لخبراء المنتدي من الرجال p: >>> ايه احلى هدية جاتلك ؟؟؟؟

[Noha.M]

السلام عليكم و رحمة الله و بركاته ,,,

انا المرة دي مش عايزة خبراء في العربيات :D عايزة خبراء في الهدايا

اكيد في كتير هنا متجوزين و خاطبين كمان و انا محتارة و واقعة في المشكلة الدائمة بتاعة اجيب ايه هدية لخطيبي

المشكلة انه خلاص جاله اكتفاء ذاتي من ال perfumes و انا كمان حاسة الموضوع بوخ

فيا ريت تشاركوني و تقولولي ايه احلى هدية جاتلكو و ايه اكتر حاجة بتحب مراتك او خطيبتك تجيبهالك ؟؟؟:)

[modux]

ممكن ساعة حلوة
محفظة
نضارة شمس ( بس مش كل النا سبتلبسها خصوصا لو لابس نضارة )
ميدالية جميلة

كده الرجالة ما اكتر حاجتهم

[elrasy]

الرجالة مش عاطفيين اوى زى البنات

هاتى حاجة مادية يستعملها فى حياتة اليومية زى (موبيل & كرافت & ساعة),,, انتى ادرى بيحب اية اكتر..

بالنسبالى احلى هدية جاتلى كانت لوحة جميلة رسمتها بنفسها;)

[aif]

شوفي اهتماماته ايه يعني لو غاوي كمبيوتر ممكن تجيبيله فلاشة شديدة .. ممكن موبايل أو ما يتعلق به ..سماعة بلوتوث .. كاركيت
ممكت تجيبيله mp3 او 4 او 5 انا مش عارف وصلو لكام دلوقت
الميدالية بتاعة الجيش السوسري اللي فيها حاجات كتير لو له اهتمامات هندسية او غاوي اصلاحات ممكن تي شيرت شيك او قميص او بدلة حسب الميزانية
لو كل دة ما نفعش ... يبقي اديله حقه ناشف ووفري علي نفسك الحيرة :D

[Hisham_ElFeky]

انا من الناس اللي لفة الهدية بتبقي عندي اهم من الهدية

اما الهدية بتفرق بين كل شخص بس لو حاجة للعربية او حاجة سينيه (نضاره شمس - ساعة -
دبله جديده (دي من أجمل الهدايا اللي جاتلي وكان عليها جملة محفورة من الداخل)

واهم حاجة المفاجأة

[Noha.M]

ممكن ساعة حلوة
محفظة
نضارة شمس ( بس مش كل النا سبتلبسها خصوصا لو لابس نضارة )
ميدالية جميلة

كده الرجالة ما اكتر حاجتهم

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI

[Noha.M]

انا من الناس اللي لفة الهدية بتبقي عندي اهم من الهدية

اما الهدية بتفرق بين كل شخص بس لو حاجة للعربية او حاجة سينيه (نضاره شمس - ساعة -
دبله جديده (دي من أجمل الهدايا اللي جاتلي وكان عليها جملة محفورة من الداخل)

واهم حاجة المفاجأة

ما انا فالحة بس في الافتكاسات بتاعة اللفة دي و بدفع فيها أد تمن الهدية .. و برضه PERFUME:D:D:D:D

[Noha.M]

لو كل دة ما نفعش ... يبقي اديله حقه ناشف ووفري علي نفسك الحيرة :D

مش كدة برضه انا بحب موضوع حقي ناشف دة:D

[Noha.M]

الرجالة مش عاطفيين اوى زى البنات

هاتى حاجة مادية يستعملها فى حياتة اليومية زى (موبيل & كرافت & ساعة),,, انتى ادرى بيحب اية اكتر..

بالنسبالى احلى هدية جاتلى كانت لوحة جميلة رسمتها بنفسها;)

ايوه صح هو حتى قالى اهم حاجة مضمون الهدية:D

[emadkamel]

نا من محبى الكرافتات واللى الذ اطقم الزراير والدبوس لو سينيه ممكن كمان يبقى معاهم دبل كاف كده يبقى تمام وتقعدى تشحتى باقى الشهر :) :)

[دموع الثلج]

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI

يا اونا طالما الميزانيه عاليه يبقى عليكى وعلى بى ام دبليووووووو وتكون زيرووو وتلفيها لفه كويسه اهم حاجه اللفه دى :D:D:D:D


على فكره الستات الارشانات بيقولوا لو عودتيه على الهدايا هيتمرع عليكى خليكى واعيه يختى نفضيه اول باوووول:p:p:p:p

[Xpert]

طقم شراب ابو صباع من اللي احنا مقاطعينهم في التوبيك التاني هههه
ممكن طقم جنط هديه .. كاوتش مقاس عريض .. فوانيس ليدات ..طقم زينون اصلي .. هههه
لاء بجد .. ممكن كاسيت او سماعات .. دباديب اللي بتتحط في العربيه .. كرافاته كلاسيك .. انتي الادري بشخصيه خطيبك .. صوابعك مش زي بعضها ;)

[cpt_shawky]

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI

مرسيدس B-Class ;)

[Karim_Monir]

نهى ممكن سؤال صريح ومباشر اصلي بحب الافتكاسات
خطيبك سنه كام وبيشتغل ايه
والميزانية كام بدون احراج
او ممكن تبعتب على الخاص لو محرجة
هيا فعلا الحاجات العملية للرجال بتبقى افضل بكتير من الحاجات الرومانسية او الرمزية
بس الافتكاسات بتبقى حلوة برضه
وانا ليا افتكاسات جامدة برضه

[Noha.M]

نا من محبى الكرافتات واللى الذ اطقم الزراير والدبوس لو سينيه ممكن كمان يبقى معاهم دبل كاف كده يبقى تمام وتقعدى تشحتى باقى الشهر :) :)

انا بشحت كدة كدة من غير ماجيب حاجة يا عما د:D:D

بس هو فعلا الراجل لا مؤاخذة بيتمرع لما اجيبله هدية ؟؟؟:p:p