الاسكان العائلى مدينة الشروق

[mr_safwt]

السلام عليكم ورحمة الله وبركاتة
يا جماعة كنت لقيت اعلان شقة فى الشروق 95 متر فى الاسكان العائلى الشروق
استلام بعد 6 شهو ب135 الف ادفع النص والنص على 5 سنين
والكلام اللى بيتقال ان مداخل العمارة رخام وواجهات فاخرة
بس اللى عايزة اعرفة الاسكان العائلى دة مستواة كويس ولالا
ولو حد عندة صور للمكان
وهل المنطقة صحراء ولا فيها ناس

[mr_safwt]

محدش عندة فكرة عن المنطقة دية

[abou-yahia]

معلش ديه تبع ايه بنك اتعمير والاسكان ولا مقاول خاص وفي منطقه ايه في الشروق انهي مدخل .
وشكرا

[hobyana47]

ط§ظ„ظ…طµط±ظ‰ ط§ظ„ظٹظˆظ…
«الشروق».. مدينة القصور الفاخرة ..والبلوكات الشعبية أيضاً

كتب وفاء يحيى ٥/ ٩/ ٢٠١٠الشروق منطقة سكنية خدمية تعليمية لا تحتوى على مناطق صناعية

عندما تتجول فى أحد المعارض العقارية، وتشاهد الماكيتات الخاصة بعقارات المدن الجديدة، تشعر للوهلة الأولى وكأنك ترى قطعة من الجنة، حيث التنسيق الحضارى للمبانى، والسكن المتجانس، وتشعر عيناك براحة كبيرة لرؤية المساحات الخضراء الشاسعة، ومدى تباعد المسافات بين العقارات وبعضها بما يحقق خصوصية عالية لسكانها، وهو الأمر المفتقد بشدة فى القاهرة المزدحمة، بالإضافة إلى وجود مدن متكاملة لا ينقصها شيئاً، إذ تضم مراكز تسوق عالمية، ومدارس دولية، وجامعات متميزة، ووسائل مواصلات داخلية وخارجية، ودور سينما، ومطاعم، ومراكز ترفيهية مكتملة،
لكن فجأة، تفوق من حلمك الرائع على واقع مرير، فعندما تقرر الحياة فى أحد المنتجعات السكنية الحالمة، وتدفع أموالك للفوز بمساحة فى هذه الجنة، تصاب بخيبة أمل شديدة عند تسلم وحدتك، التى يمكن أن تكون وسط صحراء حارة لا تحوى من المساحات الخضراء سوى القليل، وبعض المحال التجارية المتواضعة تحت مسمى «مول»، هذا بالإضافة إلى عشوائية التخطيط، حيث ترى القصر المنيف، فى مواجهة عمارة يحيط بها عدد كبير من البلوكات المشققة المتهالكة، والتى تشعر وكأن بناءها تم فى الثمانينيات، وليس منذ بضع سنوات فقط هى عمر المدينة.

وده رد من ردود القراء
القصور الفاخرة ..والبلوكات الشعبية تعليقواحد قرفان تـاريخ٥/٩/٢٠١٠ ٤٧:٩
انا واحد من سكان هذة البلوكات الشعبيه اللى كنت واخدها على انها قطعه من الجنه زى ما قلت فى مقالك .. لكن الواقع المرير انها بلوكات سيئة جدا فى التنفيذ وفى الخدمات بعد التنفيذ .. المشكله الاكبر من كده واللى بعانى منها ان مثل هذة العمائر او البلوكات بتكون مغريه لاستقبال فئة من الناس اعوذ بالله العلى العظيم من مجاورتهم صنايعيع على عمال على ورشجية وستاتهم ما شاء الله حاجه قمة فى قلة الذوق ولا ولادهم عاملين زى الكلاب الضاله انا اسف فى تعبيرى حده لكنى ذقت من نارهم وكنت فاكر ان مستوى المكان هيكون افضل من كده زى ما وعدونا ... بجد انا اخدت درس عمرى ما هنساة فى ان الواحد يجري على اسكان حكومى تانى ... وربنا يتوب على من مثل هذة البلوكات

[mr_safwt]

معلش ديه تبع ايه بنك اتعمير والاسكان ولا مقاول خاص وفي منطقه ايه في الشروق انهي مدخل .
وشكرا

دية على طريق السويس كانت شركة عارضها للبيع فى عمارة تبع الشركة دية
وانا كنت بسئل على المنطقة دية كويسة ولالا
لان كل اللى اعرف عنها مكانها على الخريطة

[abou-yahia]

شكرا
بس مش حقدر افيدك عشان معلوماتي غير مفيده عن المنطقه ديه

[mmffor]

السعر كويس و الاسكان العائلي الخاص كويس ! بس اسكان الحكومه سيئ ما عدا اسكان الشباب و الشروق عامة مستقبلها روعه

[Miss_Pharma]

اللي اعرفه الاسكان العائلي الاراضي الخاصة ..
المنظقة مش عمرانة لحد دلوقتي .. كله لسه بيبني .. اغلب الفلل خالصة لكن في مرحلة التشطيب والطوب الاحمر ..
مشفتش حد ساكن هناك في المنطقة دي ..

