ياريت اعرف رأي الاخوة الاعضاء في الموقف دة....!!

[hero]

نظرا لظروف عملي الغير مستقرة ...فليس لي سكن دائم او مؤقت بالقاهرة ..وبناءا علية احتاج من وقت لاخر اني أأجر شقة مفروشة....

لاقيت شقة كويسة وطلبت من اصحابها اني أجرها شهر ورفضوا واصروا علي 3 شهور ...وقدام اصرارهم وضيق الوقت وافقت وتعهدت بالالتزام بالـ 3 شهور.....وصاحب الشقة حط شرط جزائي 5000 جنية علي الطرف ايلي يفسخ العقد..

دفعت شهر مقدم ..وشهرين تامين...ويشاء الله اني اضطر لترك الشقة قبل مرور 3 اسابيع علي الايجار...وكلمت صاحب الشقة اليوم ...وشرحتلة موقفي...واني كان في نيتي اني اكمل الـ 3 شهور..بس ظروف خارجة عن ارادتي ..اضطرتني لترك الشقة...

فوجئت بية بيقولي انة صرف مبلغ التأمين كلة...واني كدة ماليش حاجة عندة....وانة ما معهوش فلوس ...والي اخر الاسطوانات اياها...

عرضت علية اني ادفع نص شهر علاوة علي الاسبوع ايلي باقي في الشهر دة ..واتحمل تكلفة اعلان لمدة اسبوعين ...في الوسيط.....ومش موافق...ومتمسك بان العقد شريعة المتعاقدين..


اية رأيكوا يا جماعة .....هل صاحب الشقة عندة حق...وهل يرضي ربنا اني ادفع ايجار 3 شهور في اقامة 21 يوم...بتكلفة تتجاوز فندق 3 او 4 نجوم....

هي دي الرحمة المتبادلة بين المسلمين في رمضان.....

مش عارف اذا كان ليا حق اصلا ..ولا ماليش....

ياريت اسمع ارائكم ...


تقبلوا تحياتي..

[mohamed_selim]

العقد شريعة المتعاقدين ... ده لو وصلتو لتحكيم او حد يفصل بينكم ... يبقى انت عندك الشقه 3 شهور و ملكش عنده حاجه ...
بالنسبه للتراحم و مراعاة ظروف الغير و كده ده بيبقى حسب الشخص و ده بينه و بين ربنا متقدرش تحاسبه عليه ...

ممكن حضرتك تفكر و تحط نفسك مكانه .. الراجل ممكن تكون عنده ظروف و فعلا صرف الفلوس .. و ممكن يكون مفيش حاجه بس هو شايف ان ده حقه ...

انا شايف ان لو حضرتك تعرف حد ممكن يستغل الشقه فى الشهرين الفاضلين و يديك الايجار يبقى انسب حل

[sherifahmed]

وافقت وتعهدت بالالتزام بالـ 3 شهور

انا شايف ان هو دا الفيصل
حضرتك تعهدت و مضيت على كدا
فى فرق بين الحق و الرحمة
هو الحق معاه

[tareksakr]

انا شايف انك تشوف حد يأجر الشقة مكانك بس انت غلطان مافيش حد بيأجر شقة لمدة شهر وبيدفع تأمين شهرين التأمين في الحالة دي بيبقي نصف شهر فقط