كنت هاعمل حادثة على الدائري أمس

[GoldenManEye]

ده شعب كداب وسافل وعايز حرقه يا راجل بلا زبالة، بعد كدة اللى يقوللك الفرامل بايظة هات الكوريك ودش له القزاز والفوانيس وقول له معلش اصل الكوريك بايظ

شكلك متغاظ أوى يا أستاذ سبعاوى..

[sab3aawy]

شكلك متغاظ أوى يا أستاذ سبعاوى..

مهى حاجة تشل يا راجل ، اصل كون واحد يؤذينى بالكلاكس او بصدم سيارتى او بشكل مادى، فده شئ اصبح واقع وبيحصل، لكن كونه بعد كدة يحاول يعدى بعملته بالإستعباط ومحاولة الإستكراد فده انا شايفه منتهى الإهانة ، لأن معناها ببساطة ان الافندى وللا الهانم اللى عمل فيا كيا شايفنى كائن كروديا صالح للإستقفاء والاستكراد، ودى حاجة تحرق الدم، لأن شيئا فشيئا حسن النية بينقرض من كل اصناف التعاملات، لو حسن النية اختفى من كل الشكال التعامل بين الناس يبقى هنعيش فى غابة ، ودة مش مجرد كلام فلسفى لكن محدش مننا يقدر يتحمل تبعات العيشة فى مجتمع اختفت منه تماما كل معالم التحضر

[emadkamel]

الحمد لله علي سلمتك يا توت باشا .
انا اول امبارح ماشي في الشارع و جنبي عربيه نص نقل و فجأه البيه قرر نه يحدف يمين عليا علشان في نقره قدامه يا عيني.
يقوم علشان يفادي النقره يدخل فيا انا بس الحمد لله اخدت يميني في اخر لحظه .

نفس الموقف بالمللى حصل معايا من 3 ايام بس المره دى حدف على الشمال (رغم ان يمينه فاضى تماما وانا جاى طاير على الشمال) بس اللذيذ انى لما ضربت كلاكس طويل (ده هنا - فى السودان - معناه "ايه يا حمار اللى انت عملته ده) فتح الشباك وبيقوللى "لقيت قدامى حفره اعمل ايه يعنى" رغم اننا بالنهار ... والحفره دى معروفه فى الشارع ده .... واليمين كله فاضى ... وهو اساسا ماشى بشويش كان ممكن يفرمل !!!!

[Akram]

حمدالله على سلامتك ,

[tutankhamoun]

شكرا الأخوة الأعزاء
كريم منير .... جولدن مان اي..... أكرم ...
الحمد لله ربنا ستر .... بس أنا كنت خايف جدا ليقلب بالعربية و ألبس أنا فيه
بس الحمد لله .......... ربنا ستر

[tutankhamoun]

كداب فى أصل وشه

حكاية الأعذار العبيطة الغير قابلة للتصديق دى بقى الواحد يسمعها ليل نهار

واحدة ماشية تضرب غرز يمين وشمال وبعدين تخبط لك العربية وتنزل تكلمها تلاقى واحد ابن حلال طلعلك من تحت الأرض يقول لك اصل الكاوتش بتاعها نايم، وبعد ما انت للحظة تحس بالذنب وتسيبها تمشى يعود لك عقلك وتقول "كاوتش ايه اللى نايم وماله ومال غرز باريس داكار اللى الهانم كانت بتعملها"

واحد عمال يزمرلك بأسلوب مستفز وقليل الأدب ، وبعدين لو كسرت عليه ووقفتة يقول للك معلش اصل الكلاكس معلق، مال تعليق الكلاكس ومال اغنية "يابن ال...." اللى كان بيعزفها بالكلاكس

واحد يطبقلك الاكصدام وبعدين يقوللك اصل ما فيش فرامل

ده شعب كداب وسافل وعايز حرقه يا راجل بلا زبالة، بعد كدة اللى يقوللك الفرامل بايظة هات الكوريك ودش له القزاز والفوانيس وقول له معلش اصل الكوريك بايظ

أستاذ سبعاوي لقد أصبت كبد الحقيقة
و أنا أتفق معك تماما في أن الشعب عايز الحرق و زي ما سمعت سواق ميكروباص بيشتم سواق تاني و كان بيقوله
ده أنت عايز الحرق بجاز وسخ ....
و تقريبا علشان مسترخص يحرقه بجاز غالي شوية :D

[hazem_khidr]

واحد عمال يزمرلك بأسلوب مستفز وقليل الأدب ، وبعدين لو كسرت عليه ووقفتة يقول للك معلش اصل الكلاكس معلق، مال تعليق الكلاكس ومال اغنية "يابن ال...." اللى كان بيعزفها بالكلاكس

حصل معايا و الشارع فاضي و انا الوحيد اللي ماشي جنبه(كان تاكسي علي فكره)
روحت مزنق عليه و موقفه و نازل ليه تعرف رده ايه؟
يقولي انا بزمر انا حر
طب انت مفيش حد حوليك غيري يبقي بتشتم مين
يقولي مش بشتمك انا مع نفسي كده.
قولتله كفايه انك جبان و مش قادر تعترف انك بتشتمه غور من قدامي و كل دا و انا ماسكه من لايقه القميص :)
.................................
موقف تاني برضه تاكسي و علي يميني و فجأه حدف عليا
زنقت و نزلتله يقولي اصل قدامي نقره
قوله يعني تفادي نقره تقوم تخبط فيا
يقولي لو كنت خبط عربيتك كنت صلحتهلك علي حسابي!!!!!!!!
طب دا تتفاهم معاه ازاي ؟؟؟؟؟؟؟
حسبي الله و نعم الوكيل

[analyzer]

هو ده السبب انى بحب اركب الادا لانى بابقى ماشى مش خايف من حد خالص الى عايز يحدف عليا ييجى اهلا وسهلا الى يعمل غرزة اما هو المسئول عن الى هيجرالو