يعنى لازم الواحد يبقى قليل الادب وبلطجى !!

[Eng.Geo]

معلش نهدي شوية
الموضوع مش مستاهل ده كله
د/أحمد : أيفو مش يقصد أي أهانه لحضرتك ... هو كان بيوضح الموقف اللي كان فيه ... وهو كان بيقول كدة عشان هو أكتر واحد حاسس بالموضوع ولامسه انما أحنا مش معاه
أيفو : انا فاهمك جدا بس كان لازم تقول كل النقط المهمة ده في أول الموضوع زي حوار عقد الشقة والملكية .... كان الموضوع هياخد مسار تاني خالص
علي العموم يا ريت ميكونش حد زعلان من التاني
هي أختلافات بسيطة في وجهات النظر
أوعي تكون زعلان مني أنا يا أيفو :)
كل سنة وانتوا طيبين

[evoo90]

ده اللى حصل بعد ما اخويا نزل وفهمه انه غلطان وزعقله بجد انا كنت فاكرها هاتقلب خناقه بس الواد اعتذر لما لقى اخويا بيزعق وناوى على خناق على عكس والدى لما كلمه بالراحه زعق فيه وماهموش حد ده كان قصدى من عنوان الموضوع بالذوق ركب فوق دماغنا وبالزعيق وقله الادب اعترف بغلطه وشال العربيه !!!

[Eng.Geo]

ده اللى حصل بعد ما اخويا نزل وفهمه انه غلطان وزعقله بجد انا كنت فاكرها هاتقلب خناقه بس الواد اعتذر لما لقى اخويا بيزعق وناوى على خناق على عكس والدى لما كلمه بالراحه زعق فيه وماهموش حد ده كان قصدى من عنوان الموضوع بالذوق ركب فوق دماغنا وبالزعيق وقله الادب اعترف بغلطه وشال العربيه !!!

والله أستريحت لما شفت الصورة
روق يا أيفو
المهم .. أنت عامل أيه ؟

[evoo90]

واللهي أستريحت لما شفت الصورة
روق يا أيفو
المهم .. أنت عامل أيه ؟

حبييبى يااا جورج !! صح ولا انا نسييييت بقالك كتير ماشوفتش ظهر عربيتى

[Eng.Geo]

حبييبى يااا جورج !! صح ولا انا نسييييت بقالك كتير ماشوفتش ظهر عربيتى

:))

[M.almaghraby]

لا حول ولا قوة الا بالله

[SeiffoZ]

طالما الرجل مالك ... يبقى ليه حقة فى الأرض زيكوا بالضبط ..

[Bishoy.Girgis]

بصراحة يا استاذ ايفو انا عايز اقولك علي حاجه هو طبعا طريقة الحوار في الكلام كان خطأ من الاول خالص يعني لو كان السواق مزعقش من الاول يمكن كنت طلعت عربية قريبك و دخلت عربية السواق مكانها صح ولا غلط
انا هؤلك علي حاجه .. المكان اللي ركن فيه قريبك مكان لوز لوز لوز بصراحة لأنه في مكان بعيد عن حوادث الشارع و علي فكرة انت المفروض تشكر ربنا ان محصلش حادثه لعربية السواق بعد ركنته كما هو موضح في الصورة لأن ممكن واحد غبي يخبطله العربية و هي راكنة كده في الشارع صح .. فكان المفروض ان مكان السواق يكون فاضي و كنت خرجت عربيتك و دخلت عربية قريبك و ده فقط عشان تخاف علي عربية السواق ان ممكن حد يخبطها و هي راكنة بالمنظر ده في الصورة و كانت ممكن تبقي مشكلة كبيرة

[ahmed_mido1889]

يا جماعه انا حاسس بevo
لان الحوار ده اتعمل معايا من برده واحد جاري ولما باع العربيه جاب عربيه واحده معرفه يركنها حط ماسوره
علشان ماركنش و جعه بعد كده يقولي متركنش تحت الشباك علشان الناس هترمي زباله
الطبيعي بدهر العربيه طيرت الماسوره وركنت جه بيقولي انا عربيتي جايه قريب قلتله ساعتها يحلها ربنا
وبعد كده ولا عارف يعمل حاجه معاي
وبالمناسبه هو كان سواق اجره برضه

