أروح الشغل ولا لأ ؟؟

[kemo0o]

السلام عليكم

معلش العنوان غريب شوية بس النهاردة اول مرة اتحط في موضع اختيار صعب ولكن انا رافض من البداية بس قولت اقول لكم ...

المهم انا الحمد لله بعد ما عديت ال phone Interview في شركة Multinational رحت عملت انترفيو
مالوش لازمة ذكر اسم الشركة
والميزه كمان ان الوظيفة دي 100% تخصصي
Mechatronics Engineer (Automatin,Process control,Production& Manufacturing Management) roles

ونحمد ربنا عديت الانترفيو اللي كان من اصعب الاختبارات اللي شفتها في حياتي وعملو لي امتحان تخصص في ال major بتاعي ونجحت بنسبة 69% ده حلو جدا جدا جدا

المهم قالولي هنتصل بيك ...................... وحصل فعلا وقالولي ان فترة التدريب والعمل أول سنتين هتكون في اسرئيل

أيوه في اسرائيل وطبعا minimum عشان اتنقل مطلوب اقعد سنتين
وقالولي اجهز الورق وابعته في ظرف اسبوع وبعتولي 3 Application اعبيهم وابعتهلهم

طبعا المبدأ مرفوض .... ومستحيل اروح هنااااااااااك بس هحاول ان شاء الله اكلم ال HR واطلب منهم اذا كان ممكن اغير المكان ولا لأ !!؟؟

بس انا حاسس انهم عملوا كده لان كان فيه سؤال في ال interview

What will you do if you had to stay with Israeli / Indian guy during Training period?

وطبعا العبد لله اجاب انه ماعندهوش مشكلة اصلا وان لا امانع في العمل مع اي حد ولكن في الحياة الشخصية هيكون الوضع مختلف ولكن لن اتحدث عن ماذا سيحدث في الجانب الشخصي لاني اعتقد ان الاجابة لن تهم فريق العمل

ويارتني ماجاوبت كده

مستني رأيكم بس بصرااااااااااااااااااااحة

[heshamzaky]

باشا ممكن زيارة لمنى امن الدولة و ابلاغهم بهذة التطورات و لك مطلق الحرية راغب او راهب

[احمد المصرى]

الوضع مش طبيعى وعلى الاقل لازم حد مسؤل يعرف

[heshamzaky]

باشا لو حضرتك قدمت الابليكشن كدة كدة الورق حا يكون وصل رايى الشخصى أعملها بجميلة و شياكة من ناحيتك و تقدم بالمبادرة الاستقبال لن يكون سيىء لو انت من بنها قريب من مبنى المحافظة حى السفارات

[maka]

هو بصراحة الشغل عزيز اليومين دول

بس هى الشركة وقفت عليهم المصرى اللى هيوده اسرائيل و خصوصا و هما عرفين الحساسيات الى بين الشعب المصرى و اسرائيل

انا بصراحة مش قادر اديك رد قاطع بس اقدر اقولك ان غربتك فى اسرائيل هتبقى اصعب غربة فى الدنيا كلها و العين هتبقى عليك طبعا

غير ان اهلك هنا هيكون قلقهم اكتر 1000 مرة من اى بلد تانية

حاول معهم الاول انك تروح بلد تانية وربنا يكرم

او تروح امن الدولة زى استاذ هشام قال

و لو كل ده منفعش استعوض ربنا و ربنا يكرمك بالاحسن منها

[Mostafa.Mahran]

انا لو مكانك مش رايح

لانك لو رحت هتجيب وجع الدماغ ليك و لاهلك

[heshamzaky]

حا اسهاها لحضرتك انت اساسا حا تخرج من مصر ازاى بوثيقة و لا حا يتختم باسبورك دخول و خروج

[محمد محمد]

هي دي شركة اورانج؟ من رأيي التبليغ لأمن الدولة مافيش منه فايدة لأن الدولة ليها سفير في اسرائيل ....فاهمني....وكبر دماغك من الشركة دي انت لسة في بداية حياتك.

[heshamzaky]

هي دي شركة اورانج؟ من رأيي التبليغ لأمن الدولة مافيش منه فايدة لأن الدولة ليها سفير في اسرائيل ....فاهمني.

يا باشا ما هو كدة كدة الابليكشن دى حا تتعرف هو مش حا يبلغ عن شيىء مخفى بس لابداء حسن النية من طرفة هو و لو سافر سيظل قيد المتابعة

[محمد محمد]

يا باشا ما هو كدة كدة الابليكشن دى حا تتعرف هو مش حا يبلغ عن شيىء مخفى بس لابداء حسن النية من طرفة هو و لو سافر سيظل قيد المتابعة

امن دولة....حسن نية.....الكلمتين دول ميجتمعوش في مكان واحد.

[heshamzaky]

يبقى يكبر دماغة و يبعد عن وجع الدماغ و يغني لة

[heshamzaky]

الاخ الزميل صاحب الموضوع بص حضرتك احب اقولك انك لو حتى وافقت للعمل مش حا تعرف تخرج من مصر و لسرفك لمثل هذة الدول يتطلب ذلك موافقات أمنية و لو حضرتك حا تسافر ترانزيت عن طريق بلد اخرى سيتم أيقافك فى المطار و يتم ألغاء سفرك حتى لو كنت رايح تركيا سياحة و سيتم أبلاغك بمراجعة ظابط الاتصال بالمجمع

[medo_2060]

انا من رأى بلاش لانك هتحط نفسك فى مشاكل انت فى غنى عنها... بس لو هتقدر تقول اسم الشركه ياريت تقولها
وكل سنه وانت طيب

[ahmadyusuf]

اكيد لو مكانك مش حروح , و حستوعض ربنا فى الشغل و ربنا يكرمك فى شغل تانى ان شاء الله
المساله مش مساله مشاكل حتحصل او قلق من اهلك او او او
المساله مساله مبدأ , احنا اصلا المفروض منعترفش ان فى حاجه اسمها اسرائيل , فى حاجه اسمها فلسطين المحتله و ربنا يوفقك

[أحمد كمال]

المساله مش مساله مشاكل حتحصل او قلق من اهلك او او او

بالظبط و هو ده خلاصة الكلام