فلذات الأكباد........ وتنشيف الدماغ

[أبو صلاح]

امتعوني كمان وكمان
متابع باشتياق للموضوع الجميل ده

[pedro732000]

يص يا أستاذ كريم أنا طبعا مقصدش أعدل على حضرتك في تربيتك لابنك بس فيه حاجتين أحب الفت نظرك ليهم.

أولا: موضوع الأوضة الضلمة دي ممكن تكون مرعبة جدا لطفل صغير و انت بتعاقبه عشان تقومه مش عشان تعذبه. ممكن تحبسه في أوضته لفترة محددة عادي بس بلاش حكاية الضلمة دي عشان متربيلوش عقدة و تلاقيه راجل كبير و بيخاف.

ثانيا: موضوع انك تخرجه بره عالسلم أو تنزله من العربية دي معتقدش انها صح تربويا. أنت كدة ممكن بدل ما توصله أحساس انك زعلان منه توصله احساس انه غير مرغوب فيه و انكم مش عايزينه. بجد النقطة دي ممكن تاثر في نفسيته جامد. الأهم من كدة انك بتجرأه انه يخرج من البيت أو ينزل الشارع من غير حد كبير معاه و دي مشكلة في حد ذاتها لأن هو بعد فترة لما يكبر شوية ممكن تلاقيه لو زعلتوه شوية يفتح الباب و يمشي من غير ما تاخدوا بالكوا. ربنا يحفظهولكوا هو و اخته و يقدرنا جميعا على تربية أولادنا.

كلام مظبوط
لان الطفل ممكن يعند اكتر بعد ماتنزله من العربية ويمشى ساعاتها انت اللى هاتركبه بالعافيه

[Abo_Lina]

أنا عندي بنت ١٠ شهور بتنام و هي على وضع السجود
و بتحب تاكل الشباشب !!
و بتزعألي و تتخن صوتها عليا
أنا هافتح جبلاية قرود قريب

[نور القمر]

انا الصبح كنت عايزة اعمل زي كريم وارمي يارا قدام باب الشقة عشان انام شوية
الانسة مش جايلها نوم ومسهراني معاها لحد 8 صباحا

[Karim_Monir]

يص يا أستاذ كريم أنا طبعا مقصدش أعدل على حضرتك في تربيتك لابنك بس فيه حاجتين أحب الفت نظرك ليهم.

أولا: موضوع الأوضة الضلمة دي ممكن تكون مرعبة جدا لطفل صغير و انت بتعاقبه عشان تقومه مش عشان تعذبه. ممكن تحبسه في أوضته لفترة محددة عادي بس بلاش حكاية الضلمة دي عشان متربيلوش عقدة و تلاقيه راجل كبير و بيخاف.

ثانيا: موضوع انك تخرجه بره عالسلم أو تنزله من العربية دي معتقدش انها صح تربويا. أنت كدة ممكن بدل ما توصله أحساس انك زعلان منه توصله احساس انه غير مرغوب فيه و انكم مش عايزينه. بجد النقطة دي ممكن تاثر في نفسيته جامد. الأهم من كدة انك بتجرأه انه يخرج من البيت أو ينزل الشارع من غير حد كبير معاه و دي مشكلة في حد ذاتها لأن هو بعد فترة لما يكبر شوية ممكن تلاقيه لو زعلتوه شوية يفتح الباب و يمشي من غير ما تاخدوا بالكوا. ربنا يحفظهولكوا هو و اخته و يقدرنا جميعا على تربية أولادنا.

لاء مش تعديل احنا بناخد راي بعض

انا اقصد لو السلم ضلمة بارميه في اوضته عشان اكيد نور
انا خريج تربيه ودارس علم نفس تربوي وكنت شاطر قوي فيه

اما حتت النزول من العربية او الخروج من البيت فده بعرفه انه بكدة هايخرج عن الجماعة
وده في علم النفس التربوي اسمه الطرد من الجماعة وده بيكون عقاب نفسي شديد وغالبا بيجيب نتيجة
و مابيديش للي انت يبتقولي عليه ده الا في حالة كون الطفل محب للعزلة بطبعه ومايفرقش معاه حاجة :-)

[human]

لاء مش تعديل احنا بناخد راي بعض

انا اقصد لو السلم ضلمة بارميه في اوضته عشان اكيد نور
انا خريج تربيه ودارس علم نفس تربوي وكنت شاطر قوي فيه

اما حتت النزول من العربية او الخروج من البيت فده بعرفه انه بكدة هايخرج عن الجماعة
وده في علم النفس التربوي اسمه الطرد من الجماعة وده بيكون عقاب نفسي شديد وغالبا بيجيب نتيجة
و مابيديش للي انت يبتقولي عليه ده الا في حالة كون الطفل محب للعزلة بطبعه ومايفرقش معاه حاجة :-)

