محتاج دعواتكم لحد يوم السبت

[alaaali1980]

الف سلامة عليك وشفاك الله وعفاك وإن شاء الله تطلع حاجة بسيطة

[yoko]

شكرا لكل الناس الي ردت ومعلش المشاركات كتير فمردتش على كل واحده لوحدها

سلامتك يا يوكو و بعدين باب النجار مخلع يا باشا على رابطة التمبرا اخونا و حبيبنا الدكتور ضياء يوسف هو دكتور عظام فى مستشفى معهد ناصر و والله يا يوكو هو شاطر لة فى الماتير و العربيات و الطب طبعا راسلة على موضوعة هو عامل عيادة هنا فى المنتدى و بصراحة هو صديقى فمين يشهد للعروسة غير ........ موتورها ههههههههه أسمة على المنتدى caysersosaih

أستاذ هشام هدحكك أكتر إن بابا أصلا دكتور وعنده ديسك من مده

الف سلامه عليك يا يوكو
بص
كان واحد صاحبي عنده نفس الموضوع ولف علي الدكاتره واتفرم علاج طبيعي
واخدله بتاع 1000 حقنه
وواحد قاله علي ناس بتعالج الموضوع ده لوجه الله
بطريقه من طرق الطب الشعبي
راحله مره ورجع من عنده زي الفل
لو تحب ابقي اشوفلك العنوان فين
بس الموضوع حيحتاج سفر جوه مصر
لان الراجل اللي بيروحله بياخد 5 حالات رجاله في اليوم و5 ستات
وطريقه العلاج بدائيه عن طريق حته خشبه
بيفرد بيها الفقرات
وعلي فكره الي راح راجل محترم جدا وكلامه انا اثق فيه

الله يسلمك يا شنوري ولما نشوف الmri هيطلع فيه إيه (الدكتور بيقولي ممكن تكون العضلات هيا الي عاملة الضغط ده وتفك بعد مده)

شفاك الله وعافاك يا أحمد
لا بأس طهور إن شاء الله



فعلا يا شنوري الراجل ده فعلا مكانه في محافظة المنوفية منطقة اسمها سنتريس-قرية ابو شعرة وبيشتغل هو واولادة في الموضوع ده وبياخذ ثمن بسيط في الجلسة ولكل مريض حوالي 5 جلسات وممكن اقل وبيعالج بالطرق البدائية فعلا (بالخشبة).
انا لما قرأت ردك كلمت واحد زميل لينا في العمل بيروح له كثير بيعرض علية حالات اصحابه واقاربه وفي ناس غير مصريين بيستغلوا وجودهم في مصر وبيروحوا له.
مواعيد عملة في الأيام العادية من 7ص - 3 عصرا وممكن يستقبل اكر من 30 حالة في اليوم والناس بتروح بدري تحجز.
وكثير من الناس بتشكر فيه جدا وربنا يبارك فيه.
هو راجل محترم ونحسبه على خير وهو مش طبيب لكنه كان يعمل في جنوب إفريقيا واتعلم الموضوع ده من زمان وعلم اولاده ودخلهم علاج طبيعي .


انا نقلت الكلام ده للإفادة من واحد بيتعامل معاه وبالمناسبة الراجل المعالج ده (لأنه مش طبيب) اسمه محمود كمال.

إن شاء الله محتجلوش بس ممكن أبعتله العيله كلها

الف سلامة عليك شفاك الله وعفاك من كل سوء يا احمد
معافى ان شاء الله
طلع صدقة بنيه الشفاء وان شاء الله خير

إن شاء الله يا كريم

الف سلامة عليك شفاك الله وعفاك علي فكرة لا ترهق نفسك في الفكر والدي كان تعبان بظهرة جداااا وكتب له عملية علشان الغضروف وسمعت من ناس عن واحد اسمة ابو عصايه انه بيعالج الظهر بعصايه صغيرة الاول اخدت الموضوع ضحك وهزار لاكن من اكتر من واحد عرفت انه ناس من كبار الدوله بتروح عنده وانه بيستعدل العمود الفقري باسلوب فني هو عارفة المهم قلت اخد ابويا لانه سال عن العمليه اكتر من واحد وعرف انه مش بتنجح اوووي وممكن يرجع تاني رحت للراجل وجلست انا وولدي عنده لقيت ليه اخبار كتير بالجرائد والمجلات ومشاهير كانت بتروحله المهم دخلنا وعمل جلسه لولدي وسمعت اصوات رهيبة من ظهرة باستخدام العصاية الصغيرة بالضغط علي الفقرات صراحة خفت جدااا لدرجة اني قلقت علي ابويا جدااا بس قام الحمد لله قاله اسبوع وارجع تاني رحناله وعمل نفس الجلسه والحمد لله رب العالمين بقاله اه بتاع 6 شهور مفيش اي شكوي من ظهرة نهائي والفضل يرجع لربنا قبل الراجل طبعا لان ربنا هو الي منحه الموهبة ده اسف اني طولت عليكم بس ان كنت مش مصدق لحد ما شوفت بنفسي

شكرا وفعلا شكله راجل كويس

ألف سلامه عليك يا استاذ يوكو..

