فلذات الأكباد........ وتنشيف الدماغ

[azmeralda]

فى برنامج بيجى على الشارقة يوم الجمعة تقريبا الساعة 5 وفى برنامج كلام من القلب بتجيب دكتور يوم الأتنين الساعة 2ظ وبيتعاد الفجر بيقولوا كلام ممكن يفيد وفى كلام بيبقى عجيب خدوا اللى تلاقوه مناسب بس
وفى برنامج على mbc4اسمه supernany فيه ترويض للأطفال كويس بس عايز تجميد قلب

المشكلة ان الأطفال زى اى مشروع فى الحياة عشان الأنسان يقدم عليه لازم يعمل دراسة عشان يعرف يتعامل معاه ويضمن ينجح فيه ومحدش بيعمل كده خصوصا انهم معدوش زى ايامنا

وشىء فظيع لما الطفل يبقى اذكى ويعرف يضحك على اهله

[نور القمر]

سنة ونص و3 سنين وبتشتكوا !!!
انتم جيتوا متأخر اوي ... خلاص بعد اول سنة مفيش امل ههههههههههههه

[cyborg_ift]

سنة ونص و3 سنين وبتشتكوا !!!
انتم جيتوا متأخر اوي ... خلاص بعد اول سنة مفيش امل ههههههههههههه

هههههههههه طب انا عندي واحده تانيه 5 شهور يا ترا ايه الدروس المستفاده مع العلم انهه والله بتتف في وشي كل ما تكون متضايقه

[human]

عموما انا عندى اتنين اعند من بعض
جنا ممكن افضل اتكلم معاها ساعه و تعيط و قلبى بيتقطع لما تعيط بس عشان تقول ان هيه اسفه بس
بس ماينفعش ابدا ان صبرك يبقى اققل منهم

هما بيعملوا الحاجه و يقيسوا مدى المقاومه و يقيسوا اخرك ايه و اذكى من ما تتخيل كتير
انا جنا ساعات بتستكردنى و بتمثل عليا

لازم ماتعاملش الاطفال انهم اطفال تخسر كتير لو عملت كده

جابت الشيبسى و مدت ايديها اوك سيبهولها و قولها انا مش هخدك معايا خليكى فى المحل

لو فتحته تاخد لعبه هيه بتحبها و ترميها بره البيت او تخبيها انا عديت المراحل ديه

تفركش اللعب و تبوظ الدنيا قولها لميهم تقولى لأ اقولها لو مالمتيش هرميهم

و فعلا اخد الحاجه ارميها و قولها جامع القمامه اخدهم - بس بفتح بالليل ادخلهم و لما تبقى كويسه اقولها انه مارضاش ياخدهم عشان بقيتى كويسه

لازم مبدأ الثواب و العقاب ولازم يبقوا عارفين الثواب ليه و العقاب ليه و لازم يبقى بالك اطول منهم هما مش بيتعبوا من الزن و العياط و بيشوفوا اخرك ايه

وصلت انى لما ابقى جايب لعبه او حاجه حلوه تقولى انت جايبهم عشان انا كويسه و شاطره و بتحبنى و مبسوط منى - فده بيوصل الفكره - انت كويسه يبقى ربنا بيحبك (دلوقتى لما تلاقى حاجه حلوه ممكن تقولى ربنا بعتلى ديه عشان انا كويسه)

انا فاكر ان جنا كانت تيجى تقولى هو انا مش بنتك - هو انت مش بتحبنى طيب انا عايزه كذا مالقتش فايده ابتدت تعيط طبعا عشان الصداع بقيت بعمل اللى عايزاه طبعا الدنيا باظت

فابتدينا حرب الاعصاب

كمان كلامك لازم يبقى حازم و تحسسهم انك متولى زمام الامور - مافيش يعنى مافيش - مش هنجيبه يعنى مش هنجيبه
هتعيطى هنمشى مش عاجبك مش هجيب حاجه ليكى تانى

[cyborg_ift]

عموما انا عندى اتنين اعند من بعض
جنا ممكن افضل اتكلم معاها ساعه و تعيط و قلبى بيتقطع لما تعيط بس عشان تقول ان هيه اسفه بس
بس ماينفعش ابدا ان صبرك يبقى اققل منهم

