مطاعم مؤمن

[haythamkmal]

جانى الايميل ده النهارده ، بس انا للامانة مش متاكد من صحة المعلومات


----- Forwarded Message ----
From: Emad Anwar >
Sent: Mon, June 14, 2010 1:30:40 PM
Subject: FW: مطاعم مؤمن للمرة المائة

#cg_msg_....... .ExternalClass .ecxhmmessage P{padding:0px;}#cg_msg_....... .ExternalClass {font-size:10pt;font-family:Verdana;}






ضبط لحوم ودواجن وأسماك فاسدة بمطعم "مؤمن"

الثلاثاء، 8 يونيو 2010 - 14:43

المطاعم الشهيرة ليست بالضرورة آمنة

كتب مدحت وهبة

تمكنت الإدارة العامة لمباحث التموين بالتنسيق مع الهيئة القومية للطب البيطرى بوزارة الزراعة ومفتشى وزارة الصحة، من ضبط 3 أطنان لحوم ودواجن وأسماك مجمدة، مع 850 عبوة صوص منتهية الصلاحية، إضافة إلى ضبط 15 طن لحوم أخرى مجهولة المصدر ولا يوجد لها أى بيانات، من ثلاجة الشركة المتحدة "ثرى شيفز" التابعة لمجموعة شركات مطاعم مؤمن الشهيرة بمدينة العبور.

وكانت الإدارة العامة لمباحث التموين قد تلقت معلومات تفيد بوجود لحوم غير صالحة للاستهلاك الآدمى بالثلاجة التابعة لمطاعم مؤمن، والتى تقوم بتوريد اللحوم والدواجن المجمدة إلى المطاعم التابعة لها لطهيها وبيعها للمواطنين..

تم تحرير محضر رقم 4213 جنح قسم العبور للمدير المسئول عن الثلاجة ويدعى "محمد عزب البكرى" ومساعده "رضا صبحى"، بشأن اللحوم المنتهية الصلاحية بمعرفة الأطباء البيطريين من وزارة الزراعة ومفتشى وزارة الصحة، مع التحفظ على 82 طن لحوم وأسماك أخرى بالثلاجة لحين الكشف عنها، وتم عرض التقرير على النيابة التى أمرت بإعدام المضبوطات.

ويحاول "اليوم السابع" الاتصال بإدارة المطعم لمعرفة موقفها تجاه اللحوم والأسماك الفاسدة التى تم ضبطها، وسنوالى نشر التفاصيل أولاً بأول

[n_i_t_e]

تانى؟؟؟
ده غير موضوع الصفراء اللى سمعت عنه من سنتين للى بياكل من المطاعم دي؟؟
مؤمن ده يا أما حد مستقصده و عايز يوقعه يا الا و الله أعلم الكلام ده صحيح ....
أنا كده كده مباكلش منه و لا لغيره...بصراحة كلهم أنا مشتبه فيهم

[aliabutaleb]

الموضوع قديم شوية
زي عادتها اليوم السابع بتنشر أخبار مش متأكدة من صحتها
وبتحط نفسها في مواقف بايخة

هنا رد شركة مؤمن على الخبر وفي آخره اعتراف ضمني من ناحية اليوم السابع بالخطأ

جزاك الله خيراً على الاهتمام على كل حال

[M.almaghraby]

من الاخر كدا سواء الخبر صحيح او مش صحيح

مؤمن لحوم و فراخ وحشين جدا

محدش ياكل من مؤمن خالص يا جماعة

[heshamzaky]

بما انك فتحت الموضوع دة انا شخصيا من سنتين كدة جبت سندوتشات شاورمة من أبو مازن الى فى شارع مصطفى النحاس تحديدا الفرع الى على الصف اليمين لو جاى من عباس العقاد بأتجاة مكرم عبيد و الله .... جالى تسمم منة انا و المدام و الكلام دة كان قبل العيد الكبير بحوالى 5 أيام و النتيجة فضلت فى البيت مش عارف أخرج من التلوث الى حصل فى بطنى يعنى لازم يكون عفوا قريب جدا من الحمام أسهال و قيىء غير طبيعى و تم تحرير 20 محضر ضدة من الناس و تم أغلاقة و بعدين رجع فتح تانى بلاش الاكل فى الشارع الا فى أضيق الحدود دى نصيحة منى

[M.almaghraby]

نصيحة فعلا في محلها يا هشام بيه

[AirForces]

انا اول مرة اكل من عنده كان فى مؤمن اللى فى مطروح قريب من جامع العوام
جالى منه تسمم شوفت اسوء 3 ايام فى حياتى بعد ما كلت من عنده
اول ما دخلت للدكتور قالى تعالى انت كلت بقا من مؤمن ولا كنتاكى ولا ماك :b4_039:
قولتله مؤمن قالى بيجيلى منه حالات كتير والسبب كانت السلطة الخضرا مش مغسولة كويس لأنه من الضغط عليه العاملين ما بيهتموش بالنظافة والميكروبات بتتحمل درجة الحرارة العالية بتاعة الفرن . يعنى 3 ايام ما شوفتش النوم عشان سلطة خضرا مش عارف لو كانت لحمة فاسدة كان هيجرالى إيه بقا والحمدلله على كل شئ.
وكانت اول واخر مرة :)