اللى انت كتبته قبل كده قلنا انك ممكن تديله وقف نهائى و تعمله بلوك

انا بطبق الخروج من الجماعه من اول النوتى كورسى لغايه مش هتكلى معانا و خشى اوضتك حالا ماتعوديش معانا

طبعا زن و عياط وانتوا مش بتحبونى

اول شخطه مش عايز اسمع عياط خشى جوه و ماتطلعيش الا و انت ساكته طبعا مش من اول مره بتسمع الكلام بس لازم الحزم هما بيقيسوا جدا انت قاصد الكلام فعلا ولا لأ

انا محمد ابنى هو اللى طيب و بيسمع الكلام وممكن حضن ينسيه كل حاجه بس برضه زنان و عنده مشكله رهيبه انه بيعمل narration لحياته كلها انت مش متخيل ان كل حاجه بيعملها بيعمل ليها narration

المهم اللى ممكن اقوله ليك لو انت صبرك قليل سيب الزوجه تتصرف

انا عموما عصبى اكتر مما تتخيل بس مع العيال هادى خالص زوجتى عكسى هاديه و عصبيه مع العيال

فانا اللى بقوم بالشغل ال disciplinary ده و عموما مش دايما عشان ماتحرقشى عشان لو دايما بعمله هيبقى عادى لازم التدخل قليل من وقت للتانى

انا وصلت محمد انى لو قلتله زعلان منك ممكن يعيط


دلوقتى هو بيجى يقولى زعلان منك لما مارضاش اعمله حاجه بس لازم اشرحله ليه مش بعملها
حتى لو السبب مش معايا فلوس

الاطفال لازم تكلمهم بالمنطق و لازم تحسسهم ان ليهم قيمه و ليهم رأى و فنفس الوقت لازم يكون عندك حجه عشان هما مش هيغلبوا

يعنى جنا ممكن اقولها مافيش فلوس تفولى نروح نجيب من المكنه اقولها مافهاش تقولى لا فيها كتير لازم تشرح ليها الموضوع و ماتزهقش عشان بعد كده تستريح
طبعا زن العربيه ابشع زن فى الدنيا الاتنين يتخانقوا عشان رجل ده جايه على الحته من بتاعته و مش عارف يفرض رجله كلها

الحل بتاع انزله من العربيه فعال طبعا ماحدش بينزل بس دايما العقاب للاتنين عشان يعرفوا انهم لازم يتعاونوا مع بعض يعنى لو حد بيرزل التانى يستحمله و مش كل شويه شكاوى ده بيعمل و ده بيعمل و ديه حتتى و الكلام ده

و للأسف الطفل الاول دايما مظلوم عشان هم اللى بنتعلم فيه



انا قلت قبل كده اللى عايز يستريح مايتجوزش واللى عايز ينام مايخلفشى

[devilishtigers]

انا الصبح كنت عايزة اعمل زي كريم وارمي يارا قدام باب الشقة عشان انام شوية
الانسة مش جايلها نوم ومسهراني معاها لحد 8 صباحا

استاذة نور حرام عليكي هاتيها انا العب معاها بدل ما انا قاعد انا بحب الاطفال فوق ما اي حد يتخيل ومش بزهق

[devilishtigers]

انا فاكر وانا صغير انهم كانوا بيربطوني بالحبل بتاع السبت من شقاوتي
مرة اطلع فوق سور البلكونة واعمل نفسي راكب حصان ومرة ابوظ الفيديو ومرة اتنطط على الكراسي من فوق ومرة اعد ازق في الدولاب لغاية الضرفة ما تتخلع واحطها على الارج واعمل زحليقة دا غير اللي كان بيحصل في الحضانة.
انا مش متجوز واكيد مش مخلف بس انا لغاية دلوقتي مربي اتنين صبيان من العيلة كان لما بيعمل حاجة مامته تقوله هقول لمحمود يفضل يعيط ومعلش ومش هعمل كدا تاني. رغم اني عمري ما ضربته ولا زعقت فيه (ساعات بتكلم معاه بحدة بس من غير زعيق وساعات بالنظرات) بس وصلت معاه كدا بسبب اني خليتوه يحبني جدا جدا وعلى طول اخليه يتكلم معايا واعد اتكلم معاه اكنوا كبير ويخاف انو يعمل حاجة تزعلني ولو حد قالي انو عمل حاجة قدامي اندهلوا واجيبوا قدامي وقبل ما اتكلم يكون عيط علشان ما ازعلش منه.
بجد الاطفال في السن دا بيفهموا جدا الكلام اللي بيتقالهم بس المهم اواي يوصلهم.
وبلاش انو لما يشاور على حاجة يلاقيها او انو لما يخش مكان يشد اي حاجة. مرة كدا ومرة كدا لو بيصعب عليك معلش بس انت مش بتبخل عليه او مش عايز تجبله لأ انت بتربيه وبتعوده.
وربنا يباركلكم في عيالكم وتشوفوهم احسن ناس
وربنا معاكم في اللي بيعملوه انتم السابقون ونحن اللاحقون.

