توثيق شهادات التخرج بالخارجيه المصريه

[esam_comm]

السلام عليكم اخواني الاعزاء
الموضوع باختصار اني بشتغل في قطر وطلبوا مني علشان التجديد شهاده التخرج تكون موثقه من وزاره الخارجيه بالله عليكم اللي يعرف الخطوات يشرحهالي بالتفصيل لاني هابلغ زوجتي في مصر تعملهالي وتبعتها وهل لازم ختم من الجامعه علي الشهاده قبل التوثيق ولا لاء وهل لازم تتختم من سفره قطر في مصر
ارجو سرعه الردود للاهميه وكل عام وانتم بخيرررر رمضان كريم
ارجو سرعه الرد

[esam_comm]

ياجماعه مساعده لوجه الله ده احنا في رمضان

[the-hero]

شوف ياسيدى الاول بتروح بالشهادة الجامعة اللى متخرج منها وتوثقها ويعتمدها من مكتب الخرجيين ب 10 ج تقريبا الشهادة الواحدة
وبعدين تروح اقرب مكتب لوزارة الخارجية بيوثق الشهادة بختم وزارة الخارجية تقريبا ب 50 ج مش فاكر بالظبط
بعد كدا تروح الملحقية الثقافية شؤون التصديقات بالسفارة تعتمد وتصدق ختم وزارة الخارجية المصرية ب 150 ج
وبس

[mohamed_selim]

اسأل فى السفاره عندك و هم يقولولك بالظبط
و لو هنا فى مصر خلى زوجتك تسأل فى الخارجيه فى ماسبيرو على الكورنيش

[MASERATI]

السلام عليكم اخواني الاعزاء
الموضوع باختصار اني بشتغل في قطر وطلبوا مني علشان التجديد شهاده التخرج تكون موثقه من وزاره الخارجيه بالله عليكم اللي يعرف الخطوات يشرحهالي بالتفصيل لاني هابلغ زوجتي في مصر تعملهالي وتبعتها وهل لازم ختم من الجامعه علي الشهاده قبل التوثيق ولا لاء وهل لازم تتختم من سفره قطر في مصر
ارجو سرعه الردود للاهميه وكل عام وانتم بخيرررر رمضان كريم
ارجو سرعه الرد

السلام عليكم و رحمة الله و بركاته

كل عام و أنت طيب

أنا هقولك اللى بيحصل عندنا فى المنصورة فى الجامعة و أكيد هتلاقى فى الجامعة اللى أنت تبعها بيحصل نفس الخطوات:

1 - هتروح تطلع الشهادات اللى أنت عاوزها كلها من الكلية بتاعتك و أكيد هتبقى مختومة .

2 - هتاخد كل الشهادات دى و تروح على ادارة الجامعة بتاعتك و تختم الشهادات دى من هناك و تعتمدها .

3 - بعد كده هتاخد الشهادات دى و تروح أقرب مكتب لوزارة الخارجية و تعتمدها , المستند ب 11 جنيه ان ماكانشى غلى زى ما كل حاجة فى بلدنا الحلوة اللى زى السكر دى بتغلى .

فى جميع خطواتك لازم تراعى نقطتين :

1 - أننا فى رمضان و الموظفين أول مابيروحوا الشغل بيرجعوا عالطول على بيوتهم .

2 - أن الأختام أول مابتتحط على الشهادات بتبقى لسه مانشفتش و عشان الشهادات اللى هتطلعها , ما تتلغمطش , خد بالك كويس .

و أنت لو كنت من المنصورة و من كلية الطب , كنت خلصتلك الحوار ده كله بنفسى .

مرسيسدس اس 550

[esam_comm]

شكرا ياجماعه علي الردود والمساعده بس هو في حاجه
الشهادات اللي هي شهاده مؤقته لازم تروح الجامعه تتختم تاني ولا الاختام اللي عليها كفايه وزوجتي تطلع بيها علي وزاره الخارجيه علي طول ولا لازم تختمها من الجامعه
وشكرا

[esam_comm]

السلام عليكم و رحمة الله و بركاته

كل عام و أنت طيب

أنا هقولك اللى بيحصل عندنا فى المنصورة فى الجامعة و أكيد هتلاقى فى الجامعة اللى أنت تبعها بيحصل نفس الخطوات:

1 - هتروح تطلع الشهادات اللى أنت عاوزها كلها من الكلية بتاعتك و أكيد هتبقى مختومة .

2 - هتاخد كل الشهادات دى و تروح على ادارة الجامعة بتاعتك و تختم الشهادات دى من هناك و تعتمدها .

3 - بعد كده هتاخد الشهادات دى و تروح أقرب مكتب لوزارة الخارجية و تعتمدها , المستند ب 11 جنيه ان ماكانشى غلى زى ما كل حاجة فى بلدنا الحلوة اللى زى السكر دى بتغلى .

فى جميع خطواتك لازم تراعى نقطتين :

1 - أننا فى رمضان و الموظفين أول مابيروحوا الشغل بيرجعوا عالطول على بيوتهم .

2 - أن الأختام أول مابتتحط على الشهادات بتبقى لسه مانشفتش و عشان الشهادات اللى هتطلعها , ما تتلغمطش , خد بالك كويس .

و أنت لو كنت من المنصورة و من كلية الطب , كنت خلصتلك الحوار ده كله بنفسى .
شكرا لذوق حضرت بس انا للاسف هندسه مش طب وكمان قاهره مش المنصوره شكرا ياباشا

[عزيز محمد]

شكرا ياجماعه علي الردود والمساعده بس هو في حاجه
الشهادات اللي هي شهاده مؤقته لازم تروح الجامعه تتختم تاني ولا الاختام اللي عليها كفايه

الإجابة: يجب أن يتم ختم الشهادة بختم وتوقيع أمين الجامعة، وطبعا توقيع العميد وختم الكلية قبل ذلك، وبما إنك جامعة القاهرة فختم أمين الجامعة موجود بالمبني الإداري الذي يقع أمام الجامعة بجوار المدينة الجامعية وكلية الفنون التطبيقية

وزوجتي تطلع بيها علي وزاره الخارجيه علي طول ولا لازم تختمها من الجامعه

الإجابة: لابد من اعتماد أمين الجامعة كما ذكرت، ومن ثم التوجه بعد ذلك لواحد من مكاتب توثيق وزارة الخارجية، ويوجد بالقاهرة 3 مكاتب، واحد أمام نادي المياه بشارع أحمد سعيد بالعباسية، والثاني بمصر الجديدة خلف حديقة الميريلاند، والثالث: بشارع أحمد عرابي بالمهندسين، يمكن الحصول على أرقام تليفونات هذه المكاتب عن طريق الاتصال بالدليل، ورسوم التوثيق العام الماضي كانت فعلا 11 جنيه تقريبا للشهادة الواحدة

وشكرا

[madridy1001]

لو سمحتوا عايز اعرف ايه الخطوات عشان اوثق شهاده تخرجي من السفاره العمانيه في مصر...وهل في مكتب بيخلص الاجراءات من السفاره العمانيه ولا بروح انا اخلصها ؟