هما بيعملوا الحاجه و يقيسوا مدى المقاومه و يقيسوا اخرك ايه و اذكى من ما تتخيل كتير
انا جنا ساعات بتستكردنى و بتمثل عليا

لازم ماتعاملش الاطفال انهم اطفال تخسر كتير لو عملت كده

جابت الشيبسى و مدت ايديها اوك سيبهولها و قولها انا مش هخدك معايا خليكى فى المحل

لو فتحته تاخد لعبه هيه بتحبها و ترميها بره البيت او تخبيها انا عديت المراحل ديه

تفركش اللعب و تبوظ الدنيا قولها لميهم تقولى لأ اقولها لو مالمتيش هرميهم

و فعلا اخد الحاجه ارميها و قولها جامع القمامه اخدهم - بس بفتح بالليل ادخلهم و لما تبقى كويسه اقولها انه مارضاش ياخدهم عشان بقيتى كويسه

لازم مبدأ الثواب و العقاب ولازم يبقوا عارفين الثواب ليه و العقاب ليه و لازم يبقى بالك اطول منهم هما مش بيتعبوا من الزن و العياط و بيشوفوا اخرك ايه

وصلت انى لما ابقى جايب لعبه او حاجه حلوه تقولى انت جايبهم عشان انا كويسه و شاطره و بتحبنى و مبسوط منى - فده بيوصل الفكره - انت كويسه يبقى ربنا بيحبك (دلوقتى لما تلاقى حاجه حلوه ممكن تقولى ربنا بعتلى ديه عشان انا كويسه)

انا فاكر ان جنا كانت تيجى تقولى هو انا مش بنتك - هو انت مش بتحبنى طيب انا عايزه كذا مالقتش فايده ابتدت تعيط طبعا عشان الصداع بقيت بعمل اللى عايزاه طبعا الدنيا باظت

فابتدينا حرب الاعصاب

كمان كلامك لازم يبقى حازم و تحسسهم انك متولى زمام الامور - مافيش يعنى مافيش - مش هنجيبه يعنى مش هنجيبه
هتعيطى هنمشى مش عاجبك مش هجيب حاجه ليكى تانى

برنس ... طب ما تيجي تبيت عندنا يومين

بس انا الكلام ده حاولت فيه يعني مره ضايقتني اوي خدت العجله بتاعتهه وطلعتهه بره الشقه تخيل تصرفهه كان ايه !!!!!!

جابت لعبه لعبه من القوضه وتبصلي وتحدفهه على السلم لحد ما ضغطي ارتفع هاااه ايه الحل في ديه

[Karim_Monir]

فابتدينا حرب الاعصاب

كمان كلامك لازم يبقى حازم و تحسسهم انك متولى زمام الامور - مافيش يعنى مافيش - مش هنجيبه يعنى مش هنجيبه
هتعيطى هنمشى مش عاجبك مش هجيب حاجه ليكى تانى

نفس تصرفات زوجتي مع عبد الرحمن ابني
كنزي اهدى منه بمراحل
هو زي مابتقول كدة بالظبط
وانا عصبي ومضغوط مش بستحمل زنه ولا تصرفاته

لكن زوجتي قالتله ان ربنا يحبه يبعتله حاجات كويسة
ولما بيزن بناخد الحاجة نرميها فعلا بدون هزار
سواء كانت لعبة او اكل
في 60 داهية تتعوض
البواب بيلم لعب من ورايا قد كدة

ولو زن برميه على السلم
او برميه في اوضته لو الدنيا ضلمة واقفل عليه الباب واعلي التي في

هما فعلا مابقوش اطفال
وحرب الزن بقيت التغلب عليه صعب

حتى في العربية لو زن
بركن على جنب وافتح الباب وانزله واسيبه وامشي كام متر
يرجع زي الجزمة وقافل بقه

[cyborg_ift]

نفس تصرفات زوجتي مع عبد الرحمن ابني
كنزي اهدى منه بمراحل
هو زي مابتقول كدة بالظبط
وانا عصبي ومضغوط مش بستحمل زنه ولا تصرفاته

لكن زوجتي قالتله ان ربنا يحبه يبعتله حاجات كويسة
ولما بيزن بناخد الحاجة نرميها فعلا بدون هزار
سواء كانت لعبة او اكل
في 60 داهية تتعوض
البواب بيلم لعب من ورايا قد كدة