[mido777]

طب معلش ::: هو ليه قريبك مركنش مكان التاكسى كده من الأول ؟؟

[أحمد كمال]

سؤال هام

الارض اللي انتوا راكنين عليها دي خارج و لا داخل خط التنظيم؟

لو خارج خط التنظيم - يعني العمارة +الأرض المحيطة ملككم يبقى ده جراج خاص ...... و تحكمه قوانين و لوائح ..... و على فكرة اشترى من الشركة او من مالك سابق ما تفرقش كتير لانه اما اشترى من مالك سابق اشترى حقوقه و واجباته .... و لا تحب مثلا انه ما يدفعش الصيانة و يقول لا اصلي مش مشتري من الشركة؟ هو اشترى الشقة بحقوقها بواجباتها حتى لو لم تذكر في العقد التاني

لو داخل خط التنظيم ...... يبقى مكان الركنة ده ملكية عامة مش للسكان لأ لعامة الشعب و اللي عاوز يركن فيها يركن و مفيش حد بغض النظر عن ملكيته لشقة او اتنين او العمارة كلها حتى ليه الحق في حجز مكان او منع الغير ....... حتى لو عقد الشركة عامل حق انتفاع لان ساعتها الشركة بتديك حق انتفاع لما لا تملكه هي من الأصل ......

[نور القمر]

لو النفوس راضية ومتسامحة مكنش حصل مشكلة اصلا حتى لو الباركينج ملكية خاصة لسواق التاكسي
ومفيش مانع من كلمتين حلويين والكلمة الطيبة صدقة

[fadod]

شعوركم بالتفوق النوعي على الراجل دي مشكلتكم مش مشكلته هو

انت قلت ان في مكان مخصص ليه لما جه يسكن ..يعني اتفاق حتى ولو كان على سبيه الهبة أو التنازل منكم فمش اصول التعامل انك ترجع تسحب هبتك وقت ما تحب...و طبعا ولا ينفع تخالف اتفاقك لما تحتاج مكان استأجر الشقة وهو عارف انه مخصص ليه ...


الحاجة التانية موضوع اكرام الضيف و ان ضيفك بيكرمك دي برضه حاجة لا تخص جارك في شيء
ده تبرير لنفسك انك صح قدام نفسك

لكنه لا يبرر أي شيء لجارك


مقام والدك الكبير لا يعني انه منه حقه يعمل ماشاء في عمارة يملك نصفها بدون حق الجار في الرجوع عليه ...مادام والدك كبير المكان كان اولى بيك انك تحافظ على مكانته و تخليه دايما أكبر من الحاجات الصغيرة دي .


أما بما اننا في شهر رمضان فالجملة الصحيحة هي اننا بلاش نبدأ بالغلط في جارنا و نعيب عليه الرد ايا كان شكله

________________
دي من أكبر مشاكل التعامل مع الناس انك ما تشوفش الموضوع من فوق لو انت طرف فيه
دايما شوف الموضوع من تلات زوايا

زاويتك وزاوية محايدة و زاوية اللي قدامك

و اعرف انك تكسب نفسك و ضميرك و عقلك لما تقدر توصل للرأي الصح من أبعد الزوايا منك

أنا أؤيد كلام أحمد قلبا وقالبا..حتي لو الارض بتاعتكم وانتو مدينه المكان هبه وجدعنه ماينفعش تخدوه منه علشان جلكم ضيف وعايزين تكرموه ..الحمد لله الموضوع عدي علي خير

[megamoudy]

يا ايفو انت شردت الراجل ف الفيس وهنا

انا بقى محمود مدحت

[Mzeid]

معلش يا ايفو متزعلش مني
أنت برضه غلطان أنت بتقول الشارع كله فاضي و فيه حنن ممكن تركن فيها
فملهاش لازمة بقى تركن مكانه مادام هو بقى يركن هنا
لأن الراجل جاركم دة حس أن انتم مستقصدينه