الشكل الجديد للسجاير

[fady.bekatcho]

انا مش بشرب سجاير بس لاحظت مع صحابى الى بيشربوا علبة السجاير الجديدة

صورة الرئة الى حطينها وكلمة سرطان الرئة

وفى الوش الاخر تدمر الصح

وتتضر المدخن والغير مدخت

يا ترى انتوا رايكم اية فى الموضوع

هل هما عملينها علشان يحذروا الناس ويعرفوهم الاضرار ولا هما عملينها علشان يغموا نفس المدخن عنة انة يشرب دول ما بيشوف صورة الرئة الى مدمرة على العلبة

انا اغلب اصحابى اتخنقوا من السجاير اول ما شافوا صورة الرئة

وواحد صحبى قالى جميلة النهاردة

قال انا حاسس انى بشرب سيجارتين رئة ملفوفين يا عم اية الى عملوهنا دة

بس يا ترى الشركة من نفسها الى علمت كدة ولا الحكومة علشان تحد من المدخنين هيا الى خلتهم يعملوا كدة

علشان يسدوا نفس الناس عن السجاير

على فكرة انا كنت مدخن بس نحمد ربنا بطلت السجاير من مدة

عايز راى الكل فى العلبة الجديدة

[CryptonX]

ده ضغط من الحكومة " الآمريكية " مش المصرية علي شركات تصنيع التبغ الي هي اصلا المفروض مش عارف بحلول سنة كام المفروض تغير انشطتها بالكامل .

[fady.bekatcho]

ممكن يكون كلامك صح

بس كدة هيكون الحكومة الامريكية بتضغط على الحكومة المصرية والحكومة المصرية بتضغط على الشركة

لان قبل كدة كان فى برنامج فى التليفزيون بيتكلموا على موضوع السجاير وكدة

فواحد فى البرنامج قال من الطرق الى الحكومة هتعملها انها هتغلى ثمن السجاير لاسعار خرافية يعنى المصرى يكون مش فاكر اوى قالوا كام
بس المستورد يعنى المار والرزمن وكدة قالو ب15 واكتر

وقالى دى طريقة ممكن الناس عن طريقها تبطل سجاير لان طبعا ما حدش هيدفع كل يوم 15 كدة وفى ناس بتشرب علبتين وتلاتة فى اليومين

بس الكلام دة ما اتحققش

[hazem_khidr]

دا بيبقي تحذير حكومي .
بالنسبه للسجاير المستورده زي المارلبورو ف الدوله ما تقدرش تغلي السجاير من نفسها دا تبع فليب موريس و معروف ان تمن عليه المرلبورو في العالم كله تساوي قيمه 1 دولار .يعني لو عاوز تعرف دولار البلد دي بكام اشتري علبه مارلبورو .
يعني عندنا لولا ان البنك المركزي بيدعم الدولار كان زمانه ب 7 جنيه و نص فعلا.

[fady.bekatcho]

شكرا ليك على تعليقك يا غالى
بس زى ما قلت الكلام دة اتقال فى لقاء على قناة دريم على ما اتذكر وقالة واحد فى الحكومة

[electroman]

ده ضغط من الحكومة " الآمريكية " مش المصرية علي شركات تصنيع التبغ الي هي اصلا المفروض .

ا لحكومة الامريكية ما عملتش ضغط على الحكومة او شركة السجاير المصرية .. الحكومة الامريكية ارغمت شركات السجاير الامريكية على
عمل التحذير لاهتمامها بصحة مواطنيها الامريكيين لكن ميهماش صحة مواطنين دول العالم التعبان قد ما يهمها تصدير التبغ الامريكى و السجاير الامريكية لتحقيق اقصى ارباح ... حكومتنا كانت من المرات النادرة اللى عملت شئ كويس فيه اهتمام بصحة الشعب المصرى لما وافقت على اقتراح لجنة الصحة بتقليد الدول الاجنبية بكتابة تحذير للمدخنين رغم ان الشركة الشرقية للدخان قطاع عام .

[eng_mkhalaf]

بس يا جماعة دة موجود فى الكوكو الضعيف بس الأجنبى لسة زى ما هو والمارلبورو مش موجودة ووصلت 8.5 جنية وفى أشاعة أنها موقوفة علشان الصينى المضروب إللى نزل والله أعلم

[electroman]

صينى كمان فى السجاير !!!!!!!!!!!!!!!!!!!!!!!!!!!!!!

[fady.bekatcho]

اة صينى وبتتباع ب 4 جنية كمان
وانا شوفتها فى محطة مصر وانا جى اركب لقيت علبة مارل مكتوب عليها 4 استغربت لغاية ما واحد صحبى قالى عليها

على فكرة يا غالى الصور على كل السجاير بس تلاقى انت اشتريت من العلب القديمة الى كانت لسة ما اتعملتش الصورة عليها

[hamedo0]

محدش يشوفلي عروسه صيني ربنا يخليكو

[fady.bekatcho]

ههههههههههه

عندى واحدة صينى استعمال ممتاز عاملة 5 سنين بس :d

ومرفوعة 3 سنين كمان يعنى استعملت سنتين بس وقطع الغيار متوفرة

تحب تخلص بكام :d

[electroman]

ههههههههههه

عندى واحدة صينى استعمال ممتاز عاملة 5 سنين بس :d

تحب تخلص بكام :d

تقصد عقب سيجارة يعنى ؟؟؟ !!! ..