مطلوب نصيحة للادخار الحلال

[miram]

السلام عليكم ورحمه الله وبركاته.........أول شئ الناس اللى بعتت رسايل على الخاص بتعرض على بعض الخدمات بشكركم جدا وربنا يجعله فى ميزان حسناتكم إن شاء الله .........
ثانيا معلش لو كنت بقيت ضيف ثقيل لكثره طلباتى بس أستحملونى عشان مش عندى حد أقوله على الحاجات اللى مش بعرف أعمله أصل حمو مش كان بيعرفنى بحد فى المنيا........ثالثا أنا روحت البنك عشان أعمل دفتر توفير بأسم مريم معرفش من الزحمه ولما أقدرت أوصل لموظف عادى يعنى فى البنك بسأله أيه النظام عرفت أن الفلوس اللى أى فلوس هعملها إداع بعد فتره هتزيد .........هل الكلام دا صحيح .ولو صح أعمل أيه عشان مش تزيد لانى مش عايزه ادخل فى الريبا أخاف أصرف الفلوس على مريم يحصلها حاجه وانتم عارفين مش عندى ولا لى غيرها ..........طيب اعمل أيه,فبعد أذنكم لو حد فيكم بيشتغل فى بنك يشوفلى الموضوع دا صح ولا غلط وكمان قالى الموظف لازم أعمل أداع فى بدايه فتح الحساب ب1000ج ,معرفش ليه يعنى ,لو حد يعرف يستثنا لى الشرط دا ودى يعنى يبقى مرسى له دا بعد طبعا مايعرف ان القرش اللى هحطه يكون زاى ماهو الخمسه خمسه والعشره عشره ,لو فى حاجه زاى كدا فى القاهره يبقى حد منكم هيخدمنى فى الموضوع دا ويفتحلى الحساب ويبعتلى الرقم ....أنا والله العظيم بكتبلكم ومكسوفه منكم جدا ...مش عارفه أقول أيه يعنى ربنا يقدرنى على رد خدمتكم بس أنا هشوفكم فين عشان أقدر أخدمكم ولذلك لاأملك غير أنى أقول يارب يكرمكم ببركه هذا الشهر الكريم ولا احد منكم يتوجع فى عزيز له...........نفسى احط صوره حمو فى التوقيع بتاعى بس مش عارفه

[احمد المصرى]

بنك فيصل الاسلامى كل تعاملاته اسلاميه وممكن تعملى وديعه بالمبلغ كله والفوائد بتاعته متغيره علشان تخرج فى صوره شرعيه بس احيانا بتكون فوائده قليله علشان بيتعانل بطريقه اسلاميه واعتقد ان دا حلال والله اعلم




وبرضوا هسالك وهرد عليكى

[miram]

لالا انا مش عايزه فوايد خالص

[A.Saad]

التعامل فى البنوك والبريد نوعين
نوع فيه الفائدة ثابتة وده اللى فيه شبهة ربا

نوع فيه الفائدة متغيرة يعنى مش بتكون ثابتة
بتكون حسب ما البنك كسب او خسر فى المشاريع اللى بيدخلها
هنا فيه نوعين
بنوك اسلامية تماما
فروع اسلامية لبنوك عادية يعنى مثلا فرع معاملات اسلامية لبنك ...........
ودى انا بشك فى حقيقة التزامها بالتعامل السليم

انتى تقدرى زى ما الاخوة قالوا انك تتعاملى فى بنوك اسلامية والفائدة اللى بتجيلك بتكون حلال
ولو مش عايزة فايدة خالص قدامك طريقين
ممكن تاخدى الفائدة تتبرعى بيها لله
او تطلبى ان التعامل بيكون بدون فوائد وده اعرف انه فى دفتر توفير البريد

[ashrafsadany]

بنك فيصل الاسلامى كل تعاملاته اسلاميه وممكن تعملى وديعه بالمبلغ كله والفوائد بتاعته متغيره علشان تخرج فى صوره شرعيه بس احيانا بتكون فوائده قليله علشان بيتعانل بطريقه اسلاميه واعتقد ان دا حلال والله اعلم



+++++1111111111
يا اختى الكريمه بنك فيصل اكثر علمائنا الافاضل والى نحسبهم على خير اكدو ان بنك فيصل من افضل البنوك الاسلاميه ومعاملاته حلال ان شاء الله واذكر منهم د(جمال المركبى ) وقال حرفيآ ان راح راجه معاملاتهم بنفسه
د(محمد عبد المقصود ) من كبار الفقهاء بشهاده العلماء الثقات (الشيخ مصطفى العدوى ) جزاهم الله خير الجزاء عنا وعن الامه وغيرهم من العلماء فلماذا تحرمى ابنتك من الانتفاع بالارباح وهيا فى اشد الحاجه لها فى ظروف دنيانا المعاصره ربنا يباركلك فيها ويحفظهالك دنيا واخره ان شاء الله