بالنسبة بقى للعمارات دي يتهيألي شفتها وانا خارجة من بوابة السويس التانية .. هي صف اول على طريق السويس
عمارات كتير شبه بعض صف كده مترصصين .. شكلها من بره عادي .. معقول يعني
معرفش من جوه نظامها ايه .. بس اعتقد السعر ده كتير عليها
بس يتهيألي برضه مفيش حد ساكن وان كنت شفت بلكونة او 2 فيهم غسيل منشور :)

بس اظن والله اعلم انك ممكن تاخد دور في اي فيلا في المنطقة دي متوسط سعر المتر 1200 افضل من الشقق دي
وبرضه مقدرش افتي لاني مش متأكدة اذا كانت هي اللي اانا شفتها ولا لا ..

[M.ABDEEN]

لسه مش عمرانة قوي بس في ناس ساكنة وبالنسبة للاسعار ممكن يكون المتر مابين 1400 جنيه الى 1600 على حسب الواجهة
تدفع مقدم من 50 الف تقريبا والباقي اقساط من 4 الى 5 سنين
والاستلام في خلال برده من سنة الى سنة ونص وممكن تخشله من طريق السويس او الاسماعيلية وتحت امرك لان حاجز هناك تبع شركة

[aymanay32]

طب مين راح 6 اكتوبر وراح الشروق و يقولنا المقارنة بينهم

[alaasaid]

السلام عليكم .

لازم حضرتك تروح بنفسك و تشوف المكان عشان تقدر تاخد القرار صح و الشروق مدينة كويسة جدا و مستقبلها ممتاز خصوصا ان مترو بيفتح فرع دلوقتى و بعدها كارفور كمان

[mr_safwt]

السعر كويس و الاسكان العائلي الخاص كويس ! بس اسكان الحكومه سيئ ما عدا اسكان الشباب و الشروق عامة مستقبلها روعه

جزاك الله كل خير
وهو فعلا اسكان عائلى خاص

اللي اعرفه الاسكان العائلي الاراضي الخاصة ..
المنظقة مش عمرانة لحد دلوقتي .. كله لسه بيبني .. اغلب الفلل خالصة لكن في مرحلة التشطيب والطوب الاحمر ..
مشفتش حد ساكن هناك في المنطقة دي ..

بالنسبة بقى للعمارات دي يتهيألي شفتها وانا خارجة من بوابة السويس التانية .. هي صف اول على طريق السويس
عمارات كتير شبه بعض صف كده مترصصين .. شكلها من بره عادي .. معقول يعني
معرفش من جوه نظامها ايه .. بس اعتقد السعر ده كتير عليها
بس يتهيألي برضه مفيش حد ساكن وان كنت شفت بلكونة او 2 فيهم غسيل منشور :)

بس اظن والله اعلم انك ممكن تاخد دور في اي فيلا في المنطقة دي متوسط سعر المتر 1200 افضل من الشقق دي
وبرضه مقدرش افتي لاني مش متأكدة اذا كانت هي اللي اانا شفتها ولا لا ..

جزاك الله كل خير
الحقيقة انا مش فارقة معاى دلوقتى عمرانة اوى ولالا
لان تقريبا هسكن فيها ان شاء الله بعد 3 سنين تقريبا

لسه مش عمرانة قوي بس في ناس ساكنة وبالنسبة للاسعار ممكن يكون المتر مابين 1400 جنيه الى 1600 على حسب الواجهة
تدفع مقدم من 50 الف تقريبا والباقي اقساط من 4 الى 5 سنين
والاستلام في خلال برده من سنة الى سنة ونص وممكن تخشله من طريق السويس او الاسماعيلية وتحت امرك لان حاجز هناك تبع شركة

جزاك الله كل خير
طب المساحات المتوفرة على الواجهة بتكون فى حدود اد اية
اصل انا عايز فى حدود 90 متر -100 متر وعرفت انى مش هلاقى المساحات الصغيرة دية غير فى الاسكان العائلى
وهل فى شغل سابق للشركة دية عشان نقدر نحكم على شغلهم

طب مين راح 6 اكتوبر وراح الشروق و يقولنا المقارنة بينهم

انا بروح اكتوبر لان اختى ساكنة هناك والشروق رحتها من مدة كبيرة
بس الشروق افضل من حيث التنظيم والمساحات الخضراء
6 اكتوبر مناطق ومناطق بس بحس ان 6 اكتوبر ملخبطة ومش منظمة
والحقيقة الفاصل فى الحكاية دية الشغل يعنى لو شغلك ناحية المهندسين والجيزة يبقى 6 اكتوبر
ولو شغلك ناحية مدينة نصر ومصر الجديدة يبقى الشروق

[mr_safwt]

السلام عليكم .

لازم حضرتك تروح بنفسك و تشوف المكان عشان تقدر تاخد القرار صح و الشروق مدينة كويسة جدا و مستقبلها ممتاز خصوصا ان مترو بيفتح فرع دلوقتى و بعدها كارفور كمان

وعليكم السلام
باذن الله بعد العيد هنزل واشوف بنفسى انا بقيت اسمع كتير عن الشروق وانا ما راحتهاش غير مرة واحدة
وكنت عند المنطقة اللى عند الجهاز
ولاحظت ان فى مساكن كتير ومع ذلك كانت منظمة جدا والمناطق الخضراء فيها كتير

[alaasaid]

بالتوفيق ان شاء الله و ربنا يكرمك بشقة كويسة بأذن الله

[M.ABDEEN]

استاذ صفوت المساحات الصغيرة دي في العائلي بس وفي الشباب
وبالنسبة للشركة اللي انا حاجز معاها طبعا شغلها كويس وليها اعمال سابقة وموجودة جانبي في التجمع الخامس اما في الشروق مسالتيش بصراحة