مشكلة مش لاقلها حل فى موتور مياة

[shady_hamdy]

المتور نوعة كالبيدا 1.5 حصان بقالة سنة تقريبا من شهر المياة بدات تيجى بضغظ هواء جامد جدا كل لما افتح الحنفية المياة بتنزل بضغظ هواء شديد لدرجة ان المياة بتنزل بفرقعة و بطريقة غير منتظمة ا حد قلى يبقى السيكس بلف الى قبل المتور بايظ فا المتور بيسحب هواء مع المياة غيرتوا و لسا نفس المشكلة هل ممكن تكون المشكلة ان فية تسرب فى خط السحب فبيسحب هواء مع المياة و لا تسريب بعد المتور ياريت مساعدة

[ahmadyusuf]

ساعات فعلا الشركه هى الل بتضغط هوا مع المياه فى المواسير علشان تزود ضغط المياه و الحل من وجهه نظرى انه حضرتك تركب خزان فوق السطح و الموتور يملا الخزان و حضرتك تاخد من الخزان

[mesaharaty]

إسمع الحل يا سيدى
نفس المشكلة حصلت معايا ونكدت عليا جامد وكان الحل كالآتى :
1- أحضر جركن مياه به ماء حوالى 3 لتر مثلا .
2- قم بفك البالونة .
3- فرغ الماء فى الزور الواصل ما بين البالونة والموتور (يعنى الماء يدخل فى خزنة الموتور) لغاية لما الماء يفيض حاجة بسيطة كدة .
4- اربط البالونة مرة تانية .
5- شغل الموتور حتلاقى الميه طالعة من غير بخبخة ولا هواء .

شرط نجاح العملية إن الميه عموما ما تكونش مقطوعة من المنطقة يعنى فيه ميع بس مش واصلة لك .
تشخيص الحالة : الموتور خد هوا (سمعتها كده والله)

وبالتوفيق

[shady_hamdy]

إسمع الحل يا سيدى
نفس المشكلة حصلت معايا ونكدت عليا جامد وكان الحل كالآتى :
1- أحضر جركن مياه به ماء حوالى 3 لتر مثلا .
2- قم بفك البالونة .
3- فرغ الماء فى الزور الواصل ما بين البالونة والموتور (يعنى الماء يدخل فى خزنة الموتور) لغاية لما الماء يفيض حاجة بسيطة كدة .
4- اربط البالونة مرة تانية .
5- شغل الموتور حتلاقى الميه طالعة من غير بخبخة ولا هواء .

شرط نجاح العملية إن الميه عموما ما تكونش مقطوعة من المنطقة يعنى فيه ميع بس مش واصلة لك .
تشخيص الحالة : الموتور خد هوا (سمعتها كده والله)

وبالتوفيق

يعنى معنى كدا ان كل المياة لما تقطع انزل اعمل كدا يس لية المشكلة دة مكنتش بتحصل قبل كدا

[ahmed-moga]

مشكلتك نفس مشكلتي بالظبط لدرجة اول مره بفتح الحنفيه احس انها انفجرت فيه وطبعا مش ببقي مدي

خوانه والاقي نفسي اتخضيت وكمان اتغرقت ميه ومحدش يفهمني غلط ههههههه من الحنفيه طبعا

والسباك قالي ده هواء زياده في الماتور وان شاء الله يوم السبت هيجي يصلحه واقولك علي المشكله حلها ايه ان شاء الله

[Mzeid]

الموتور خد هوا يعني تسرب هواء داخل المضخة في حين أنه من غير المفترض انه يكون موجود لأن دي مضخة مياه
و دة بسبب أن فيه حاجة في الوصلات مهوية شوية و عايزة تتربط أو لو خط السحب نفسه فيه هواء

[omaroof]

اخى الكريم اسباب دخول هواء فى المواسير هى
1- الصمام المانع لرجوع الماء بيهرب وده انته غيرته
2- البالونه زى ما احد الاخوه قال فيها هواء فعمل اللى الاخ قال عليه
3- الماسوره الرئيسيه اللى بيسحب منها الموتور فيها هوا وده انته مالكش علاقه بيها لانها بتكون من البلديه
احرص دائما على فتح الحنفيه قليلا حتى يخرج الهواء بدون فرقعه

[هاني غازي]

انا عندي الموضوع بيتكرر والمياه بتقطع والاقي اننا الوحيد اللي المياه مش عتده ولازم انزل وافك البالونة واحط مياه وبعد كده اشغل الماتور . هل الموضوع ده له حل عندكم انا مش عارف اعمل ايه ومهم اعرف ولا اغير الماتور علشان نوعه صيني

[هاني غازي]

ارجوكم عاوز حل واحنا كمان في صيام والنور عندي بيقطع كتير . عاوز اعر
ف تكرر عدم طلوع المياه والماتور يشتغل علي الفاضي دي ايه وكمان اني احضر للماتور مياه كل مرة

[HeMa_LanCeR]

لما بيحصا عندي كده بزود ضغط الموتور فا بيمنع
يعني لو بيفصل عند 7 اخلية يفصل عند 10