يفتح و يغمض في عنية باستمرار فالراجل خاف احسن يكون بيطلع في الروح و يموت و يروح في داهية راح السواق راكن علي جنب و قالهم ال7 اللي معاه يخرب بيوتكم هتودوني في داهية الراجل بيموت ورانا و راح نازل من العربية و راح لمحمدين ولقيه متعصب و مضايق اوي اوي قاله مالك يا بلدينا انت تعبت ولا ايه حاسس بحاجة تعباك قاله لع يا بوي قاله طب ليه عمال تغمض و تفتح في عنيك كتير اوي كدا قاله يا بوي انا عمال من الصبح بديك رعاااااش و فلااااااااااشر عاوزك تعديني وانت قافل عليا الطريق يا ولد عمي

يلا بقي انا اتأخرت علي الشغل و صباحكوا قشطة

كلامك سليم يا استاذ مصطفى بس احب اقلك ان دي ثقافة في كل البلاد
يعني في السعودية حتلاقيهم بيبصوا للبدو انهم اقل و للهنود و الباكستانين و الفلبينين انهم خدامين
في امريكا بيبصوا للجنوب " رعاة البقر " علي انهم اغبياء و متعصبين
في المانيا اقليم بافاريا بيعتبر نفسه الالماني الحقيقي والباقي لأ !
في جنوب افريقيا الي يمونا هذا في تفرقة بين السود صحاب الارض و البيض .

اختلفت الامثلة و اختلفت حال كل دولة
بس ثقاقة التريقة و النكت علي جنس او اقليم اخر موجودة من ايام الفراعنة !

ومش اكيد الصعايدة بيتيرقوا علي " بتوع المدينة " و القاهرة و ماخلافه علي انهم " اقل رجولة " من رجال الصعيد مثلا مش اكتر .

[electroman]

احنا كل حاجة نزعل ونعمل مشكلة و ناخدها بحساسية مالهاش لازمة ؟ زى ما قال Cryptonx هذا الموضوع موجود فى كل الدول .. الانجليز و الفرنسيين كمان اشتهروا بتبادل نكت السخرية و فى فرنسا بيقولوا نكت على اهل مقاطعة بريتانى و كمان بينكتوا على البلجيكيين و فى بلجيكا نفسها الفالون و الفلمنك - عنصرى الدولة - بينكتوا على بعض و فى بريطانيا بيقولوا مئات النكت على بخل الايرلنديين و سماجة اهل و يلز و غباء اهل ايرلندا و دول كلهم بيتريقوا على الانجليز !
انا عارف صعايدة بيحبوا يسمعوا النكت على الصعايدة و يبتسموا لها ..هذا هو النضج
مرة الكاتب بالاهرام احمد بهجت كتب انه بيعتقد ان اسرائيل هى وراء النكت على الصعايدة !!!! .. قال ايه عشان الصعايدة بيمثلوا الرجولة و الجدعنة و القيم الاصيلة ... طبعا تفكير مضحك و اهبل ! .. طيب ما احنا بنقول نكت كتير عن اليهود و جبنهم و بخلهم البشع ..هل ده اثر عليهم فى حاجة ؟؟؟...
الموضوع عادى و ميستهلش زعل و لا يحزنون بل لازم ناخده على انه مداعبة و فكاهة مش اكتر !

[sab3aawy]

شكلك صعيدى من بحرى يا أكرم، المفرض تتقال كده:

لييييييييه اكده يا واد عمى، طيب يا خوى دير بالك حاكم ردالتنا حيجوا حداكم فى جنينة الأزهر الجمعة الجاية و اوعاك تنعس عن اى نفر فيهم

دا انت اللى شكلك صعيدى من بيروت ، اللهجة الصعدي مافيهاش نهائيا "دير بالك" ، دى شامى صرف

[sab3aawy]

و يا سلام لما بتاع التاكسي يشوفوا يقولك دا زبون سقع اوي و يصيع بالراجل لو طلب منه يودية مشوار ولا حاجة تلاقية يفضل يلف بالراجل ساعتين في شوارع القاهرة ويكون المشوار قريب جدا لكن هو عنده انطباع ان الناس دي مش بتفهم و يسلي نفسة شوية
و علي فكرة الكلام دا انا بواجهة شخصيا لما اكون في القاهرة في شغل و باخد تاكسي اول ما السواق ما بيعرف اني صعيدي مش من القاهرة و يعرف اني مش عارف في شوارع القاهرة تلاقيه بقي ابتدا يصيع بيا في الشوارع عشان ياخد اجرة كبيرة و عشان كدا لما باركب تاكسي و يسألني من فين بقوله من القاهرة وافضل اصيع عليه انا كمان

على فكرة الموضوع ده مالوش علاقة بالصعايدة، دة بيتعمل مع اى حد مش فى مدينته كان بيتعمل معايا فى اسنكدرية قبل ما اعرفها كويس، وعلشان متزعلش كان سواقين التاكسى الصعايدة بيشتغلونى فى الأقصر برضه قبل ما اعرفها كويس ، يعنى بصرة، بش الشهادة لله اكتر سواقين تاكسى مهذبين ومتحضرين فيكى يا مصر كانوا فى اسوان ، بصراحة اسوان دى انا بحس انها ارض بكر بناسها وطبيعتها وعيشتها ولسة لم تتلوث بزبالة العاصمة

[Xpert]

