إعـــــــلان

Collapse

.

,
See more
See less

البنت ماتت .. و شعور بالمرارة .. و نفسي البلد تخيب املي

Collapse
X
 
  • Filter
  • الوقت
  • Show
Clear All
new posts

  • البنت ماتت .. و شعور بالمرارة .. و نفسي البلد تخيب املي

    الخبر علي مصراوي اليوم ..
    استشهاد فتاة مصرية 14 سنة .. علي الحدود برصاص اسرائيلي
    ..الظريف في الخبر ..انها رصاصة طائشة انطلقت من برج مراقبة اسرائيلي و استقرت في رأس الفتاة !!!


    مش حقول اني متضايق و لا حزين و لا غضبان و لا الكلام ده كله .. و لكن يسيطر علي شعور بشع بالمرارة .. مش علشان الواقعة بس .. ولكن لانتظاري ردود الفعل االبائسة التي لن تتعدي شوية الحاجت اللي انتوا عارفينها ...و يمكن منشوفش الحاجات دي كمان ..
    نفسي البلد تخيب املي ..و تحسسنا اننا نساوي اكتر من رصاصة اطلقها كلب علي الجانب الاخر ... نفسي حد يقولي انت متحامل اوي علي البلد و الدولة خدت موقف قوي من هذه الواقعة .. نفسي ..و نفسي .. و في الانتظار ..
    و انا لله و انا اليه راجعون.

  • #2
    كده تهريييييييييييييييييييييج !!!!!!!!

    لو قضية الحدود دى متحلتش و فضلت إسرائيل فى ممارستها الإستفزازية على الحدود مع مصر ........ أنا متوقع رد مصرى من العيار التقيل .... (طبعاً مش رد عسكرى لكن دبلوماسى على مستوى عالى).
    [CENTER][SIZE=3]رأيي صواب يحتمل الخطأ ,ورأي غيري خطأ يحتمل الصواب[I]. [/I][/SIZE][SIZE=1]الإمام الشافعى[/SIZE][/CENTER]

    Comment


    • #3
      نفسي اشوف ردود و شجب و اعتراض و حماس و يلا نقطع علاقتنا بيهم و منصدرلهمش غاز

      زي ما كل الحجات دي اتقالت علي الفلسطينيين :)
      [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
      [/CENTER]
      [CENTER]<!--EndFragment-->[/CENTER]

      Comment


      • #4
        الطم ياخواتى؟

        يعنى هو ضرب النار شغال على الحدود طول الوقت والعساكر الإسرائيليين بتهزر مع بعض بالعوزى علشان رصاصة (طائشة) تستقر فى رأس الفتاة المكسينة؟

        مساحة رأس الفتاه قد ايه بالنسبة لمساحة المساحة الوسط المحيط بيها علشنا نحسب احتمال ان الرصاصة (الطائشة) دى تسيب الكون كله وتستقر فى رأس الفتاه

        يعنى بحسبة بسيطة كدة فإن احتمال انطلاق رصاصة واحدة طائشة واستقرارها فى رأس الفتاه حاجة كدة تتراوح من "صفر" الى "لاشئ"

        هنقول معجزة وحصلت، بس الغريب العجيب فعلا ان المعجزة دى بقت تتكرر كتير اوى، بركاتك يا سيدى شمعون، كراماتك يا سيدى ليشع مادااااااااااااااااااااااااد

        يعنى مش بس بيتمرنوا على النيشان فى رؤوس ولادنا ، لكن كمان بيستكردونا ويقولونا رصاصة واحدة طائشة فى الصحراء الواسعة اصابت رأس الشخص الوحيد اللى كان ماشى فى الصحراء الواسعة فقتلته

        والله افتكرت النكتة بتاعة الأخ اللى كان ساكن فى بلد صحراوى وسقط فى امتحان القيادة، فصديقة بيسأله ليه رسبت فرد عليه قائلا" طب وانا اعمل ايه إذا كان هم اللى حاطين النخلة فى وسط الصحراء"

        لإمتى هنفضل نقبل الإستهبال ده، والله كان له حق ساويرس يوم ما قال:"مصر اتخطف لها سفير فى العراق معرفتش تجيبه ، لكن انا لما اتخطف ليا 5 ولاد مهندسين وفنيين جبتهم"
        [SIZE=5][COLOR=navy]سبعاوى[/COLOR][/SIZE]
        _______________________________________________

        Comment


        • #5
          المشاركة الأصلية كتبت بواسطة PRO-DRIVE مشاهدة المشاركة
          نفسي اشوف ردود و شجب و اعتراض و حماس و يلا نقطع علاقتنا بيهم و منصدرلهمش غاز

          زي ما كل الحجات دي اتقالت علي الفلسطينيين :)
          حماس دول عرب زيينا يا برو ...... و مش المفروض نتوقع منهم حاجة زى دى ..... لكن إسرائيل تعتبر عدو لينا و متوقع منها أى حاجة.

