استفسار عن الفردوس اللى فى اكتوبر

[mazagngi2010]

هانت ياجدعان وقدامى 10 ايام واسيب بولاق وبفكر انقل فى اكتوبر بس الاسعار هلاميه
ولاقيت شقق ايجار فى الفردوس اللى قدام هيلتون دريم وجنب حى الاشجار عند حته اسمها مساكن الظباط
وسعرها متهاود وتشطيب تمام على كلام السمسار كنت عايز اعرف رايكم فيها كمنطقه للسكن هاديه وكويسه ولا شعبيه وهتقرف ال1 ياريت اللى يعرف عنها حاجه ميبخلش قبل ماادبس فيها
مكانها

http://wikimapia.org/#lat=29.9545627&lon=31.0532427&z=14&l=0&m=s&v=9

وياريت تردوا على استفسارى مره من نفسى

[hesham_tawfiq]

لاياباشا متقلقش
الفردوس هاديه جدا ونضيفه وامان وفيها كل اللى هتحتاجه
اختى ساكنه هناك وعارف المنطقه كويس

[mazagngi2010]

لاياباشا متقلقش
الفردوس هاديه جدا ونضيفه وامان وفيها كل اللى هتحتاجه
اختى ساكنه هناك وعارف المنطقه كويس

شكرا ياباشا الله يطمنك

[mana_81]

المكان كويس وجميل بس المشكلة الوحيده انه قريب اوي من محطات الكهرباء والتوزيع

[mazagngi2010]

من الاول حاسس ان فيه ان
يتهيالى مالهاش ضرر جامد لو انت بعيد عنها شويه

[omarsami2009]

حضرتك انا فى مدرسة الفردوس اللى بعد المسجد اللى فى المدينه
و المدينه هاديه و كويسه فى المجمل و و كمان امان و حتلاقى مدرسه تجريبى هناك لو عايز يبقى ولاد حضرتك فى مدرسه قريبه

[hesham_tawfiq]

مدينة الفردوس اساسا مبنيه لضباط الشرطه يعنى هتلائى فيها ظباط وأمن بالعبيط

[mohamedbook]

من الاول حاسس ان فيه ان
يتهيالى مالهاش ضرر جامد لو انت بعيد عنها شويه

اقل حاجة تبعد عنها 500 م عشان
القرب من كبلات الضغط العالي بتجيب لوكميا (سرطان الدم يعني) تكون بعيد عنها مش جمبها
ياريت تقول اسعار الايجارات هناك كام عشان انا عايز ااجر شقة في نقس المكان لانه قريب من وسط البلد ممكن تراسلني علي الخاص عشان اعرف الاسعار وجزاك الله خيرا

[heshaaam]

بص الفردوس تمام وفل لكن فى مساكن قدام الفندق دى لا

[ezzatfox]

هى حلوة و هادية و امان و مستواها كويس .. بس مساحة الشقق صغيرة عشان كدة رخيصة نسبيا .. دة غير ان المرحلة التانية مش عمارات منفصلة .. لا مبنى كبير جدا لية مدخل واحد او مدخلين و تلاقى الدور الواحد فية حوالى 40 شقة تقريبا و ممكن اكتر و مفيش اسانسير و عشان تطلع الدور الخامس هناك لازم تكون حاصل على الحزام الاسود او اختراق ضاحية .

[mazagngi2010]

مدينة الفردوس اساسا مبنيه لضباط الشرطه يعنى هتلائى فيها ظباط وأمن بالعبيط

انا بصراحه مش شايف انها حاجه حلوه و تطمن ال1 فى ظل الحب العميق بيننا وبينهم وعلى راى المثل من جاور السعيد يسعد

اقل حاجة تبعد عنها 500 م عشان
القرب من كبلات الضغط العالي بتجيب لوكميا (سرطان الدم يعني) تكون بعيد عنها مش جمبها
ياريت تقول اسعار الايجارات هناك كام عشان انا عايز ااجر شقة في نقس المكان لانه قريب من وسط البلد ممكن تراسلني علي الخاص عشان اعرف الاسعار وجزاك الله خيرا

مش ناقصه شغل فى ابراج محمول وكمان سكن جنب ضغط عالى وان شاء الله هنزل واخد لفه هناك وهعرفك بالاسعار والتشطيب بس لما كلمت الراجل قاللى 350 خامس تشطيب سوبر لوكس و400 متكرر وانا شاكك ان دى اللى جنب الضغط العالى عموما كده كده هروح وابقى اجيبلك الخلاصه

بص الفردوس تمام وفل لكن فى مساكن قدام الفندق دى لا

شكرا للتنبيه ياباشا

حضرتك انا فى مدرسة الفردوس اللى بعد المسجد اللى فى المدينه
و المدينه هاديه و كويسه فى المجمل و و كمان امان و حتلاقى مدرسه تجريبى هناك لو عايز يبقى ولاد حضرتك فى مدرسه قريبه

لما اتجوز الاول وان شاء الله نبقى جيران

هى حلوة و هادية و امان و مستواها كويس .. بس مساحة الشقق صغيرة عشان كدة رخيصة نسبيا .. دة غير ان المرحلة التانية مش عمارات منفصلة .. لا مبنى كبير جدا لية مدخل واحد او مدخلين و تلاقى الدور الواحد فية حوالى 40 شقة تقريبا و ممكن اكتر و مفيش اسانسير و عشان تطلع الدور الخامس هناك لازم تكون حاصل على الحزام الاسود او اختراق ضاحية .

وليه الغبا ده!!!!!!!!!!! ربنا يستر ومتكونش دى اللى الراجل قاللى عليها


شكرا لاهتمامكم ياجدعان

[mr_sameh]

انا رحتها هي جميله وكويسه بس انا سئلت علي الايجارات كانت 800جنيه حد ادني شقه مساحة 105 متر

[minz]

صباح الخير لو محتاج تعرف تفاصيل اكتر عن المدارس فى مدينة 6 اكتوبر ممكن تعرف من خلال افضل دليل مدارس فى مصر
مدارس و حضانات فى منطقة السادس من أكتوبر - سكولز جايد