استفسار لخبراء الماستركارد و الفيزا الكريديت؟

[Forever.Leo]

[justify]انا عندي ثلاثة استفسارات بخصوص الدفع بالماستر كارد و الفيزا الكريديت عموما :
الاستفسار الاول : لو Limit الكارت 7000 جنيه و عايز اشتري سلعة ب 10000 جنيه هل هتم عملية الشراء بالكارت و يعتبر فرق 3000 جنيه ده Over Limit ليه نظام محاسبي مستقل و لا مش هتم عملية الشراء من اساسه؟
الاستفسار الثاني : هل في المثال الاول يمكن ايداع 3000 جنيه في حساب الكارت لرفع ال Limit و بكده تتم عملية الشراء ؟
الاستفسار الثالث : هل عند شراء سلعة معينة من مكان بيتعامل بالفيزا و الماستر ممكن دفع قيمة السعلة Mixed كاش + كارت ( النص و النص ) مثلا . و شكرا مقدما ،،،

[/justify]

[ahmadyusuf]

من واقع تجربتى مع بنك hsbc الثلاث اختيارت ممكن يتعملو بس فى الاختيار الاول حيبقى فيه زى غرامه علشان تجاوز الحد بتاع البطاقه

[ghabbour]

[justify]انا عندي ثلاثة استفسارات بخصوص الدفع بالماستر كارد و الفيزا الكريديت عموما :[/justify][justify]
الاستفسار الاول : لو Limit الكارت 7000 جنيه و عايز اشتري سلعة ب 10000 جنيه هل هتم عملية الشراء بالكارت و يعتبر فرق 3000 جنيه ده Over Limit ليه نظام محاسبي مستقل و لا مش هتم عملية الشراء من اساسه؟
عادى جداا و مفيش مشكلة بس يكون الرصيد يسمح
ام حد 7000 مثلا فهو للسحب النقدى

الاستفسار الثاني : هل في المثال الاول يمكن ايداع 3000 جنيه في حساب الكارت لرفع ال Limit و بكده تتم عملية الشراء ؟
لا يشترط

الاستفسار الثالث : هل عند شراء سلعة معينة من مكان بيتعامل بالفيزا و الماستر ممكن دفع قيمة السعلة Mixed كاش + كارت ( النص و النص ) مثلا . و شكرا مقدما ،،،

بص هو مش غلط فينفع عااادى و مفيش مشكلة

[/justify]

[Adham]

[justify]انا عندي ثلاثة استفسارات بخصوص الدفع بالماستر كارد و الفيزا الكريديت عموما :
الاستفسار الاول : لو Limit الكارت 7000 جنيه و عايز اشتري سلعة ب 10000 جنيه هل هتم عملية الشراء بالكارت و يعتبر فرق 3000 جنيه ده Over Limit ليه نظام محاسبي مستقل و لا مش هتم عملية الشراء من اساسه؟

العملية حاتترفض على اساس ان المبلغ اكتر من الحد الائتماني (لأن دة الحد الائتماني مش حد السحب النقدي )

الاستفسار الثاني : هل في المثال الاول يمكن ايداع 3000 جنيه في حساب الكارت لرفع ال Limit و بكده تتم عملية الشراء ؟

لأ لا يجوز

الاستفسار الثالث : هل عند شراء سلعة معينة من مكان بيتعامل بالفيزا و الماستر ممكن دفع قيمة السعلة Mixed كاش + كارت ( النص و النص ) مثلا

ممكن و الله اعلم

الأفضل حضرتك تتصل بخدمة العملاء في البنك تليفونياً و هما حايجاوبوك على كل استفساراتك






[/justify]

[Adham]

ممكن كمان تدفع جزء من التمن على كارت فيزا و جزء من التمن على كارت تاني

[Forever.Leo]

متشكر جدا لكل الردود ، بس انا حيرتي زادت لاختلاف الردود ، انا لزيادة التحديد بسأل على ماستر كارد cib ..

[Adham]

متشكر جدا لكل الردود ، بس انا حيرتي زادت لاختلاف الردود ، انا لزيادة التحديد بسأل على ماستر كارد cib ..

الأفضل حضرتك تتصل بخدمة العملاء في البنك تليفونياً و هما حايجاوبوك على كل استفساراتك
19666

[hh]

بص يا سيدي هو مينفعش انك تشتري حاجة تمنها أعلى من الLimit بتاع الكارت. بس ممكن عادي تدفع جزء كاش و جزء بالكارت و دي أنا عملتها قبل كدة في أجهزة كهربائية.

لو مضطر تستخدم الكارت (حتشتري من النت مثلا) الحل في الحالة دي انا تروح تودع فلوس بالفرق ( فليكن 3000 جنيه) و تستني أول ما تلاقي الفلوس سمعت عالكارت ( تشوفها على النت مثلا) تعمل المعاملة اللي انت عايزها فورا. لو استنيت ممكن جدا تلاقي الكارت اتعمل عليه بلوك لأن مش مسموح انك تعمل كدة, بس طبعا حيرجعولك فلوسك مش حتروح عليك. أنا عملت الطريقة دي قبل كدة عشان أشتري لاب توب عالنت و الموضوع مشي عادي بس هي risky شوية.