          بالمناسبة بقى إمبارح مات 34 شهيد فى غزة و الضفة و 15 طفل إتصاب بالإضافة للطفلة المصرية.

          تفتكروا المفروض مصر تتحرك فى موضوع الطفلة المصرية ؟؟ .... و ساعتها هنقول طب إشمعنى متحركتش لما كل يوم ناس بتموت من فلسطين !!! ....... ولا فى فرق على أساس إحنا فى حالة سلم مع إسرائيل و مينفعش تنتهك حدودنا ؟
          [CENTER][SIZE=3]رأيي صواب يحتمل الخطأ ,ورأي غيري خطأ يحتمل الصواب[I]. [/I][/SIZE][SIZE=1]الإمام الشافعى[/SIZE][/CENTER]

          Comment


          • #6
            انت في زمن ... مطلوب منك الاعصاب الحديديه.. و ماتعملش غير علي نفسكو مالكش دعوه بالباقي ... هيا البلد عاوزه كده ..
            انت لو بصيت حواليك هاتلاقي مصر خربانه من كل حته شويه ... بس عادي ... طالما الواحد عايش مرتاح خلاص... اللي يموت يموت و اللي يصيبه عيار ياكش يتقلب حتي .. الحكومه ساكته و مابتتكلمش .. و الشعب خلاص اندفن بالحياه ....
            عمار يا مصر ...

            Comment


            • #7
              ومن يهن يسهل الهوان عليه***ما لجرح بميت ايلام
              محمد عيسى
              [URL="https://www.dropbox.com/link/21.1fWqGm2yPG"]دعوة دروب بوكس[/URL]

              Comment


              • #8
                المشاركة الأصلية كتبت بواسطة PRO-DRIVE مشاهدة المشاركة
                نفسي اشوف ردود و شجب و اعتراض و حماس و يلا نقطع علاقتنا بيهم و منصدرلهمش غاز

                زي ما كل الحجات دي اتقالت علي الفلسطينيين :)
                اتذكر يوم ما وزير خارجيتنا المغوار وقف كالفاتح في مؤتمر صحفي او تصريح لجريدة و قال: اللي حيعدي الحدود من الفلسطينين حنكسر رجله !!! يشير الي حماس
                و يظهر اليهود خافوا من التصريحات ..فقالوا نضرب نار من غير ما نعدي الحدود احسن .. ده راجل شراني ..و ممكن يكسر رجلنا ..و اهو كله رصاص طائش!!!


                و انا بسأل نفسي و بسال الزملاء سؤال ..احنا كل يوم بنسمع ان رصاصة خرجت من سلاح مجند فقتلت زميله ..و رصاصة خرجت من مسدس ضابط فقتلت مش عارف مين ....الاسلحة دي مش موجود منها علي الحدود ؟؟؟؟
                و اللا احنا نصيبنا اننا نستقبل فقط الرصاص الطائش من الغير ؟؟!!!

                عموما ..في انتظار تصريحات ..ردود افعال .. بيانات .. شجب .. انشالله حتي جمع تبرعات ..و لو ممكن حفلة خيرية لنانسي عجرم و هيفا يخصص دخلها لضحايا الرصاص الطائش علي الحدود ..
                و السلام

                Comment


                • #9
                  :(

                  عايزة اعيط والله يا حسرة اهلها

                  احنا مبقاش لينا سعر ياجماعة

                  اذا كان المصرى في بلده ملوش قيمة عايزين يبقي ليه قيمة بره .. عشان تبقو تعرفوا ليه بيتهزءو في دول الخليج و ليبيا
                  [SIZE="2"]i'll miss everyone[/SIZE]

                  Comment


                  • #10
                    لا يغير الله ما بقوم .....حتي يغيروا ما بانفسهم.....

                    للاسف المشكلة فينا احنا....زمش فيهم..
                    معاصينا .....خلتهم يبقوا فوق مننا....

                    كفاية اني قريت....في الجرايد النهاردة...ان 3 خطفوا بنت مصرية من فيصل...قدام الناس....بالمطاوي....واغتصبوها في "توك توك" ورموها....

                    والناس يدوبك ارشدوا ظابط المباحث للاتجاة ايلي المغتصبين مشوا منة....

                    عايزين بقي المجتمع المصري .....يهتم لبنت في سيناء....اذا كان مش عارف يهتم بجرانة....