ولو زن برميه على السلم
او برميه في اوضته لو الدنيا ضلمة واقفل عليه الباب واعلي التي في

هما فعلا مابقوش اطفال
وحرب الزن بقيت التغلب عليه صعب

حتى في العربية لو زن
بركن على جنب وافتح الباب وانزله واسيبه وامشي كام متر
يرجع زي الجزمة وقافل بقه

افتراااااااااااااااااااااا على حق يا أخي ربنا ما يحكمكش علينا ده احنا ولايا قدامك

[hh]

نفس تصرفات زوجتي مع عبد الرحمن ابني
كنزي اهدى منه بمراحل
هو زي مابتقول كدة بالظبط
وانا عصبي ومضغوط مش بستحمل زنه ولا تصرفاته

لكن زوجتي قالتله ان ربنا يحبه يبعتله حاجات كويسة
ولما بيزن بناخد الحاجة نرميها فعلا بدون هزار
سواء كانت لعبة او اكل
في 60 داهية تتعوض
البواب بيلم لعب من ورايا قد كدة

ولو زن برميه على السلم
او برميه في اوضته لو الدنيا ضلمة واقفل عليه الباب واعلي التي في

هما فعلا مابقوش اطفال
وحرب الزن بقيت التغلب عليه صعب

حتى في العربية لو زن
بركن على جنب وافتح الباب وانزله واسيبه وامشي كام متر
يرجع زي الجزمة وقافل بقه

يص يا أستاذ كريم أنا طبعا مقصدش أعدل على حضرتك في تربيتك لابنك بس فيه حاجتين أحب الفت نظرك ليهم.

أولا: موضوع الأوضة الضلمة دي ممكن تكون مرعبة جدا لطفل صغير و انت بتعاقبه عشان تقومه مش عشان تعذبه. ممكن تحبسه في أوضته لفترة محددة عادي بس بلاش حكاية الضلمة دي عشان متربيلوش عقدة و تلاقيه راجل كبير و بيخاف.

ثانيا: موضوع انك تخرجه بره عالسلم أو تنزله من العربية دي معتقدش انها صح تربويا. أنت كدة ممكن بدل ما توصله أحساس انك زعلان منه توصله احساس انه غير مرغوب فيه و انكم مش عايزينه. بجد النقطة دي ممكن تاثر في نفسيته جامد. الأهم من كدة انك بتجرأه انه يخرج من البيت أو ينزل الشارع من غير حد كبير معاه و دي مشكلة في حد ذاتها لأن هو بعد فترة لما يكبر شوية ممكن تلاقيه لو زعلتوه شوية يفتح الباب و يمشي من غير ما تاخدوا بالكوا. ربنا يحفظهولكوا هو و اخته و يقدرنا جميعا على تربية أولادنا.

[Ahmed Samy]

هم العيال كلهم قطعية واحدة و لا ايه ؟؟

عموما انا مقتنع ان التربية الحديثة مع الأشكال دي خلاص ..جبرت

البنت طول ماهي معانا تبقى كويسة و ماشي حالها

تروح عند جدها و جدتها و خيلانها يومين ولا مصيف ............ترجع عوج العوج

ونبدأ من الأول


انا قريب هابدأ اتعامل مع مايا بالكونسبت القديم

[نور القمر]

انا مش بنفذ اي طلب لاي واحد من ولادي لو بعياط او عند او زن
ومع الوقت الطفل بييأس ويعرف ان مفيش فايدة ويبدأ يعدل من نفسه ويحاول يستخدم اسلوب الاقناع معايا حتى يوسف الصغير هو اللي بيناقشني ويقنعني دلوقت لما اكون رافضاله طلب
ولما يعمل كدة ممكن ألبي له طلبه لومش مضر اوي بس برضو بفهمه اني غير راضية وانت مش بتسمع كلامي وانا عايزة مصلحتك
اسلوب المناقشة والاقناع مفيد جدا ومتقولش ده صغير ولا كبير والله مفيد حتى مع الصغيريين .. يا اقنعه يا يقنعني
لان احيانا احنا كمان بنكون عنديين ومنشفين دماغنا على الفاضي والمليان
وحتى لو واحد منهم جاي يشتكي من اخوه وهو بيعيط
بقوله اطلع برة بطل عياط الاول وبعدين تعالى اشتكي

