تهنئة من ام مريم وزوجه محمد جمعة الى اعضاء المنتدى

[MoHaMed HaMeD]

الله يرحمه ويسكنه فسيح جناته ان شاء الله
يباركلك ف مريم وتربيه تربه حسنه ان شاء الله

[Ahmed Nouh]

ربنا يخلف عليكى بالخير ويعينك على تربية مريم تربية صالحة

و خليكى حريصة على تحفيظها القران وان شاء الله تكون عمل محمد الصالح فى الدنيا وسبب فى زيادة حسناته فى قبره

وربنا يعفو عنه ويغفر له ويتولاه برحمته

[medo_2060]

الله يرحمه ويكرم مثواه.... وياريت حضرتك تقبلى دعوتنا بانك تكونى معانا دايما فى المنتدى عشان لو احتجتى اى حاجه انا واثق ان محدش هيتردد ابدا لخدمتك...
وربنا يقدرك وتربى اولادك احسن تربيه ويحفظهم من كل شر
ورمضان كريم
(وياريت من الادراه فعلا تغيير عنوان الموضوع زى ما قال الاخ nabaster عشان كل الاعضاء تاخد بالها

[A.Saad]

مرحبا بيكى فى المنتدى
موضوع محمد رحمه الله مش عارفه اثبت لى قد ايه في حب بينا فى المنتدى
ودعائنا ليكى انتى ومريم

[Mzeid]

ربنا يرحم محمد إن شاء الله
و يبارك لحضرتك في الآنسة مريم الجميلة و تقدري تربيها أحسن تربية علشان تكون صدقة جارية لمحمد إن شاء الله
و الحمد لله المنتدى هنا كلنا اخوة و أخوات و احنا كلنا عائلة واحدة و أصغر عضو في العائلة مريم

[شريف]

الله يرحمه ويغفر له
وربنا يقدرك ويكرمك ان شاء الله

[ahmed-moga]

اللهم بحق هذا الشهر الكريم اللهم نسألك بأن ترحم محمد جمعه واجعل مثواه الجنه اللهم الهمك الصبر والسلوان

اللهم بارك في ابنتكم مريم وأجعلها فخر لكم في الدنيا وقرة عينكم في الأخره واحرصها من كل شر ومن كل سوء

كل عام وانت بخير

[phantom0xx0]

ربنا يباركلك في مريم ،، و يجعلها خير خلف لخير سلف.

الحمد لله ، احنا عائلة وحدة ، و يشرفنا تكوني معنا ، و تأكدي انشاء الله هنكون خير عون لكي و لمريم

[mahmoudysf]

كل عام وانت بيخير انتى والانسة مريم
اللهم اجعل قبرة روضة من رياض الجنة
والله ولا اذكي احد على الله لولا عمله الصالح ورضا الله عنه وعنك
لما وفق كل رجالة المنتدى على خدمة محمد ومن بعدة زوجتة وابنتة
كل عام وانتى بخير

[esraatefa]

كل عام وانتى بخير ومريم الصغنطوتة بخير ويباركلك فيها يارب وتشوفيها حاجة كبيرة وتكونى فخورة بيها ويسكن محمد فسيح جناته ويجازيكى خير ان شاء الله

[devilishtigers]

بإذن الله يكون روضه روضة من رياض الجنة وإن شاء الله تتقابلوا في الاخرة معا ومع الرسول. وربنا يعينك في تربيتك لمريم وتخليها احسن واحدة في الدنيا.