للاسف الام العظام وبخاصه الظهر بقت بتظهر بصوره كبيره بين الشباب..

انا كمان لسه راجع امبارح من عند الدكتور لنفس السبب وطلب اشاعه عملتها ولسه هروحله بيها النهارده ان شاء الله علشان التشخيص والعلاج لكنه نصحني مبدأيا اني ما اقعدش اكتر من نص ساعه وبعدها لازم اقف او اتمشي دقيقتين..

الحمد لله وأنا المشكله إني لما بدرب بتيناج أوقات العيال بتقع وبضطر أشلهم (في منهم ما شاء الله extremely obese مش obese بس)

[Mustafa_Farouk]

شفاك الله و عافاك و حفظك من كل سوء و اذهب عنك البلاء و اعادك الينا سالما

[زينة الله]

الف سلامة وعافية ليك
و إن شاء الله حاجة بسيطة
وابقى طمنا عليك

[ahablass]

سلامتك ياباشا الف سلامة و ان شاء الله بسيطة

[John_Samy_1]

سلمتك ألف سلامة, إن شاء الله تكون حاجة بسيطة. ربنا معاك.
بس بلاش يا Yoko عمليات منغير ماتشوف دكتور واتنين وتلاتة. علاج طبيعي وتمرينات للصبح قشطة, بس عملية في العمد الفقري لازم تتأكد كويس من الدكتور ويكون شاطر وتكون سألت دكتور واتنين ويجمعوا على موضوع العملية.

ألف سلامة ليك مرة تانية يا بطل.

[blackknight]

10000 سلامة عليك يا yoko و ان شاء الله خير

[M7amD_7amDy]

سلامتك يايوكو ألف سلامة

وإن شاء الله بسيطة وهتخف وتبقى زى الحصان :))

[sara2001]

الف سلامه عليك شفاك الله وعافاك
بإذن الله تطلع حاجه بسيطه

[yoko]

الله يسلمكم كلكم

سلمتك ألف سلامة, إن شاء الله تكون حاجة بسيطة. ربنا معاك.
بس بلاش يا yoko عمليات منغير ماتشوف دكتور واتنين وتلاتة. علاج طبيعي وتمرينات للصبح قشطة, بس عملية في العمد الفقري لازم تتأكد كويس من الدكتور ويكون شاطر وتكون سألت دكتور واتنين ويجمعوا على موضوع العملية.

ألف سلامة ليك مرة تانية يا بطل.

وإن شاء الله متوصلش لعمليه ومتخفش أنا بابا دكتور أصلا فهو لو مش مطمن مش هيرضى (وعشان كده إستنيت لما أسافر)

[heshamzaky]

الله يسلمكم كلكم

وإن شاء الله متوصلش لعمليه ومتخفش أنا بابا دكتور أصلا فهو لو مش مطمن مش هيرضى (وعشان كده إستنيت لما أسافر)

يبقى كدة براءة و باب النجار شديد يا باشا ههههههههههههههههههههههههههه و شكرا على الرد السريع

[nahsawy]

اللهم رب الناس اذهب الباس
اشف انت الشافي لاشفاء الا شفاؤك شفاء لايغادر سقماً

اللهم اشفه بشفائك .. وداوه بدوائك .. وعافه بمعافاتك ..

واصرف عنه شر بلاءك .. وادم عليه من وافر نعمك ..

واستجب دعاؤنا واشفه وعافه مما ابتليته ..

برحمتك يا ارحم الراحمين .. يا رب العالمين .. يا رجاء السائلين ..

[yascro]

شفاك الله و عافاك و حفظك من كل سوء و اذهب عنك البلاء

[ganash]

ربنا يشفيك بسيطه ان شاء الله

[NoRmAl]

سلمتك يا أحمد ألف سلامه وبإذن الله تكون بسيطه يا باشا وترجع تقطع الملاعب :)