[Ahmed Samy]

ولو زن برميه على السلم

او برميه في اوضته لو الدنيا ضلمة واقفل عليه الباب

بركن على جنب وافتح الباب وانزله واسيبه

يرجع زي الجزمة وقافل بقه

انت فكرة الوقف كعقوبة مسيطرة عليك قوي يا كيمو

يعني الواد لو غلط ارع مرات ممكن تتبرى منه نهائي؟

ههههههههههههههههههه

[نور القمر]

هههههههههه طب انا عندي واحده تانيه 5 شهور يا ترا ايه الدروس المستفاده مع العلم انهه والله بتتف في وشي كل ما تكون متضايقه

موضوع التف ده بجد ولا هزار
اعتقد تقصد مجرد حركة بتعملها اعتراضية علة موقف معين
لكن لو تف بجد فاكيد اتعلمتها بفعل فاعل من الكبار مع سبق الاصرار والترصد من الكبير بتعليمها التف
وفي الحالة دي متلومش الا الكبير ده
ربنا يخلي لك بناتك ويبارك فيهم

[Ahmed Samy]

موضوع التف ده بجد ولا هزار
اعتقد تقصد مجرد حركة بتعملها اعتراضية علة موقف معين
لكن لو تف بجد فاكيد اتعلمتها بفعل فاعل من الكبار مع سبق الاصرار والترصد من الكبير بتعليمها التف
وفي الحالة دي متلومش الا الكبير ده
ربنا يخلي لك بناتك ويبارك فيهم

ههههههه فعلا التف ده بيكون تعليم من حد نص كبير (عيل في اعدادية مثلا)

و انا شايف اننا لازم نفهمها ان ده غلط و نحاول نثنيها عن العادة القميئة دي

و ده ممكن باننا نجيب اللي علمها التف

و نقعد نتف في وشه قدامها لحد ماتفهم

و الله العيال دي عايزين تلات أبهات و أمين

اللي يخلف خمسة ده المفروض ياخد نيشان

[cyborg_ift]

موضوع التف ده بجد ولا هزار
اعتقد تقصد مجرد حركة بتعملها اعتراضية علة موقف معين
لكن لو تف بجد فاكيد اتعلمتها بفعل فاعل من الكبار مع سبق الاصرار والترصد من الكبير بتعليمها التف
وفي الحالة دي متلومش الا الكبير ده
ربنا يخلي لك بناتك ويبارك فيهم

لأ بجد هيه بتبقا متنرفزه فبتعمل كده وبعدين هوه الاب ملطشه ولا ايه ده أول ما اتجوزت قلت يارب الخلفه كلهه تبقا بنات علشان منتقرفش من شقاوة الولاد طلع الاتنين انيل من بعض خلاص انا انهارده هعمل بنصيحة ا/ كريم وهنزلهه معايا في العربيه مخصوص واقعد استفزهه لحد ما تغلط فبحركه بهلوانيه سريعه ارميهه بره العربيه ... والله فعلا دول مينفعش معاهم غير كده وبعدين المناقشه صعبه في السن ده

[م. عصام مهنى]

انا عندى محمد دى الكبير عنده 6 سنين مطلع عين اهلى تقوله يمين يقول شمال ودماغه صعيدى صعيدى وشقى جدا والاطفال فى السن دى بيبقوا اشقياء وخصوصا الاولاد مش احنا اللى بنربيهم دول هما اللى بيربونا البيت ليه عنده حوارات والمدرسة حوارات تانية
واللى زاد وغطى انه بيعلم اخوه الصغير أحمد 2.5 سنة كل العفرته اللى هوا فيها والتانى ماشى وراه وما احلى انه هما الاتنين يجتمعوا على كارثة ؛ انا بعد ساعات بتنرفز واضربه يقولى انت بتضربنى ليه هوا انا مش راجل زيك والراجل ميضربش وبزعل انى ضربته بس هو بيوصلنى للمرحلة دى
بس على قد كدة مخليين للبيت طعم ربنا ما يحرمش حد من الاطفال دول زينة الحياة الدنيا .