                    حسبنا الله ونعم الوكيل....
                    -----------------------------------------------------------------------
                    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
                    [/CENTER]
                    ------------------------------------------------------------------------

                    Comment


                    • #11
                      إنا لله وإنا إليه راجعون
                      (إدارة4)
                      دى الحقيقه يا جماعه المصريين ملهمش قيمه جوه بلدهم ولا بره بلدهم

                      الحكومه متقدرش ترجع في اى اتفاق ابرمته معهم عشان تصدير الغاز او اتفاقيه الكويز
                      اللي الواحد مش لاقي ليها اى اثر ليها طبعا" عشان منزعلش ماما امريكا
                      [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

                      اخوكم : محمد عماد الدين
                      الوظيفه : محاسب
                      [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

                      Comment


                      • #12
                        المشاركة الأصلية كتبت بواسطة Hassan Khalil مشاهدة المشاركة
                        اتذكر يوم ما وزير خارجيتنا المغوار وقف كالفاتح في مؤتمر صحفي او تصريح لجريدة و قال: اللي حيعدي الحدود من الفلسطينين حنكسر رجله !!! يشير الي حماس
                        و يظهر اليهود خافوا من التصريحات ..فقالوا نضرب نار من غير ما نعدي الحدود احسن .. ده راجل شراني ..و ممكن يكسر رجلنا ..و اهو كله رصاص طائش!!!


                        و انا بسأل نفسي و بسال الزملاء سؤال ..احنا كل يوم بنسمع ان رصاصة خرجت من سلاح مجند فقتلت زميله ..و رصاصة خرجت من مسدس ضابط فقتلت مش عارف مين ....الاسلحة دي مش موجود منها علي الحدود ؟؟؟؟
                        و اللا احنا نصيبنا اننا نستقبل فقط الرصاص الطائش من الغير ؟؟!!!

                        عموما ..في انتظار تصريحات ..ردود افعال .. بيانات .. شجب .. انشالله حتي جمع تبرعات ..و لو ممكن حفلة خيرية لنانسي عجرم و هيفا يخصص دخلها لضحايا الرصاص الطائش علي الحدود ..
                        و السلام

                        اولا تخيل حصل العكس و رصاص "طائش" مصري دخل في بنت اسرائيليه حيحصل ايه ؟

                        احنا نقدر نتكلم علي فلسطين بكل سهوله و ازير الخارجيه فعلا يبقي مغوار و يدلي تصريحات

                        عشان هما مستضعفين

                        لكن اراهن ان يطلع تصريح بنص قوه نكسر رجليهم دا

                        نيجي علي الضعيف و نبدأ نقول احنا دوله سياديه و لينا حدودنا اللي تحترم وووووووووووووووو

                        لكن تيجي اسرئيل محدش يتكلم


                        نفس مبدأ اذا سرق الضعيف :)
                        [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
                        [/CENTER]
                        [CENTER]<!--EndFragment-->[/CENTER]

                        Comment


                        • #13
                          الحل عسكرى اسرائيلى يموت برضه برصاصة طايشة و يطلع وزير خارجيتنا يعلن اسفه الشديد لهذا الحادث الاليم غير المقصود و يفدم خالص عزائه للحكومة الاسرائلية و الشعب الاسرائيلى الصديق و لاسرة العسكرى الشهيد و ممكن كمان يسمح الدموع من على عينه و يعد بأجراء تحقيق فى الحادث فورا ..
                          ليه نبقى عبط مادام نقدر نستعبط ..؟!

                          Comment


                          • #14
                            المشاركة الأصلية كتبت بواسطة hamedo0 مشاهدة المشاركة
                            إنا لله وإنا اليه راجعون (الإدارة4)
                            دى الحقيقه يا جماعه المصريين ملهمش قيمه جوه بلدهم ولا بره بلدهم

                            الحكومه متقدرش ترجع في اى اتفاق ابرمته معهم عشان تصدير الغاز او اتفاقيه الكويز
                            اللي الواحد مش لاقي ليها اى اثر ليها طبعا" عشان منزعلش ماما امريكا
                            هو ايه بالضبط الاتفاق اللي احنا متفقينه معاهم و يمنعنا من الرد ( حتي ببيان شديد اللهجة) علي مقتل مواطن مصري برصاص كلابهم ؟؟؟؟
                            احنا كل سنة مش اقل من 5 او 6 عساكر ..و برضه برصاص طائش..
                            هل فعلا في اتفاق يقضي اننا منردش دبلوماسيا ؟؟؟؟

                            و بعدين بالنسبة للغاز والكويز ..هما محققين فيها مكاسب لا تستطيع الارقام عدها ..و احنا بالنسبة ليهم الفرخة اللي بتبيض دهب ..و صعب انهم يستغنوا عنا......
                            يبقي اتفاقيات ايه بقي اللي تخلينا حاطين جزمنا و شراباتنا جوه بقنا و مش عارفين حتي نتكلم ...لا شعب و لا حكومة ؟؟؟؟!!!
                            ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

                            ملحوظة للاخ الفاضل hamedoo
                            برجاء تصحيح الاية ( اٍنا لله و اٍنا اٍليه راجعون )
                            مع الشكر

                            Comment


                            • #15
                              والهى حرام الى بيحصل دة

                              فهلا لازم يحصل رد فعلا والحكومة ترد على اللى حصل

                              ازاى تبقى رصاصة طائشة وتطلع من مكان بعيد فى راس طفلة ومن برج مراقبة كمان

                              حد يعقلها طيب

                              Comment

                              Working...
                              X