استفسار بخصوص التكييف

[medo_2060]

السلام عليكم ورحمه الله وبركاته
فى البدايه كل سنه وانتم جميعا بخير.....

كنت عايز اجيب تكييف للشقه بس انا بستفسر عشان مبدئيا هنجيب جهاز واحد فى البيت فالمشكله هيبقى فى اوضه واحده ومش هيتنقل...
فجه فى دماغى التكييف العمودى (عامل زى الثلاجه الصغيره ) لانه مش محتاج تثبيت وسؤالى هل التكييف دا بنفس كفائه السبليت والشباك....
وهل ممكن تحريكه من غرفه للتانيه عادى ولا لازم يتثبت فى مكان واحد....
فى النهايه لو حد من مستخدميه ياريت يقولنا مميزاته عيوبه وسعره كام
وشكرا مقدما للجميع

[medo666]

اسمه مبرد وليس مكيف
وكفأته مش قوي وغير مغني عن التكييف

[medo_2060]

اسمه مبرد وليس مكيف
وكفأته مش قوي وغير مغني عن التكييف

شكرا لاهتمامك ولو ممكن توضحلنا ميغنيش عن التكييف ليه مع انى بلاحظ ان سعره اعلى وكمان عشان ميكونش فى لخبطه انا مش بتكلم عن الى بيتحطله ميه و الى اسمه الصحراوى انا بتكلم عن العادى الى منه ماركات زى كاريير كدا

انا بعتذر لاداره المنتدى عشان الموضوع فى المنتدى العام انا كنت هعمله فى الاجتماعى بس حصل غلط.. لو هيتنقل طبعا انا معنديش مانع

[Mahmoud Mosaad]

شكرا لاهتمامك ولو ممكن توضحلنا ميغنيش عن التكييف ليه مع انى بلاحظ ان سعره اعلى وكمان عشان ميكونش فى لخبطه انا مش بتكلم عن الى بيتحطله ميه و الى اسمه الصحراوى انا بتكلم عن العادى الى منه ماركات زى كاريير كدا

اعتقد انت قصدك على فري ستاند وده زيه زي الاسبليت

بيبقى ليه وحدة خارجية وبيكون ثابت

[medo_2060]

اعتقد انت قصدك على فري ستاند وده زيه زي الاسبليت

بيبقى ليه وحدة خارجية وبيكون ثابت

الى انا قصدى عليه زى الى فى الصوره دى
بس حضرتك بتقول بيكون ثابت كل الانواع كدا ولا فى نوع ممكن نحركه
[aldl]http://mgeorgeyous-sd.com/TFD-025.jpg[/aldl]

[medo_2060]

ايه يا جماعه محدش مجربه ويقولنا نظامه ايه او يعرف معلومات اكتر عنه؟

[m7nsh]

والله يا ميدو سؤالك عن نوعيه المكيفات دى فى الجون .. انا فعلا مهتم بالنوع ده و حابب اعرف ايه نظامه
متابع معاك

[hugan]

ثابت يا باشا وغير متحرك
وبيكون ليه نفس الكباس بتاع الاسبليت

[fady.bekatcho]

حضرتك المكيف دا بيكون للمساحات الكبيرة على ما افتكر

لان لسة اعرف ناس جايبينة

هو على ما افتكر حاجة كبيرة 5 او 6 حصان كدة

هما ماشاء الله لسة جايبين بضاعة ب200 الف جنية منة علشان يكيفوا مكان زى مبنى بس كبير

[medo_2060]

ثابت يا باشا وغير متحرك
وبيكون ليه نفس الكباس بتاع الاسبليت

حضرتك المكيف دا بيكون للمساحات الكبيرة على ما افتكر

لان لسة اعرف ناس جايبينة

هو على ما افتكر حاجة كبيرة 5 او 6 حصان كدة

هما ماشاء الله لسة جايبين بضاعة ب200 الف جنية منة علشان يكيفوا مكان زى مبنى بس كبير

الف شكر يا جماعه لاهتمامكم... انا عارف انه قوته الحصانيه اعلى بس انا شوفته اكتر من مره فى محلات ومطاعم جهاز واحد بس فى دور مثلا او غرفه كبيره والغرض من سؤالى عنه انى كنت عايز اعرف لو بيتحرك من مكان لمكان لان لو كدا يبقى حلو اوى حتى لو سعره غالى لانك اى مكان هتعد فيه فى الشقه هتاخده معاك بس واضح انه مش كدا
شكرا لمشاركات الاخوه وياريت اى حد عنده معلومات تانيه ميبخلش علينا
وكل سنه وانتم طيبين

[abo_hosni]

هو ممكن يتحرك في الحدود اللي تسمح بيها الخراطيم الموصلة بينه و بين الكومبريسور و سلك الكهرباء، يعني قول بتاع 10-20 سم
يعني في الأول و الآخر هو ثابت مش بيتحرك

[DreAmO]

انا بشوف اعلانات لحاجة اسمها التكييف المحمول .. وبيعمل بالفريون .. ويتنقل لاي مكان وبعجل

هو شبه التكييف اللي بيتحطله ميه ( الصحراوي )

لكن دة بالفريون .. فمش عارف ازاي له كباس خارجي .. وازاي يبقى متحرك ( حاجة تلغبط )

[medo_2060]

تمام يا رجاله كلامكم
انا لقيت اعلان بيتكلم عن التكييف الى قصدى عليه بالضبط
دى مواصفاته
تكيف محمول متنقل بعجل لجميع غرف الشقة والمصايف والرحلات يعمل بالفريون قدرة 1.75 حصان(حصانين الا ربع) بارد-ساخن, كباس توشيبا ياباني, يعمل على فيش الكهرباء العادية بدون تكسير أو تجهيزات وموفر في استهلاك الكهرباء. يغطى مساحه 20متر وأقصى درجة تبريد تصل الى 17 درجة مئويه وإرتفاعه 90 × 45 × 45 بضمان 5 سنوات على الجهاز وثلاثة سنوات على الكمبرسور.

السعر مش مكتوب.. بس مبدئيا هو دا التكييف الى قصدى عليه ياريت لو حد جربه او عنده اى معلومات عنه يقولنا لانه لو كويس فعلا هيوفر كتير جدا وكفايه انك هتنقله معاك فى اى غرفه فى الشقه

[fady.bekatcho]

هو فعلا مش بيتحرك وثابت

بس على فكرة سعرة عالى اوى

لان على حسب الحسبة الى عرفتها

انهم جايبنين 16 واحد بحوالى 200 الف جنية

يعنى ببساطعة الواحد يعديلة ال10000 جنية

تجيبة بيهم 3 تكيفيات يعنى

[pro_samir]

اتفضل

http://www.nilemotors.net/Nile/155926-a.html