فلذات الأكباد........ وتنشيف الدماغ

[cyborg_ift]

والله يا جماعه انا بستنجد بيكم لإني هتجنن

بنتي عندهه 3 سنين وعنديه لدرجه مشوفتهاش في حياتي ومش عارف اعمل ايه ومبحبش أضربهه علشان بتصعب عليه فايه التصرف الصح في الموضوع ده......

تاني حاجه انهه الأول كانت بتطلب الحاجه مني يعني مثلا تشاور وتقول شيبس ولما بطلت اسمع كلامهه علشان عرفت اضراره بقت اول لما تشوف محل تجري وتمد اديهه وتاخد اللي هيه عاوزاه وطبعا بكون متضايق جدا ... ده غير حب التفرد اللي عندهه يعني تمشي ومدش يمسك ايديهه الأستاذه خلاص بقت انسه يعتمد عليهه ....


اسف للإطاله بس هل من حل!!!

[أبو_يوسف]

متقلقش هو سن ال 3 سنوات دا بيبقى فيه تقلبات مزاجية للطفل ومحاولات لتكوين الشخصية... عامل زي فترة المراهقة كدا..
حاول بس متعندش معاها والموضوع لو دخل في عند.. الفت نظرها لحاجة تانية وغير اهتمامها لحاجة تانية..

[cyborg_ift]

متقلقش هو سن ال 3 سنوات دا بيبقى فيه تقلبات مزاجية للطفل ومحاولات لتكوين الشخصية... عامل زي فترة المراهقة كدا..
حاول بس متعندش معاها والموضوع لو دخل في عند.. الفت نظرها لحاجة تانية وغير اهتمامها لحاجة تانية..

ألفت نظر مين ياعم الحاج ههههههههههههههه
ده بيحصل هجوم مباشر على الفريسه مصحوبه بنظرات تحدي واضح وطبعا الفايز معروف هوه مين

[أبو_يوسف]

طالما المعركة وصلت للشيبسي أوالبيبسي يبقى لازم تستسلم ..

[cyborg_ift]

طالما المعركة وصلت للشيبسي أوالبيبسي يبقى لازم تستسلم ..

هههههههههههههههههه

[dr-mohamed]

ههههههههههههههههه
يا باشا انا اخر انسة عندي لسة سنة ونص ونفس العينة المنيلة
لازم تاخد اللى هي عايزاه ومحدش يمشي كلامه عليها ومدمنة كلام في الموبايلات وبتعرف الموبايل السليم من البايظ وتاخد الموبايل وتدخل الاوضة وهي حاطاه بين كتفها وراسها كانها واحدة بتكلم البوي فريند بتاعها وبتضرب اخواتها لو اخدوا حاجة منها

[cyborg_ift]

ده احنا وصلنا لإبراهيم الابيض بأه هههههههههههه

[ZALABANY]

أنا نفس المشكله بدأت تظهر معايا ابني سنه و 4 شهور وبدأ في العند دلوقتي وبيضربني احيانا لما اضايقه او يقرص مامته ومدمن موبايل وربموت كنترول بس مش عارف الصح نعمل معاهم ايه

[dr-mohamed]

ابراهيم الابيض تلميذ عندها يا باشا
اول امبارح ضغطنا عليها واخدنا الموبايل منها اكتر من مرة فقررت تخبيه

خبيته في البانيو والبانيو فيه مية وبيت الموبايل في المية لتانى يوم
الله يرحمه

[cyborg_ift]

ديه المشكله اكبر مما تخيلت

[dr-mohamed]

أنا نفس المشكله بدأت تظهر معايا ابني سنه و 4 شهور وبدأ في العند دلوقتي وبيضربني احيانا لما اضايقه او يقرص مامته ومدمن موبايل وربموت كنترول بس مش عارف الصح نعمل معاهم ايه

احنا مخبيين الريموت بتاع التليفزيون منها
والتليفون الله يرحمه

الحل نسيب لهم البيت ونهاجر

[dr-mohamed]

الهانم صحيت حالا واول حاجة عملتها ماسكة البوك بتاع مامتها وبتضحك الضحكة المستفزة اياها بتاعة انا بريئة انا بحبك وكدة يبقي فيه نصيبة هتعملها

[cyborg_ift]

ابراهيم الابيض تلميذ عندها يا باشا
اول امبارح ضغطنا عليها واخدنا الموبايل منها اكتر من مرة فقررت تخبيه

خبيته في البانيو والبانيو فيه مية وبيت الموبايل في المية لتانى يوم
الله يرحمه

هههههههه رحمه ونور عليه وطبعا مفيش أي شعور بالذنب ............ انا المشكله عندي مش في الموبايل لأ في تخبيت مفاتيح العربيه لدرجة اني بوصل لحد امكانية بوس رجليهه علشان تجيبهم ومبترضاش :b4_237:

[dr-mohamed]

هههههههه رحمه ونور عليه وطبعا مفيش أي شعور بالذنب ............ انا المشكله عندي مش في الموبايل لأ في تخبيت مفاتيح العربيه لدرجة اني بوصل لحد امكانية بوس رجليهه علشان تجيبهم ومبترضاش :b4_237:

هههههههههههه
الله يرحمه وعقبلا موبايلك يا باشا

وشعور بالذنب عند مين

يا باشا مفيش غير الضحكة البريئة المستفزة بتاعة انا برئ وهي اللى عاملة النصيبة

ومفاتيح العربية العادي انها تبقي في اي مكان الا المكان اللى انا بحطها فيه يعني مرة في المطبخ مرة في التلاجة مرة في سبت الغسيل مرة في الجزامة عادي يعني

[cyborg_ift]

ملقتهاش في مره في طبق الباميه وانت بتاكل