[Forever.Leo]

بص يا سيدي هو مينفعش انك تشتري حاجة تمنها أعلى من الLimit بتاع الكارت. بس ممكن عادي تدفع جزء كاش و جزء بالكارت و دي أنا عملتها قبل كدة في أجهزة كهربائية.

لو مضطر تستخدم الكارت (حتشتري من النت مثلا) الحل في الحالة دي انا تروح تودع فلوس بالفرق ( فليكن 3000 جنيه) و تستني أول ما تلاقي الفلوس سمعت عالكارت ( تشوفها على النت مثلا) تعمل المعاملة اللي انت عايزها فورا. لو استنيت ممكن جدا تلاقي الكارت اتعمل عليه بلوك لأن مش مسموح انك تعمل كدة, بس طبعا حيرجعولك فلوسك مش حتروح عليك. أنا عملت الطريقة دي قبل كدة عشان أشتري لاب توب عالنت و الموضوع مشي عادي بس هي risky شوية.

شكرا لردك ، بس موضوع انك تدفع جزء كاش و جزء بالكارت ده موضوع عادي و لا بيختلف باختلاف المكان اللي بتشتري منه؟ الحاجة التانية ايه منطق عمل بلوك للكارت في حالة ايداع كاش اعلى من limit الكارت ؟

[hh]

شكرا لردك ، بس موضوع انك تدفع جزء كاش و جزء بالكارت ده موضوع عادي و لا بيختلف باختلاف المكان اللي بتشتري منه؟ الحاجة التانية ايه منطق عمل بلوك للكارت في حالة ايداع كاش اعلى من limit الكارت ؟

انا مش عارفة الحقيقة اذا كان فيه اماكن متسمحش انك تدفع جزء كاش و جزء بالكارت, بس هما حيرفضوا ليه؟؟ أنا جربتها قبل كدة مرة واحدة و المكان مكنش عنده أي مشكلة.

بالنسبة لموضوع الفلوس الزيادة في الكارت دي على ما أفهم انه الكريديت كارد ده مش معمول كحساب جاري. أحد الأسباب اللي بتخلي البنوك تقلق من حاجة زي دي انهم بيقلقوا من غسيل الأموال. الموضوع ده بجد في البنوك فيلم كبير و بيبقى فيه ادارات للمراقبة و أي حاجة بيشكوا فيها بيحققوا فيها مهما كانت صغيرة, بس الموضوع ده انا مقدرش اقول اني فهماه قوي.

حاجة تانية برضه عرفتها لما كنت بسأل عشان المعاملة اللي كنت عايزة أعملها عالنت, انت الفلوس اللي في الكارت ده فيه عليها نوع من الريسك البنك هو اللي بيتحمله. يعني لو حد سرق رقم الكارت بتاعك (سواء هاك عالنت أو مكن ال ATM) و عمل بيه معاملات سواء اشترى حاجات أو سحب مبالغ, و انت اشتكيت انك مش انت اللي عملت المعاملات دي, البنك هو اللي بيتحمل الفلوس اللي أتسرقت دي. في حالة انك حطيت فلوس زيادة و حصلت أي مشكلة و الفلوس اتسرقت أو المعاملة بتاعتك متمتش للأخر بيبقى فيه مشكلة في رجوع الفلوس الزيادة دي لأن البنك من البداية مش مديك صلاحية تستخدم أكتر من مبلغ معين.

على فكرة برضه أنا لما جيت أحط الفلوس في الكارت محطتش الفلوس في مكنة الATM انا رحت الفرع حطيت الفلوس في الكارت. و قبلها كنت اتكلمت مع customer service في الفرع و هي سألت مديرها و هو اللي فهمني اني أحط الفلوس و أعمل المعاملة أول ما تسمع عالكارت. البنك كان HSBC.

يا ريت لو فيه امكانية تقول لنا انت عايز تعمل ايه بالظبط عشان السؤال يكون أوضح و الناس تقدر تفيدك.

[Adham]

انا مش عارفة الحقيقة اذا كان فيه اماكن متسمحش انك تدفع جزء كاش و جزء بالكارت, بس هما حيرفضوا ليه؟؟ أنا جربتها قبل كدة مرة واحدة و المكان مكنش عنده أي مشكلة.

صحيح و انا باعملها كتير و ساعات ادفع جزء بكارت و جزء تاني بكارت تاني, المكان يهمة يبيع و فلوسة في كل الاحوال مضمونة

بالنسبة لموضوع الفلوس الزيادة في الكارت دي على ما أفهم انه الكريديت كارد ده مش معمول كحساب جاري.

