عيد ميلاد المنتدى والمقابلة الاستثنائية

[eng_mkhalaf]

انت بتتكلم بجد يا هندسه و لا بتهزر؟؟
لو بتهزر و مش حتجيب المفتاح قول بدل ما نعمل حسابنا عليه و نروح نحتاس و يبقي مقلب محترم :)

بهزر أية يا عم - هوة الكلام دة هزار - أنا بقول المقابلة بتاعت اميجو عندى فى الشالية لأى حد عايز وفى بيات كمان لأى حد من الأخوة الكرام والشالية فية كل حاجة من الأثاث وغيرة أنا عايش فية والحكومة بتيجى تعيش فية معايا لما يكون الجو حلو ومش برد أو حر جامد

[eng_mkhalaf]

يا جماعة دة شرف ليا أن الأحتفال بالسنة الأولى للمنتدى عندى فى الشالية - المهم شوفوا انتم العدد قد إية إللى جاى عشان لو كتير ممكن نظبط شالية تانى علشان كلة ياخد راحتة وإللى عايز ينام أو مبيحبش الزحمة
وومكن لو حد شاطر فى الأكل ممكن نطبخ بنفسنا ونفتكس إكل ونروش مع بعض

[Mustafa_Farouk]

whatever you will do, i want be with u because want to meet you alllllllll.
it will be my first time to meet you all.
let it be any friday cos it's a general off for any body.

[اسلام المصرى]

هى فكرة جميلة و تغيير أجمل , بس المشكلة بالنسبة لى الجمعة 4 أبريل هيكون صعب جدا جدا جدا هيكون على حساب حاجات تانيه......
مش عارف أقولكم أيه..... ربنا يقدم اللى فيه الخير.

[Nile_Storm]

انا دايس معاكو ان شاء الله بس انا مبحبش اجي وخلاص
شوفولي اي حاجه اعملها او اساهم معاكو فيهاااااااااااااااااااا

[Karim_Monir]

ايه بقي يابو جومانة
مستر محمد خلف تبرع بالشالية وكدة وفرنا ال 70 جنية كل فرد يا جماعة
مهندس محمد متشكرين جدا على كرمك بس انا عندي اقتراح افضل عشان ما يكونش في تقل وسخافة والكلام يبقى حلو في الخفيف خفيف
احنا هانروح وهانقضي اليوم كلة في الكافتيريا اللي في اللسان واللي عايز يغير هدومه بس عشان ينزل المية او كدة
لكن لا راحة ولا نوم احنا مش رايحين ننام
احنا رايحين نقضي يوم حلو على الشاطئ وكويس اهو لقيناك موفر مكان نحط فيه شنطنا وحاجتنا واللي عايز يغير او تواليت وخلاص
لكن مفيش قعاد في الشالية القعاد على البحر
واحنا اخر اليوم هانكون واخدين الطريق عشان نرجع في النور عشان ما بحبش اسوق في الضلمة
وكمان نتفق على العدد عشان نجيب تورتاية حلوة
وبالنسبة للاكل كل عضو قدامه طريقتين
الاولى اننا في الفطار هانعدي على الشبراوي او اللي بيحب ياكل جبن وكدة يفطر براحتة
وفي الغداء ممكن كل واحد يجيب غداه معاه وياما ياكله لوحدة او نعملها ديش بارتي بس في ناس هاتتظلم قوي
وممكن نبعت نجيب وجبات من كنتاكي وبيتزا هت لان ليهم فرع هناك جنب ستيلا على ما افتكر
لو في اي تفاصيل تانية ماشي
بس الميعاد بقي هايكون اول جمعة في ابريل يوم 4
او اخر جمعة في ابريل يوم 25 ابريل
يا ريت نتفق على كل التفاصيل بقي

[OsKaR]

معااااااااااااااااكووووووووووووواااااااااااااااااا ااااا بقلبي و روحي و عمري و جيبي

[eng_mkhalaf]