[MoHaMed HaMeD]

ربنا يوفقك لما فيه الخير

[mrwho1982]

بنك فيصل ممتاز وعن تعامل لمدة 10 سنين

اتوكلي علي الله بس ماتنسيش تصلي استخارة وان شاء الله ربنا هايكرمك

[الغزالى]

ريحى نفسك وحطيهم فى البوسطة,,, كل الناس دلوقتى بئت تعمل كدة
هيا فيها فوائد بس افتكر انها حلال مش حرام

[Khaled_Nowaihy]

طالما مش عاوزة فوايد يبقى مالهوش لازمة البنك
اشترى دهب احسن ... وقيمته حاتزيد مع الوقت

[Ahmed A Rahman]

بنك فيصل الاسلامى كل تعاملاته اسلاميه وممكن تعملى وديعه بالمبلغ كله والفوائد بتاعته متغيره علشان تخرج فى صوره شرعيه بس احيانا بتكون فوائده قليله علشان بيتعانل بطريقه اسلاميه واعتقد ان دا حلال والله اعلم




وبرضوا هسالك وهرد عليكى

تمام الكلام ده

[miram]

مش اقصدى نحرم نفسنا من الفوايد ........انا بس بخاف بعيد عنكم انا اصل بقيت اخافمن كل حاجه ...........طيب هو بنك فيصل دا فى مصر طبعا لو هسأل على فروعه فلى المنيا ممكن ولا مش ليه فروع.............هو ممكن فكره الدهب بس لو انا موت فى اى وقت مين هيعطى لها الدهب .....ميزه البنك ان دا هيكون بأسمه لحد ماتكمل 21سنه ساعتها هى تتعامل

[الغزالى]

مش اقصدى نحرم نفسنا من الفوايد ........انا بس بخاف بعيد عنكم انا اصل بقيت اخافمن كل حاجه ...........طيب هو بنك فيصل دا فى مصر طبعا لو هسأل على فروعه فلى المنيا ممكن ولا مش ليه فروع.............هو ممكن فكره الدهب بس لو انا موت فى اى وقت مين هيعطى لها الدهب .....ميزه البنك ان دا هيكون بأسمه لحد ماتكمل 21سنه ساعتها هى تتعامل

طيب لو كدة يبئى ادامك حل من 2 يأما بنك فيصل يا اما البوسطة
وفى الى موجود واقربلك اية فى المنيا
-----------

[mahmoudysf]

بنك فيصل الاسلامى كل تعاملاته اسلاميه وممكن تعملى وديعه بالمبلغ كله والفوائد بتاعته متغيره علشان تخرج فى صوره شرعيه بس احيانا بتكون فوائده قليله علشان بيتعانل بطريقه اسلاميه واعتقد ان دا حلال والله اعلم




وبرضوا هسالك وهرد عليكى

معلش استفسار بسيط
هو لازم الفوائد بتاعته تبقى قليلة عشان تبقى اسلامية
يعنى ما ينفعش الاستثمار بالطرق الاسلامية يكسب كويس
وفوايدة تبقى اكتر من البنوك المرابية
وهل معن كدة ان الناس دى بتربط الطرق الاسلامية فى الاسثمار بالخسارة والافوائد القليلة
سؤال محتاج نفكر فيه

[magyver]

معلش استفسار بسيط
هو لازم الفوائد بتاعته تبقى قليلة عشان تبقى اسلامية
يعنى ما ينفعش الاستثمار بالطرق الاسلامية يكسب كويس
وفوايدة تبقى اكتر من البنوك المرابية
وهل معن كدة ان الناس دى بتربط الطرق الاسلامية فى الاسثمار بالخسارة والافوائد القليلة
سؤال محتاج نفكر فيه

معني كلام حضرتك
ان البنوك الاسلامية زيها زيها البنوك العاديية
انا رايم يام مريم تحطيهم في البوسطة لعدم الشك
او حطيهم في بنك عادي وطلعي الفوايد صدقة

[miram]

سيدى الفاضل أن الله طيب لايقبل إلاطيب ....الفوايد والله أعلم بتيجى منين مش منالناس اللى بتسحب قروض واللى أعرفه أن القروض فيها ريبا واللى بيتعامل بيه ........يستعد لحرب من الله ورسوله .........هو انا عرفت كدا هل ياترى يحتمل هذا الكلام الخطأالله اعلم