حد عنده جاكوزى فى البيت؟

[mrscout]

أنا شغال بشطب فى الشقة دلوقتى ولما روحت السلاب اجيب الحمام لقيته عارض بانيوهات جاكوزى كتير أوى فالصراحة الفكرة لعبت فى دماغى بس طبعاً متردد علشان السعر غالى شويتين بيتراوح من 5000 الى 8000 جنية.

لو حد جربه وعندة ياريت يقولى يستاهل الفلوس دية ولا اصرف نظر وهل فى مشاكل فى الصيانة والتشغيل ياريت حد يفيدنى

[mohamedrabia]

هو مش عندي صراحة بس كنت بفكر فيه ورحت كليوبترا الي في 6 اكتوبر اتصدمت بالاسعار وبالاخص اكشاك الاستحمام اشد كتير من الجاكوزي واسعار حدث ولا حرج لقيت كشك منهم 33000 جنية صراحة من وجهة نظري اي شي لراحة بالانسان تستاهل التجربة احنا مش هنعيش غير مرة لو عندك المقدرة لا تتردد في راحتك واكيد فيه فرق

[احمد المصرى]

اعتقد انها اسعار مبالغ فيها جدااااااااااااااااااااااااااااااااا

[nour3alanour]

مديرتي في شغلي السابق كان عندها واحد في فيلتها في العين السخنة وكان بيجيله مهندس صيانة بصفة دورية يعمله الصيانة اللازمة
وكانت بتشتري محاليل معينة مش عارفة كان ايه لازمتها
هل للمياه اللي بتتحط جواه ولا محاليل ليها علاقة بصيانته نفسه الله أعلم
بس في المجمل الموضوع كان مكلف لكن اكيد طبعا دلع والدلع في البلد دي رفاهية كبيييييرة اوي مش من حق كل الناس :-)

[azmeralda]

بس انا قريت انها بتأثر على اربطة الكلى وفي الذبذبات دى خطورة

[mrscout]

بس انا قريت انها بتأثر على اربطة الكلى وفي الذبذبات دى خطورة

ممكن أعرف المصدر اللى حضرتك قريت منه؟

[azmeralda]

لا مش فاكرة لأنى مببطلش قراية ممكن حضرتك تعمل search

[esam_comm]

جاكوزي !!!!!!!!!!
ربنا يسامحك

[Adham]

انا شفت الجاكوزي الكبير (4 افراد) زي حمام سباحه صغير اكبر من مترين في مترين

و كان تمنة 150 الف بس دة طبا امكانياتة كبيرة جدا

يبقى ابو 5000 الصغير اللي قد البانيو دة معقول جدا و على قد امكانيات اساسية

انا اول مرة اسمع ان حمام جاكوزي يأثر على الكلى او حاجة المفروض انة صحي جدا

اساساً هي الكلى ليها "أربطة"

[mido_soliman]

جاكوزي !!!!!!!!!!
ربنا يسامحك

+111111111111111111 هههههههههههههه

[mrscout]

جاكوزي !!!!!!!!!!
ربنا يسامحك

عندك حق الرفاهية الزيادة ديه مش للناس الى ذى حالاتنا بس الفكرة ان ممكن سعره بعد الخصم يوصل ل 4000 جنية يعنى بتمن موبيل ممكن اى حد يكون ماسكه

[solid_khaled]

جاكوزي إيه بس دنا معنديش دش فالبيت

بص يا باشا كل إلي أعرفهم جابو جاكوزي استخدمه مرة ولا مرتين و شكراً بحس إنه مظاهر

[esam_comm]

[QUOTE=mrscout;3872968153]عندك حق الرفاهية الزيادة ديه مش للناس الى ذى حالاتنا بس الفكرة ان ممكن سعره بعد الخصم يوصل ل 4000 جنية يعنى بتمن موبيل ممكن اى حد يكون ماسكه[

علي فكره انا كنت بهزر واسف لو كان كلامي زعل حضرتك وبجد ايه المانع ان الواحد يشتري اللي هو عايزه احنا هانعيش كام مره

[abogogo]

هو حلو بس لما مايكونش بتاعك يعني تستخدمه في نادي صحي مرة في الاسبوع كمساج انما لما يكون في البيت هتزهق منه... ده غير صيانته الدوريه وحورات كتير .... الدش اللي فيه مساج افضل واوفر منه والله اعلم