كريم باشا - الشالية تحت امر المنتدى وفية كل حاجة - تكييف ودش ومطبخ و3 سراير كبيرة للنوم وحمام وشمسية وكراسى بحر وقاعدة تراس تحفة تشوف منها البحر وريسبشن واسع وملحق بية مطبخ أمريكانى.
أنا من رائى الأكل ممكن نعملة طازة وسخن فى البيت وبأيدى الأعضاء يعنى نجيب سوسيس وهامبرجر وكقتة وكاتشب ومايونيز وبطاطس ونعملهم ومش هياخدو وقت وهيفروا علينا نضيع وقت نروح لبيتزا هات لأنة على بعد 15 كيلو يعنى ربع ساعة ولو كدة متشيلوشى هم الحاجات دية لأنها كدة كدة موجودة فى اليت :) أو ناكل من عند أبو على بتاع السمك قدام القرية وممكن أوصى على السمك من اليوم إللى قبلة ويجهزة.
تانى حاجة أنا أحتمال أسافر فى النص الأولانى من الشهر إبقى مسافر فيوم 25 كويس قوى وحتى يكون الجو بقى متظبط ونقدر ننزل البحر وتكون القرية مليت حبة لأنها دلوقتى هووووو خالص

[eng_mkhalaf]

أنا من رائى 25 أبريل أو 18 إللى انتم عايزينة هاكون موجود ان شاء الله والتحرك الساعة 9 من عند بوابات القطامية فى هناك باركينج محترم وواسع وأمان جدا وهنوصل الساعة 10:15 لأننا مش هنجرى وهنمشى على 120 أقصى حاجة. ونبداء نظبط حالنا لحد الصلاة وبعد الصلاة جزء يظبط الأكل وجزء ينزل البحر ويروش وبعد كدة نأكل ونتحرك الساعة 6:30 لو يوم 25 لأن الساعة هتعدل فى اليوم دة والمغرب هيبقى الساعة 7.30 أو لو يوم 18 نتحرك الساعة 5:30 لأن المغرب هيدن الساعة 6:30 وبكدة نرجع فى النوور بالسلامة بأذن الله ويبقى قضينا يوم جامد ومن أولة

[Sharky]

يا جماعة أنا موافق على أى جمعة فى إبريل
خلص بقى يا كريم الميعاد و شوف مين حيجى لإن لو فضلنا كده مش حنتفق خالص

[Mustafa_Farouk]

يا جماعة أنا موافق على أى جمعة فى إبريل
خلص بقى يا كريم الميعاد و شوف مين حيجى لإن لو فضلنا كده مش حنتفق خالص

Yes, that's a good point

[Akram]

انا إن شاء الله معاكم ,
و بالنسبة لموضوع الفطار زي ما كريم باشا قال من شبراوي أو أي مخبوزات خفيفة ,
و بالنسبة للغدا هتكون فكرة جامدة يا باشهندس اننا نعمل الغدا (خاصة لو كان أكل سريع) و السبب ان ده هيعمل مشاركة جميلة بين الاعضاء بس يا ريت حد يتبرع و يجيب كل المستلزمات من مجمدات و مخبوزات و خلافه (و طبعاً أبو قسم) ,
و بالنسبة لليوم مش هيفرق طالما يوم جمعة ان شاء الله أي يوم هنظبط نفسنا عليه و توقيت الذهاب و العودة تمام جداً ......

[حماده عزو]

يلا بينا يا رجاله بقا د أنا مجهز نفسى من دلوقتى
وكمان مظبط أصحابى معايا
يعنى أنشاء الله يوم جامد بس يلا بقاااااااااااااااااااااااااااااااااااااااااااااااا ااا

[Mustafa_Farouk]

Km 67 Suez Zaafaran Rd .
El Ain El Sokhna, El Ain El Sokhna

Tel: 062 3290850 - 062 3290851 - 062 3290852
this is Mina Oasis
Stella Di Mare Resort

Ramada El Sokhna

Km 140, Cairo Hurghada Rd.
El Ain El Sokhna, El Ain El Sokhna
Tel: 062 3290500 - 062 3290501 - 062 3290502 - 062 3290507 - 062 3290506 - 062 3290505 - 062 3290504 - 062 3290503
in case you need to ask for more hotels in Al Sokhna

[Mustafa_Farouk]

Stella Di Mare Resort

Km 46 Suez Hurghada Rd.
El Ain El Sokhna, El Ain El Sokhna
Tel: 062 3250100 - 010 1774790 - 010 1774791