ايه رأيكم في n97 mini ؟؟

[Eng.Omar_karem]

السلام عليكم ورحمة الله وبركاته.....

انا ان شاء الله ناوي اشتري n97 mini و كنت عايز اعرف رايكم فيه عموما لانه بصراحه عاجبني جدا ....فكنت عايز اعرف

الجهاز ده كويس ولا ايه ؟؟

[Eng.Omar_karem]

ايه يا جماعة مافيش حد عارف حاجة عن الجهاز ده ولا ايه؟؟

[Scuderia.M]

هو زي الN97 بالزبط بس يفرق في الinternal memory بتبقى 8 gb بدل 32 gb و حجمه اصغر من الN97 العادي. هو موبايل كويس بس سعره غالي شوية (بـحوالي 3000 جنيه) على امكانياته. ممكن بالتمن ده تجيب iPhone من فودافون أو موبينيل! أظن إنه بـ3000 أو بـ3500 حاجة كده..

مواصفات الجهاز:

http://www.gsmarena.com/nokia_n97_mini-2921.php

review الجهاز:

http://www.gsmarena.com/nokia_n97_mini-review-417.php

ودي مقارنة بينه وبين الIphone 3Gs عشان لو فكرت فيه

http://www.gsmarena.com/compare.php3?idPhone1=2921&idPhone2=2826

ولو في عندك أي اسئلة أنا تحت امرك.

[Eng.Omar_karem]

هو زي الN97 بالزبط بس يفرق في الinternal memory بتبقى 8 gb بدل 32 gb و حجمه اصغر من الN97 العادي. هو موبايل كويس بس سعره غالي شوية (بـحوالي 3000 جنيه) على امكانياته. ممكن بالتمن ده تجيب iPhone من فودافون أو موبينيل! أظن إنه بـ3000 أو بـ3500 حاجة كده..

مواصفات الجهاز:
Nokia N97 mini - Full phone specifications

review الجهاز:

Nokia N97 mini review: Less is more - GSMArena.com

ودي مقارنة بينه وبين الIphone 3Gs عشان لو فكرت فيه

Nokia N97 mini vs. Apple iPhone 3GS - GSMArena.com

ولو في عندك أي اسئلة أنا تحت امرك.

انا متشكر جدا لحضرتك....والجهاز رخص على فكره هو من السعودية هيبقى في حدود 2000 ان شاء الله ...

انا كان معايا n79 وطلع عيني وبعته بالعافيه مع اني كنت لسه شاريه من كتر المشاكل اللي كانت فيه

وانا عايز حاجه تطول معايا تقعد لها بتاع سنتين تلاتة كده......فكنت عايز بس اتاكد ان الجهاز كويس ومافيهوش مشاكل

وشكرا مره تانيه لحضرتك

[Eslam.Elrefaey]

عايز موبيل يقعد معاك كتير وفيه تكنولوجيا يبقى سيبك من نوكيا اساسا انا معايا 81 مكملش سنه ومعتش تمام خالص هاتلك مثلا حته بلاك بيرى ده عامل زى اللكيزس دى الفرع الفاخر من تيوتا اهو البلاك بيرى ده الفرع الفاخر من موتوريلا

[cheetos_892005]

قلتها قبل كده فكك من نوكيا خصوصا مصنعهم في الصين
انا ملسوع في يجي 4 اجهزه منه

[Ahmed Samy]

هو النوكيا ماله يا جماعه

انا بارتاح فيها بحكم اني مش مثقف كفاية لحمل موتورولا و لا مؤهل تكنولوجيا لحمل أي فون


و استعمالي في غاية الزفت ...و اي موبايل اخرته معايا يا يتكسر يا يتسرق انما يبوظ دي لسة ما حصلتش

viva nokia هههههههههههه

[aymanmaly]

بص عندى اقتراح
sumsong jet
و كفاية انة على
Processor
800 MHz
راجع المواصفات على اللينك دة
Samsung Mobile ط§ظ„ط´ط±ظ‚ ط§ظ„ط£ظˆط³ط· - Samsung Jet - ظ†ط¸ط±ط© ط¹ط§ظ…ط©
او
Samsung Jet (Phone Arena)
و دة عن تجربة
بعد ما اتعاملت مع الجهاز دة قررت التحول من نوكيا الى sumsong بدون رجعة و حسيت انى كان بيضحك عليا
و دة رأى شخصى جدا فأرجو مؤيدى نوكيا مايزعلوش
فلولا تعدد الازواق لبارة السلع

[MaZaGAngeE]

انا أخدت جولة بداية من نوكيا 3100 و بعديه 3510 و بعده 6150 و قلت كفاية كده نوكيا و رحت لسامسونج لفتره و قلبت على موتو رايزر و اتس تي سي ويندوز موبايل و في السكة عديت على ايريكسون تي 18 و بعد كده قلت أجرب الصيني و كان كويس جدا بس مشكلته النت و في الآخر رجعت تاني لنوكيا إي 71 برغم وجود ملحوظات ليا عليه بس هوه أكتر تلفون ريحني في التعامل معاه ..
نوكيا مش أفضل و لا أعلى تلفون بالعكس اتش تي سي و آي فون أعلى بكتير جدا و موتورولا أعلى منها شوية لكن نوكيا هيه زي العربيات الياباني كده في الوسط عملية و قوية و سهلة الصيانة و قليلة في تكالبف التشغيل

نوكيا كده برضه و ده اللي مخليها أكتر أجهزه في ايدين الناس

[د.محمود صلاح]

8 سنوات وندوز موبايل ... اتش تي سي حالياً .

حلو لهواة البرمجة والسوفت وير

[MRBEBO]

التليفون ده ب 2200 بس عند سيليكت

Nokia N97 mini

اللي شايفه باغلى من كده حرام عليه اكتر من كده ده كده اخره فعلا

[Scuderia.M]

8 سنوات وندوز موبايل ... اتش تي سي حالياً .

حلو لهواة البرمجة والسوفت وير

طيب معلش هسأل حضرتك كام سؤال, الHTC بيستحمل ولا لأ؟ بيهنج كتير أو حاجة مثلا؟ وهل فعلا الكاميرا بتبقى وحشة ولا كويسة؟

عشان أنا من زمان معايا نوكيا من ساعة ال3310 لحد N82 دلوقتي. وصراحة زهقت منه وعايز أجيب HTC Android. ف خايف ميستحملش معايا .

[motoxp]

موبايل ممتاز للبرمجة و المحترفين

[M.Osman]

انا مستخدم لنوكيا بس مش تاتش

اختي معاها الـx6 16gb و بعد تجربته اقدر اقولك بكل ثقة ... نوكيا فاشلة في التاتش