ليه الواحد بيتنح بعد ما بيفطر

[hemalotfy]

اولا كل سنة وانت طيبين بمناسبة الشهر الفضيل

الواحد بعد ما بيخلص افطار تلقيه تنح وبقى عايز ينام وخلاص مش قادر مع ان الواحد طول النهار مش حاسس بالصيام ومش تعبان بس جيت قبل المغرب بساعة عطشت جامد واول ما ياذن المغرب اكل 3 تمرات وشربت ميه وعصير واروح اصلي المغرب بعد كده اجي ادوس وانسف اللي قدامي وبعد كده اشرب عرق سوس واكل اي فاكهة يدوب امدد 10 دقائق العشاء تاذن اروح اصلي العشاء والتراويح بس ببقى مش قادر بحس اني عايز انام او مهيس او متنح ومش انا بس معظم الناس بتبقى كده

لما كنا في السعوديه كان فيه هناك نظام كويس جدا ياريت يتعمل هنا بيأخرو صلاة العشاء ساعتين تقريبا يعني مثلا المغرب بيأذن الساعة 6 يبقى طول رمضان العشاء تاذن الساعة 8 كان الواحد ريح وهضم شوية او على الاقل ينام نص ساعة

[د.محمود صلاح]

الدورة الدموية تنسحب من باقى الجسم لتتكثف عند الجهاز الهضمي لإتمام عملية الأكل وبالتالي تحس بالخمول والرغبة في النوم

[M.Osman]

يااااااااااااااه
انا فاكر موضوع زي كدا اتفتح رمضان اللي فات هنا في المنتدى ... (تقريباً احمد كمال)

كل سنة و انتوا طيبين

[mostafashokry]

ياريت ترجع لنظام السعوديه و أنا اول من هيمشى وراك من بكرة همشى على النظام ده
,أن شاء الله بس أنا ما قصدتش نأخر الصلاة و لكن نأخر الفطور المتين لبعد القيام لو كده أنا هجرب بكرة إن شاء الله أيه رأيك نبتدى مع بعض و نشوف النتائج بكرة

[M.Osman]

معلش ...يأخروا العشاء ازاي يعني ؟؟
ممكن قصدك زيادة المدة بين الأذان والإقامة ؟

[ahmed-moga]

السعوديين بياكلوا اي حاجه خفيفه في الفطار تمر ولبن رايب سمبوسك وخدعندك جيلي كريم كرامل وعصاير

ولما يخلصوا صلاةالعشاء والتراويح وتيجي الساعه 11 بيكبسوها كبسه ولحم مندي

وبرياني وغيره من الأكلات الدسمه

وبعديها بساعه او ساعتين فيه منهم بيناموا ويصحوا علي صلاة الفجر وفيه اللي بيقعد للتهجد والعباده

بس حاول متملاش بطنك في الفطار والأكل قسمه علي وجبتين او تلاته وحاول تبعد

عن الحاجات الدسمه علشان هيه اللي بتخلي الواحد يتنح ويحول ويذبهل هههههههه

[E30power]

نفس الاحساس جالى النهاردة بس بزياااااااادة شويتين ... لدرجة انى وانا بصلى التروايح تقريبا مكنتش مركز فى حاجة غير وانا حاطط ايدى على كرشى الى طلعلى فجائة وتفكيرى كلة هيروح تانى ولا هفضل كدة على طول ..بس برضك حراام الاكل المكلف دة يترمى علشان العيلة بتتدلع ههههههههههه

[hemalotfy]

الدورة الدموية تنسحب من باقى الجسم لتتكثف عند الجهاز الهضمي لإتمام عملية الأكل وبالتالي تحس بالخمول والرغبة في النوم

صحيح وشكرا للمشاركة يا دكتور وكل سنة وانت طيب بس الواحد مش بيقدر يقاوم

يااااااااااااااه
انا فاكر موضوع زي كدا اتفتح رمضان اللي فات هنا في المنتدى ... (تقريباً احمد كمال)

كل سنة و انتوا طيبين

وانت طيب يا باشا بس للاسف مكنتش متابع كويس لنايل موتورز السنة اللي فاتت

ياريت ترجع لنظام السعوديه و أنا اول من هيمشى وراك من بكرة همشى على النظام ده
,أن شاء الله بس أنا ما قصدتش نأخر الصلاة و لكن نأخر الفطور المتين لبعد القيام لو كده أنا هجرب بكرة إن شاء الله أيه رأيك نبتدى مع بعض و نشوف النتائج بكرة

والله فكرت اعملها بس ملقتش حد يشجعني نجرب بكره ان شاء الله ونشوف

معلش ...يأخروا العشاء ازاي يعني ؟؟
ممكن قصدك زيادة المدة بين الأذان والإقامة ؟

لالالا بيأخرو الاذان نفسه حتى لو حضرتك فتحت التليفزيون على قناة السعودية بكره في نفس ميعاد صلاة العشاء عندنا هتلاقيهم لسه مأذنون مع ان الصلاة بتدخل هناك قبلنا