[misoalex]

استرها يــــــــــــــــــــــــــارب

ليه كده بس يا جماعه ربنا يطمنكم

ده واضح ان الحاله عامه يعنى حيصبنى الدور زيكم بالظبط

[shaddadfalcon1]

موضوع انك تحسسه انك زعلان منه ده بيجيب نتيجه حلوه معايا بس لما اكون جبت جاز خلاص بقوي شاخط فيه بغباء وطبعا غصب عني وهو بيتخض وييعيط وبعديها بقي مراتي تستلمه وتقوله روح اتاسف لبابا وييجي طبعا عشان يبوسني وياسلام لو كان لسه اكل حاجه حلوه
ابقي عايز اقوله خلاص وهو فاضل شويه ويقولي هتتباس يعني هتتباس

[cyborg_ift]

انا الصبح كنت عايزة اعمل زي كريم وارمي يارا قدام باب الشقة عشان انام شوية
الانسة مش جايلها نوم ومسهراني معاها لحد 8 صباحا

ايه ده ... انا بنتي اسمهه يارا هيه كمان

اظاهر ان الاسم ده مقترن بالعند والرخامه

[cyborg_ift]

استاذة نور حرام عليكي هاتيها انا العب معاها بدل ما انا قاعد انا بحب الاطفال فوق ما اي حد يتخيل ومش بزهق

ههههههههههههه كركررررررررررررررررر ماهو انت لسه على البر يا بطل كنت زيك في يوم من الايام

[cyborg_ift]

انا فاكر وانا صغير انهم كانوا بيربطوني بالحبل بتاع السبت من شقاوتي
مرة اطلع فوق سور البلكونة واعمل نفسي راكب حصان ومرة ابوظ الفيديو ومرة اتنطط على الكراسي من فوق ومرة اعد ازق في الدولاب لغاية الضرفة ما تتخلع واحطها على الارج واعمل زحليقة دا غير اللي كان بيحصل في الحضانة.
انا مش متجوز واكيد مش مخلف بس انا لغاية دلوقتي مربي اتنين صبيان من العيلة كان لما بيعمل حاجة مامته تقوله هقول لمحمود يفضل يعيط ومعلش ومش هعمل كدا تاني. رغم اني عمري ما ضربته ولا زعقت فيه (ساعات بتكلم معاه بحدة بس من غير زعيق وساعات بالنظرات) بس وصلت معاه كدا بسبب اني خليتوه يحبني جدا جدا وعلى طول اخليه يتكلم معايا واعد اتكلم معاه اكنوا كبير ويخاف انو يعمل حاجة تزعلني ولو حد قالي انو عمل حاجة قدامي اندهلوا واجيبوا قدامي وقبل ما اتكلم يكون عيط علشان ما ازعلش منه.
بجد الاطفال في السن دا بيفهموا جدا الكلام اللي بيتقالهم بس المهم اواي يوصلهم.
وبلاش انو لما يشاور على حاجة يلاقيها او انو لما يخش مكان يشد اي حاجة. مرة كدا ومرة كدا لو بيصعب عليك معلش بس انت مش بتبخل عليه او مش عايز تجبله لأ انت بتربيه وبتعوده.
وربنا يباركلكم في عيالكم وتشوفوهم احسن ناس
وربنا معاكم في اللي بيعملوه انتم السابقون ونحن اللاحقون.

انا وانا صغير كنت اشقا منك في مره لبست روب ماما زي فرافيرو (كنت بحبه جدا) وفتحت الشباك وقلت بصوت عالي انا جااااااااااااااااااااي وهوب لسه بنط اختي لحقتني من رجلي

[cyborg_ift]

موضوع انك تحسسه انك زعلان منه ده بيجيب نتيجه حلوه معايا بس لما اكون جبت جاز خلاص بقوي شاخط فيه بغباء وطبعا غصب عني وهو بيتخض وييعيط وبعديها بقي مراتي تستلمه وتقوله روح اتاسف لبابا وييجي طبعا عشان يبوسني وياسلام لو كان لسه اكل حاجه حلوه
ابقي عايز اقوله خلاص وهو فاضل شويه ويقولي هتتباس يعني هتتباس

لا انا بنتي لما بتيجي تصالحني وتبوسني وانا اعمل نفسي مقموص تقوم شداني من شعري بالعافيه وتبوسني بوسة فض مجالس وتمشي من غير حتى متشوف انا اتصالحت ولا لأ

[cyborg_ift]

امبارح حبينا نطبق الكلام بتاعكم ولما يارا غلطت دخلناهه قوضتهه عيطت دقيقتين بعدين سكتت دخلنا بعد عشر دقايق القوضه لقيناهه نايمه على السرير وحاطه رجل على رجل وبتغني واول ما شفتنا قامت وزقانا بره القوضه وقفلت الباب على نفسهه وعجبي