Tweet
محتار وقولت اخد رأيكوا يا أجمل اخوات(مشكلة كل الشباب)
بسم الله الرحمن الرحيم
انا بجد احترت اوى انا بقالى سنة بدور على شقة وللأسف كل اللى بلاقيه يا اما سعره مبالغ فيه اوى او سعرو يخض اوى من كتر ما هوا رخيص.gif "Majd(4)")
يعنى مثلاً شوفت شقة فى مدينة قباء 165 متر ويقولى السعر لو جاهز اخلصهالك 100 الف اتخضيت وطلبت ورق العمارة لقيتو ورق صحة توقيع موش عقد بيع دا غير ان العمارة ولا شقة فيها متباعة وطبعا قلقت اكتر
دورت فى كل مكان وكل مرة الاقى حاجة تطلعلى توقف الدنيا اما الاقى الشقة صغيرة اوى و يقولى 110 متر وهيا كبيرها 70 متر او تروح وتلاقيها كويسة و المساحة حلوة بس فى وشك 80 شقة بينك وبينهم كام متر يعنى لو عطست فى اوضة نومك هتلاقى جارك بيقولك يرحمكوم الله
انا شوفت فى عين شمس و ورا حديقة بدر وفيصل والهرم والمنيب وامبابة والقاهرة الجديدة بس خلاص تعبت
يا ريت يا جماعة حد فاهم كدة يوضحلنا ازاى نشترى شقة صح و ايه الاوراق المطلوبة و ازاى اطمن انى موش هرمى فلوسى فى الهوا
انا معايا 60 الف نفسى ادفهم مقدم حاجة عدلة و اقسط الباقى يكونو 40 مثلاً والشقة تكون فى حدود 100 متر
دنا والله لقيت شقة وعجبتنى 100 متر ب 100 الف قولت هايل
وقابلت صاحب العمارة عندو شركة تسويق عقارى لقيتوا راجل تقى وجميل كدة
قلتلو هدفع 60 و اديك 40 على سنتين قالى لأ دا سعرها كاش فقولت مفيش مشكلة و انو مش بيقسط
قلتلو هعمل تمويل عقارى ا اكيشلك تمن الشقة قالى لا متعملش مع بنوك وحرام
قلتلو طب ما انتا هتاخود فلوسك و موش ليك دعوة قالى لأ
قلتلو طب قسطلى انتا قالى ساعتها لو هقسطلك على سنيتين هيبقا سعرها 120 الف ضحكت وقلتلوا ليه
قالى ما الكاش غير القسط ولازم ازود نسبة علشان موش يحصل اهلاك لراس المال والكلام الكبير دا
رديت عليه وقلتلوا يعنى هتزود عليا 20 الف فى سنتين علشان تقسطلى 40 الف؟؟؟؟؟؟؟؟
قالى ايوا لازم و الا هاجى الاقى فلوسى بتقل
قولت فى سرى البنك أرحم وسبتو ومشيت
انا طالب منكو يا جماعة خدمة بسيطة بس
لو حد عندو خبرة فى عملية شراء الشقق يقولنا
وياريت لو فى حد من اخوتنا الكرام محامى يقولنا نضمن حقنا ازاى ونتأكد ان الشقق او العمارة موش عليها مشاكل
تالت حاجة اللى يعرف مكان كويس و حنين يعرفنا ويقولنا يمكن يكون السبب فى فك أزمة حد
وربنا يقدرنا جميعا لفعل الخير
.gif "Ma(36)")
Comment