[miram]

السلام عليكم ورحمه الله وبركاته
انا بشكر كم على مشاعركم النبيله دى
أنا كنت عايزه اسأل الجماعه اللى ليهم فى القانون هو أنا ينفع أستخدم البطاقه العلاجيه بتاعت حمو بحكم أنه عضو فى النقابه يعنى مثلا أكشف على مريم عند الاطباء اللى متعاقدين مع النقابه ولا خلاص كل حاجه أنتهت مع سفر محمد
معلش اصل أنا مش بحب اقول انه مات عشان أنا بعتبره مسافر هو كل مره كان بيسافرأنا كنت بنتظره المره دى هو سافر وأنا اللى هسافر له سوء العمر طول او قصر كدا كدا هسافر هو اللى منتظرنى......................اللى يعرف يقولى وأروح فين لو فى أى أجراءت أعمله أزاى ضرورى عشان أنتم طبعا عندكم أطفال وعارفين انهم فى السن دى بيكونوا متعاقدين مع النزلات المعويه والاسهال والقئ وماشابه ذلك .........وعايزه شرح بالتفصيل أصل بعيد عنكم انا معرفش أى حاجه فى البلد دى كان حمو بيعمل كل حاجه هو بصراحه كان بيحاول يعلمنى كنت بقوله البركه فيك ياحبيبى بس ماكنتش اعرف أنه هيسافر بدرى كدا الحمد الله

[dr-mohamed]

الله يرحمك يا محمد ياجمعة
انا لسوء حظي معرفتهوش لكن لما قرات خبر مرضه راجعت معظم مشاركاته فعلا ابن موت زي ما بنقول انسان ملاك مش بيزعل حد وكلامك عنه اكبر دليل على هو كان ايه الله يرحمه يودخله الجنة ان شاء الله
ربنا يبارك لك في مريم يا رب ولو احتاجتي اي حاجة كلنا هنا اخواتك وانا اخوكي الكبير واي حاجة اقدر اقدمها والله ما هتاخر فيها ابدا

ربنا يصبرك ويبارك في مريم يا رب قبلاتي لها

[alaa74]

أهلا وسهلا بيكى أختنا الكريمه أم مريم زوجه أخونا المرحوم محمد جمعه رحمه الله وأسكنه الله فسيح جناتة وبارك الله فيكى على حرصك على بقاء سيرة الغالى محمد دائما بيننا ومعنا .

وبارك الله لكى فى مريم وحفظها الله لكى من كل شر وسوء وانبتها الله نباتا حسنا وجعلها من حفظه القران .

وكما قلت لكى فى أحد المرات التى زرت فيها محمد رحمه الله عليه
فى المستشفى عندما طلبتى منى تقديم الشكر لكل أعضاء نايل موتورز .

يومها قلت لك محمد صاحب فضل علينا كلنا على الرغم من إن كتير منا ميعرفهوش وأنا كنت واحد منهم قبل ما أشوفه فى المستشفى .

لكن انا قلت لك هو صاحب فضل علينا والمفروض اننا نشكرة
لأنه صحى جوانا حاجات كتير حلوة
لأنه عرفنا قيمه نعم كتيرة معانا وللأسف مش حاسين بيها
لأنه عرفنا معنى إنك تواجه المرض بقوة وشجاعه وصبر ورضا
لأنه عرفنا إن لسه الخير جوانا وبيظهر فى الوقت المناسب
لأنه كان سبب إننا كتير منا هنا كأعضاء فى نايل موتورز نعرف بعض
لأنه عرفنى أنا شخصيا بناس محترمه جدا جدا وبخاصه صديقى العزيز
أ/هشام رمضان وأ/ سامح .

كل عام وحضرتك بخير انت وابنتنا مريم وان شاء الله دائما معكى ومعها وكلنا اخوانك واخواتك كنا ولا زلنا وسنبقى عائلتك وعونك متى طلبتى مساعدتنا .

بارك الله لكى فى مريم وحفظها وحفظك من كل شر وسوء

[miram]

اه بالمناسبه هى اسعار العربيات اى الايام دى اصل عرضنا عربيه حمو للبيع ومش معديه ال36الف رغم انى مش طالبه فيها كتير يعنى قولت اضعف الايمان 40 والناس حلفت ماحد يجى تانى العربيه اكيد عارفين كل حاجه عنها من حمو هى دايو 2000 وكل حاجه فيها جديده حمو غيرها مثل الضفيره والبطاريه وحاجات كتير .............ايه رأيكم 36سعر مناسب