4 اختيارات والاولوليه لمين

[mramzy]

[justify][justify]السلام عليكم ورحمه الله وبركاته
النهارده عايز اناقشكم فى موضوع جد
دلوقتى بقى فى ظاهره غريبه جدا فى تحديد الاولويات والناس مبقتش عارفه تحدد الاهميه

مثلا
تروح محل وواقف مستنى البائع يسالك عازي ايه وهو بيتكلم فى التليفون وسايبك ليه لان فيه زبون مهم بيدليه اوردر بالتليفون
فى نفس الوقت يرن الموبيل يسيبك واقف ويركن التليفون ويشوف الموبيل وينساكم انتم ال 2
اناعايز اعرف الاولويه لمين للى واقف وجالك بنفسه والا اللى بيطلبك فى التليفون وا لا يطلبك فى الموبيل

مثال اخر
لو روحت تحجز عند دكتور ( ربنا يكفيكم شر المرض)
تلاقى المسئول يسالك اسمك ايه علشان يحجز تلاقيه التليفون رن راح سيبك وراح رادد على التليوفن وحجز للى فى التليفون ولو اتكلمت هايحط اسمك الاول لو متكلمتش حيحط التليفون الاول
تروح عند صحبك علشان تقعد معه وتكون مفضى نفسك او اركب مواصلات او مزحزم فى الاشارات تلاقيه سابك وبيتكلم فى التليفون
يرن الموبيل برضه يسيبك ويسب التليوفن الارضى وبعدين يرجع للارض وبعدين لما يخلص برضه يسيبك ويخش على النت علشان المسنجر رن
يبقى الاولويه دلوقتى للنت ثم الموبيل ثم التليفون الارضى ثم اللى اللى ابو لحم ودم مالهوش لازمه وايه اللى جابه
للاسف الشديد ده بقى حالنا فاقدين الصداقه وبنقول مالناش اصحاب علاشن سيبنهم وقاعدين على النت
مع ان الشخص على النت هو هو اللى بيكلمنا نفس الشخص بس كل الحكايه غير اسمه او حط اسم دلع وانت مش عارفه
بس استولى عليك وعلى اهتمامك ونسينا الناس ونسينا اصحابنا اللى عرفناهم واللى محتجنهم بجد واللى بيحبونا بجد ومش مزيفين
طبعا مع كل ده فقد الزوق وفقد تحديد الاولويات الصحيحة

معلش طولت عليكم
عموما
عايز بقى كل واحد يرتب ايه الاولويه فى ال 4 اشياء
النت - التليفون الارضى - الموبيل - الشخص الحقيقى
بصراحه مطلقه [/justify][/justify]

[Akram]

ولا اختيار من دول له أولوية مطلقة ,
المفروض الأولوية للي جه الأول , بس لازم يكون فيه زكاء و ذوق في التعامل مع كل دول في وقت واحد ,

يعني لو رحت محل و معاه تليفون فالمفروض يقوللي ثواني و هبقى معاك و بالتالي هستنى و انا مش متضايق في حين لو طول و مكنش كلمنى فهكون متضايق ,

طيب لو بيكلمني و جه تليفون أو موبيل فالمفروض انه يقوللي ثواني (كأنه بيستأذن) و يشوف التليفون علشان اللي بيتصل مش شايف اذا كان مشغول و لا مش موجود اساساً و لما يشوف المتصل ممكن يقوله ثواني (برده) و يكمل معايا و بعدين يرجع للتليفون ,

لكن لو قاعد مع واحد صاحبك فمفيش مشكلة انه يشوف التليفون و يرجعلك تاني و هكذا الا اذا كان الموضوع اللي بتتكلموا فيه هام و ساعتها لازم يترك اي حاجة و يفضالك ....

[mramzy]

شكرا لردك
لكن الحقيقه غير وعلاشن كده طرحت الموضوع
والاهم ما فى الموضوع حكايه الصديق
لان دى الحقيقة تجد اصدقاء قاعدين مع بعض وبيكلموا بعض على النت برغم انهم فى نفس المكان او كل واحد مشغول بجهاز عن الاخر
او بيتكلم فى التليفون ويطول ويترك صديقه وتجد المكالمه رغى فقط وليست عمل او ما شابهه

[esam_comm]

للاسف احنا بنفقد حاجات كتيررررررر