عايز مساعداتكم في شراء موبايل برجاء الرد

[M.ABDEEN]

السلام عليكم ورحمة الله وبركاته ورمضان كريم عليكم جميعا
انا قررت اشتري موبايل كويس واسيب بقى حوار الصيني ومشاكله وذبذباته المسببة للصداع المهم انا محتار دلوقتي
في الاتي
1- نوكيا 5800
2- نوكيا 5530
3- سامسونج فيه شوية موديلات كويسة جدا وخاصة الكوربي بس مش حافظ ارقامهم
المهم السامسونج من تجارب سابقة اجهزته محترمة لكن مشكلتها السوفت وير قليل من حيث التطبيقات زي برامج القواميس والاذان وكمان سعره بيقل جامد عند البيع
نيجي للنوكيا عاجبني قوي 5800 بس تنصحوني اجيبه منين لان الجهاز ده عليه اشكالات من حيث الضمان وانه في منه صيني وفيه لعب في السوفت ويير بتاعه فياريت لو حد عارف اسعاره مؤخرا يقوللي واجيبه من مكان محترم او محل كويس وشكرا لتعاونكم

[bmya]

هاته من اي توكيل نوكيل زي رايا مثلا وبالنسبه لصيني فالنوكيا كله صيني حتي لومكتوب عليه غير كده
الجهاز معايا بقاله داخل على سنتين ووالحمد لله زي الفلل لحد الان ومش عارف اغيره بايه لانه في كلللللللللللللل حاجه
وعلى فكره انا كنت جايبه من بره قبل ما ينزل مصر وكان صيني برده
اه بالنسبه لل 5530 فوكك منهال 580 اعلى منه بمرااااااحل

[gemy215]

بص يا باشا
ال 5800 جهاز زي الفل
انا معايا بقاله فتره وشغال كويس وفيه كل حاجه ممكن تحتاجها وصوت عالي ونقي وبطاريه بتقعد فتره طويله ورزليوشن بتاع الشاشه كويس والجي بي اس كامل فيه ومجاني بعكس معظم موبيلات نوكيا الي بتحتاج تدفع فلوس لها
ممكن تشوف افضل مكان من حيث السعر وانتا هناك في المحل تتصل علي التوكيل وتديلهم السيريال نمبر بتاع الموبيل وهوا هيقلك اذا كان الضمان مظبوط ولا لأ بالذات لانو فيه ناس بتجيب موبيلات بضمان i2 من الخليج ولما تيجي تحتاج تدخله الضمان في مصر ممكن يعملك مشاكل او يدفعك فلوس زياده
بس
وشوف بردو انتا تاني ايه انسب حاجه ليك من حيث السعر والمواصفات وربنا يوفقك

[omaroof]

رغم انى من عشاق السامسونج الا انى معايا n95 وبصراحه جهاز خرافه معايا من 3 سنين بصراحه ممتاز

[devilishtigers]

هو حضرتك لازم الجهاز تاتش.

[M.ABDEEN]

متشكر ليكوا يا جماعة بس برده محديش قاللي انسب مكان اجيب منه منيين ؟؟؟؟؟؟
وبصراحة الواحد نفسه في جهاز تاتش وجهاز محترم فمش عايز اتخم او ادبيس في مستعمل يكون مقلب

[mohamedbook]

متشكر ليكوا يا جماعة بس برده محديش قاللي انسب مكان اجيب منه منيين ؟؟؟؟؟؟
وبصراحة الواحد نفسه في جهاز تاتش وجهاز محترم فمش عايز اتخم او ادبيس في مستعمل يكون مقلب

من موبيل شوب
او من i2
او من اي فيرع من فروع رايا

[M.ABDEEN]

[QUOTE=mohamedbook;3872959115]من موبيل شوب
او من i2
او من اي فيرع من فروع رايا[/QUO
شكرا لييك يا باشا بس سمعت وبالذات موبيل شوب انه اسعاره مبالغ فيها ويعني بيكون اوفر شوية ولا ايه رايك

[mazagngi2010]

من غير كلام كتير هات من الجندى اللى فى الهرم قدام فندق اوروبا
لسه جايب منه نوكيا ومرضيش يمشينى الا لما دخل على ovi واكتف لى اكونت وظبط شويه setting عندى مع حبه upgrade من شريحته هو ومن غير فلوس والبيع بسعر السوق