كلام سليم و فعلا فية بند في شروط الكارت بيوضح للعميل انة غير مسموح يودع اكتر من الليمت

كلامك كلة سليم و شرح حضرتك وافي جزاك الله خيراً

[m7nsh]

طيب بعد اذن صاحب الموضوع .. انا عاوز اسال كام سؤال كده
ايه الفرق اصلا بين visa , master card ??
دلوقتى ايه الخطوات المطلوبه منى بالظبط عشان اعرف اشترى حاجه من ع النت ؟
هل عشان اعمل كرت شراء للانترنت من بنك معين لازم يكون ليا رصيد فى البنك ده ؟ ولا عادى ممكن تكون فلوسى فى بنك hsbc واعمل الكرت فى باركليز مثلا ؟
ايه الفرق بين shipping , tax ؟
هل مصاريف الجمارك بتكون داخله فى ثمن الحاجه اللى بدفعها ؟؟ و هل كل حاجه بنتشريها من ع النت بتتجمرك ؟
هل المنتج بيوصلنى للبيت ولا بروح استلمه من فرع FedEx مثلا ؟
معلش الأسئله كتير بس الصراحه محتاج استفيد من خبراتكم فى الموضوع ده

[MarEgypt]

هل ممكن اتابع رصيد الكارت بتاعى Visa من خلال موقع البنك CIB ؟ وكيف ذلك وما هو الرابط لذلك؟

[hh]

طيب بعد اذن صاحب الموضوع .. انا عاوز اسال كام سؤال كده
ايه الفرق اصلا بين visa , master card ??

مفيش فرق تقريبا. هما شركتين عالميتين بيعملوا كروت ائتمان. في الاستخدام مش حتفرق حاجة.

دلوقتى ايه الخطوات المطلوبه منى بالظبط عشان اعرف اشترى حاجه من ع النت ؟

بتختار الحاجة اللي حتشتريها من سايت معين. بيبقى فيه خطوات لكل سايت بس عادة انت بتختار السلعة و تدخل رقم الكارت بتاعك و تحط العنوان اللي حيتبعت عليه, و غالبا بتختار طريقة الشحن عادي و لا مستعجل. و على فكرة مش كل المواقع بترضى تبعت لمصر.

هل عشان اعمل كرت شراء للانترنت من بنك معين لازم يكون ليا رصيد فى البنك ده ؟ ولا عادى ممكن تكون فلوسى فى بنك hsbc واعمل الكرت فى باركليز مثلا ؟

كروت الائتمان ملهاش علاقة بأن يكون ليك حساب في نفس البنك. عادة البنك بيطلب منك HR letter بمفردات المرتب بتاعك و برينت التأمينات بتاعك و بيتحدد الليميت بتاع الكارت حسب المرتب. لو ليك حساب جاري ممكن تطلع نوع تاني من الكروت اسمه Debit Card و ده بيستخدم زي الكريديت كارد بس بيسحب من رصيدك في الحساب على طول.

ايه الفرق بين shipping , tax ؟

الTax يعني الضريبة و دي حسب البلد اللي بتشتري منها و ان كان كتير من المواقع بتاعة النت مش بتضيف ضرايب على السلعة. الshipping هو الشحن أو التكلفة اللي انت بتتحملها للشحن و دي زي ما قولتلك غالبا بيبقى فيه اختيارات بأسعار مختلفة حسب سرعة الشحن.

هل مصاريف الجمارك بتكون داخله فى ثمن الحاجه اللى بدفعها ؟؟ و هل كل حاجه بنتشريها من ع النت بتتجمرك ؟

لأ السعر اللي انت بتدفعه عالموقع بيبقى تمن السلعة زائد مصاريف الشحن للمكان اللي بتحدده. الحاجة لما توصل مصر بتدفع عليها جمارك و ضرايب و ضريبة مبيعات.

هل المنتج بيوصلنى للبيت ولا بروح استلمه من فرع FedEx مثلا ؟

المفروض الحاجة بتوصل لغاية البيت. بس على فكرة برضه مش كل السلع بتعدي من الجمرك عادي. يعني لو ادوية مثلا ممكن جدا يرفضوا دخولها. الأحسن قبل ما تشتري حاجة تسأل الاول في Fedex مثلا عشان تتأكد ان مفيش مشاكل و بالمرة تعرف جمركها حيبقى في حدود كام.

معلش الأسئله كتير بس الصراحه محتاج استفيد من خبراتكم فى الموضوع ده

[hh]

هل ممكن اتابع رصيد الكارت بتاعى Visa من خلال موقع البنك CIB ؟ وكيف ذلك وما هو الرابط لذلك؟

أغلب البنوك دلوقتي عندها متابعة للحسابات و الكروت المختلفة عالنت. أتصل بخدمة العملاء بتاعهم و أعمل طلب انك تعمل account عالنت عشان لازم بتروح تستلم باسوورد من فرع من الفروع.