[شريف]

الموضوع قديم شوية
زي عادتها اليوم السابع بتنشر أخبار مش متأكدة من صحتها
وبتحط نفسها في مواقف بايخة

هنا رد شركة مؤمن على الخبر وفي آخره اعتراف ضمني من ناحية اليوم السابع بالخطأ

جزاك الله خيراً على الاهتمام على كل حال

بلاش سيره الجريده دي
قال محاكمه ال ـــــــــــ قال
و كاتبها اسمه انيس الدغيدي

[AmAhmed]

اعتقد الخبر صحيح لسببين
1- مؤمن بيستخدم ثري شيفس في سنتدوتشاته من فترة كبيرة بس اول مرة اعرف انهم شركة واحدة
2- النفي بتاعهم بيقول ان في محضر روتيني
يعني ايه محضر روتيني يعني بتوع التموين دخلوا لقوا كل شئ تمام التمام قاموا حبوا يعملوا واجب و تحية الزيارة بعمل محضر يسجلوا فيه السعادة و الانبهار بمؤمن

[n_i_t_e]

بلاش الاكل فى الشارع الا فى أضيق الحدود دى نصيحة منى

+1111111
هو الناس صحتها باظت من شويه...
ربنا يكرمنا ببنت الحلال مفيش أحسن من أكل البيت. أنا بأضطر أكل بره أحيان كتيرة لأنى عازب و مش ببقى طايق الأكل من كتر الزيت اللى فيه و تقله بس غصب عنى من الجوع

[sherif_84]

هو اصلا كل اكل بره مش مضمون الايام دى بعد انتشار لحوم الخنازير اللى دبحوها ومع انتشار اللحوم الفاسدة أحسن حاجة الواحد لو اتزنق فى اكل بره يقضيها فول و طعمية و شيبسى وخلاص حتى الكشرى بلاش نكتر منه برضو لانه مش مضمون فى معظم المحلات وربنا يحفظنا جميعا من الأمراض .

[n_i_t_e]

هو اصلا كل اكل بره مش مضمون الايام دى بعد انتشار لحوم الخنازير اللى دبحوها ومع انتشار اللحوم الفاسدة أحسن حاجة الواحد لو اتزنق فى اكل بره يقضيها فول و طعمية و شيبسى وخلاص حتى الكشرى بلاش نكتر منه برضو لانه مش مضمون فى معظم المحلات وربنا يحفظنا جميعا من الأمراض .

ما المشكلة أن الفول و الطعمية زيتهم تقيل أوي أوي أنا فى الشغل جنبى محلات جاد و الوحيد يعنى محلات كبيرة بس سندوتشاتهم متتاكلش مش عارف بيحطوا زيت عربيات و لا ايه بالضبط؟ الشيبسى بقى مش بيسد جوع الا لما الواحد ياكل منه كمية كبيرة و ده معناه أن الشخص المسكين ده هيتحول لفيل خلال يومين

[neemmohamed]

ربنا يستر ... و حسبى الله و نعم الوكيل فى الناس عديمة الضمير

[LORD.ADeL]

طب وبعدين اذا الواحد حب ياكل حاجه ع سريع ايه العلم منين ياكل يعنى
فول وطعميه مش نافع وعند اكبر مطاعم مش حلو ولا شارومة وملحقتها من اللحوم نافع وكمان ثرشيفس دة كمان طلع مقلب ووحش لاحول ولاقوة الابالله نعمل ايه نجيب اكلمن بيت واحنا فى شغل طب يه الاكل جبن ولا ايه طيب فعلا شيبسي مش بيسد اكيد فى حل

[heshamzaky]

طب وبعدين اذا الواحد حب ياكل حاجه ع سريع ايه العلم منين ياكل يعنى
فول وطعميه مش نافع وعند اكبر مطاعم مش حلو ولا شارومة وملحقتها من اللحوم نافع وكمان ثرشيفس دة كمان طلع مقلب ووحش لاحول ولاقوة الابالله نعمل ايه نجيب اكلمن بيت واحنا فى شغل طب يه الاكل جبن ولا ايه طيب فعلا شيبسي مش بيسد اكيد فى حل

تصدق و تأمن بالله و الله العظيم لو خدت معاك من البيت سندويتشات احسن مليون مرة بس طبعا حا تلاقى ناس بتهزر و تقولك سندويتشات المدرسة بس و الله أحسن أنا كنت باكل من الشارع أى حاجة ممكن تتخيلها و من أى مكان حتى لو عربية فول فى الشارع مطينة بس دلوقت مع السن شوية مش عارف القولون تعبنى جدا و ساعات مش بعرف أنام من الوجع و كل دة بسبب الرمرمة مش أكل الشارع بجد حرمت منة مع انى ساعات برضو باكل فول على العربية فى الشارع شكل العربية بتاعت الفول الكحيانة و المنظر بيفتح النفس بس بعد كدة لازم أخد دواء للمعدة و بهدلة مش يحرم هههههههههه