السعوديين بياكلوا اي حاجه خفيفه في الفطار تمر ولبن رايب سمبوسك وخدعندك جيلي كريم كرامل وعصاير

ولما يخلصوا صلاةالعشاء والتراويح وتيجي الساعه 11 بيكبسوها كبسه ولحم مندي

وبرياني وغيره من الأكلات الدسمه

وبعديها بساعه او ساعتين فيه منهم بيناموا ويصحوا علي صلاة الفجر وفيه اللي بيقعد للتهجد والعباده

بس حاول متملاش بطنك في الفطار والأكل قسمه علي وجبتين او تلاته وحاول تبعد

عن الحاجات الدسمه علشان هيه اللي بتخلي الواحد يتنح ويحول ويذبهل هههههههه

ههههههههههه

انا كنت بشوفهم قبل المغرب هاجمين على الفووول والتميس

نفس الاحساس جالى النهاردة بس بزياااااااادة شويتين ... لدرجة انى وانا بصلى التروايح تقريبا مكنتش مركز فى حاجة غير وانا حاطط ايدى على كرشى الى طلعلى فجائة وتفكيرى كلة هيروح تانى ولا هفضل كدة على طول ..بس برضك حراام الاكل المكلف دة يترمى علشان العيلة بتتدلع ههههههههههه

الواحد بيعذب نفسه بنفسه هههههههههه
شكرا للمشاركة

[pro_samir]

مفيش احسن من تأخير الفطار لبعد التراويح انهارده عملت كده فطرت علي لتر مياه وكوبايه تمر بلبن مع شويه كيتوفان علشان الصداع

وفطرت بعد التراويح كانت الساعه داخله علي 11 ،، كده كده مع الحر الواحد اصلا مش بيبقي ليه نفس ياكل فا مش هينفع أكل وتراويح خصوصا في الحر ده

[ahmad--ezzat]

مفيش احسن من تأخير الفطار لبعد التراويح انهارده عملت كده فطرت علي لتر مياه وكوبايه تمر بلبن مع شويه كيتوفان علشان الصداع

وفطرت بعد التراويح كانت الساعه داخله علي 11 ،، كده كده مع الحر الواحد اصلا مش بيبقي ليه نفس ياكل فا مش هينفع أكل وتراويح خصوصا في الحر ده

لا دة كده عذاب

طب قول بعد صلاه المغرب فى المسجد....


لكن التراويح حرام...دة ياراجل الواحد مش هيركز فى القرأن اللى بيتقرى ههههههههه

[pro_samir]

لا دة كده عذاب

طب قول بعد صلاه المغرب فى المسجد....


لكن التراويح حرام...دة ياراجل الواحد مش هيركز فى القرأن اللى بيتقرى ههههههههه

بالعكس والله الأكل بيكبس علي النفس خصوصا مع الحر وهتبقي واقف بتجاهد نفسك علشان تقدر تقف بس فضلا انك تخشع في الصلاه

لو قضيتها سوائل وتمر باللبن وكده معدتك هتتملي ومش هتحس بالجوع وهتبقي خفيف في الصلاه

يمكن علشان انا متعود انزل كتير من غير فطار ومش باكل غير لما ارجع بالليل متأخر بس جربها وادعيلي في الصلاه ومتدعيش عليا لو كنت واقف جعان ههههه

[ahmad--ezzat]

ممممممممممممممممم

هجرب واقوووووووووووووولك :)

[SeiffoZ]

عشان بتأكل أزيد من حجمك و بتشرب أزيد من حجمك!

[Donzi]

بالعكس والله الأكل بيكبس علي النفس خصوصا مع الحر وهتبقي واقف بتجاهد نفسك علشان تقدر تقف بس فضلا انك تخشع في الصلاه

لو قضيتها سوائل وتمر باللبن وكده معدتك هتتملي ومش هتحس بالجوع وهتبقي خفيف في الصلاه

يمكن علشان انا متعود انزل كتير من غير فطار ومش باكل غير لما ارجع بالليل متأخر بس جربها وادعيلي في الصلاه ومتدعيش عليا لو كنت واقف جعان ههههه

التمر بالللبن دة اصلا بيشبع جدا و بيدي طاقة جامدة جدا و مش بتحس انك عاوز تاكل غير بعدها بفترة طويلة

انا بحاول اقسم الاكل على مرتين شوية بسيطة بعد صلاة المغرب و شوية تانين بليل على 10 او 11

و كدة اريح كتير

[pro_samir]

التمر بالللبن دة اصلا بيشبع جدا و بيدي طاقة جامدة جدا و مش بتحس انك عاوز تاكل غير بعدها بفترة طويلة

و خدي بالك انا محددتش الكميه كانت قد ايه :))

ملاقيتش قدامي كوبايه اعمل فيها التمر أكبر من مج نايل موتورز