مطاعم مؤمن

[heshamzaky]

نصيحة فعلا في محلها يا هشام بيه

و الله يا دوك بعد ما القولون و المعدة تعبونى بقيت بخلى بالى بس بصراحة ساعات الشوق تجيلى كدة و أكل رمرمة و النتيجة دواء و الزنتاك و الميكو جيل و المالوكس بقى أساسى فى البيت ههههههههههه

[A_H_M_A_D]

الموضوع قديم شوية
زي عادتها اليوم السابع بتنشر أخبار مش متأكدة من صحتها
وبتحط نفسها في مواقف بايخة

هنا رد شركة مؤمن على الخبر وفي آخره اعتراف ضمني من ناحية اليوم السابع بالخطأ

جزاك الله خيراً على الاهتمام على كل حال

اليوم السابع نشرت رد مؤمن بس مقالوش إن الخبر غلط اللي قالوه بالحرف :

يذكر أن واقعة ضبط كميات من اللحوم فى الشركة المشار إليها بالخبر الأول الذى نشره اليوم السابع ، هى واقعة صحيحة ، وتقوم الأجهزة المختصة حاليا، بالتحرى عن مصادر الشركة المشار إليها وعن مالكيها.

[LORD.ADeL]

تصدق و تأمن بالله و الله العظيم لو خدت معاك من البيت سندويتشات احسن مليون مرة بس طبعا حا تلاقى ناس بتهزر و تقولك سندويتشات المدرسة بس و الله أحسن أنا كنت باكل من الشارع أى حاجة ممكن تتخيلها و من أى مكان حتى لو عربية فول فى الشارع مطينة بس دلوقت مع السن شوية مش عارف القولون تعبنى جدا و ساعات مش بعرف أنام من الوجع و كل دة بسبب الرمرمة مش أكل الشارع بجد حرمت منة مع انى ساعات برضو باكل فول على العربية فى الشارع شكل العربية بتاعت الفول الكحيانة و المنظر بيفتح النفس بس بعد كدة لازم أخد دواء للمعدة و بهدلة مش يحرم هههههههههه

بالله..
من غير حلفان مصدقك حضرتك لانى كنت كدة لحد ما جالى تلبك معوي حاد من اكله من مطعم مفروض انه كبير وله اسم بطلت من يومها وحتى المعجانت بايته وكرواسو وماشبه جابولي امساك شديد من كثرتهم ونتيجه شرخ شرجى مطلع عينى والحمدلله ع كل حال يعنى سبحان الله مفيش حاجه احسن فعلا من اكل البيت معاك عربيتك وشنطه فيها الاكل وعيش وخلصنا لحد ما نرجع بيت واللى عايز يتريق يتريق مسير يقع ويمشي جنب الحيط زينااا ((:

[zkralla]

الى اسمعه أن صحاب المحلات محترم وفاتح بيوت كتير جدا للفقراء
لكن بصفه عامه كده او كده
مفيش احلى من اكيل البيت فى النظافه والمفروض اكل بره يكون لما يبقى فيه ظروف

[aliabutaleb]

اليوم السابع نشرت رد مؤمن بس مقالوش إن الخبر غلط اللي قالوه بالحرف :

يذكر أن واقعة ضبط كميات من اللحوم فى الشركة المشار إليها بالخبر الأول الذى نشره اليوم السابع ، هى واقعة صحيحة ، وتقوم الأجهزة المختصة حاليا، بالتحرى عن مصادر الشركة المشار إليها وعن مالكيها.

بس مفيش تأكيد على صلة الشركة دي بـ مؤمن

[solid_khaled]

أنا صاحبي جاله من إسبوعين صفرة عشان هو بياكل كل يوم تقريباً أكل جاهز بس هو شكك في كبابجي شاكر لو عارفينه والدكتور بتاع العمل ادله اجازة شهر مبينذلش مل بيت

و مؤمن دة كل هما باكله لزم بطني توجعني

[M.almaghraby]

شاكر الي في ميدان هليوبليس؟

[solid_khaled]

اه أنا ساكن هناك أصلاً و باكل عندو كتير لحم الحمير إلي عندو جامدة

[medo_2060]

المشكله معدش اى مطعم كويس خالص كلهم نصابين واحنا كدا كدا بناكل بره البيت
ربنا يستر

[solid_khaled]

أعتقد والله أعلم مفيش أنضف من هرديس و كوك دور

[A_H_M_A_D]

واضح إن عبارة مطعم نضيف دي أسطورة

يعني المضطر للأكل بره ياكل و يدعي ربنا بالستر

والله حاجه تخنق , هلاك للمال و الصحة , ماله الأكل البيتي

[محمد ابراهيم 1]

أنا ملاحظ إن أكله معفن وأنا بطلت أشترى من عنده من 5 سنين تقريبا

[M.almaghraby]

علي ضمانتي

الي عايز اكل برا نضيف

يجرب سمايليز....

[Eng.Geo]

انا كنت مقاطع مؤمن ده خالص
بس من فترة كدة كنت مع صحابي وقالولي ده صاحب محلات مؤمن أتغير وبقي نضيف جدا
ولازم تجرب الجديد
كلت من الفرع اللي في تريامف
الحقيقة يعني الأكل كان كويس وطعمه حلو جدا
مختلف عن زمان خالص
وكلت بتاع 3 أو 4 مرات عنده
بعدها لقيت خبر ان هيقفلوا مؤمن عشان عنده لحوم فاسدة وسبب في تسمم ناس كتير
وريت الخبر لصحابي ومرضيناش ناكل منه
وكنا كل يوم بنعدي علي مؤمن تريامف وملقيناهوش أتقفل ولا مرة لحد دلوقتي
طاب الأخبار ده لصالح مين ؟
لو صح مش بيتقفل ليه ؟
لو غلط مين بيقول ؟
انا أتجننت
الحقيقة
اللي باكل عندهم وانا متطمن
كوك دور و هارديز
ربنا يتوب علينا من أكل الشارع
انا لو عليا ماكولش طول اليوم أحسن
بس ببقي خلاص

[M.almaghraby]

من الاخر 90% اكل مؤمن بيبقي مش كويس

دا عن تجربة