على فكرة الموضوع ده مالوش علاقة بالصعايدة، دة بيتعمل مع اى حد مش فى مدينته كان بيتعمل معايا فى اسنكدرية قبل ما اعرفها كويس، وعلشان متزعلش كان سواقين التاكسى الصعايدة بيشتغلونى فى الأقصر برضه قبل ما اعرفها كويس ، يعنى بصرة، بش الشهادة لله اكتر سواقين تاكسى مهذبين ومتحضرين فيكى يا مصر كانوا فى اسوان ، بصراحة اسوان دى انا بحس انها ارض بكر بناسها وطبيعتها وعيشتها ولسة لم تتلوث بزبالة العاصمة

باشا .. مش عشان انا من الصعيد او حاجه .. بس فعلاً اكتر ناس محترمين الصعايده ..;)

[Powert]

CryptonX ,electroman

شكرا ليكم قولتوا اللي كنت عايز اقوله

انا مش عارف ارد اقول اية لما يتحول الموضوع من موضوع فكاهي الى الهجوم على شخصى

وكل يعلم ان انا لم اقصد الاهانة لاي شخص وان النكت دي موجودة على كل المواقع والمنتديات

شكراً لكم لكل من واقف بجانبي وواقف ضدي.....

شكراً

[Mohamed_Hegazy]

انا متاكد ان اى حد صعيدى بيسمع الكلام دة بيددايئ من جواه حتى وان لم يظهر ذلك
- لاشك ان هذة النكات بها قفشات يمكن استخلاصها من هذا العبث لتخرج بشكل لايهين احد
- الاخوة اللى حجتهم ان معظم الدول عندهم اقليم بينكتو عليه - جائز ولكن هذا الكم من قله القيمه ينفرد به المصرى فى هذا الكون
- الاخوة اللى حجتهم ان داه كلام بيتقال فى كل مكان وعادى - ليس معنى شيوع الخطاء انه اصبح صحيحا
-

[mostafabakry]

CryptonX ,electroman

شكرا ليكم قولتوا اللي كنت عايز اقوله

انا مش عارف ارد اقول اية لما يتحول الموضوع من موضوع فكاهي الى الهجوم على شخصى

وكل يعلم ان انا لم اقصد الاهانة لاي شخص وان النكت دي موجودة على كل المواقع والمنتديات

شكراً لكم لكل من واقف بجانبي وواقف ضدي.....

شكراً

يا أخ بورت انا مش بهاجمك لشخصك ولا حاجة لا سمح الله و انا قلت انك اكيد ما تقصدش اهانة لحد و لكن انا اللي خلاني اتعصبت شوية ان النكت كلها علي الصعايدة يعني الصعايدة هما المقصودين و الدليل علي كدا النكتة اللي بتقول واحد صعيدي سافر برة وبعد خمس سنين رجع القاهرة لقي حفلة سبوع لإبنه قال احنا قاعدين بنخلف مش قاعدين برده بنخلف
اولا دي شتيمة مش كويسة بس بطريقة غير مباشرة ثانيا هي القاهرة بقت تبع الصعيد ولا ايه يعني اذن النكته اصلا علي حد من القاهرة واتغيرت لواحد صعيدي تبقي مقصودة ولا مش مقصودة ؟؟؟؟؟؟؟ وكأن الصعايدة ربنا خلقم للتريقة و السخرية و بس
انا عارف انت اكيد ماتقصدش و عشان كدا انا قبل ما اطلع الصبح لشغلي من البيت كتبت رد عشان حسيت بالليل ان انا ظلمتك بردي القاسي شوية ولكن حط نفسك مكاني واحكم
وعموما يا سيدي حصل خير وانا قلت نكتة علي الصعايدة عشان الناس تنبسط و ما يقولوش ان انا نكدي و بكره الهزار
سلاااااااام يا عسل و يا ريت ما تكونش زعلان مني

[Powert]

يا أخ بورت انا مش بهاجمك لشخصك ولا حاجة لا سمح الله و انا قلت انك اكيد ما تقصدش اهانة لحد و لكن انا اللي خلاني اتعصبت شوية ان النكت كلها علي الصعايدة يعني الصعايدة هما المقصودين و الدليل علي كدا النكتة اللي بتقول واحد صعيدي سافر برة وبعد خمس سنين رجع القاهرة لقي حفلة سبوع لإبنه قال احنا قاعدين بنخلف مش قاعدين برده بنخلف
اولا دي شتيمة مش كويسة بس بطريقة غير مباشرة ثانيا هي القاهرة بقت تبع الصعيد ولا ايه يعني اذن النكته اصلا علي حد من القاهرة واتغيرت لواحد صعيدي تبقي مقصودة ولا مش مقصودة ؟؟؟؟؟؟؟ وكأن الصعايدة ربنا خلقم للتريقة و السخرية و بس
انا عارف انت اكيد ماتقصدش و عشان كدا انا قبل ما اطلع الصبح لشغلي من البيت كتبت رد عشان حسيت بالليل ان انا ظلمتك بردي القاسي شوية ولكن حط نفسك مكاني واحكم
وعموما يا سيدي حصل خير وانا قلت نكتة علي الصعايدة عشان الناس تنبسط و ما يقولوش ان انا نكدي و بكره الهزار
سلاااااااام يا عسل و يا ريت ما تكونش زعلان مني

سيدي الفاضل الموضوع ده كله وصلي على الفيس بووك وانا نقلته بحرف الواحد ولم اغير بيه شيء

وانا بطبع لو كنت اخد بالى من النكته دي ماكنتش حططها في الموضوع

وانا اسف مره تانية على الموضع ده

وشكراً ....خلاص مش زعلان:)